અથર્વવેદ · અધ્યાય 16.6

અજૈષ્માદ્યાસનામદ્યામૂમનાગસો વયમ્

ઉષો યસ્માદ્દુષ્વપ્ન્યાદભૈષ્માપ તદુચ્છતુ

દ્વિષતે તત્પરા વહ શપતે તત્પરા વહ

યં દ્વિષ્મો યશ્ચ નો દ્વેષ્ટિ તસ્મા એનદ્ગમયામઃ

ઉષા દેવી વાચા સંવિદાના વાગ્દેવ્યુષસા સંવિદાના

ઉષસ્પતિર્વાચસ્પતિના સંવિદાનો વાચસ્પતિના સંવિદાનઃ

તેઽમુષ્મૈ પરા વહન્ત્વરાયાન્ દુર્ણામ્નઃ સદાન્વાઃ

કુમ્ભીકાઃ દૂષીકાઃ પીયકાન્

જાગ્રદ્દુષ્વપ્ન્યં સ્વપ્નેદુષ્વપ્ન્યમ્

અનાગમિષ્યતો વરાન્ અવિત્તેઃ સંકલ્પાન્ અમુચ્યા દ્રુહઃ પાશાન્

તદમુષ્મા અગ્ને દેવાઃ પરા વહન્તુ વઘ્રિર્યથાસદ્વિથુરો ન સાધુઃ