Atharva Veda · Chapter 20.135

bhugityabhigataḥ śalityapakrāntaḥ phalityabhiṣṭhitaḥ /
dundubhimāhananābhyāṃ jaritarothāmo daiva

kośabile rajani grantherdhānamupānahi pādam /
uttamāṃ janimāṃ janyānuttamāṃ janīn vartmanyāt

alābūni pṛṣātakānyaśvatthapalāśam /
pipīlikāvataśvaso vidyutsvāparṇaśapho gośapho jaritarothāmo daiva

vīme devā akraṃsatādhvaryo kṣipraṃ pracara /
susatyamidgavāmasyasi prakhudasi

patnī yadṛśyate patnī yakṣyamāṇā jaritarothāmo daiva /
hotā viṣṭīmena jaritarothāmo daiva

ādityā ha jaritaraṅgirobhyo dakṣiṇāmanayan /
tāṃ ha jaritaḥ pratyāyaṃstāmu ha jaritaḥ pratyāyan

tāṃ ha jaritarnaḥ pratyagṛbhṇaṃstāmu ha jaritarnaḥ pratyagṛbhṇaḥ /
ahānetarasaṃ na vi cetanāni yajñān etarasaṃ na purogavāmaḥ

uta śveta āśupatvā uto padyābhiryaviṣṭhaḥ /
utemāśu mānaṃ piparti

ādityā rudrā vasavastvenu ta idaṃ rādhaḥ prati gṛbhṇīhyaṅgiraḥ /
idaṃ rādho vibhu prabhu idaṃ rādho bṛhatpṛthu

० devā dadatvāsuraṃ tadvo astu sucetanam /
yuṣmāmastu divedive pratyeva gṛbhāyat

tvamindra śarmariṇā havyaṃ pārāvatebhyaḥ /
viprāya stuvate vasuvaniṃ duraśravase vaha

tvamindra kapotāya chinnapakṣāya vañcate /
śyāmākaṃ pakvaṃ pīlu ca vārasmā akṛṇorbahuḥ

araṃgaro vāvadīti tredhā baddho varatrayā /
irāmaha praśaṃsatyanirāmapa sedhati