Atharva Veda · Chapter 20.26

yogeyoge tavastaraṃ vājevāje havāmahe /
sakhāya indramūtaye

ā ghā gamadyadi śravatsahasriṇībhirūtibhiḥ /
vājebhirupa no havam

anu pratnasyaukaso huve tuvipratiṃ naram /
yaṃ te pūrvaṃ pitā huve

yuñjanti bradhnamaruṣaṃ carantaṃ pari tasthuṣaḥ /
rocante rocanā divi

yuñjanti asya kāmyā harī vipakṣasā rathe /
śoṇā dhṛṣṇū nṛvāhasā

ketuṃ kṛṇvann aketave peśo maryā apeśase /
samuṣadbhirajāyathāḥ