Atharva Veda · Chapter 20.125

apendra prāco maghavann amitrān apāpāco abhibhūte nudasva /
apodīco apa śūrādharāca urau yathā tava śarman madema

kuvidaṅga yavamanto yavaṃ cidyathā dāntyanupūrvaṃ viyūya /
ihehaiṣāṃ kṛṇuhi bhojanāni ye barhiṣo namovṛktiṃ na jagmuḥ

nahi sthūryṛtuthā yātamasti nota śravo vivide saṃgameṣu /
gavyanta indraṃ sakhyāya viprā aśvāyanto vṛṣaṇaṃ vājayantaḥ

yuvaṃ surāmamaśvinā namucāvāsure sacā /
vipipānā śubhaspatī indraṃ karmasvāvatam

putramiva pitarāvaśvinobhendrāvathuḥ kāvyairdaṃsanābhiḥ /
yatsurāmaṃ vyapibaḥ śacībhiḥ sarasvatī tvā maghavann abhiṣṇak

indraḥ sutrāmā svavāmavobhiḥ sumṛḍīko bhavatu viśvavedāḥ /
bādhatāṃ dveṣo abhayaṃ naḥ kṛṇotu suvīryasya patayaḥ syāma

sa sutrāmā svavāmindro asmadārācciddveṣaḥ sanutaryuyotu /
tasya vayaṃ sumatau yajñiyasyāpi bhadre saumanase syāma