Atharva Veda · Chapter 20.27

yadindrāhaṃ yathā tvamīśīya vasva eka it/
stotā me goṣakhā syāt

śikṣeyamasmai ditseyaṃ śacīpate manīṣiṇe /
yadahaṃ gopatiḥ syām

dhenuṣṭa indra sūnṛtā yajamānāya sunvate /
gāmaśvaṃ pipyuṣī duhe

na te vartāsti rādhasa indra devo na martyaḥ /
yadditsasi stuto magham

yajña indramavardhayadyadbhūmiṃ vyavartayat/
cakrāṇa opaśaṃ divi

vāvṛdhānasya te vayaṃ viśvā dhanāni jigyuṣaḥ /
ūtimindrā vṛṇīmahe