Scripture Library
Atharva Veda · Chapter 2.9
2.9.1
daśavṛkṣa muñcemaṃ rakṣaso grāhyā adhi yainaṃ jagrāha parvasu /
atho enaṃ vanaspate jīvānāṃ lokamun naya
2.9.2
āgādudagādayaṃ jīvānāṃ vrātamapyagāt/
abhūdu putrāṇāṃ pitā nṛṇāṃ ca bhagavattamaḥ
2.9.3
adhītīradhyagādayamadhi jīvapurā agān /
śataṃ hyasya bhiṣajaḥ sahasramuta vīrudhaḥ
2.9.4
devāste cītimavidan brahmāṇa uta vīrudhaḥ /
cītiṃ te viśve devā avidan bhūmyāmadhi
2.9.5
yaścakāra sa niṣkaratsa eva subhiṣaktamaḥ /
sa eva tubhyaṃ bheṣajāni kṛṇavadbhiṣajā śuciḥ
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0