Scripture Library
Atharva Veda · Chapter 20.72
20.72.1
viśveṣu hi tvā savaneṣu tuñjate samānamekaṃ vṛṣamaṇyavaḥ pṛthaksvaḥ saniṣyavaḥ pṛthak/
taṃ tvā nāvaṃ na parṣaṇiṃ śūṣasya dhuri dhīmahi /
indraṃ na yajñaiścatayanta āyava stomebhirindramāyavaḥ
20.72.2
vi tvā tatasre mithunā avasyavo vrajasya sātā gavyasya niḥsṛjaḥ sakṣanta indra niḥsṛjaḥ /
yadgavyantā dvā janā svaryantā samūhasi /
āviṣkarikradvṛṣaṇaṃ sacābhuvaṃ vajramindra sacābhuvam
20.72.3
uto no asyā uṣaso juṣeta hyarkasya bodhi haviṣo havīmabhiḥ svarṣātā havīmabhiḥ /
yadindra hantave mṛgho vṛṣā vajriṃ ciketasi /
ā me asya vedhaso navīyaso manma śrudhi navīyasaḥ
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0