અથર્વવેદ · અધ્યાય 20.77

આ સત્યો યાતુ મઘવાઁ ઋજીષી દ્રવન્ત્વસ્ય હરય ઉપ નઃ ।
તસ્મા ઇદન્ધઃ સુષુમા સુદક્ષમિહાભિપિત્વં કરતે ગૃણાનઃ

અવ સ્ય શૂરાધ્વનો નાન્તેઽસ્મિન્ નો અદ્ય સવને મન્દધ્યૈ ।
શંસાત્યુક્થમુશનેવ વેધાશ્ચિકિતુષે અસુર્યાય મન્મ

કવિર્ન નિણ્યં વિદથાનિ સાધન્ વૃષા યત્સેકં વિપિપાનો અર્ચાત્।
દિવ ઇત્થા જીજનત્સપ્ત કારૂન્ અહ્ના ચિચ્ચક્રુર્વયુના ગૃણન્તઃ

સ્વર્યદ્વેદિ સુદૃશીકમર્કૈર્મહિ જ્યોતી રુરુચુર્યદ્ધ વસ્તોઃ ।
અન્ધા તમાંસિ દુધિતા વિચક્ષે નૃભ્યશ્ચકાર નૃતમો અભિષ્ટૌ

વવક્ષ ઇન્દ્રો અમિતમૃજિષ્યુભે આ પપ્રૌ રોદસી મહિત્વા ।
અતશ્ચિદસ્ય મહિમા વિ રેચ્યભિ યો વિશ્વા ભુવના બભૂવ

વિશ્વાનિ શક્રો નર્યાણિ વિદ્વાન્ અપો રિરેચ સખિભિર્નિકામૈઃ ।
અશ્માનં ચિદ્યે બિભિદુર્વચોભિર્વ્રજં ગોમન્તમુશિજો વિ વવ્રુઃ

અપો વૃત્રં વવ્રિવાંસં પરાહન્ પ્રાવત્તે વજ્રં પૃથિવી સચેતાઃ ।
પ્રાર્ણાંસિ સમુદ્રિયાણ્યૈનોઃ પતિર્ભવં છવસા શૂર ધૃષ્ણો

અપો યદદ્રિં પુરુહૂત દર્દરાવિર્ભુવત્સરમા પૂર્વ્યં તે ।
સ નો નેતા વાજમા દર્ષિ ભૂરિં ગોત્રા રુજન્ન્ અઙ્ગિરોભિર્ગૃણાનઃ