Atharva Veda · Chapter 20.35

asmā idu pra tavase turāya prayo na harmi stomaṃ māhināya /
ṛcīṣamāyādhrigava ohamindrāya brahmāṇi rātatamā

asmā idu praya iva pra yaṃsi bharāmyāngūṣaṃ bādhe suvṛkti /
indrāya hṛdā manasā manīṣā pratnāya patye dhiyo marjayanta

asmā idu tyamupamaṃ svarṣāṃ bharāmyāṅgūṣamāsyena /
maṃhiṣṭhamachoktibhirmatīnāṃ suvṛktibhiḥ sūriṃ vāvṛdhadhyai

asmā idu stomaṃ saṃ hinomi rathaṃ na taṣṭeva tatsināya /
giraśca girvāhase suvṛktīndrāya viśvaminvaṃ medhirāya

asmā idu saptimiva śravasyendrāyārkaṃ juhvā samañje /
vīraṃ dānaukasaṃ vandadhyai purāṃ gūrtaśravasaṃ darmāṇam

asmā idu tvaṣṭā takṣadvajraṃ svapastamaṃ svaryaṃ raṇāya /
vṛtrasya cidvidadyena marma tujann īśānastujatā kiyedhāḥ

asyedu mātuḥ savaneṣu sadyo mahaḥ pituṃ papivāṃ cārvannā /
muṣāyadviṣṇuḥ pacataṃ sahīyān vidhyadvarāhaṃ tiro adrimastā

asmā idu gnāściddevapatnīrindrāyārkamahihatya ūvuḥ /
pari dyāvāpṛthivī jabhra urvī nāsya te mahimānaṃ pari ṣṭaḥ

asyedeva pra ririce mahitvaṃ divaspṛthivyāḥ paryantarikṣāt/
svarālindro dama ā viśvagūrtaḥ svariramatro vavakṣe raṇāya

asyedeva śavasā śuśantaṃ vi vṛścadvajreṇa vṛtramindraḥ /
gā na vrāṇā avanīramuñcadabhi śravo dāvane sacetāḥ

asyedu tveṣasā ranta sindhavaḥ pari yadvajreṇa sīmayacchat/
īśānakṛddāśuṣe daśasyan turvītaye gādhaṃ turvaṇiḥ kaḥ

asmā idu pra bharā tūtujāno vṛtrāya vajramīśānaḥ kiyedhāḥ /
gorna parva vi radā tiraśceṣyann arṇāṃsyapāṃ caradhyai

asyedu pra brūhi pūrvyāṇi turasya karmāṇi navya ukthaiḥ /
yudhe yadiṣṇāna āyudhānyṛghāyamāṇo niriṇāti śatrūn

asyedu bhiyā girayaśca dṛlhā dyāvā ca bhūmā januṣastujete /
upo venasya joguvāna oṇiṃ sadyo bhuvadvīryāya nodhāḥ

asmā idu tyadanu dāyyeṣāmeko yadvavne bhūrerīśānaḥ /
praitaśaṃ sūrye paspṛdhānaṃ sauvaśvye suṣvimāvadindraḥ

evā te hāriyojanā suvṛktīndra brahmāṇi gotamāso akran /
aiṣu viśvapeśasaṃ dhiyaṃ dhāḥ prātarmakṣū dhiyāvasurjagamyāt