અથર્વવેદ · અધ્યાય 2.9

દશવૃક્ષ મુઞ્ચેમં રક્ષસો ગ્રાહ્યા અધિ યૈનં જગ્રાહ પર્વસુ ।
અથો એનં વનસ્પતે જીવાનાં લોકમુન્ નય

આગાદુદગાદયં જીવાનાં વ્રાતમપ્યગાત્।
અભૂદુ પુત્રાણાં પિતા નૃણાં ચ ભગવત્તમઃ

અધીતીરધ્યગાદયમધિ જીવપુરા અગાન્ ।
શતં હ્યસ્ય ભિષજઃ સહસ્રમુત વીરુધઃ

દેવાસ્તે ચીતિમવિદન્ બ્રહ્માણ ઉત વીરુધઃ ।
ચીતિં તે વિશ્વે દેવા અવિદન્ ભૂમ્યામધિ

યશ્ચકાર સ નિષ્કરત્સ એવ સુભિષક્તમઃ ।
સ એવ તુભ્યં ભેષજાનિ કૃણવદ્ભિષજા શુચિઃ