Atharva Veda · Chapter 20.34

yo jāta eva prathamo manasvān devo devān kratunā paryabhūṣat/
yasya śuṣmādrodasī abhyasetāṃ nṛmṇasya mahnā sa janāsa indraḥ

yaḥ pṛthivīṃ vyathamānāmadṛṃhadyaḥ parvatān prakupitāmaramṇāt/
yo antarikṣaṃ vimame varīyo yo dyāmastabhnātsa janāsa indraḥ

yo hatvāhimariṇātsapta sindhūn yo gā udājadapadhā valasya /
yo aśmanorantaragniṃ jajāna saṃvṛksamatsu sa janāsa indraḥ

yenemā viśvā cyavanā kṛtāni yo dāsaṃ varṇamadharaṃ guhākaḥ /
śvaghnīva yo jigīvāṃ lakṣamādadaryaḥ puṣṭāni sa janāsa indraḥ

yaṃ smā pṛcchanti kuha seti ghoramutemāhurnaiṣo astītyenam /
so aryaḥ puṣṭīrvija ivā mināti śradasmai dhatta sa janāsa indraḥ

yo radhrasya coditā yaḥ kṛśasya yo brahmaṇo nādhamānasya kīreḥ /
yuktagrāvṇo yo'vitā suśipraḥ sutasomasya sa janāsa indraḥ

yasyāśvāsaḥ pradiśi yasya gāvo yasya grāmā yasya viśve rathāsaḥ /
yaḥ sūryaṃ ya uṣasaṃ jajāna yo apāṃ netā sa janāsa indraḥ

yaṃ krandasī saṃyatī vihvayete pare'vare ubhayā amitrāḥ /
samānaṃ cidrathamātasthivāṃsā nānā havete sa janāsa indraḥ

yasmān na ṛte vijayante janāso yaṃ yudhyamānā avase havante /
yo viśvasya pratimānaṃ babhūva yo acyutacyutsa janāsa indraḥ

yaḥ śasvato mahyeno dadhānān amanyamānāṃ charvā jaghāna /
yaḥ śardhate nānudadāti śṛdhyāṃ yo dasyorhantā sa janāsa indraḥ

yaḥ śambharaṃ parvateṣu kṣiyantaṃ catvāriṃśyāṃ śaradyanvavindat/
ojāyamānaṃ yo ahiṃ jaghāna dānuṃ śayānaṃ sa janāsa indraḥ

yaḥ śambharaṃ paryataratkasībhiryo'cārukāsnāpibatsutasya /
antargirau yajamānaṃ bahuṃ janaṃ yasminn āmūrchatsa janāsa indraḥ

yaḥ saptaraśmirvṛṣabhastuviṣmān avāsṛjatsartave sapta sindhūn /
yo rauhiṇamasphuradvajrabāhurdyāmārohantaṃ sa janāsa indraḥ

dyāvā cidasmai pṛthivī mamete śuṣmāccidasya parvatā bhayante /
yaḥ somapā nicito vajrabāhuryo vajrahastaḥ sa janāsa indraḥ

yaḥ sunvantamavati yaḥ pacantaṃ yaḥ śaṃsantaṃ yaḥ śaśamānamūtī /
yasya brahma vardhanaṃ yasya somo yasyedaṃ rādhaḥ sa janāsa indraḥ

jāto vyakhyatpitrorupasthe bhuvo na veda janituḥ parasya /
staviṣyamāṇo no yo asmadvratā devānāṃ sa janāsa indraḥ

yaḥ somakāmo haryaśvaḥ sūriryasmādrejante bhuvanāni viśvā /
yo jaghāna śambaraṃ yaśca śuṣṇaṃ ya ekavīraḥ sa janāsa indraḥ

yaḥ sunvate pacate dudhra ā cidvājaṃ dardarṣi sa kilāsi satyaḥ /
vayaṃ ta indra viśvaha priyāsaḥ suvīrāso vidathamā vadema