Scripture Library
Atharva Veda · Chapter 19.4
19.4.1
yāmāhutiṃ prathamāmatharvā yā jātā yā havyamakṛṇojjātavedāḥ /
tāṃ ta etāṃ prathamo johavīmi tābhiṣṭupto vahatu havyamagniragnaye svāhā
19.4.2
ākūtiṃ devīṃ subhagāṃ puro dadhe cittasya mātā suhavā no astu /
yāmāśāmemi kevalī sā me astu videyamenāṃ manasi praviṣṭām
19.4.3
ākūtyā no bṛhaspata ākūtyā na upā gahi /
atho bhagasya no dhehyatho naḥ suhavo bhava
19.4.4
bṛhaspatirma ākūtimāṅgirasaḥ prati jānātu vācametām /
yasya devā devatāḥ saṃbabhūvuḥ sa supraṇītāḥ kāmo anvetvasmān
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0