Atharva Veda · Chapter 20.77

ā satyo yātu maghavām̐ ṛjīṣī dravantvasya haraya upa naḥ /
tasmā idandhaḥ suṣumā sudakṣamihābhipitvaṃ karate gṛṇānaḥ

ava sya śūrādhvano nānte'smin no adya savane mandadhyai /
śaṃsātyukthamuśaneva vedhāścikituṣe asuryāya manma

kavirna niṇyaṃ vidathāni sādhan vṛṣā yatsekaṃ vipipāno arcāt/
diva itthā jījanatsapta kārūn ahnā ciccakrurvayunā gṛṇantaḥ

svaryadvedi sudṛśīkamarkairmahi jyotī rurucuryaddha vastoḥ /
andhā tamāṃsi dudhitā vicakṣe nṛbhyaścakāra nṛtamo abhiṣṭau

vavakṣa indro amitamṛjiṣyubhe ā paprau rodasī mahitvā /
ataścidasya mahimā vi recyabhi yo viśvā bhuvanā babhūva

viśvāni śakro naryāṇi vidvān apo rireca sakhibhirnikāmaiḥ /
aśmānaṃ cidye bibhidurvacobhirvrajaṃ gomantamuśijo vi vavruḥ

apo vṛtraṃ vavrivāṃsaṃ parāhan prāvatte vajraṃ pṛthivī sacetāḥ /
prārṇāṃsi samudriyāṇyainoḥ patirbhavaṃ chavasā śūra dhṛṣṇo

apo yadadriṃ puruhūta dardarāvirbhuvatsaramā pūrvyaṃ te /
sa no netā vājamā darṣi bhūriṃ gotrā rujann aṅgirobhirgṛṇānaḥ