Atharva Veda · Chapter 16.6

ajaiṣmādyāsanāmadyāmūmanāgaso vayam

uṣo yasmādduṣvapnyādabhaiṣmāpa taducchatu

dviṣate tatparā vaha śapate tatparā vaha

yaṃ dviṣmo yaśca no dveṣṭi tasmā enadgamayāmaḥ

uṣā devī vācā saṃvidānā vāgdevyuṣasā saṃvidānā

uṣaspatirvācaspatinā saṃvidāno vācaspatinā saṃvidānaḥ

te'muṣmai parā vahantvarāyān durṇāmnaḥ sadānvāḥ

kumbhīkāḥ dūṣīkāḥ pīyakān

jāgradduṣvapnyaṃ svapneduṣvapnyam

anāgamiṣyato varān avitteḥ saṃkalpān amucyā druhaḥ pāśān

tadamuṣmā agne devāḥ parā vahantu vaghriryathāsadvithuro na sādhuḥ