Atharva Veda · Chapter 16

sūktam १
sūktam २
sūktam ३
sūktam ४
sūktam ५
sūktam ६
sūktam ७
sūktam ८
sūktam ९
16.1
atisṛṣṭo apāṃ vṛṣabho'tisṛṣṭā agnayo divyāḥ

rujan parirujan mṛṇan pramṛṇan

mroko manohā khano nirdāha ātmadūṣistanūdūṣiḥ

idaṃ tamati sṛjāmi taṃ mābhyavanikṣi

tena tamabhyatisṛjāmo yo'smān dveṣṭi yaṃ vayaṃ dviṣmaḥ

apāmagramasi samudraṃ vo'bhyavasṛjāmi

yo'psvagnirati taṃ sṛjāmi mrokaṃ khaniṃ tanūdūṣim

yo va āpo'gnirāviveśa sa eṣa yadvo ghoraṃ tadetat

indrasya va indriyeṇābhi ṣiñcet

ariprā āpo apa ripramasmat

prāsmadeno vahantu pra duṣvapnyaṃ vahantu

śivena mā cakṣuṣā paśyatāpaḥ śivayā tanvopa spṛśata tvacaṃ me

śivān agnīn apsuṣado havāmahe mayi kṣatraṃ varca ā dhatta devīḥ

16.2
nirdurarmaṇya ūrjā madhumatī vāk

madhumatī stha madhumatīṃ vācamudeyam

upahūto me gopāḥ upahūto gopīthaḥ

suśrutau karṇau bhadraśrutau karṇau bhadraṃ ślokaṃ śrūyāsam

suśrutiśca mopaśrutiśca mā hāsiṣṭāṃ sauparṇaṃ cakṣurajasraṃ jyotiḥ

ṛṣīṇāṃ prastaro'si namo'stu daivāya prastarāya

16.3
mūrdhāhaṃ rayīṇāṃ mūrdhā samānānāṃ bhūyāsam

rujaśca mā venaśca mā hāsiṣṭāṃ mūrdhā ca mā vidharmā ca mā hāsiṣṭām

urvaśca mā camasaśca mā hāsiṣṭāṃ dhartā ca mā dharuṇaśca mā hāsiṣṭām

vimokaśca mārdrapaviśca mā hāsiṣṭāmārdradānuśca mā mātariśvā ca mā hāsiṣṭām

bṛhaspatirma ātmā nṛmaṇā nāma hṛdyaḥ

asaṃtāpaṃ me hṛdayamurvī gavyūtiḥ samudro asmi vidharmaṇā

16.4
nābhirahaṃ rayīṇāṃ nābhiḥ samānānāṃ bhūyāsam

svāsadasi sūṣā amṛto martyeśvā

mā māṃ prāṇo hāsīn mo apāno'vahāya parā gāt

sūryo māhnaḥ pātvagniḥ pṛthivyā vāyurantarikṣādyamo manuṣyebhyaḥ sarasvatī pārthivebhyaḥ

prāṇāpanau mā mā hāsiṣṭaṃ mā jane pra meṣi

svastyadyoṣaso doṣasaśca sarva āpaḥ sarvagaṇo aśīya

śakvarī stha paśavo mopa stheṣurmitrāvaruṇau me prāṇāpānāvagnirme dakṣaṃ dadhātu

16.5
vidma te svapna janitraṃ grāhyāḥ putro'si yamasya karaṇaḥ /
antako'si mṛtyurasi /
taṃ tvā svapna tathā saṃ vidma sa naḥ svapna duṣvapnyātpāhi

vidma te svapna janitraṃ nirṛtyāḥ putro'si yamasya karaṇaḥ /
antako'si mṛtyurasi /
taṃ tvā svapna tathā saṃ vidma sa naḥ svapna duṣvapnyātpāhi

vidma te svapna janitramabhūtyāḥ putro'si yamasya karaṇaḥ /
antako'si mṛtyurasi /
taṃ tvā svapna tathā saṃ vidma sa naḥ svapna duṣvapnyātpāhi

vidma te svapna janitraṃ nirbhūtyāḥ putro'si yamasya karaṇaḥ /
antako'si mṛtyurasi /
taṃ tvā svapna tathā saṃ vidma sa naḥ svapna duṣvapnyātpāhi

vidma te svapna janitraṃ parābhūtyāḥ putro'si yamasya karaṇaḥ /
antako'si mṛtyurasi /
taṃ tvā svapna tathā saṃ vidma sa naḥ svapna duṣvapnyātpāhi

vidma te svapna janitraṃ devajāmīnāṃ putro'si yamasya karaṇaḥ /
antako'si mṛtyurasi /
taṃ tvā svapna tathā saṃ vidma sa naḥ svapna duṣvapnyātpāhi

16.6
ajaiṣmādyāsanāmadyāmūmanāgaso vayam

uṣo yasmādduṣvapnyādabhaiṣmāpa taducchatu

dviṣate tatparā vaha śapate tatparā vaha

yaṃ dviṣmo yaśca no dveṣṭi tasmā enadgamayāmaḥ

uṣā devī vācā saṃvidānā vāgdevyuṣasā saṃvidānā

uṣaspatirvācaspatinā saṃvidāno vācaspatinā saṃvidānaḥ

te'muṣmai parā vahantvarāyān durṇāmnaḥ sadānvāḥ

kumbhīkāḥ dūṣīkāḥ pīyakān

jāgradduṣvapnyaṃ svapneduṣvapnyam

anāgamiṣyato varān avitteḥ saṃkalpān amucyā druhaḥ pāśān

tadamuṣmā agne devāḥ parā vahantu vaghriryathāsadvithuro na sādhuḥ

16.7
tenainaṃ vidhyāmyabhūtyainaṃ vidhyāmi nirbhūtyainaṃ vidhyāmi parābhūtyainaṃ vidhyāmi grāhyainaṃ vidhyāmi tamasainaṃ vidhyāmi

devānāmenaṃ ghoraiḥ krūraiḥ praiṣairabhipreṣyāmi

vaiśvānarasyainaṃ daṃṣṭrayorapi dadhāmi

evānevāva sā garat

yo'smān dveṣṭi tamātmā dveṣṭu yaṃ vayaṃ dviṣmaḥ sa ātmānaṃ dveṣṭu

nirdviṣantaṃ divo niḥ pṛthivyā nirantarikṣādbhajāma

suyāmaṃścākṣuṣa

idamahamāmuṣyāyaṇe'muṣyāḥ putre duṣvapnyaṃ mṛje

yadadoado abhyagachaṃ yaddoṣā yatpūrvāṃ rātrim

yajjāgradyatsupto yaddivā yan naktam

yadaharaharabhigachāmi tasmādenamava daye

taṃ jahi tena mandasva tasya pṛṣṭīrapi śṛṇīhi

sa mā jīvīttaṃ prāṇo jahātu

16.8
jitamasmākamudbhinnamasmākamṛtamasmākaṃ tejasasmākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa nirṛtyāḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
so'bhūtyāḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa nirbhūtyāḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa parābhūtyāḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa devajāmīnāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa bṛhaspateḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa prajāpateḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa ṛṣīṇāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa ārṣeyāṇāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
so'ṅgirasāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa āṅgirasānāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
so'tharvaṇāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa ātharvaṇānāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa vanaspatīṇāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa vānaspatyānāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa ṛtūnāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa ārtavānāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa māsānāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
so'rdhamāsānāṃ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
so'horātrayoḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
so'hnoḥ saṃyatoḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa dyāvāpṛthivyoḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa indrāgnyoḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa mitrāvaruṇayoḥ pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam /
tasmādamuṃ nirbhajāmo'mumāmuṣyāyaṇamamuṣyāḥ putramasau yaḥ /
sa rājño varuṇasya pāśān mā moci

jitamasmākamudbhinnamasmākamṛtamasmākaṃ tejo'smākaṃ brahmāsmākaṃ svarasmākaṃ yajño'smākaṃ paśavo'smākaṃ prajā asmākaṃ vīrā asmākam

16.9
jitamasmākamudbhinnamasmākamabhyaṣṭhāṃ viśvāḥ pṛtanā arātīḥ

tadagnirāha tadu soma āha pūṣā mā dhātsukṛtasya loke

aganma svaḥ svaraganma saṃ sūryasya jyotiṣāganma

vasyobhūyāya vasumān yajño vasu vaṃsiṣīya vasumān bhūyāsaṃ vasu mayi dhehi