āryāsāhasrī · Chapter 1

atisukhini sundarāṅgi śritajanamandāravallari śyāme /
bhārati kamalajajāye vidyāṃ buddhiṃ samujjvalāṃ diśa me

asadaśasampadbharite śubhagururājatvakīrtibodhamayi /
śrīmātarakhilamātaḥ stotāraṃ māṃ punīhi he lalite

akhilajanamodahetordevīśvari he śive mahārājñi /
māyāprakaṭitarūpe rūpatrayabhāvite namo lalite

atigurumahimāpūrṇe rājñāṃ sāmrājyadāyinī tvamasi /
gatimatidātri namaste nādaśrīrnādakovide pāhi

amatāṃśumaulijāye ! hemāsanasusthitā mahākalpā /
sukhini sukhāspadadhāmni praṇamantaṃ tvāṃ sadaiva māṃ pāhi

amalakaracitkalāñcajyotirmukhyāṅkurāt samudbhūte /
bhūrimahimnā bharite devi surānandadātri māṃ pāhi

asuragaṇamakhilamaniśaṃ hantuṃ jātāsi devakāryārtham /
ahamiti dhīrūpāgneḥ kaṇḍādbrahmāṇḍajanani māṃ pāhi

ayutādhikaravidīpte pūrvāmbudhiśailatuṅgaśikharāgre /
udyadbhānusahasraprabhayā vibhrājite namo lalite

akhilāmarajanayitrī suguṇaiḥ svaireva śobhitaṃ lalitam /
pāśaṃ dadhāsi yā tvaṃ sā tvaṃ māmamba pālayeraniśam

ayi paruṣapāśahaste puṇḍrāṅkuśarājamānakarakamale /
puruṣārthadāyipāṇe bhārati vāgdevate namo lalite

atisukhadarūpamaniśaṃ dadhatī hasteṅkuśaṃ sadā mahasā /
vibhrājamānamūrte lalite māmamba santataṃ pāhi

amalajñānākāre mānasarūpekṣudaṇḍakodaṇḍe /
granthiṣu dhṛtaṣaṭcakre lalite māmamba sādaraṃ pāhi

abhinavacampakasumasamanāsādaṇḍebhirāmamukhakamale /
śubhakari karuṇāmūrte mātarlalite namostu te satatam

aruṇarucipūramajjadbrahmāṇḍākhaṇḍamaṇḍalollasite /
karuṇāmasṛṇāpāṅge mātarmāṃ pāhi santataṃ lalite

ayi nīlakeśapāśe cāmpeyāśokalalitapunnāgaiḥ /
saugandhikena racitaṃ mālyaṃ dadhatīṃ namāmi devi tvām

atirucirapadmarāgapratyuptasvarṇaracitakeyūre /
darahāsabhūṣitāsye  mātarmāṃ devi santataṃ pāhi

atisurabhimagamadāñcat‌phāle koṭīramañjulābharaṇe /
duṣṭasurārivadhāya vyāpatanānāvidhāyudhe śive pāhi

amalatarasundarānanamandiramāṅgalyatoraṇabhṛkuṭi /
subhrūgaṇaparivāre dhīre māṃ pāhi santataṃ lalite

atidurbharatarajaghane  daralīlāsaktamīnarucirākṣi /
ayi sundarāṅgi mātarmātastvāṃ cintaye sadā hadaye

amalataratārakālijyotirnyakkārināsikābharaṇe /
kumudavanabandhuvadane guṇavati māṃ pāhi te namo lalite

asurakambakadambaprasavasukarṇāvataṃsavat‌karṇe /
kamalāpatisahajāte jāte prītā bhavāmba mayi lalite

amalatararucimahojvalatāṅkībhūtaraviśaśaṅkayute /
amarakulasevitāṅghre nityaṃ māṃ pāhi vatsale lalite

amalasudhākaralāñchanasannibhamaganābhipaṅkavatphāle /
kamalajavadananivāse tāvakamaṅghridvayaṃ mudā vande

amalatarapadmarāgādarśatiraskārakārisukapole /
atulāsyahāsyalāsye kamalākṣi trāhi janamimaṃ sarale

abhinavavidrumaśobhāparibhavidantacchadena saṅkalite /
śubhaguṇagaṇasaṃvalite  śrīpativandyemba pāhi māṃ lalite //25/
ativimalasādhuvidyāprāṅkurarūpadvijadvipaṅkiyute /
matimati vidhiharimānye tvaṃ kuru kāruṇyamayi mayīha bhṛśam

amalataranāgavallīkarpūrakramukasaurabhādeva /
āhlādayantyaśeṣāśāṃstvaṃ jayasi śobhayā devi

amatasyandivacobhistrapayantī kacchapīṃ nijāṃ vīṇām /
madhurālāpairapi pikamambujanayane tvameva māṃ pāhi

analākṣamātmaramaṇaṃ  mandasmitapūralīnahadayaṃ tam /
vidadhāsyajasramārād dhīrā tvaṃ pāhi śailaje satatam

asadṛśanijacibukaśrīśobhitakambudyutisphuratkaṇṭhi /
kusumāyudhamadahāriṇi mātarmāṃ pāhi vijitakalakaṇṭhi

amalendudharanibaddhaśrīmanmāṅgalyasūtravatkaṇṭhi /
kamalākṣābjajavandye  pārvati māṅgalyadātri māṃ pāhi //31/
anaghakanakāṅgadāḍhye  śrīmadbhujadaṇḍamaṇḍite mahite /
kanakagiricāpadharturbhartarvāci sthitemba māṃ pāhi

anaghamaṇighaṭitahemagrīvācintākamauktikābharaṇe /
vinayanatamastakaṃ māṃ pālaya dīnaṃ ca śamaya madamohau

abhimatanijapatiharṣasphuritānarghāśmanistuyoroje /
abhijanapūjitacaraṇe  natiriyamayi testu caraṇayordevi

avanamranābhirūpāvālajaromāliphalakakucayugale /
avahitabhuvanatrāṇe  śambhoḥ prāṇādhikemba māṃ pāhi

avahitaromāvalyā sūcitavalladvalagnaśubhadeśe /
avinayamamba madīyaṃ jahi surasantoṣabhāgyamayakośe

atighanavakṣoruhayorvahanāyābaddhavalimahādaśane /
gatirasi matirasi satataṃ mama mātā tvameva māṃ pāhi

aruṇāruṇakausumbhaśrīmadvāsaḥśriyāḍhyakaṭibhāge /
kuru māṃ tava karuṇāyāḥ  pātraṃ gotraṃ manaśca pāvaya me

agaṇitamaṇikiṅkiṇikāraśanādāmnā virājatedrisute /
nagavarakulamaṇidīpe  diśa mama kāvyāṅganākapāmamba

analākṣapāṇipadmadvayavedyā paruṣasurabhilalitāṅgī /
janayitrī lokānāṃ mayi kuru karuṇāṃ svabhāvasurabhitano

anaghadyutimāṇikyasphuritakirīṭābhajānuyugmayute /
anunaya mayi kuru vāṇi tvayi tu mayi tvaṃ dayasva he lalite

ahiripumaṇikatamanmathatūṇīrākārajānuyugalāḍhye /
mahitaguṇarājamāne mama manasi tvaṃ vasāmba haravedye

atipīnagūḍhagulphe matimati matyāśraye satāṃ satatam /
katināṃ samitiṣu kuru māṃ sumatiṃ sambhāvitaṃ ca he lalite

ayi kamaṭhapaṣṭhavijayiprapadadvayarājamānapadakamale /
niyatiniyāmakajāye sapadi kapāṃ dhehi mayi nije lalite

aruṇanakhadīptimajjajjanahadayadhvāntanāśasuprīte /
karuṇāmasaṇāpāṅge janani tvāmāśrayāmyahaṃ satatam

ayi padayugalajyotirnyakkṛtapāthojavanaruce mahasā /
niyamitadīptimade tvaṃ jayasi hi dīptyāsva mayi tathā mahasā

aviratamapi śiñjāne maṇimayapādāṅgade dadhānemba /
bhavabhayahāriṇi tāriṇi saṃsārāmbhonidheḥ sadā pāhi

anupamahaṃsavadhūṭīṃ jitvā gatyā virājamānemba /
anucaracaracaramenaṃ tava śivajāye punīhi māmamba

abhinavahemasavarṇe devi mahārūpaśevadhe savidhe /
jayati ca savarṇasiṃhī tvaṃ māṃ pāyāśca siṃhasaṃhananā

ābharaṇarājikāntyā nijatanudīptyāvatāruṇacchāyā /
saubhagaparipūrṇā tvaṃ subhagaṃ kuru māṃ dayāsudhāvaṣṭyā

āpādamaulideśādanavadyāṅgāṅgabandhure sukare /
śrīpādaśobhamāne janani tvāmeva yāmyahaṃ śaraṇam

āpādamaulivilasannānābhūṣāvalīprabhācchanne /
āpādamaulisuṣamāpihite māṃ pāhi santataṃ lalite

āśāmbaravāmāṅke vāllabhyādeva sānurāgamapi /
āropitanijamūrte durge devi tvameva māṃ pāhi //53/
ādadati ye pavitre hadaye teṣāṃ sadā śivā bhāsi /
modayasi santataṃ tvaṃ tānevānekabhāgyadā jayasi

ādhivyādhivihīne svādhīnātmapriye prabhāveṇa /
adhigatabhuvanadhyāne sādhīyo me hitaṃ tvayā lalite

ādhinivāriṇi namatāṃ sādhunute meruśṛṅgamadhyasthe /
sādhūpakāraśīle sādhaya matkāryamuttamaṃ lalite

ākāśāntaḥkalayā nihitaśrīnagaranāyike gauri /
sākārabhāgyarūpe  rūpaguṇodyogabhedavati jayasi

āpāditasakalāśe śrīsakhi cintāmaṇipriye mahādevi /
vāsorucisaṃvalite dāse mayi te dayasva he lalite

ārye vidhiharirudreśvararūpabrahmapīṭhamārūḍhe /
nāryavatāriṇi bhadre māravadhūṭīpriye namo lalite

āpāṭalasarasīruhakāntārāntaḥsthite guṇollasite /
śrīpādajitasaroje śaraṇaṃ bhava me bhave bhave lalite

kāryākāryābhijñe śauryaśrīmatkadambavanavāse /
āryānandini māyākāryānandānvitemba māṃ pāhi

āśritapālanacature pīyūṣāmbhodhimadhyagehasthe /
āśritasuraparivāre daśaśatapatrābjapīṭhage pāhi

ānatabhaktābhīṣṭaṃ mānayituṃ dātumasi ca kāmākṣī /
dīnānāthaśaraṇye mānaya māmamba sādaraṃ lalite

ārādhayanti ye tvāṃ teṣāmānandadāyinī nityam /
nārīkirīṭaśobhārādhitacaraṇemba pāhi māṃ lalite

ānatasuramunibandairanavaratastūyamānapadakamale /
dānavanāśini tubhyaṃ natiriyamāstāṃ jayāmba he lalite

ārye bhaṇḍavadhodyataśakticamūbhissamāvate devi /
kāryeṣu me sahāyā kāryaprajñāpradāsva mayi lalite

āśritasampatkaraṇīśaktyārūḍhebhasevite samare /
āśritasuraparivāre dhīre māmamba pāhi he lalite

ārūḍhavājisenāvāritakoṭyaśvasenayā sahite /
āpītāsavamatte citte te me nutissadā bhavatu

āruhya cakrarājasyandanamakhilāyudhāni parigahya /
vīrāveśakarāle  vairiṣu samareṣu kopane jaya he

āruhya geyacakrasyandanamekaṃ ca sevyamānemba /
śyāmalayā mantriṇyā samarasasamare namostu te lalite

āruhya ca kiricakrasyandanamanaghaṃ dhuri pratiṣṭhitayā /
daṇḍādhipavārāhyā śaktyā sahite jayāmbike lalite

ākramya divyaśaktyā vahniprākāramadhyamabhyetya /
jvālāmālinyā tvaṃ jayasi rucā samarabhūtale lalite

ārākācandrakalikāvaddhipradaśaktivaddhisantuṣṭe /
utsāhavaddhihetoḥ śaktīnāṃ tvaṃ jayāmbike lalite

ākramya bhaṇḍaputrānakhilān hatvā jayena santuṣṭe /
bālāvikramamudite samare durgāṃba te namo lalite

āsuraviṣaṅgadaityaṃ mantriṇyambāvadhīdraṇe yena /
śyāmajyāṅkitahaste tuṣṭe yuddhena te namo lalite

ārye bhaṇḍabhrātaśyāmalayāsīddhatoṃba te samare /
muditā tvamabhūrmātaḥ suraripuhanatyamba te namo lalite

āsyālokanamātrāt patyurvighneśamasaja eva tvam /
māyāmasurānapi tānavadhīrvighneśa eva kuśalatayā

āsuramāyāvighnān vighneśonāśayattadā te hi /
ānandayadapi bhavatīṃ yaste putro hi tena te lalite

ārye bhaṇḍavimuktān bāṇānakhilānnijāśugenaiva /
satvaramakhaṇḍayastvaṃ tasmāttubhyaṃ namo namo lalite

āyodhane niyoddhuṃ siddhe bhaṇḍe karāṅgulībhyastvam /
nārāyaṇāvatārānasajat sahasaiva te namo lalite

āryā pāśupatāgnijvālābhasmīkatāsure samare /
mūlādhārajvālā seyaṃ nanu te namo namo lalite

ānīlakomalāṅgi śrīlalite śrīniketane savane /
saujanyādiguṇānāṃ tvaṃ me sadbuddhimanugahāṇāmba

āsurabalamavadhīstvaṃ kāmeśāstreṇa bhaṇḍadaityaṃ tam /
phālānalena giriśo madanamivājeyamambike lalite

āsurabhaṇḍavadhāt tvāmajahariśakrādidevatā acalāḥ /
bhaktyā śaśaṃsurambāṃ vande tvāmastu te namo lalite

adbhutakalāvatāre haranayanapluṣṭamadanajīvāto /
āśritajanatatisugame śrīdevi tvaṃ dayasva mayi dīne

ibhavadanajanani lalite śubhakari paripūrṇacandranibhavadane /
abhayaṅkari jagatāṃ māṃ devi trāyasva sādaraṃ tamimam

inaśaśipāvakanayane kaṇṭhānnīcairnitambaparyaṃtam /
ākaṭitaṭamapi kaṇṭhānmadhyamakūṭāvate namo lalite

ibharājamandagamane daḍhaśaktyādhāraśobhite mahite /
abhayapradakarapadme padmāsye pāhi māṃ mudā lalite

ibharājavāhanā tvaṃ śubhakaramantrātmikā tvamevāsi /
abhayaṃ diśa me mātaḥ śubhamapi satataṃ namostu te lalite

idamamba mantrarājyaṃ vividhaṃ bhāgatrayeṇa te bhāti /
ākaṭyākandharamāmastakamityāśrayāmyahaṃ tu tvām

idamajakatajagadāsīt kularūpeṇāsthitā śriyā jayasi /
hadayanivāsini namatāṃ jalajākṣi tvāmahaṃ bhaje satatam

ihakulapālini jagatāṃ saṣṭivyāpārapālinī tvamasi /
mahitāmnāyanutāṃ tvāṃ śirasā vande namostu te lalite

ihakulahadayanilīnā vihitāśeṣakriyākalāpāsi /
mahatāmāśrayadātrī tvaṃ me śaraṇaṃ bhavāniśaṃ lalite

idamakhilameva viśvaṃ hadaye vahasīkṣase sadā dayayā /
māyātattvamidaṃ te gahanādgahanaṃ namo namo lalite

idamamba viśvataste tvayi ca tvaṃ cātra paramakularūpā /
iha kuṇḍalinīpīṭhā kaulinyākhye namostu te lalite

idamamba viśvamakhilaṃ saṃyojyaivātmanāhitā bhavasi /
hadi karuṇāmayi mayi te karuṇāpātostu te namo lalite

iha jagati vartamānā līlālīneva vartase satatam /
mahitāgamanutacaraṇe dīnamapāyānnivārayerlalite

iha nanu samatāyuktā jīvabrahmadvayena cādvaitā /
vihitācāravidhāre bhāvaya māmātmanandanaṃ lalite

iha tu samanvayitātmā yogakṣemāya muktiyatnāya /
mahatāmāśrayarūpe bhogimahāveṇi te namo lalite

iha bhavasi devi mūlādhāre hi śrīstvameva te prabhayā /
vihitā cakrāvalirapi vilasati yogipriyāya jaya māye

iha mūlacakramadhye brahmagranthicchideva yā tvamasi /
mahitā sā mayi dayatāṃ brahmavadhūṭīpriyā sadā lalitā

iha maṇipūrodayinī sā tvaṃ cānāhatāśrayā bhavatī /
sahitā praṇavamahimnā sāttvikarūpe namostu te lalite

idamapyanāhatābjaṃ śrayasi tvaṃ connataṃ ca haricakram /
bhitvānāhatacakre cakreśvari te namo namo lalite

iha ṣaṭcakrajagatyāmājñācakrābjavāsinī bhavasi /
viditasamastavicāre dhīre mātarnamostu te lalite

iha tāvadamba cakre tvaṃ bhāsyājñābhide katāvāsā /
ayi jayasi lokamātarjaṃbhāriprārthite namo lalite

iha daśaśatadalakamale granthīn bhitvā sthitopariṣṭāt tvam /
ahitāsuramadanāśini jaya jaya mātarnamo namo lalite

ibhapatigatimatisamare devi sudhāsāravarṣiṇīndumukhi /
abhiyātadaityantri śrīmati mātarnamostu te lalite

idamiha sahasrapatraṃ tava pīṭhaṃ kalpitaṃ hi sarasiruham /
idamāruhya manojñaṃ tvaṃ pīyūṣaṃ satobhivarṣasi hi

icchānurūpakārye jīvabrahmaikatāvidhānakari /
acchasmitamukhi sadaye hadaye bhava me namostu te lalite

iha cakraṣaṭkamūlaṃ mūlādhāraṃ ca tatra kuṇḍalinī /
āste kaṇḍalitaṅgī sā tvaṃ bhavasīti te namo lalite

inakaravikasitasarasijalalitamaṇālīyasūtrasūkṣmakaṭi /
dinakarakoṭisamāne jalajamukhi śrīrnamostu te lalite

iha bhavasi śivavadhūstvaṃ madanavadhūṭī tvameva jātāsi /
nāmnā prapañcamātā mātastvāmeva cintaye satatam

iha bhavasi bhāvanā tvaṃ hadaye hadayepi bhāvanāgamyā /
bhāvanayānugatena dhyānena tvaṃ satāṃ bhavessulabhā

iha bhavasi bhavavane tvaṃ paraśurdāvānalothavā tvaṃ hi /
mahitakalāvati girije bhūyo bhūyo namāṃsi te lalite

iha sakalamaṅgalānāṃ vihitā kartrīti kāraṇaṃ ca tathā /
mahitāmnāyastavane vihitā māṅgalyamandire tvamasi

iha bhavasi bhadramūrtiḥ śivajāyāsi tvameva jagati śivā /
ahibhūṣaṇatanuhāriṇi bhava bhayahāriṇyasi tvameva śive

iha bhaktabhāgyadhātrī bhaktaprītā tvameva bhavasi nanu /
vahasi śivabhāramakhilaṃ bhaktanidhe te namo namo lalite

iha bhaktireva śuddhā bhavati katā priyā hi sujanena /
vihageśavāhaneḍye mātastubhyaṃ natirmayā vihitā

iṣṭādikarmagamyā tuṣṭai te saiva yadi katā vimalā /
iṣṭārthadātri bhajatāṃ tuṣṭā mayyasva santataṃ lalite

iṣṭetarāṇi sakalānyaṣṭabhujaistvaṃ nivārayernanu te /
ahitabalāni sadā tvaṃ naijabalenaiva hantumuditāsi

iṣṭāṃ sarveṣāṃ naḥ sṛṣṭisthitināśabhayatamoharaṇam /
iṣṭāṃ pradātumīśe muktiṃ me dehi tāṃ tvamevāmba

iṣṭaṃ vitarasyarthaṃ navarātrānte tvameva devānām /
nādajñānadavāṇyā sevitacaraṇe namostu te lalite

iha dṛśyamānarūpo bhūmūrtiḥ śaṅkarastadardhāṅgī /
tvamasi hi mahimāpūrṇā haimavati trāhi māṃ tvamevāmba

iha cāmutra ca sukhade mahitaguṇāḍhye murārisahajāte /
sahajāruṇamukhakamale jahi mama pāpānisañcitānyamba

iṣṭārthadānaśīle tuṣṭā namatāṃ saparyayā satam /
iṣṭapriyāsi sā tvaṃ puṣṭiṃ tuṣṭiṃ ca vitara me lalite

icchārāgadveṣān abhihatyātmanyaśeṣasujanecchām /
yacchasi tuṣṭyā tvaṃ mebhīṣṭānarthān pradehi he lalite

ibhavadanajanani sādhvi śrīmatsampūjite jitāmitre /
prabhavasi tvaṃ tāpārtaṃ trātuṃ janamamba nijakṛpāpāṅgaiḥ

ibhavadanavandyamāne śāradapūrṇendurājamānāsye /
tribhuvanajanani dayālo kāruṇyaṃ te sadāstu mayi dāse

iṣṭapradātri dhātri trinayanahadayapriye sadā lalite /
tuṣṭasvāntasaroje guṇamayi māṃ pāhi kinnarodgīte

iṣṭā hi temba śāntiḥ svānte śāntipradāsi nanu namatām /
śātodari darahāsasphuradāsyendo namostu te lalite

iha ca paratrādhāraṃ kamapi vinādhāramātmanobhyetya /
tripuṭīrahitāsi tvaṃ brahmaivāsīti bhāvayāmi tvām

iha ca paratra viśuddhe citte vāci kriyākalāpeṣu /
bhuvananirañjanacitte cittāgāre vasāmba me lalite

iha śatapatrasupatre patitaṃ vārīva vartamānā tvam /
viharasi sattāsattābhavaviṣaye tvaṃ tathaiva māṃ pāhi

iha pariśuddhātmā tvaṃ satyajñānāgnidagdhatimirāsi /
ajñānamandhakāraṃ jāne tenāsi virahitā lalite

iha ca paratra ca nāśo na hi te nihitā pade sthire satatam /
vihitavidhāyakadhātrā mitrāmitrādibhedarahitāsi

iṣṭākāravihīnā brahmasarūpāsi bhāvanātītā /
iṣṭajanatuṣṭidātrī brahmāṇī tvaṃ ramāpi bhavasīha //136/
iccārūpodvahane śaktāpi tvaṃ bhavenuraktāpi /
vyākulatārahitāsi śreyaskari te namo namo lalite

iṣṭaguṇatrayarahite tuṣṭyā lakṣmyā ca tejasā kalite /
aṣṭavidhāyudhahaste duṣṭaghnī tvaṃ sadāṃba māṃ pāhi

iha jagati śāntarūpā kātaratārahitamānasā satatam /
vahasi vicitrākārā nākāreṇāpi virahitā bhavasi

iha cāmutra ca nityā bhaṅguratā te kadāpi naivāsti /
vidyā kālātītā bhaṅgāsitacārukuntale pāhi

iha ca vikāravihīnā niścalacittāsi kāmarahitāsi /
vihasasi kāmavikārānahitānāṃ tvaṃ mamāpi mātāsi

ihaparabhedavirahitā tvaṃ sudhayā siñcasyaśeṣalokamapi /
dehānapi tanubhājāṃ madhurālāpe tvameva māṃ pāhi

icchopādhivihīne muktyā satyātmanāpi saṅgate mahite /
svacchāyāñcadvasane bhaktyāśliṣṭaṃ kuruṣva māṃ lalite

icchāvikārahīne svacchāyācchādyamānabhuvanatale /
svacchāyayābhirāme svacchātmānaṃ vidhehi māmamba

iha ca paratra ca cintārahite dvaitābhimānahīneṃba /
ahitavināśinikāntākrāntasvānte namostu te lalite

iṣṭādhāravihīne tuṣṭātmādhārasaṅgate mahite /
puṣṭiḥ katanatakaṣṭiśreṣṭhe nityaṃ namostu te lalite

icchārjitapadakamale nityaviśuddhe sadāhave siddhe /
śiṣyābhīṣṭadahaste nityaṃ vasa me hadambuje śuddhe

icchārūpiṇi mātarnityavibuddhe svabhāvapariśuddhe /
icchāmi viśvamātastava karuṇāpāṅgapātamiha devi

iṣṭiparituṣṭacitte duṣṭāvidyātamovinirmukte /
tuṣṭā mayi bhava cittebhīṣṭaṃ me dehi karuṇayā yukte

icchānukūlaveṣe satataṃ coṅkārarūpiṇī tvamasi /
acchāmbaraparidhāne cintitaphaladātri te namo lalite

idamiti niścitarūpaṃ tubhyaṃ prādānna kopi nanu rūpam /
tat‌tvamapāvatarūpā praṇatistubhyaṃ nirantaraṃ bhavatu

iha tu na bhavati kalaṅkastvayi tava vadanendumaṇḍale nāpi /
ahitā nāsi satāṃ tvaṃ tvaṃ tava rūpeṇa nirjitevāsi

iha bhavati nāntarāyo nopādhirnāpi naijaveṣo vā /
vihitāgamaparatantrā jagatī vihitā tvayā namo lalite

iha bhavati tava niyantā naikopīśānamekamapahāya /
śreyasyathavā śreyānamba śreyo na hi tvadatrāpi

īśānnāśāsehaṃ daivīṃ sampattimanvahaṃ dadhatīm /
aihikamathavāmuṣmikasaukhyaṃ prāptuṃ manassatarkaṃ me

īśānāsi surāṇāṃ viṣayāśānāśakāriṇī tvamasi /
īśārdhāṅgaharā tvaṃ śrīśādyamarālisevitā jayasi

īśāpi sarvajagatāṃ madarahitā māninī tvamevāsi /
īśānājñādhīnā hadayasarojādhirūḍhakaruṇāsi

īśvari jagatāmāśādhīśābhīṣṭapradāyinī tvamasi /
īśvarakāryakarī tvaṃ pāśānmāmāśu mocayereva

īśvaraniyamitasaraṇau cintārahitābhivardhayasva śame /
āyuśceṣṭāpūrtapraṇayini kuru maṅgalāni ca me

īśvarasamamahimāḍhye nyūnādhikasāmyabhedavadbhinnā /
dhīśvari vāgīśvari me mānasaraṅge ramasva dhīnunnā

īśvari dārasutādiprāpañcikaviṣayamoharahitāsi /
śāśvatasukhadātrī tvaṃ śāśvati jahi me śucaṃ namo lalite

īśapriyakari lalite putrakalatrādimohapāśakarī /
śāśvatasukhadātrī tvaṃ śāśvatasukhameva dehi me girije

īkṣethā na mamatvaṃ tvaṃ mamatārahitamānasā bhavasi /
abhimānahīnahṛdaye sadayā hṛdayena girisute jayasi

īhābhimānamamatābodhanavicchedakāriṇī tvamasi /
dehābhimānamuktā muktātāṭaṅkamaṇḍitā jayasi

īkṣaṇarasanāśrotratvaṅnisāgrāhyapāpanirmuktā /
rākṣasabalamiva pāpaṃ nāśayasīhāmba te namo lalite

īśānanayanadahanajvālādagdhasmarā sakaruṇāsi /
pāpavināśakarī tvaṃ puṇyamayī cāsi te namo lalite

īśvari kopavihīne śāśvataśāntiprasādasaṅkalite /
śaśvannamatāmiṣṭaṃ śāśvatamasakṛt pradātumarhā tvam

īśvari kopadavāgnipraśamakarī tvaṃ samastajantūnām /
śāśvataśāntisukhe me vitara dayāpāṅgabhaṅgi he lalite

īśārdhāṅgasuyogādanyāśāpāśavirahitābhihitā /
kleśāpāyavihīnā bhavasi bhavāmbhodhitāriṇī tvamasi

īhārahitā bhavatī lobhavatāṃ lobhanāśinī bhavasi /
dehiṣu dayase satataṃ tvamihāmutrāpi bhāgyadā bhavasi

ītibhayanāśinī tvaṃ saṃśayarahitāsi sādhunivaheṣu /
bhūteśahadayadayite saṃśayabhūtaṃ jahi tvamakhileṣu

īśo na devanāmā kopi na satyaṃ na dharma iti naiva /
doṣaikadarśināṃ tvaṃ prativadatāṃ cāśayaṃ nivārayasi

īśo brahma tathā tvaṃ kathitā janmādibandharahitāsi /
kesarikiśori samare himagirikāntāracāriṇī tvamasi

īśvaragahiṇī bhūtvā jananaṃ maraṇaṃ ca dehināṃ kuruṣe /
śāśvatasukhecchukānāṃ śaraṇaṃ sā tvaṃ mahātmanāṃ bhavasi

īśvari jagatāṃ hṛdaye bhrāntivikalpādibhāvanārahitā /
aiśvaryadānaśīle namatāṃ prāleyaśailaje bhavasi

īśānavallabhā tvaṃ doṣavihīnā ca bādhayā rahitā /
kleśānupaśamaya tvaṃ bhavabhītānāṃ bhavāśrayaṃ dehi

īśārdhadehaghaṭitā kleśakaradvaitabhāvanārahitā /
dveṣāsūyārahitā kleśāpāyaghni pālaya tvaṃ mām

īśvaratattvābhijñā  jñātavyārthaprakāśikā sadayā /
īśvari vidhyaṇḍānāṃ bhedamatighni priyaṃ satāṃ dehi

īśa iva nāśarahite śāśvatasukhadātri dehināṃ bhajatāṃ /
īśānatoṣaheto śaśvacchaśvannamostu te lalite

īśānavallabhātvānmṛtyuṃ sarvāsuhāriṇaṃ jetuṃ /
īśā tvameva nūnaṃ mṛtyuṃ jayasi tvameva me śaraṇam

īhāmohavihīne kriyayā rahitā ca karmaṇā jagate /
dehāniva vahasi tvaṃ śaktitrayamapyavaśyameva nanu

īrayasi dātumakhilaṃ sujanaṃ nādātumīhase dānam /
kasmādapi bhuvi tasmāt parijanarahiteva bhāsase lalite

īśvari nirupamarūpe nirupamaśauryaॆ'mba nistulābhikhyo /
īśvarakataciratapasāmanupamaphalarūpiṇī tvamasi

īkṣaṇacikurasunīle nīlākāśopame rame devi /
rākṣasamardanadhīre bāle bālendurājite pāhi

īśvari nirapāyā tvaṃ dārayasīhārthisambhavāpāyam /
īśvarabhaktimatāṃ te caraṇaṃ śaraṇaṃ sadā sthiraṃ devi

īśvari rūpaguṇeṣu vyatyayarahite hite satāṃ satatam /
kopi kadācidapāyo na bhavati kasmācca tembike lalite

īśvararavigaṇanāthaśrīnāthaistvaṃ hi sevitā sujanaiḥ  /
dhīrārādhanasulabhā bhavasi khalānāṃ tu durlabhā tvamasi

ītimayajaṭilasaṃsativihitavyavahārapāśamucchidya /
paśyati yassa tu bhavatīṃ taditarajanatātidurlabhā tvamasi

īśvaraduritanihantrī tvamasi ca durgā ca durgamā bhavasi /
durgaikasevakānāṃ sāttvikarūpā namostu te lalite

ītaya iva hṛdi nānāśokāvegā bhavanti katināṃ ca /
iha jagati dehabhājāṃ lokānāṃ tānnivārayestvaṃ hi

īpsitavaidikamapi tatsukhamiha yatpāramārthikaṃ satyaṃ /
īpsitasevākartre sā tvaṃ datse hi pāhi māṃ lalite

īśvari duṣṭārīṇāṃ bhīṣaṇarūpā tvameva sambhavasi /
durlabharūpe durge durgamadurgādvimocayeramba

īśānāsi hi jagatāṃ lokāyatikādyadharmamārgasthān /
nāśayitumamba durge sakaladurācāranāśamapi kuruṣe

īśvari doṣavihīne śāśvatasaubhāgyadātri sāvitri /
śāśvatikasampadaṃ tvaṃ karuṇārakṣāṃ ca dehi me lalite

īśvari karuṇāpūrṇe sarvajñā tvaṃ ca cakrarājasthā /
sṛṣṭisthitilayamarmajñātrī dhātrī ca nassadā bhavasi

īḍye satāṃ guṇāḍhye mātaḥ kāruṇyavāridhe bhajatām /
karuṇāpāṅgapayodaiḥ plāvaya dīnāntaraṅgavasudhāṃ ca

īśvari sadaśādhikatārahitā sahitā ca karuṇayā satatam /
jagati bhavatyā sadaśī vyaktirnahi kāpi dṛśyate lalite

īśvaryādyā śaktirjagatāṃ tvaṃ tāvadakhilabhītiharā /
yuktyā śaktisamaṣṭyā jayasi tvaṃ devi tejasā rucirā

īśvari maṅgalamūrte kātyāyani sarvamaṅgale lalite /
pātraṃ kuru karuṇāyāstava māṃ mātarnamāmi te caraṇam

uḍurājasundarāsye sanmatidātrī praṇāmaniratānam /
maḍaramaṇi hasitalāsyasphuradānanacandrike namo lalite

uḍurājacūḍadayite brahmāṇḍagrāmaśāsane rasike /
maḍanāṭyamārdaveḍye brahmānandaprade namo lalite

uragādhipadhatavasudhādyakhiladharālokaśāsane dakṣe /
sarasīruhadalanayane mātastubhyaṃ namo namo lalite

urageśakeśapāśe sakalālaṅkāraśobhite lalite /
dviradārivāhane te caraṇaṃ sarvātmanā bhaje satatam

upari tathoccairjagatāṃ śāsakavarge tvayā samaṃ mahitā /
śāsitumaparā nāsti tvayyayattāni sakalabhuvanāni

upanatasakalasutantre vistāriṇi viśvamaṇḍalasyāpi /
tapanīyabhūṣaṇāḍhye sā tvaṃ sarvatra pāhi māṃ satatam

unmagnamagnacitte saṃsārāmbhonidhau manassu satām /
muktisthitimati satataṃ māheśvari te namo namo lalite

upamānavirahitā tvaṃ sakalabrahmāṇḍanāyikā bhavasi /
māheśvari mayi karuṇāṃ kuru he mātaṅgavaṃśaje lalite

maḍavijayakāriṇi tvaṃ nijavijayādeva te namo lalite

ujjvalatejorāśe na bhavatyupamā jagat‌trayepi tava /
prajvalati kīrtilakṣmīstava saundaryaṃ tathā mahālakṣmi

upavīṇayitumalabhye māyāvattaṃ ca durgamaṃ bhuvane /
apahatasumanohadaye bhūyo bhūyo namostu te janani

ujvalarūpavatī tvaṃ brahmāṇḍavyāpinī mahārūpā /
prajvālayasi ca dhāmnā brahmāṇḍaṃ te namo namo lalite

umayā ramayā vāṇyā sahitaiḥ sampūjite surādhīśaiḥ /
hariharaparameṣṭhibhirapi nityārādhyāsi te namo lalite

upanatapātakanivahaṃ bhajamānānāṃ nivārayeramba /
upamātītamapīdaṃ krūraṃ pāpaṃ mamāpi jahi janani

upavarṇayanti māyāṃ jñānaṃ kavayopi satpraśaṃsanti /
jagatīkāraṇamāyāmāye cānandade namo lalite

urvīdharavarajātā tribhuvanasārā payodhigambhīrā /
garvitasuraripunāśini subhagā sā tvaṃ namostu te lalite

uttamaśaktigariṣṭhe meroḥ pṛṣṭhe sadā kṛtāvāse /
uttamaguṇavati giriśapreyasi māṃ pāhi he mahāśakte

uttamacaritārādhye tribhuvanasaṃmohanākate mahite /
cittajaramaṇīkoṭipratime māṃ tvaṃ tu dārakaṃ pāhi

uttamakamalabhavāṇḍavyāpini saubhāgyasaṅgate satatam /
nijavarabhuvanāgāre ramamāṇe te namo namo lalite

ujvalapiṅgamahobhī rājitamūrte śriyā yute satatam /
prajvālaya mayi devi jñānamahādīpamamba he lalite

uttamadehavibhāgajyotiḥ stomena dīpayasyakhilam /
jagadidamambujanayane nayanenekṣasva māmimaṃ capalam

unmādyadindriyāṇāṃ jagatāṃ balamekamardayestvaṃ hi /
trātuṃ jagatīṃ prabalā dharmeṇehāsi kovidā lalite

uddhatadaityaniṣūdini nijabalaparivaddhikāriṇī tvamasi /
siddhasurastutapāde pāde praṇataṃ punīhi māṃ lalite

uttamabuddhimatī tvaṃ sarvajñāsi tvameva siddhirapi /
uttamaphaladātrī tvaṃ nityaṃ namatāṃ namostu te lalite

uttamabuddhyā siddhyā sādhitasaṃsārarakṣaṇā tvamasi /
kamalamukhi kāmadātri tribhuvanajanani tvameva māṃ pāhi

uttamayogijaneśvari sakalāmarabandaśaktisaṃsiddhe /
hariharaviriñcirūpe śaktiniyantri tvameva māṃ pāhi

ujvalarūpiṇi nānāmudrābhijñe samastabalamūle /
karmakriyāśrayatvaṃ vahasi tvaṃ devi te namo lalite

upadhīnakhilānasurairvihitānunmūlya vijayinī tvamasi /
bījākṣaravaramantrajñānādhāre namo namo lalite

uddhatasamastaviśvaṃ yantragaṇaṃ śaktidānaparipuṣṭam /
uddharasi yantradūre yantrādhāremba te namo lalite

upagataṣoḍaśavarṇaiḥ svararūpaireva ca te kalāḥ sakalāḥ /
brahmāṇḍapālanāya khyātā jātā hi te namo lalite

uttamatattvajñānapradamanuvidyāsvarūpiṇī tvamasi /
vidyākāre hadye jagatāmādye namostu te lalite

uḍupatimaṇḍalamamatāpūramayaṃ tena siñcasi kṣoṇim /
bhavasi hi candrābhikhyā vidyā tvaṃ te namo namo lalite

urvyādipañcabhūtakhyātamahāratnapīṭhamadhyagate /
brahmāṇḍameva pīṭhaṃ praṇavasahasrārapaṅkajaṃ nanu te

uttama oṅkārasthe pretākhyātādhvarakramārādhyā /
uttamaphaladāsi tvaṃ vaiśvānaravargasevitā śuddhā

ujjvalamūrtiṃ sākṣādamba tvāmeva pūjayet devīm /
bhairava eva śivopi prathamo'bhūttena te namo lalite

ūrīkṛtanijakāryārambhe nāṭyapriye mahādeve /
naṭati sati sākṣiṇī tvaṃ karuṇāmūrte namostu te lalite

ūhātītākāre kāmeśārdhāṅgayogavikhyāte /
tribhuvanapālini janani prītā tvaṃ dehi memba kalyāṇam

ūrdhvaṃ nīcairmadhye lokāssanti trayopi te vapuṣi /
bhavanāni vā purāṇi tvaṃ purasundaryasīha me jananī

ūheyasvaravarṇaiḥ ṣoḍaśapūjāścaturbhiriha guṇitā /
upacārāśca saparyāstā ādhatsemba ! mātakārūpe

ūhāpoho nāyaṃ ṣoḍaśavarṇāḥ svarāḥ svatantrāśca /
nijabhedasaṅgatāste ṣaṣṭikalāste catuṣkalāsahitāḥ

ūrīkatākṣarāṇāṃ yogādāsan hi śaktayaḥ sakalāḥ /
yoginyomūrnityaṃ tvāmevārcaṃti te namo lalite

ūnetaradathavā sampūrṇaṃ candrasya maṇḍalaṃ yattvam /
tanmadhyavāsinīti jyotsnā khyātāsi te namo lalite

ūrīkatasurasundararūpālaṅkāraśobhite lalite /
dūrīkuru me duritaṃ sakalaṃ sakalātmikā tvamevāsi

ūrīkṛtanijakārye ! sādhitakāryā ca sā tvamevāsi /
dūrīkṛtabhavabādhā tribhuvanasāmrājñikāsi sā tvamevāmba

ūrīkṛtāmatāsye ! cārusmitacārucandrikollāsye /
dāraka iti māṃ pāhi tvaṃ nanu viśvaprasūtikā jayasi

ūrdhvamadhastāddehe santi hi cakrāṇi yatsahasrāram /
cakraṃ śirasi tadetadbhavanaṃ śrīdevi tvaṃ bhaverhi tatraiva

ūhātītacaritre parvatarājasya putri gāyatri /
pratidehavāsinī tvaṃ caitanyaṃ cāsi viśvarūpā ca

ūrdhvamayūkhairbhāsvān himavati kamalāni yāni bodhayati /
tairarcaṃti hi munayastvāmaniśaṃ devi te namo lalite

ūrudvayena rambhāṃ jitvā tvaṃ viśvarājyasargepi /
sā rambhā nanu nārī tvaṃ tāvatpuruṣakārasampannā

ūrjasvipañcapīṭhānyanavadyānyamba te virājante /
preyāṃsi tāni taṃ ca tvatpādāmbhojapāvitānyamba

ūrjasvi pañcakaṃ te vidhiharirudraprabhedasañjātam /
trayamidamapi tava pīṭhaṃ brahmatvaṃ tāvadekamevaṃ hi

ṛtamamba te svarūpaṃ cidvā caitanyamekamevaṃ hi /
cinmayyasi ca tathā tvaṃ tava bhāsā tvaṃ virājase nitarām

ṛtameva te priyaṃ tat padamānandāya te tvameva tathā /
brahmānandākāre sārasagamane tvameva māṃ pāhi

ṛṣimatameva jñānaṃ vijñānaṃ cānubhūtisañjātam /
tadasi hi taddvayarūpā tvāmevaṃ tāvadāśraye lalite

ṛtamasi nityaṃ cintyā dhyānaṃ dhyātā ca niścitaṃ dhyeyam /
tripuṭīti cāsi yā tvaṃ sā tvaṃ māṃ pāhi te namo lalite

ṛtarūpāsi ṛtaṃ tat jīvayasi tvaṃ tadeva rakṣasi ca /
dharmādharmavidūre madagajagamanemba pāhi māṃ lalite

ṛtamiha viśvaṃ jāgrat jātaṃ tadrūpameva nanu devi /
praṇavasyādirakārastvaṃ bhavasi tvaṃ bhavāni māṃ pāhi

ṛtamamba jāgraditi yaḥ kālo jīvasya kāryakālo hi /
kālassopi tavāmba sphurati hi rūpaṃ namostu te lalite

ṛtavāṇi devi lalite taijasarūpe mudaikamarakande /
ṛtadhārivedamātā mātāsmākaṃ tvameva nanu lalite

ṛkṣādhipasamavadane rūkṣāsuranāśakāriṇī tvamasi /
suptāvasthārūpe jāgṛhi cāgaraya cetanān sakalān

ṛtavādisevyamāne praṇave tāvanmakāra evāsi /
tanmukhyajīvarūpe śrīdevi tvāmahaṃ sadā vande

ṛṣihṛdayamātravedye muktāvasthātraye trayīvedye /
magarājavāhane tvāṃ jīvanmuktisvarūpiṇīṃ vande

ṛturājārcitapāde vadanāmbujacārutākatāmode /
sarvāvasthārahite lalite māṃ pāhi sāmabhirgīte

ṛtamavalambya sadā tvaṃ jagatāṃ sṛṣṭiṃ karoṣi rajasaiva /
tvamapi caturmukharūpā rakṣasi bhuvanaṃ namostu te lalite

ṛṣibhiraśeṣairamarairārādhitapādapaṅkaje lalite /
nirmitajagatīmekāṃ gopāyasi devi te namassatatam

ṛtupatiriva sa ca naijaṃ jagadidamakhilaṃ ca rakṣasi tvaṃ hi /
tena ca sāttvikarūpā govindāsīrnamo namo lalite

ṛtaparipanthitamo yat tena yutā tvaṃ jagadvināśāya /
prabhavasi hi rudrarūpā dīnajane tvaṃ tu vatsalā bhavasi

ṛtamapahāya samastaṃ bhūtagrāmaṃ tatastamorūpe /
sthāpayasi rudrarūpā paruṣeva tvaṃ tirohitaṃ kuruṣe

ṛtagarbhalīnametat bhuvanaṃ tāvat tirohitaṃ kuruṣe /
aṇukaṇakaṇamadhye tvaṃ bhūtānīmānipunarapi sraṣṭum

ṛtamayavidhiharirudrā yāvanna bhavanti tāvadeva tvam /
bhavasi jagadīśvarī vā nityā sakalā śivātmikā bhavasi

ṛtamasi harihararūpā śrīdevi tvaṃ kalātmikā bhavasi /
sā tvaṃ sadāśivā vā bhavasi bhavānī namostu te lalite

ṛtamavalambya jayestvaṃ jagadidamakhilaṃ tathānugṛhṇāsi /
natajanamapi nijakaruṇāpātraṃ kuruṣe namostu te lalite

ṛtabalavati giritanaye sṛṣṭivyāpārayośca viśvalaye /
upasaṃhāre niratā tvamasi tathānugrahepi niṣṇātā

ṛtamatameva hi satataṃ bhavati ca viśvaṃ tadeva pālayasi /
upajīvasīva manye tvamasi sadā bhānumālino madhye

ṛtatapasi vartamānā bhairavadayitāsi bhairavī tvaṃ hi /
ṛtamiha pālaya sā tvaṃ śāśvati nityaṃ namostu te lalite

ṛtaśaktikāmasampatsahitā garbhe jagat‌trayākalitā /
ṛkṣaśatamālinī tvaṃ vividhākārā bhavernamo lalite

ṛtajagadudayanidānedānenūnevaneṣu niṣṇāte /
sṛṣṭilayabhūtagamanā vidyāvidyāvidamba māṃ pāhi

ṛtahemagarbhagarbhe cicchaktestvaṃ bhavermahāpūrvā /
vāṇīti tāsu mūrtitrayajāyāstathaiva sañjātāḥ

ṛtaśivasundararūpe śamitasurastomahadayasantāpe /
kamalodarasahajāte tribhuvanagītemba te namo lalite

ṛtacicchaktirabhūnnanu tā eva śrīrumeti vāṇīti /
lakṣmīrvidhiriti rudro vāṇī gaurī harito jātāḥ

ṛtakāryāṇi vidhātuṃ vāṇīṃ brahmā ramāṃ hariḥ prāpa /
tvāṃ lalitāmiha śarvaḥ sā māṃ pāhi tvameva he lalite

ṛtamapi bhuvanaṃ bhrātā rakṣati bhaginī tvamasya kiṃ kuruṣe /
durgāsi durgatiṃ tvaṃ saṃharasi tvameva harayoṣā

ṛtamapi jagadudayati te nayanāmbhoje vikasvare jāte /
mukulitavadane tasminmīlati cakṣuṣkriyā tvadālambā

ṛtamayadaśaśatavadanā daśaśatanayanā ca sā tvamevāsi /
ṛtamiha kiṃ na tu jāne jānāmi tvāṃ hi kevalaṃ māyām

ṛtamathavānatamāstāmagaṇitanayanā tvameva nanu bhavasi /
matamabhimatamitareṣāṃ kiṃ vā syādatra sā pramāṇaṃ tvam

ṛtamaṃba saptamādapi lokānnīcaiḥ padaṃ tavollasati /
tvamasi ca varaśatacaraṇā karuṇābharaṇe tvamaṃba māṃ pāhi

ṛtavidhikīṭāvadhikabrahmāṇḍaikaprasūstvamevāsi /
atulitakaruṇābharaṇe brahmamayi tvāṃ bhaje sadā manasā

ṛtavarṇāśramabhedānakarostvaṃ devi lokakuśalāya /
hitamavadhattāṃ lokaḥ soyaṃ naijaṃ tathā kuruṣvāṃba

ṛtavedavargavāṇī tā apyājñāstavaiva nanu devi /
kā tava vāgitarā syānmānyā na syādupekṣaṇīyā vā

ṛtapuṇyapāpaphaladā dākṣāyaṇi sā tvameva bhavasi nṛṇām /
iti yadi kāraya puṇyaṃ mā kāraya pāpaleśamapyamba

ṛtamamba śrutireṣā vanitā khyāteti tacchirodeśe /
patati tava pādapadmaṃ sāstyājñākāriṇī tavādeśe

ṛtavacchrutiramaṇīnāṃ sīmanteṣūllasanti līlāste /
dhūlikaṇāssindūraṃ dhṛtamiva tava pādapadmarajasāṃ ca

ṛtasakalāgamasaṃhatiśuktisusampuṭakarājamānā sā /
muktārūpavatī tvaṃ ramayasi tāstvāṃ ca tāśca ramayanti

ṛtajīvajīvanārtho mokṣassāyujyamamba ke te vā /
vitarasi tat tadvā tvaṃ priyaśatajīveṣu bhavasi yadi devi

ṛtadeśasamayasusthitibhedavaśāsi devi paripūrṇā /
satatamapi jagati sakalā sarvatrāpi tvamamba māṃ pāhi

ṛtamasti mahyametadviśvaṃ viśvaṃbharāsi sukhabhoktrī /
iti nanu bhāvayasi tvaṃ bhuṃkṣe saukhyaṃ jagacca bhojayasi

ṛtamavati bhuvanamakhilaṃ bhuvanārtānāmadhīśvarī tvamasi /
patitoddhāriṇi hariṇīcañcalanetre sadāśive pāhi

ṛtalokalokajananī sakalabrahmāṇḍaśāsikā tvamasi /
gatimatirūpiṇi jagatāṃ tvāṃ tāṃ vande tvameva me śaraṇam

ṛtamiva cādhivihīnā yāsi tvaṃ saiva janmarahitā tvam /
iti sati kā cyutirathavā bhavati tavāpyamba pāhi māṃ ca tvam

ṛtamidamamba vidhātā tajjanakastvāṃ sadā niṣevete /
sakalaśrutitativacanaṃ syāditi manyemba pāhi māṃ lalite

ṛtaviṣayabodhadātrī dhātrī jagatopi vallarīgātrī /
matiśaktivardhinī tvaṃ pātrīkuru māṃ tavārcanāpātre

ṛtamūlarūpameva praṇavaṃ śaṃsanti paṇḍitāścānye /
api nādavedarūpā tvāmevāhaṃ namāmi tāṃ lalitām

ṛtamasti bhāti ceṣṭaṃ rūpaṃ nāmeti pañcake nāmnām /
rūpeṇa virahitā tvaṃ brahmaṇa evāsi rūpamayi dhāmnā

ṛtahitakara evaiko hrīṅkāraste'mba bhavati bījeṣu /
bhavasi ca sā tvaṃ varṇassa ca bījaṃ vā tvameva bījeṣu

ṛbhavaḥ stuvanti hi tvāṃ sati satprītyātmikāṃ varāṃ devīṃ /
hrīṅkārabījarūpāṃ rūpeṇānandakāriṇā sahitām

ṛbhunutadivyacaritre mātre tubhyaṃ namo namo jagatāṃ /
hrīmbījapūjyamāne mānenāmbāstu te natissatatam

ṛbhumanujadanujamūrtiṣu mastakadeśeṣu rājate yadvā /
śubhakarasahasrapatraṃ tatra tvaṃ harṣavarṣiṇī jayasi

ṛbhugaṇakatanutimudite heyopādeyavarjite'pyajite /
vibhuriti na hi te niyato narasuradaityeṣu ko'pi he lalite

ṛbhupatinarapatidānavapatigaṇasampūjyamānapadayugale /
abhivādanapaṭuhṛdayapratiphalitākāraśobhite nama om

ṛbhugaṇanaragaṇadānavagaṇarājyānāṃ tvameva sāmrājñī /
abhihitacaritāsīti tribhuvanasaṃsāradhūrvahe dhīrā

ṛbhupatidayitārādhye ṛbhuvanitānāṃ ca devi te madhye /
tābhirapi viditahṛdayaśśrīkābhistvāṃ bhaje manomadhye

ṛbhunaradānavajaṅgamahadayānāṃ cānyajīvihadayānām /
abhimatarañjanakāriṇi śubhamayahadaye sadāmba māṃ pāhi

ṛbhuvanitāhitakāriṇi śubhamayanarayoṣidarcanaprīte/
abhayādīpsitadātrī śrīmati bhajatāṃ kapālini trāhi

ṛbhupatinijapatikamalānāthāmbhojāsanādihṛdayāni /
mānavahṛdayānyārāt rañjayasi tvaṃ tathā ca ramaṇī tvam

ṛkṣapatipakṣabhājāṃ hṛdayānandaṃ yathā kalā kurute /
ikṣukṣīrasurāste tāḥ svārasyaṃ vitanvate manasi

ṛṇabhayanāśini nṛṇāṃ raṇaraṇikānāṃ ca mānase virase /
aṇimādisiddhiheto raṇadujvalacārumekhale pāhi

ṛbhuvanitābhirvalayitā śrīrūpeṇa yā nandayati sarvān /
api mama gṛhamānandaya prahvīkatanamanamatra he lalite

ṛṇabhārakatamatitāpaṃ manasaḥ śamayasi tvaṃ devi /
yo dhyāyati tvāṃ nityaṃ taṃ sukhayasi pūrṇenduvaktrabhāsurayā

ṛṣikulamodā bhavatī manasā mantraikadarśinī tvamasi /
ratirūpāsi savitrī lokānāṃ tvaṃ punīhi māṃ lalite

ṛṣayopi pāśabaddhā dayitāsahitā ratipriyā bhuvane /
viṣayākṛṣṭamanaskāḥ teṣāṃ boddhrī tvameva nanu bhavasi

ṛṣimānasasarasīruhavanahaṃsī tvaṃ tatassatāṃ mārge /
rakṣākarīha bhūtvā gamayasi mātarnamostu te lalite

ṛṣijanamārakarākṣasanāśakarī tvaṃ babhūvithā jñānam /
śamayitumāyudhahastā durge devī tathā dayādurgā

ṛṣijanamānasamaniśaṃ yasyāṃ ramate tathaiva dayase tvam /
tanmānasāni ramayasi paramabrahmarūpiṇī tvamasi

ṛtudharmaśālinīnāṃ vanitānāṃ tvaṃ karoṣi sukhabodham /
dharmaṃ pātivratyaṃ tvamasi sadā ramaṇalampaṭā devi

ṛṣihṛdayakāmitā tvaṃ kāmyā devaiśca sakalajantūnām /
viṣayaparāṅmukhamanasāṃ sulabhāsulabhā saviṣayiṇāṃ tvamasi

ṛṣabhādisvarageyā kāmakalābodhinī mahādevi /
vṛṣavāhahṛdayavedye mātarlalite namo'stu te devi

ṛbhupatyupavanasambhavanīpadrumakusumasaurabhaprīte /
abhimatamadhumaireye dhūtāpāye namo'stu te lalite

ṛtamayi māyātīte māyāpracchannakāntimatkāye /
pratihataduritanikāye kalyāṇī tvaṃ namo'stu te lalite

ṛbhavaḥ prabhavaḥ kecit jagatīkandaṃ na jānate te'pi /
śubhamayi bhavatīṃ tasmāttvaṃ māṃ praṇataṃ punīhi jagadamba

ṛtamūlaviśvavallīkandastvaṃ bhavasi mūlarūpā vā /
kandasso'pi śarīre vastivibhāge virājase nṛṇām

ṛtamavasi kuṇḍalinyāṃ kando dehe'sti yastvamevāsi /
phaṇinīhāsi ca sā tvaṃ kā me gatiratra vā vinā bhavatīm

ṛtameva tāvadetat karuṇārasasāgarā tvameveti  /
ata eva devi bhuvanaṃ snehaṃ saukhyaṃ ca bhāvayestvaṃ hi

ṛkṣādhīśa ihāste ṣoḍaśa dhṛtvā kalāvikārī ca /
ṣoḍaśakalāścaturbhirguṇitā dhṛtvā nirāmayā tvamasi

ṛtanunnasādhuvidyānandānandapradā kalālāpā //
śrutipeyagītirasikā tvaṃ tāvaddevi te namo lalite

ṛkṣapatikoṭikāntā kāntārārāmacāriṇī lalitā /
rakṣitasuranarabhuvanā tvaṃ tāvanmātarāśritān pāhi

ṛkṣapatikoṭinirmitikāraṇakāntyā sphuranmahārūpe /
vakṣojabhāranamre kamre kamratvabandhure pāhi

ṛtapathyakāriṇī yā suravanakādambasambhavā madirā /
sā tava mānasasukhadā prītā tvaṃ pāhi māmimaṃ lalite

ṛtamanatamubhayametaddinakararajanīśaśāsanīyatayā /
vāruṇye tvaṃ dvividhā premṇā prathamāṃ niṣevatāṃ bhavatī

ṛbhavopi sindhulabdhāṃ kapayā te devi tāṃ niṣevante /
divyāmeva sudhāṃ tatpriyamamataṃ pātumicchasi tvaṃ hi

ṛbhuṣu ca varuṇaḥ preyānamarāṇāṃ manujadānavānāṃ ca /
varuṇapriyamamataṃ tadvidyārūpaṃ tava svarūpamapi

ṛbhuvaruṇasevyamānā nāḍī nāḍīśvarī bhavettasyām /
jīvanmuktānandā bhavasi tvaṃ devi te namo lalite

ṛbhuṣu nareṣu ca dviṣadvairiṣu yā yā virājamānāstāḥ /
vidyā atītya vidyā tvaṃ jagadadhikāsi te namo lalite

ṛtabodhivedamārgaudvāvevādyo bhavāya bhavamuktyai /
mārgo dvitīya eva tvaṃ tadvedyāsi te namo lalite

ṛbhuripuśuṃbhaniśuṃbhau hatvā trātuṃ tvameva viṃdhyagirau /
nivasasi navanavaveṣā khyātā sarvatra te namo lalite

ṛbhunarasuraripulokān abhayapradapāṇipallavaireva /
tvamasi nanu pālayitrī mātevāmba stute namo lalite

ṛtavedasodarīṇāṃ icchājñānakriyākhyaśaktīnām /
tvamasi hi mātā khyātā kamalodarabhaginī te namo lalite

ṛtapālini harimāye vaiṣṇavaśakte samastabharaṇapaṭuśakte /
mūlaprakate mātaḥ tvaṃ me jagatāṃ ca te namo lalite

ṛtamātravedaśakte svecchāmātreṇa sakalakāryarate /
atidaivatanijaśakte kṛtinipuṇe te  namo namo lalite

ṛtanigamavedyarūpe kṣitijalapavanāgnigaganamayarūpe /
dhūtākhilavidhapāpe mātastubhyaṃ namo namo lalite

ṛṣimanunutaguṇaratne kṣitijaladahanādidehicararūpe /
matimanmānasahaṃsī pāhi tvaṃ māṃ namo namo lalite

ṛtajātabhūtajātajñātanākānāmīśvarādhīnam /
māteva jātapotān pālayasi tvaṃ namo'stu te lalite

ṛtamathavānatamāstāṃ vaddhiṃ tanuṣenataṃ kṣayaṃ tanuṣe /
iti jagati tvaṃ dvayamapi kuruṣe mātarnamostu te lalite

ṛtavairikāladaityaṃ kṣatatanumuktāsupañcakaṃ kartum /
kālī tvamabhūrbālaṃ kṣetrapamavituṃ namo namo lalite

ṛtameva vijayi vijayaṃ kṣatirahitaṃ vidadhatī tvaṃ hi /
ṛtavedyapādapadme vijaye mātarnamo namo lalite

ṛtadharmapālinī tvaṃ mitalokāsi tvameva sarasāsi /
ṛtavatyasi hadi śucitāṃ vimale mātarnamo namo lalite

ṛtameva vandyamakhilai rajaso dūraṃ ca yattamodūram /
ata eva durgamā tvaṃ vandye sevye namo namo lalite

ṛtajanmabhāgyadhātrī śrutividvadvṛṃdavatsale sakale /
nutiparajanatāhṛdayollāsini mātarnamo namo lalite

ṛtamayapadayugayugalāṃ vācaṃ vācaṃyamatvamapi vetsi /
bodhaya bodhād vimalāṃ ṛtavācaṃ māṃ namo namo lalite

ṛtavādini ṛtaśīle naranāthe vāmakeśi he subhru /
menāhimagiribāle harivāhini te namo namo lalite

ṛtasiṃdhugarbhajāte ṛtapālinyamba he mahāmāye /
śrutigeyacārupāde ṛtageye te namo namo lalite

ṛtapūrṇadahanagarbhe satataṃ tvaṃ vasasi viśvamahigarbhe /
ṛtamaṇiśobhitakaṇṭhī sutano nityaṃ namo namo lalite

ṛtamayi sakalāpekṣāvratatessaṃpūrṇaphalarūpe /
ṛtabhaktakalpalatike ṛtagarbhe te namo namo lalite

ṛtamapi nayasi hi cittaṃ vrataratirathavā na vartate yasya /
atikṛpaṇatvamavaśyaṃ tanuṣe tvaṃ pāsi te namo lalite

ṛtavimalamānasānāṃ ajñānadhvāntavihitadṛṣṭīnām /
pāśavimuktiṃ muktiṃ kuruṣe tvaṃ devi te namo lalite

ṛtavedavimukhamārgānatikaluṣībhūtamānasānadharmān /
pratipanthinassamastān avadhīstvaṃ te namo namo lalite

ṛtaviditamātmatattvaṃ smṛtinihitaṃ dharmamokṣayormārgam /
bhajatāṃ svarūpiṇī tvaṃ dvijamunivandye namo'stu te lalite

ṛtamatabādhātrayamapi nitarāmabhyetya dagdhahṛdayānām /
ānandakāriṇī tvaṃ pratijahi pāpāni te namo lalite

ṛbhubhavabādhāḥ kāścinnarakatijātāśca tāssamāsādya /
taptānānandayasi tvaṃ tanmāṃ pāhi te namo lalite

ṛtamajaramamatamāha śrutiriti vaddhatvavirahitā taruṇī /
matimalahāriṇi mātastvaṃ me māṃ pāhi te namo lalite

ṛtavacanadānapūjāniratārādhye tapasvigurujāye /
natiratamanujaprīte mātarmāṃ pāhi te namo lalite

ṛtamayasuṣumnikāye madhyaṃ cādhyāsya śobhitākāre /
tanumadhye'mba sudāyo nutireṣā te namo namo lalite

ṛtalokapūjyamāne nijatanumahasā tamoguṇaghne tvam /
lasadābhā vyatikariṇī jñānāndaprade namo lalite

ṛtaśuddhabodharūpe svayamevātmaprabhāsamullasite /
niyamitaniyatikalāpe dhṛtimati varade namo namo lalite

ṛtamiti taccetyanubhavavedyabrahmasvarūpiṇī tvamasi /
aticaturamatisugamye gamye yamināṃ namo namo lalite

ṛtasahajadīptirūpe śuddhajñānasvarūpiṇī tvamasi /
matimapi diśa me jñānaṃ jñānānande namo namo lalite

ṛtavimukhānāṃ teṣāṃ suranaragandharvamukhyabhedānāṃ /
ānandādhikamekaṃ vahasi hi harṣaṃ namo namo lalite

ṛtamahitāpānandādākāśe'ntargatā viśuddhasattvamayī /
saiva parāparakalitā śivasopānaṃ tvameva nanu lalite

ṛtamatyagamyarūpā prakṛteścidrūpaśobhitā mātā /
iti bhavasi devi jagatāṃ pāhi tvaṃ māṃ namo namo lalite

ṛtamayi paśyantī tvaṃ nāmnā śabdārthabhāvanārūpā /
yogaviśāradavedyā dhyeyā teṣāṃ namo namo lalite

ṛtaguṇamayadṛgdṛśyā sukṛtaphalite'tha sādhakārādhyā /
bhavasi paradevatā tvaṃ bhūyo bhūyo namo'stu te lalite

ṛtameva vaikharīti tvāṃ nādajñānino vadantyamba /
nādabrahma brahmajñānānande namo namo lalite

ṛtavedagocarā tvaṃ tanmātrādgeyamadhyamārāvā /
sākārāsi tathā tvaṃ madhyamarūpe namo'stu te lalite

ṛta iva jagati ca bhaktasvāntasarovārimadhyacarahaṃsi /
ṛtapathacarahṛdgamye devi tvaṃ pāhi te namo lalite

ṛtaśivaharividhipañcaprāṇākhyanāḍikā tvamevāsi /
tena hi te balinaste kārye siddhā namo namo lalite

ṛtamarmavedinī tvaṃ katamihe kāryaṃ nabhistu jānāsi /
nutimapi namatāṃ vihitāṃ tāmekānte namo namo lalite

ṛtamiha bhajatāṃ mārge preyasi caratāṃ manojñakṛtapūjām /
pūrṇāmādāya tvaṃ vitarasi phalamamba te namo lalite

ṛtapathagāmini satataṃ śṛṅgārāmbhodhisārasampūrṇe /
caṃcatkalāsvarūpe śṛṅgārākhye namo'stu te lalite

ṛtamiva vijayini satataṃ natajanahṛdayāravindamadhyasthe /
prathitapraharaṇahaste mātastubhyaṃ namo namo lalite

ṛtajālandharamudrāvartini saṅghātapīṭhamārūḍhe /
matimanmānasahaṃsī tvaṃ jaya mātarnamo namo lalite

ṛtamūlapraṇavaṅkitamoḍyāṇākhyaṃ virājate pīṭham /
tava tāvadāsthitā tatpīṭhaṃ mahitaṃ namo'stu te lalite

ṛtamayi parākhyaśaktyā mūlādhārasthakuṇḍalinyā ca /
devi tvameva tejobinduśrīpīṭhavartinī jayasi

ṛtameva gārhapatyaṃ dakṣiṇanāmā kramāttricakreṣu /
āhavanīyo gūḍho yāgastriyutena sevitā tvamasi

ṛtamiha cāntaryāgastriṣu cakreṣu tridhā sthiteṣveva /
ādāya gārhapatye paścāttenāmba bhavati te dhyānam

ṛtamūlagārhapatye dakṣiṇanāmnīha pāvakeṣveva /
āhavanīye nihitavyāpārā devi tarpaṇaṃ nanu te

ṛbhugaṇakāmitaphalade dhyānābhyāsapriyaprasādakari /
bandhatrayavida eva na bandhanabhītistava prasādena

ṛbhvādijīvagarbhaṃ brahmāṇḍaṃ tasya sākṣiṇī tvamasi /
tvayi sākṣiṇyāṃ satyaṃ kā kṣatirasyāsti devi te lalite

ṛbhyvādisākṣiṇī tvaṃ devi paraṃ nāsti kopi tava sākṣī /
vyāpāramamba gūḍhaṃ paśśyennaivātra kopi bhuvaneṣu

ṛtadharmakīrtitejovairāgyajñānaṣaḍguṇaiḥ pūrṇe /
vedāṅgadevatābhiḥ sahite tubhyaṃ namo namo lalite

ṛtaṣāḍguṇyavatī tvaṃ puṇyavatīnāṃ jagatsu puṇyavatī /
tava sampado'pyagaṇyāḥ kastvāṃ stotuṃ kṣameta he lalite

ṛtamayi karuṇābharite satatamapāṅgābdhigalitasudhayā tvam /
jīvayasi jīvalokaṃ jīvātuṃ tvāmahaṃ bhaje lalite

ṛtamapi bhavatī sā sā bhavatī nāstyeva no samā te'sti /
ata eva nāyikā tvaṃ jagatāṃ jagatāṃ ca nāyakasyāpi

ṛtametadeva me syāt vapuranapāyīti bhāvamapanīya /
vitaratu videhamuktiṃ muktāpāyaṃ vidhāya me bhavatī

ṛtamiva nāśavirahitasvaraṣoḍaśikākate tathā teṣām /
saṃkhyānurūpapuñjā tuṣṭābhīṣṭārthadāyinī tvamasi

ṛkṣapatimaṇḍalasthāḥ pañcadaśatvaṃ ca ṣoḍaśāhatya /
avināśinyo jātā jātānetānanārataṃ trātum

ṛtamiva ca jagadaśeṣaṃ trātuṃ hālāhalaṃ śriyaṃ kaṇṭhe /
dadhatastapasārdhāṃ hatvā dhatse'mba te namo lalite

ṛkṣamaṇihārabhūte śrayadaṇimādyaṅgasiddhisaṅkalite /
yakṣapatimitradayite mātastubhyaṃ namo namo lalite

ṛkṣeśadahanadinakaratejorāśiṃ vidhātumiva dhatse /
dyutimayarūpamarūpā satyapi tubhyaṃ namo namo lalite

ṛtamiva cāhaṃ hadi hadi siddhā tiṣṭhāmi bhāvanā ceti /
śrīdevī tvaṃ viditā jīvibhirakhilairnamo'stu te lalite

ṛkṣeśamukhi sakhī tvaṃ lakṣmīvāṇīpulomajādīnām /
yakṣeśayoṣidīḍye mātastubhyaṃ namo namo lalite

ṛtasatyādiguṇānāṃ sṛṣṭeḥ kāryaṃ yadā na kiñcidapi /
śaktistadāvirāsīḥ tvaṃ prakṛtirnamo'stu te lalite

ṛtavatyagocarā tvaṃ mūlaprakṛtiriti bhavasi yatsā tvam /
ṛtamava jagati samaste mātastubhyaṃ namo namo lalite

ṛtamakhiladarśi nityaṃ tvamapi tathā tadvivardhayasyeva /
kṛtavasatirasi hi mātaḥ pāyāstvaṃ nassadā namo lalite

eṇākṣi vividharūpe rūpe rūpe sthitāvahitthā tvam /
bhūruhavahnirivāsi hi jāgratyava māṃ namo'stu te lalite

ekaṃ jñānamataṃ tadbhinnaṃ tvajñānameva caivaṃ tvam /
dvedhā parāpareti prakaṭitabhāvāsi te namo lalite

eṇāṅkamihirapāvakanayano yaśśaṅkarassadā tasya /
nayanānandakarendujyotsnārūpāsi te namo lalite

ekātmatātmabhaktasvāntalasad‌dhvāntabhāskarākāre /
tejasvini te karuṇā pāyādasmān namo'stu te dhīre

ekākinī yadā tvaṃ himavatyāsīrniśumbhaśumbhakate /
śivameva dūtamakarostvaṃ śivadūtī namo'stu te lalite

edhita eva hi mahimā tāvaka īśāna indulocanaste svāmī /
brahmātmanātmani tvaṃ sthitvārādhyāsi tasya jagatāṃ ca

ekaṃ brahma tathaikaḥ paramātmāyaṃ hitena sā tvamasi /
śivamūrtireva ramaṇī saubhāgyaṃ dehi me namo lalite

edheta te kapā cedaṅko'pyāyuktasampadeveha /
kīrtyārogyabalaśrījīvitakālaiśca te namo lalite

ekaiśvaryavatī tvaṃ lokeśaśrīśaśaṅkarābhyadhikā /
śāṅkaryasi bhavabhīrorbhayanāśinyamba te namo lalite

ekībhūtaśarīrā vapuṣā nāthasya śaṅkarasyāsi /
prīṇayasi taṃ tvamevaṃ prīṇayati tvāṃ sa te namo lalite

ekamatetra rasānāmācārajñānasampadāṃ mahatām /
nityaṃ priyāsi sā tvaṃ pālaya māmamba te namo lalite

ekāsanayamaniyamajñānālambaiśca pūjite vidhinā /
sāttvikakarmaṭhahadaye niyatāvāse namo'stu te lalite

ekāntavāsaśīle svānte svānte sthitāprameyā tvam /
lokānatiśeṣe'mba tvāmahamīḍe namo'stu te lalite

ekatvadīptikośān ekebhyo dīptidāyinī tvamasi /
lokāntaraṅganilaye mātastubhyaṃ namo namo lalite

edhassu dahana iva te kāye caitanyadīptadīptirasi /
nityaṃ samedhamānā dīpayatīdaṃ jagat‌trayaṃ lalite

eṇāṅkacāruvadane sadane māṅgalyadevatānāṃ ca /
bhūyānnatiriha tubhyaṃ vācāṃ manasāmagocare lalite

ekaṃ brahma ca nityaṃ jagaditi sā tvaṃ ca cetanārūpā /
lokaṃ ramayasi loko ramayatu caritena santataṃ bhavatīm

ekaṃ tamo guhāḍhyaṃ caitanyavirahitaṃ satatam /
śaktisvarūpiṇī tvaṃ tamaso mahato'pi te namo lalite

ekākṛtirasi na tvaṃ jaḍacetanayostadubhayarūpasya /
rūpatrayaṃ dadhāsi hi jaḍarūpāyai namo'stu te lalite

ekaikavarṇayogādviṃśatisahitāni santi catvāri /
bījākṣarāṇi mantre gāyatrīti pratītarūpāsi

ekaikavarṇayogād vyāhatayassapta lokasāmaiva /
śaktyavatārāstava tāḥ pañcāśadrūpiṇī tvamevāsi

ekā hi rājaśaktiḥ phaṇinīśaktiḥ trikālajā śuddhā /
śaktiriti sāndhyaśaktiḥ tāsu tvaṃ bhāsase namo lalite

eti yamihopanayanaṃ dvijapadamabhyetyathātmasaṃskṛtyā /
taireva pūjanīyā vipraissaṃskāravadbhirasyamba

ekībhūtairakhilaistattvaistattvaṃ mahadbhavedekam /
pīṭhamatha tava syādbodhakamiṣṭasya tejaso devi

ekaṃ tadeva sattvaṃ brahma ca gāyatryapīti laliteti /
śrīkaṇṭhakaṇṭhahārādhāritakaṇṭhī tvamamba māṃ pāhi

ekāsanāsi patyā śrīkaṇṭhenāpi nijavihāreṣu /
lokāvaneṣu samare nānāpīṭhāyudhākṛtirbhavasi

ekabrahmavyāhṛtiviṣayībhūtā tvameva bhavasīti /
lokatrayaṃ namet tvāmāryāmāryābhimāninīṃ devīm

ekaikasyāṃ tanvāṃ kośāḥ pañcāpi devi rājante /
brahmāvāsagṛhāṇi hi bhavadāvāsāśca te namo lalite

ekenaiva na śakyaṃ varṇayituṃ tvāmahīśvareṇāpi /
lokātītamahimnā jayasi hi satataṃ tvamiṣṭakādambā

ekāvasthā sulabhā bhavati narasyāpi yauvanāvasthā /
nityā hi tava tu sā tvaṃ jayasi tayā devi niścitāvasthā

ekaiśvairyavatastvaṃ lokādhīśasya māninī bhūtvā /
madamānaśālinī syāḥ kāmaṃ tubhyaṃ namo namo lalite

eṇīvilolanayane madaghūrṇitapāṭalākṣi daityavadham /
kṛtvā'savamapi pītvā pronmatte te namo namo lalite

edhitamadhupānamadā pāṭalagaṇḍasthalī tvamevāmba /
sādhayasi sakalakāryaṃ sādhaya mama kāryamīpsitaṃ lalite

eti hi candanagandhadravamukhyānekacarcitāṃ devī /
bhautikamūrtistava tadbhavati hi bhūtāṅgasurabhicārcikyam

eti priyatā hṛdayaṃ tava navacāmpeyakusumavahanācca /
vāṇīpriyaṃ hi sā gīrbhavati tvaddhāmavāsinī lalite

etāvānmahimā te niyato naiveti bhāsi kuśalāni /
saṣṭisthitilayakatiṣu tvaṃ yatkāryeṣu dakṣiṇā bhavasi

enāṃsi hantumarhā sā tvaṃ śrīdevi komalākārā /
nānāvidhajanahadaye madvaṅgī tvaṃ virājase nitarām

ekātimahadahaṅkatisudṛḍhaprākāraceṣṭite jagatīm /
ekātmanātmajaṭhare vahasi tvaṃ devi te namo lalite

eko hi te prapañcastasya tvaṃ nāyikāsi mātāpi /
māturiva māstvanāsthā garbhasthesminnitīrayetko vā

ekātmanātmabhūmiṃ dhatse tvaṃ devi bhoginī bhūtvā /
dehānapi śatarūpān bhuvanādhāre namo'stu te lalite

aihikasukhamicchantaḥ sevante tvāṃ tathaiva kaivalyam /
icchanto'pi ca mārgo bhinnasteṣāṃ phalaṃ tathā diśasi

aihikabādhāharturgaṇanāthasyāpi kārtikeyasya /
mātāsi devatāstvāṃ sevante ceti te namo lalite

aiśvarabhāgyamavāpya śreyo dātuṃ jagat‌trayasyāpi /
siddhāsi sādhakānāṃ martyā rocanta eva te teṣu

aihikamarthaṃ mahatāṃ sādhayituṃ pāramārthikaṃ ca tathā /
yatamānānāṃ satataṃ phalamiha dhatse samānamevāmba

aindriyapuṣṭimatī tvaṃ jantūnāṃ puṣṭidāyinī bhavasi /
īśvaraharividhikāryāṇyādāya tvaṃ tu jāgarūkāsi

aindriyamadasaṃhāriṇi matirūpe sanmatipradātrī tvam /
adhigataśuddhavivekā tvamasi hi dadyā vivekamekaṃ me

aiśvaryamiva dadāsi tvaṃ śāntiṃ śāntikāntarūpāsi /
śāntiṃ svānte mahyaṃ dadyyāstvaṃ me namo namo lalite

aiśvaryamatulamāstāṃ tava kṛpayā tvaṃ janeṣu sakaleṣu /
svastimati dehi mahyaṃ svasti svastipradā tvamevāsi

aiśvaratejodhāriṇi tejorūpe jagattrayādhāre /
dāraya bhavabhayamakhilaṃ tāraya jaladhiṃ namo'stu te lalite

aihikakaṣṭanivāriṇi pāratrikasaukhyadātri sāvitrī /
daihikahārdikasaukhyaṃ janaya ca sakhyaṃ jane jane janani

aiśvaramaulivibhūṣā nandāgārodbhavā ca sā durgā /
ānandarūpiṇī tvaṃ kalyāṇī kāmadhenurapi bhavasi

aihikapāratrikayoḥ sukhayorvighnānnivārayasyeva  /
dehātmātmatvadhiyāṃ devi tvaṃ dehi dehi suvivekam

aiśvaryavatyasi tvaṃ raviśaśipavamānamitranetrāsi /
nāḍītrayatrimārgā devi tvaṃ pāhi te namo lalite

aindriyanivahe nayanaṃ prathamaṃ nārī smarābhadehānām /
taddvayajayinī sā tvaṃ lolākṣī kāmarūpiṇī jayasi

aiśamahimnā tuṣṭe śiṣṭābhīṣṭārthadānasantuṣṭe /
akṣaramālāśakte mālinimātarnamostu te lalite

aitihyādhikasattvaṃ pañcāśadvarṇamālikāratnam /
varṇahaṃsī so'haṃ sā tvaṃ dvayīha namo'stu te lalite

oṃkāramūlapīṭhe vyāhṛtisamasaptamātṛkārūpe /
svaravarṇamātṛkā tvaṃ mātastubhyaṃ namo namo lalite

oghasamākulasaṃsatisāgaragarbhe nimajjatāṃ dehān /
dhārayasi jīvayasi sā tvaṃ malayādristhāsi te namo lalite

oghāvarte sā tvaṃ bhrāmayasi svārthamapyanālocya /
kuṇḍalinī tvaṃ tu tathā baddhāsīhāmba te namo lalite

oṣadhinidhimattanaye sumukhī gāmbhīryaśālinī tvamasi /
dhīśālinī cakampe samare suravairibalamavekṣya tvām

ojasvinī ca phaṇinī mūlādhārasthitā sahasrāre /
kurute kapāṭabandhaṃ tvamapi tathaivāmba bhavasi gaṇanīyā

oḍhumaśeṣaṃ bhuvanaṃ subhru tvaṃ bhavasi jagati kuṇḍalinī /
mūḍhānoḍhrī sā tvaṃ prājñānetān kuruṣva he janani

audāryadhairyasubhage māturviśvambhare sthire rucire /
tvaṃ śobhanāsi nityaṃ mātastubhyaṃ namo namo lalite

aupayikakāryakariṇī kariṇīgambhīragāminī tvamasi /
suranāyikāsi sā tvaṃ dīnānasmān sadā mudā pāhi

audāryapūrṇacitte citte citte sadā nṝṇāṃ vasasi /
kalakaṇṭhamadhurakaṇṭhī kaṇṭhīravavāhanā tvamevāsi

audāryamātmanīva tvayi kāntiḥ kāmamasti durvārā /
vārayasi tena ca tayā bāhyāntardhvāntasantatiṃ hi nṝṇām

audāryaṃ kiyaditi te ko vā śaṃset praviśya tava hṛdayam /
yattvaṃ sṛṣṭividhāne prerayasīśaṃ tameva nijaramaṇam

audāryavatyapi tvaṃ daśyā naivāsyaṇoraṇutvena /
mūlādhāragaphaṇinī yaśasi tvaṃ devi te namo lalite

auṣadhasañjīvanamiva vajramaṇiṃ dīptiśaktisaṃyuktam /
bhāsayasi sakalavastu dyotayasi tvaṃ tadeva nanu lalite

auṣadhipanāḍikāyāṃ tvaṃ dehe bhavasi vāmabhāgasthā /
dinakaranāḍyāṃ dayitastava bhavatītīśvarī tvamevāsi

auṣadhamiva tava karuṇā surabhirivākāśacāriṇī bhavati /
tamasi vayovihitāṃ tāṃ trividhāvasthāṃ vinā sthitā bhavasi

audāryahārdakaruṇāpālitabhuvane samastaguṇasahite /
siddheśvari pariśuddhe citte kāye vacassu māṃ pāhi

aupādhikopadhīnāṃ nāthā nāthāśritā hi kuṇḍalinī /
jīvanmuktāvasthāṃ dātuṃ yamināṃ sadā sthitā bhavasi

audāryaśīladeyā aṇimādyā siddhayo mahādevi /
vidyāsiddhisurūpe tvāmupajīvanti santataṃ lalite

audāryaśālinī tvaṃ sā kuṇḍalinī dvayīti yuvayostu /
devīha muktimārge jīvanmuktāddhvadīpike syātām

auṣadhipatidharadayite mātarlalite yaśassudhāvicale /
ojo dhehi mayi tvaṃ matimati śuddhāṃ ca te namo lalite

audāryadātri namatāṃ nṛṇāṃ cakre viśuddhanāmni tvaṃ /
nivasasi katanijanilayā cakrārādhye nidhehi mayi sattvam

aurasaputrā nanu te sarve sarveśvarī tvamevāsi /
āraktavarṇayuktā kāle kāle sthite namo lalite

auḍupadinakaratārārūpākṣitrayasamanvitā gagane /
tejomayi mayi karuṇāṃ kurvīthāstvaṃ namo'stu te lalite

aupādhikabhayanāśinikhaḍvāṅgādyāyudhojvalākāre /
nihatasuravairivarge trāhi trāhi tvameva māṃ lalite

auḍukapatha iha gagane jagatīdaṃ syātkṛtaṃ dharāvaraṇaṃ /
tasmāttadekamāste vadanāmbhojaṃ namo'stu te lalite

auṣadhamiva madhurasavanmadhuraṃ paramānnamamba te prītyai /
bhavati hi vihitaṃ satataṃ prītā tenārjitena manasā syāḥ

aṃhastamasāṃ hantrī tvaṃ tāvaddevi dehināṃ bhavasi /
bhavasiṃdhutārayitrī gātre gātre tvamindriyādhīśā

aṃhomayapaśupālananiratā tadbhītihāriṇī tvamasi /
raṃhastavāmba gatyāḥ samare samare saheta ko vāmba

ambujamekaṃ daśaśatapatraṃ varṇāḥ svarā iha svairāḥ /
santi hi santatamasmin kṛtavasatistvaṃ virājase lalite

ambujamanāhatākhyaṃ pīṭhaṃ tava cakranāmakaṃ vihitam /
svaramadhruvaṃ dadhānā tattvaṃ tvaṃ vaiṣṇavī ca jaya lalite

ambaramiva ghanasahitaṃ śyāmā tvaṃ cāsi vaiṣṇavīnāmnī /
ambujanābhasakhī tvaṃ bhavasi hi satataṃ namo'stu te lalite

ambhogatirapi kuṭilā gamanaṃ te tena ḍākinī tvamasi /
siṃhāsanamadhirūḍhā jīvanadātrīha dehināṃ lalite

ambujamadhivasasi tvaṃ tannāmnānāhataṃ nabhastattvam /
vadanadvayasampannā tena tvaṃ rājase namo lalite

aṃśucchuritadviradabhrājitavadanābhravṛndanīlāṅgī /
śiṃśupasumalalitoṣṭhe nityaṃ daṃṣṭrojvale lalite

aṃhaḥstomakṣayakarajapamaṇimālābhirāmaśubhakaṇṭhī /
so'haṃ nāhaṅkārī tvaccaraṇāmbhojabhambharo lalite

aṅgeṣu rudhirapūre svāminirudhirāsavena sonmatte /
aṃśava iva te dinakacchaśitārākāriṇo hi te lalite

aṅkuśamukhyapraharaṇabhīkararūpābhirāvatāsi tvam /
śaktibhirullasitāsi dvādaśabhiste namo namo lalite

aṃśumati mātaragaje kiṃśukaraktāmbare śubhākāre /
tvaṃ śubhamiha kuru mayi he śaṅkari tubhyaṃ namo namo lalite

aṃhāṃsi me kṣamasva tvaṃ tāvallokalocanā bhavasi /
snigdhānnamodamānā mātarmāṃ pāhi te namo lalite

aṃśāvatārabhājāṃ  vīrāṇāṃ śauryasāha santubhyam /
roceta rocamāne  dhāmnā nityaṃ namo'stu te lalite

aṃśumadanāhatābje kākinīkhyāsi sā tvamevaikā /
pālanamokṣasukhasya tvaṃ dātrī te namo namo lalite

aṅge'sti nābhideśe maṇipūrakacakramambujākāram /
bhavati tadeva hi nilayaṃ tava tattubhyaṃ namo namo lalite

ambujamiva maṇipūraṃ vyomānalavāyutattvavallalitam /
tadguṇavattrividhāsyaṃ bhavati ca tatra sthitāsi he lalite

aṅkuśavajrādyāyudhadhāriṇi saṃsārajalanidhestaraṇe /
raṇamedinīṣu dhīre dhīrākāre namo'stu te lalite

ambuja iva maṇipūre daśadaladaśavarṇaśobhite lalite /
daśabhirḍāmaryādibhirullasite te namo namo lalite

aṃśukabhūṣaṇabhīṣaṇanānāyudhayogacitritākāre /
āpāṭalāṅgavalli tribhuvanajanani tvameva me śaraṇam

aṅgāmiṣābhimāne maṅgaḻamūrte jitārikulakīrte /
māṅgalyadānaśīle bhagavati mātarnamo'stu te lalite

kalyāṇi kalpavalli praṇatānāṃ karmasākṣiṇī tvamasi /
guḍamadhurānnaprīte namadiṣṭārthaprade namo lalite

kamale maṇipūre ca sthitimati cāśeṣabhaktasukhadātrī /
jāṭhara iva dahano'ṅge tvamasi hi nityaṃ namo'stu te lalite

kanakācalataṭavāse sakalasukhānāṃ ca dātri mṛdugātri /
lākinyambārūpe sarvāvidyāvināśini trāhi

kaṭitaṭavartini dehe svādhiṣṭhāne'mbubhūmitattvamaye /
nivasasi sakalasukhāya śrīlalite te namo'stu tattvamayi

kalyāṇi cakramadhye svādhiṣṭhāne nabho'mbuvāyudahanāśca /
tattvātmanā syurasmin sā tvaṃ vasasīti te namo lalite

karavālaśūlacakrādyāyudhavibhrājamānakarajāle /
śarabhinnadaityanivahe mātastubhyaṃ namo namo lalite

kamaladalakesarābhe hemābhe sūkṣmamadhyame rāme /
vimalatarahasitavadane mātastubhyaṃ namo namo lalite

kaluṣavirahitaṃ cakraṃ svādhiṣṭhānaṃ samastanāḍīnām /
sthānaṃ phaṇinīśaktyā darpāya syānnamo namo lalite

kāyagaramedasi tvaṃ devī tatra sthitāsi sā nityam /
bhāyayasi dhūrtanivahaṃ sujanānuddharasi te namo lalite

kādambarīpriyā tvaṃ madhupānāsaktamānasā bhavasi /
kādambamandagamane mātastubhyaṃ namo namo lalite

kāmacaravaravimāne dadhyannāsaktamānase satatam /
sīmātiśāyikaruṇe mātastubhyaṃ namo namo lalite

kākinyambārūpe śokavyāmohasādhvasai rahite /
lokavinodanaśīle mātastubhyaṃ namo lalite

kāntāravindamūlādhārārūḍhe' hicakramārūḍhe /
śāntātikomalāṅgī mātastubhyaṃ namo namo lalite

kānte svādhiṣṭhāne ṣaḍdalavatpadmamaṇḍite mahati /
bandhinyādisamaṣṭyā śaktyā yukte namo'stu te lalite

kāntasuṣaḍdalapadmaṃ babhamayaralavarṇasaṃyutaṃ lalitam /
kāntakṣititattvārthaṃ tatte sthānaṃ bhaveddhi te lalite

kānte mūlādhāre gaganamarudvahnijaladharaiḥ tattvaiḥ /
pañcānanāsi śaktiḥ kuṇḍalinī tvaṃ namo'stu te lalite

kīkasasaṅghasvāminyasi bhūtatvena susaṅgatā tvaṃ hi /
lokābhyudayavidhātrī mātastubhyaṃ namo namo lalite //531/
komalagātryapi hastairaṅkuśapāśādhidhāriṇī bhavasi /
kāmacarāsuradamanī tvamasi hi mātarnamo'stu te lalite

kāmacari kamalanayane catasṛbhirabhimānadevatābhiśca /
varadādibhirākalite mātastubhyaṃ namo namo lalite

kāmitamudgadalānne kāmitaphalade samastabhaktānām /
somasudhāmaduhāse mātastubhyaṃ namo namo lalite

kālī kuṇḍalinī yā śākinyābhyāṃ samanvitaiva tayā /
niyateva bhāsi sā tvaṃ bhāsi tayā devi te namo lalite

komalamājñācakraṃ bhrūmadhye baindavāgnisānnidhye /
asti nanu mātakāyā ṛṣabhākhyaṃ dhāma te'pi sallalite

kāntiṣviva ravikāntirvarṇe śuklaḥ pradhāna iti sā tvam /
śuklāsi dehakāntyā jyotsnīvendornamo'stu te lalite

kīrtita ājñāvidbhiḥ lalitājñācakra eva sā tvamasi /
tāvacchaḍānanā tvaṃ tasyai tubhyaṃ namo namo lalite

komalamajjāsaṃsthe dhātrabhimāninyapīha sā tvamasi /
karuṇāruṇitāpāṅge jaya jaya mātarnamo'stu te lalite

kāntimati haṃsavatyā śaktyāsi tvaṃ kṣamāvatīnāmnā /
dakṣadvyakṣarayukte mātastubhyaṃ  namo namo lalite

kāmitaśālyannāde kāmitaphaladānaśīlatāmānye /
sāmajavadanasarojālokanamudite namo'stu te lalite

komalahākinyākhyā kācana śaktirvirājate cakre /
cakreśapūjitāṅghre vijñānasthe namo'stu te lalite

komalasahasrapatre kamale kamalodbhavārcite lalite /
nivasasi sā tvamajasraṃ mātastubhyaṃ namo namo devi

kāntāsi sarvavarṇaistacchaktyālaṃkatāsi mātaṅgi /
kāntārpitārdhadehe dehe dehesi śaktirevāmba //544/
kāmāyudhāni dhṛtvā kāmitarūpākhilāni niśitāni /
rāmāsenāsahitā jayasi hi mātarnamo'stu te lalite

kāryeṣu vīryarūpā brahmapadevāsi bījarūpā vā /
māyādhāravatī tvaṃ jayasi hi mātarnamostu te lalite

kamalāramaṇa iva tvaṃ bhavasi hi viṣvagvilāsimukhapadmā /
sumukhi prasīda mātardīnedhīne tvayīha mayi devī

kāmayase tvamaśeṣāṇyannāni śreṣṭhabhaktadattāni /
āsvādaya tadabrahma hi sarvaṃ cānnaṃ tvameva nanu lalite

kalyāṇaguṇavatī tvaṃ yākinyambāsvarūpiṇī bhavasi /
paryāyeṇa ca ṣaṭsu tvaṃ cakrābjeṣu sañcarasyeva

kalyāṇatārakeṣu jvalato vaiśvānarasya dayitāsu /
svāhānāmnī brahmajyotiścāsi tvameva nanu lalite

kāmitaphalādā loke pitadevānāṃ svadhābhidhānā tvam /
dhūmaśikhasya ca vahnerjāyārūpāsi te namo lalite

kāmāntakāṅgataraṅge ramamāṇā tvaṃ jaḍānabhijñā ca /
bhavasi kadācidiva tvaṃ bhavasi ca muktisthitā namo lalite

kāruṇyāmatavaṣṭiṃ kurutepāṅgadvayaṃ nijeṣu sadā /
medhā nṛṇāṃ manassu tvaṃ nanu loke namo'stu te lalite

karṇākarṇikayā te śrutiriva vadanāṃśunissṛtā vāṇī /
ājñākarī varājñā bhavati hi sā tvaṃ namo'stu te lalite

kīrtitavedādeśaṃ smarati cayārthaṃ ca saṃhitārūpā /
dharmasya sā smṛtistvaṃ śabdārthajñānabodhinī lalite

kā vāstyajāṇḍagarbhe tvatsadaśī ko nu kiṃ tulāṃ yāti /
tava devi sakalahatsu tvamasi hi tadbhadramāsuva tvaṃ me

kāsādisarvarogān kāye śleṣmādidoṣasambhāvyān /
nāśayasi vaidyarājñī tvamasi hi mātarnamo'stu te lalite

kīrtirasi puṇyarūpā labhyā puṇyena kīrtanaśravaṇaiḥ /
puṇyairnaṃdasi ca tvaṃ mātastubhyaṃ namo namo lalite

kāmārihārdamūrte suravanitābhiḥ pulomasutayāpi /
devyārcitāsi bandhānmocayasi tvaṃ namo'stu te lalite

kādambinīva bhaṅgī nīleva ca nīlakāntikāntaste /
cikuro vibhāti dhāmnā mātarnīrājitāsi te lalite

kāryākāryavicāre nityā nityādivastutattve vā /
vidadhāti yā vicāraṃ sā vidyā tvaṃ namo'stu te lalite

khamapi ca nādaṃ binduṃ vyāpya ca yā bhāti tāṃ kalāṃ lalitāṃ /
ākramya viśvasṛṣṭiṃ kurvāṇā tvaṃ virājase lalite

khāniladahanāmbudharāḥ pañca hi bhūtāni daivakarmāṇi /
janimatihetava ete sarvāpattīrnivārayermṛtyoḥ

gaṇanīyāgre mahatāmamarāṇāṃ tvaṃ śivekhilānāṃ ca /
bhavasi hi nityamaciṃtyā kalikalmaṣanāśini tvamevāsi

gaṇyākhilāmarāṇāṃ tejastomastava svarūpaṃ hi /
puṇyāni tava kṛpāyāḥ phalarūpāṇyamba te namo lalite

gāyanti gānarasikāssevantenye hitārthino bhavatīm /
nāśayasi kālabhītiṃ bhītānāṃ te namo namo lalite

gāruḍamaṇinīlāṅgīṃ gururapi viṣṇurniṣevate bhagavān /
nijakāryasādhiketi tvāṃ tenāsīt sa viṣṇurevāmba

girirājaputri lalite tāmbūlādānasevanollasite /
yad‌dvādaśaguṇayuktaṃ tāmbūlaṃ te priyaṃ hi te lalite

girivanacaramaganayane nayanānandaprade satāṃ surāṇāṃ ca /
hariharakāryakarī tvaṃ rakṣāṃ kuru me namo'stu te lalite

giriśamanohari dāḍimakusumaruce devi devatājanani /
cārutaravasanaśobhābharite lalite namo'stu te lalite

girimahibaddhaṃ katvā kṣīrapayodhiṃ ca mathitamatha kṛtvā /
amatamavāpurarmartyāḥ tvamabhūstebhyo hi mohinī lalite

gītākhilaguṇabhūṣe sakalairviśvātiśāyinī tvamasi /
gītāgurusahajāte mātarmāṃ pāhi sarvathā satatam

gurutarasukhamānandaṃ dadyāstvaṃ devi yogināṃ samatām /
gurutaramapahara māmakapāpaṃ pāpaghni te namo lalite //573
gururamba te'sti jagataḥ tava bhartā śaṅkaro hi saukhyamiha /
sa dadāti ca sā tvaṃ ca śreyaskari te namo namo lalite

gūḍārthabodhinī tvaṃ sahadayarūpāsi ravirapīhāsi /
sā tvamasi nityataptā mātassarvatra pāhi māṃ pūrṇam

gūḍho bhaktanidhirvā mayi naivāsti prakāśyamāno vā /
nāhaṃ bhakta iha syāṃ bhaktanidhiṃ te kuruṣva māmamba

gūhitabhuvananiyantrī svasminnasminnigūḍhamajñānam /
mohayati yattu cittaṃ tadapi tvaṃ prāgvināśayeramba

gṛhamiva nijamatiramyaṃ svāmī tvaṃ viśvamandiraṃ ca nijam /
rakṣasi hi tena sā tvaṃ brahmāṇḍasyāsi nāyikā lalite

gehiṣu maitrīkaruṇāsantoṣādyāstu sadguṇā yatra /
teṣu prasīdasi tvaṃ karaṇaviśuddhaḥ priyāya te lalite

geyacaritre pātre karuṇāvaṣṭiprade sudhāmode /
ante trimūrtikārye śānte tvaṃ viśvasākṣiṇī bhavasi

gairikarāgavadadhare vacasā madhure galatkapāsāre /
śaktiṣu cādyā tvamasi brāhmīśaktiśca te namo lalite

gotroditaprabhāve brahmāsakte nirañjane satatam /
pātrīkuru karuṇāyā māmapi tava devi me natirlalite

gauravakārakamadirāmāpīyāpīya cālasevāsi /
brahmānandapayodhau magnonmagne namo'stu te lalite

gandhādiguṇavidūre śuddhajñānātmike ca te lalite /
śrutyādhāravacobhirgamye ramye namo'stu te lalite

gaṅgāgraje dvijeḍye brāhmī māheśvarīti kaumārī /
vaiṣṇavyatha vārāhīṃdrāṇī cāmuṃḍikā tvamevāsi

gambhīre śrīlalite varṇāvalivarṇamātakārūpe /
varṇeṣu dhavalavarṇe brahmānandaprade namo lalite

gaṅgeva mūrdhni śambhostava gṛhamudyotate mahākūṭe /
brahmaṇi līnaṃ ca kalātītaṃ dehe sahasrapatragatam

ghanakarajaghanastanayorbhārādānamrakāyakalpalate /
bisamaduladossuśākhārucire tubhyaṃ namo namo lalite

ghanapathacarasuravandaiḥ sevitacaraṇāmbujemba mahanīye /
nāthādadhikodāre pātrī dhātrī bhava tvameva mayi

ghātukadānavanivahaṃ sakalaṃ saṃhatya sajjaneṣu dayām /
dadhatī dayārdramūrtistvamasi hi mātarnamo namo lalite

ghīṅkṛtimadgajarājaṃ samare samare'dhiruhya vairibalam /
nāśayasi nāśarahite nāśaya matpāpamamba he lalite

ghuṣṭaṃ samastamunibhirbrahmaikaṃ satyaśuddhameveti /
tvamasi hi tathātmavidyāhṛdyānādyā namo'stu te lalite

ghoṣayasi tāṃ hi vidyāṃ brahmānandapradāyinī tvamasi /
mahatī vidyā sā tvaṃ sārasvatasārarūpiṇī bhavatī

ghaṇṭāninādamukhyairdaśabhirnādairvirājate lalite /
sakalamahimābhirāme śrīvidye te namo namo devi

capalākṣi cāruśīle vidyāvidyāsu saṅgatā bhavasi /
koṭyadhikaśaktiyuktā nānārūpā virājase lalite

caya eva hi varṇānāṃ padamapi kamalaṃ tavāpi mañjutamam /
śaktaya eva padānāṃ dāsībhūtā bhavanti te lalite

caturāmnāyārādhye svaravargīyāśca yogavāhāśca /
nāḍītrayamapi koṭitrayamiti lalite tavaiva rūpāṇi

cature tava manugramadhye ṣoḍaśavarṇā bhavanti bījāni /
pañcadaśākṣaravatyapi mantre śrībījasaṅgatā bhavatī

caturāsi devabṛnde kāmo bhavasi svarairaśeṣaistu /
tatkoṭisevitā tvaṃ tatsadaśī cāsi te namo lalite

cārutaravarṇayogātpavanādyāḥ sambhavanti vedāśca /
padavarṇakoṭiśaktiprakaṭitarūpā tvameva nanu lalitā

cārusmitasitavadane daśaśatadalasahitakamalamullasati /
naravapuṣi śirasi jalaje tvaṃ tasmin vasasi sādaraṃ lalite

cārutaracandravarṇe ratnaśrīmadvibhūṣaṇaiḥ karṇe /
bhūṣitavatyasi lalite sā tvaṃ māṃ pāhi te namo devi

citrataratilakasundaraphāle rākenducārutaravadane /
bhrūmadhyavarticakraṃ vapuṣi narasyāpi bhavati tava pīṭham

citrataramambarasthaṃ śakratanurbhāti tatsamānaṃ te /
citrataramambaraṃ yaddhārayasi tvaṃ namostu te lalite

cīnāmbaraparidhāne hṛdaye cakreṣvanāhate vasasi /
tacchāsanamiha nūnaṃ śāśvatamevāstyanāhataṃ lalite

cetanabodhāttāvakabhāsvānullasati khe yathā kiraṇaiḥ /
katvoccaistānvilasasi devi tvaṃ cāpyanāhate cakre

caitanyaśāli cakraṃ mūlādhāraṃ trikoṇavallalitaṃ /
dhyāne balavati citte mātargagane raviryathollasasi

coraniśācaravīrānnāśayasi tvaṃ hi yā śarīre sā /
ajñānarūpabhājasteṣāṃ śaktiṃ vināśayerlalite

cañcadbrahmāṃḍamiva pratipadamabhimāna eka evāste /
mokṣavirodhe dakṣaṃ tadyajñadhvaṃsinī tvamevāsi

cañcalamanasāṃ bhītiṃ nāśayituṃ tvaṃ pariplavāpāṅgī /
vikasitanayanā bhavasi ca kuṇḍalinī tvaṃ namo'stu te lalite

chavipūrapūritāṅgī darahāsodbhāsitānane lalite /
bhavatu tavānanakāntiḥ svānte śāntipradeva me satatam

unnāmaya hṛtkamalaṃ bodhaya bodhaṃ tvameva me lalite

chāyeva caṇḍabhānormokṣaprāptyai sthitā hi kuṇḍalinī /
mūlādhāre khaniriva mahasāṃ sā tvaṃ namo'stu te lalite

chinnāsuraśatadehe mātā tvaṃ lokanādadehānām /
amatasya ca kuṇḍalinī nāmnāṃ nityaṃ namo'stu te lalite

janamanasi daityarūpaṃ siddhamaśuddhaṃ nikāmamajñānam /
tārakabalamiva hantuṃ svānte guhajanmabhūrabhūrlalite

jāgraccittasaroje mudrāyogena yogināmeva /
ājñācakragatāssadhyānaṃ devā'stu pāhi māṃ lalite

jitadaityarājacakre mārge siddhāsi nigrahasya tvaṃ /
nigrahamārgassoyaṃ dhyānābhyāso hi yogināṃ lalite

jīvisukhapradaśīle śuddhakalārūpadhāriṇīndumukhi /
daharākāśādhāre mātastubhyaṃ namo namo lalite

jetrī jagatāṃ ca tvaṃ pratipadamārabhya paurṇamāsyantam /
pañcadaśāhobhistvaṃ pūjārhā bhavasi te namo lalite

jaitraśaracāpahaste śuddhajñānātmike kalārūpe /
ahamiti matirapi vimalā mūrdhani bhātyamba te namo lalite

jaitrasamādhiratānāmahamiti vimalā matiryadā sakalā /
devi kalākārā tvaṃ kārākāre bhave'pi māṃ pāhi

joṣamidamamba hṛdayaṃ tiṣṭhati naiva kvacit paribhramiti /
kāvyakalādivinodaiḥ sthāpaya tadrūpiṇī mamāpi tallalite

jaṅgamabodhini kamalāvāṇī sevye prakīrṇakairamba /
maṅgalamātanu hi tvaṃ namate bhajate ca me sadā lalite

jātānurāgahṛdayā hṛdaye hṛdaye ramasva dehavatī

jhaṣaśiśutimimayajaladhiḥ saṃsāroyaṃ hi pālinī tvamasi /
draṣṭumameyā daśyādaśyā me syāḥ kadā śubhamyorme

jharakoṭikoṭisindhorantaḥ syādeva saṃsaternaiva /
jīvātmikāsti bhavatī caitanyaṃ dhanyamubhayasāmyena

jhaṭiti ca jaṭile ca ghaṭayasi jananī tvaṃ jīvarāśimiha lalite /
paramāsi pāvanātmā saṃpadidaṃ temba viśvagārhastham

ṭaṅkatijīvamaye tvaṃ kośe sañcarasi pālayantīva /
prāṇānamba śarīre jīvānāṃ sadmarūpiṇī tvamasi

ṭīkātītāṃ bhavatīṃ śaṃsedvaktāpi kassamagratayā /
pāvanarūpe lalite pāvaya saparigrahaṃ ca māmamba

ḍayanāṭakaratamanasi sthairyaṃ tvaṃ dhehi me badhāna tvaṃ /
audumbaraphalasadaśabrahmāṇḍānyamba santi te vapuṣi

ḍākinyādicamūste savidhe jāgartyanārataṃ bhavati /
jagatāṃ kāraṇamamba tvacchaktissāhi kevalā bhavati

bhānuśatakoṭidhāmni dyotayasi dyotase tviṣā lalite

ḍimbāḍambaramudite ḍambaramamarārijaṃ na marṣayasi /
guhyāsyavedyarūpā manasā tubhyaṃ namo namo lalite

ḍimbānasurāṇāṃ tvaṃ mātatvādamba pālayasyeva /
kaivalyadānaviṣaye paśyasi pātraṃ namostu te lalite

ḍolārohaṇaśīle samaye sañcāramakhilamāśrayasi /
tripurā tretā cāsi tritvaviśeṣābhimāninī lalite

ḍhakkādyāyudhahaste divyaśarīre smitaikaśakte tvaṃ /
janayasi jagati hi jantūnantakavairipriye namo lalite

ḍhaukante ye ye te tvayi vṛddhiṃ yānti bhaktiyogena /
pātālabhūmilokasvargajanārādhyamānapadapadme

tanugātri devi sṛṣṭisthitilayakāryārthameva jātāsi /
vāṇī brahmā lakṣmīrviṣṇurgaurī śivaśca śivarūpe

tanuṣu daśāstisraḥ syuḥ martyānāṃ pūrvadevānāṃ /
tridaśādhīśāsi tvaṃ tridaśārahitāpi te namo lalite

tanimānamupanaya tvaṃ duritaṃ me trividhavarṇamayi /
bījākṣareṣu vāse praṇavatvenāstu te namo lalite

tanumanmānasagehe nivasantī tvaṃ surapriyairgandhaiḥ /
nāmākṣaratrayekṣe ṣaḍapi bhavantyamba bījavarṇāste

tava lalitatilakadeśe sīmante cāsi maṅgalāyatane /
sindūramamba tena tvaṃ māṅgalyapradāyinī bhavasi

tava nāmeti varṇadvaya evāste harī ramā ceti /
taddvayarūpāsi tvaṃ praṇavākārāpi te namo lalite

taraṇisamadhāmapūrṇe pūrṇendūdyotamānamukhacandre /
candrārdhacūḍajāye jāyetātrāpi kiṃ kapāmayi te

tanvā śyāmalavarṇe viṣṇorbhaginī yadā tvameva bhaveḥ /
prāleyaśailajātā jātā gaurī namo'stu te lalite

tava gururāsīddakṣo nyakkārātpatyurīśvarasyāpi /
tena kṛtādgiriputrī patye śarvāya sā tvamevāsīḥ

tapasi ca caturāsi tvaṃ gāne gandharvasevitā bhavasi /
devādiviśvagarbhā devi tvaṃ sthūlasūkṣmarūpāpi

tapanīyacārugarbhā savitustejaḥsvarūpiṇī lalitā /
īśvarahiraṇyagarbhākārā kāruṇyavāridhe pāhi

karuṇābharaṇāsi tvaṃ taruṇī daityādhamānnihantumiha /
tripurānasurān hantuṃ dānavanivahaṃ tadanyadapi bhavasi

tanumadvacanacatuṣkaṃ bhedānnādasya parimitaṃ bhavati /
vāgvādināṃ ca nāthaṃ tvaṃ teṣāṃ te namo namo lalite

tapasi ratānāṃ dhyānairgamyā tvaṃ dhyānayogināmeva /
mānavamānasasugamā bhava bhavajāye namo'stu te lalite

tanudharagaṇanātīte deśakalākālamānadurbodhām /
jānātu kathamayaṃ tvāṃ lokaśśokaghni te namo lalite

tanuṣe brahmajñānaṃ bodhayasi tvaṃ bhavāmayaṃ hantum /
mātā kevalamasi na hi gururapi mātarnamo'stu te lalite

tanudhāri saukhyakāri jñānaṃ prāpañcikaṃ bhavennaiva /
brahmajñānaṃ kintu jñānaṃ necchanti taskarā lalitā

tathyaṃ brahmajñānaṃ janmajarāmaraṇarogabhaiṣajyam /
vedāntaśāntigītaṃ vedyā tenāsi te namo lalite

tvaddhyānaṃ hāvarṇe ṣaṭpadagaṇanīlacikuremba /
kālatrayaparibādhārahite tubhyaṃ namo namo lalite

taruṇī ca rājaputrī napabhogānandavardhitā lalitā /
lopāmudrānarca tvāmambāgastyavallabhā subhagā

tanuṣe vicitrametadviśvaṃ viśvaṃbharānuje lalite /
līlākatamidamakhilaṃ māyāracitaṃ vibhāti tava lalite

tanugatacarmadaśā tvaṃ draṣṭumaśakyāsi daśyarahiteti /
tvāṃ kīrtayantyaśeṣāḥ śeṣābharaṇapriyāṅgane pāhi

tava nāstyadaśyavastu kvāpi tvaṃ sarvamīkṣase kopi /
paśyennamenna ca tvāṃ ravyākāre namo'stu te lalite

tattvamidaṃ tava kiṃ vā bodhaḥ syādindriyairyadetaditi /
vijñānamāhureke sākṣāt trividhāsi tatra he lalite

tava nāstyavedyaviṣayo yadakhilaviṣayaṃ tvameva jānāsi /
jīvo brahmaviloke brahmaiva syādavaśyamayi lalite

tattvavidāṃ matamevaṃ yogo jīvātmanordvayormilanam /
etatkāryākārā tvamasi hi mātarnamo'stu te lalite

tapasi ratānāmadhvā dhyānābhyāsātmako bhavedeva /
sopyaṣṭāṅgasametastadgururūpā tvameva nanu lalite

tapayiti sādhanamekaṃ yogo mūlaṃ hi tasya yogasya /
arhasi taddvayamamba tvaṃ yogyā tasya bhavasi he lalite

tatvātmikemba lalite yogājjīvātmanorjitārāte /
ānandadātri jagato mātastubhyaṃ namo namo lalite

tattvamayadehavartini jīve līne mudeva sambhavasi /
jīvaprāṇadhuraṃ tvaṃ vahasi tretādiyugayugaṃ lalite

tattvajñānamadīḍye kāṅkṣājñānakriyātmike sattve /
devi tvameva yāsi tvaṃ tacchaktitrayaṃ bhaverlalite

tattvapradhānamevaṃ brahmāṇḍaṃ tvaṃ śive tadādhārā /
tava caraṇaśaraṇametadviśvaṃ śaśvannamostu te lalite

tanuṣe hi kāryamakhilaṃ prāpañcikamamba na pratiṣṭhā tvam /
tanayeṣu suprasannā bodhaya bodhaṃ namo'stu te lalite

tama iva śāsat tamasā rajasā sṛṣṭerbhaveḥ svayaṃ tacca /
bhedavirahitāpi tvaṃ dhatse kāryāya te namo lalite

tathyādanyadviśvaṃ malinaprakatestathā tvamevāsi /
bhūtānyaṣṭāṅgayutā mātastvaṃ cāṣṭamūrtirevāsi

tava guṇavarge rajasastamasā prakṛtistadeva militāsi /
malinā hi sā tu śuddhā sāttvikamāyā tvameva bhavasīha

tapasāpyagamyarūpe tāpasasevye tirohitākāre /
kārayasi lokayātrāṃ sāṣṭāṅgī tvaṃ dvitīyayā lalite

tamaso mahasopyaparā bhavasi tvaṃ tāvadekikā lalitā /
sṛṣṭiṃ mānayasi tvaṃ layakāriṇyā tvayā jagatsukhitam

tattvādikādhikāre tattvādevāsthitottamā nijayā /
ākṛtyaiva hi kāryaṃ kuruṣe mālinyapūrṇayā lalite

tava bhavati rūpamekaṃ brahmānandapradā ca bhavati tathā /
kavijananutacaraṇe tvaṃ nirliptāsīha te namo lalite

tanulīlātmānātmajñānaṃ jagatīha koṭibhedhena /
jīvastvabedha ātmā dvaitātītāni te namo lalite

tanumannamavati cānnātpuruṣaḥ śrutirapyevaṃ hi sā samācaṣṭe /
na bhavati yadannadānādanyatvaṃ dhatsa eva na hi tasmai

tanuṣe tvamālayān sā paścājjīvān praveśayestatra /
tanuṣe rakṣaṇamambā bhūtvā teṣāṃ namo'stu te lalite

tava jīvitasya cādirnāntastenāsi kevalaṃ nityā /
tvamanādirakhilasampadbharitānandātmikāsi he lalite

tanuṣu prāṇā abhavan bhūtānāṃ jīvitaṃ tadāśā ca /
brahma ca sākṣī jīvaḥ brahmaikyaṃ tvaṃ karoṣi he lalite

tava bhavati rūpamekaṃ bṛhadasmānnādhikaṃ bhavedeva /
bṛhatī tvameva mādyārādhyāsyekāsi te namo lalite

tapasi ratānapi yamino yojayasi brahmaṇi svayaṃ jīvān /
brahmaṇa iti sa hi bhavati brahmāṇaṃ bhāsi te namo lalite

tathyapriyā tvameva brāhmī mātā namo'stu te lalite

tathyaṃ tapa iti yugalaṃ pālayasīti tvameva vandyāsi /
brahmānandā bhūtvā dadyāstvaṃ me namo'stu te lalite

tava bhavati satyaśuddho balirupahāro yathā satāmevam /
sāttvikabalamuditā tvaṃ tāttvikadṛṣṭiṃ jane jane dhehi

tava bhavati bhāṣitānāṃ rūpaṃ tāvaccaturvidhaṃ bhuvane /
bhāṣāsu nādasāro nihito bhāṣātmike namo lalite

tava devi kāryajātaṃ brahmāṇḍasaiva rakṣaṇaṃ bhavati /
agaṇitasenāsahitā bhavasi tvaṃ namo namo lalite

tava bhavati nāpi bhāvo nābhāvo dvandvavarjitā tvamasi /
bhāvayati ye yathā tvāṃ bhavasi tathā tasya bhāvanākāye

tava karaṇīyā pūjā sulabhā sumukhī tayā bhavasyeva /
jñānaṃ vitarasi sā tvaṃ sāttvikapūjāprasāditā lalite

tava caraṇasevakānāṃ bhavati na kvāpi durgatirdurge /
śubhakari śobhanarūpe mātarmāṃ pāhi pāhi māṃ lalite

taruṇatamālaśyāme śyāme mokṣaprade tamohantri /
sulabhe bhajatāṃ satataṃ maṅgalamārgāvalambane pāhi

taruṇenducārumaulerīśiturāsyāmatātmikā bhavasi /
śaraṇārthitāpahantrī tvaṃ tāvaddevi te namo lalite

tava devi bhūmirājyaṃ surarājyaṃ ca trimūrtivararājm /
rājyaṃ brahmapadākhyaṃ vitarasi namatāṃ caturvidhaṃ lalite

tava nīcairapi rājyaṃ saptavidhaṃ bhavati copariṣṭāśca /
evaṃ caturdaśānāṃ rājñī tvaṃ bhavasi sarvarājyānām

tava mana eva hi karuṇāparivatamambāsti santataṃ tena /
satataṃ prakāśase tvaṃ mātastubhyaṃ namo namo lalite

tava caraṇakiṅkarāṇāṃ hetordhatsemba pārameṣṭhitvam /
bhavati na tava karuṇāyāḥ sīmā tubhyaṃ namo namo lalite

tathyaṃ dhanamatha dhānyaṃ vidyānītirvidheyatā khyātā /
āvaśyakā hi taistvaṃ bhavasi hi lakṣmīṣu rājyalakṣmīstvam

taruṇimakaruṇāpūrṇe lalite mātarmanojñacāpadhare /
sakalaśrīparipūrṇaḥ kośastava vardhate śriyā sākam

taruṇataraturaganāgā pādātaṃ ceti te rathāśceti /
caturaṅgabalamajasraṃ siddhaṃ tannāyikā tvamekāsi

tava pādasevakānāṃ sāmrājyaṃ dāsyasi prasannā tvaṃ /
ko vā tvayā samāno dātā jāto prasūrapārado lalite

tathyātathyavicitro lokastathye sadā karoṣi ratim /
tvaṃ bhavasi tathyaniṣṭhā satye sarvaṃ pratiṣṭhitaṃ bhavati

tava bhavati sindhuvelākāñcīdhāmnā kṣitistavaivāmba /
bhūmātāpyasi tena tvaṃ te caraṇaṃ sadā'stu me śaraṇam

tava devi yogadīkṣāpekṣā tvadhikāsi dīkṣitā tena /
jalanidhimadhivasasi tvaṃ tubhyaṃ nityaṃ namo namo lalite

tava rūpameva gūḍhaṃ tvaṃ guhamātāsi tattamohantrī /
gūḍhātmarūpiṇī tvaṃ tasmādevāsi te namo lalite

tava rūpamāśritānāṃ brāhmīrūpā tvameva vā guhyā /
brahmatayāsyatiguhyā praṇavākārā namo'stu te lalite

tava varṇamantramadhye brāhmī khyātā'si sā vinirmuktā /
nānopādhimukhebhyaḥ sā brahmāṇī tvameva nanu lalite

tathyātmikā ca vidyā brāhmī tāvat satī śivā jātā /
brahmātmikā'pi tasmāt tāvadrūpe mahaḥpraroha iti

tathyānvitāsi sarve svācāre santi sajjanā nityaṃ /
satsampradāyarūpe mātā tvaṃ jayasi te namo lalite

tathyātmikāsi vidyā vinayastuṣṭiśca jagati saujanyam /
vidyālakṣaṇametaddadyādvidyā tadamba te karuṇā

tava nāmni ye tu varṇāḥ śuddhāssanti svarāścaturthastu /
bodhayati muktimārgaṃ tad‌drūpā tvaṃ namo'stu te lalite

tava rūpameva bodho nārāyaṇa eva bodhako bhavati /
gurumaṇḍalamadhyasthā tvaṃ hi gurūṇāṃ śivāsi gururūpā

tattvātmakaṃ hi rūpaṃ tava sā tvaṃ cāsi pālayitrīha /
saṃsāramārgiṇastān gururūpā tatpadena muditāsi

tapasā raviṇā śaktyā sevyā'si tvaṃ tribhistadanyaiśca /
bījākṣareṇa ca tvāṃ vande so'haṃ punaḥ punaścaivam

taraṇiriva timiramambā syādajñānaṃ parasya harasi tvam /
taddrūpā tvaṃ raviṇā lakṣmyā lalitercitā'si nanu śaktyā

tathyā viśuddharūpā māyā jñānapradā kalā vā yā /
sā tvaṃ madhumatyasi te brahmānandaprade namo lalite

tanuvaravilagnalagnadyutimatkāñcīnibaddhakauśeyā /
bhūmyākāre mātarmāmava tubhyaṃ namo namo lalite

tanureva jīvagehaṃ tava guṇagaṇanā tvayāpi no śakyā /
teṣāṃ mātā tvekā sā bhavasi tvaṃ namo'stu te lalite

tanuṣu matihṛdayabhāvā nidhayassyurbhuvi ca vasatāṃ hi /
nihitāstathaiva rahasi tvaṃ nityaṃ bhavasi guhyarūpādyā

tanurasi śirīṣamṛdulā bhūrūpāyāstavāmba kāruṇyam /
tena tvayi jāgarti hi mātastubhyaṃ namo namo lalite

tattvābhimāninī tvaṃ bhūrūpā te gurutvamapi bhavati /
tattvaṃ priyaṃ gurutvaṃ mātastubhyaṃ namo namo lalite

tava devi vijayate hi svātantryaṃ brahmarūpiṇī yadasi /
tanuṣe tvaṃ nijaraktāṃ lalite tubhyaṃ namassvatantrāyai

tanukari bhūmātā tvaṃ lokānvahasi tvameva tān pāhi /
tvayi satyāmiti lalite nityaṃ vandemba sarvatantrāṃ ca

tāpasanivahe mahitāstathyaṃ boddhuṃ yayācire hi haraṃ /
gururabhavadatha sa munayaḥ śiṣyāste bhavati dakṣiṇāmūrtiḥ

tāpasapūjitapāde sanakādyārādhyamānapadakamale /
śrīpatisāyujyamapi tvaṃ datse devi te namo lalite

tāpatrayaparicāriṇi śaivajñānaprade śubhākāre /
brahmajñānānandaṃ sā tvaṃ datse namo'stu te lalite

tārayasi sāgarāttvaṃ naukāsyekā tvameva nanu lalite /
jñānakale asi sā tvaṃ tāpatrayamamba jahi madīyamidam

tāpaghnānandakalā bhavasi tvaṃ kāmitārthadātrī ca /
brahmānandasamāno nānandastaṃ tvameva me dehi

tāpasavīrassa śivo gururapi jagatāṃ vaṭadrumālambī /
vapuṣā sa dakṣiṇāśāvadanastadrūpiṇī tvamevāmba

tāpapraśamakarī sā mūrtiste saiva dakṣiṇā bhavati /
hitayoryuvayorekā sāpi premātmikāmba pāyānmām

tāpasadākṣiṇamūrtistava bhavati premarūpiṇī lalite /
bhavasi priyakaraṇī tvaṃ namatāṃ bhajatāmanārataṃ manasā

tāpasahṛdayanivāsini lalite lalitekṣaṇe sadā nāmnā /
paṭhanaśravaṇadhyānairānandasi bhaktabhaktivaśyā tvam

tānayutagānavidyāmānini sā tvaṃ sadasi te nandī /
gāyati nṛtyati cārāccārānandini sadā tava prītyai

tānairgānairnaṭati hi naṭarājastvaṃ śivārdhadehagatā /
naṭarājarājaramaṇī tvaṃ me śaraṇaṃ namo'stu te lalite

tāmyadviśvakṣemaṃkari kariṇīmanthare dharādhāre /
mithyājagadādhāre mithyāmithyādvayapriyā tvamasi

tāvakabhuvane tāvanmithyātathye sadā bhavetāṃ hi /
māyeti kāryatulyaṃ mithyājagadasthiraṃ hi te lalite

tāvakakaruṇāmuktiṃ vitarasi bhajate janāya sā tvamasi /
sākṣāddhi muktirūpā sā tvaṃ māṃ pāhi te namo lalite

tāvakalāsyādviśvaṃ ramate priyā hi te lāsyam /
līlātāṇḍavapaṇḍitadayite māṃ pāhi te namo lalite

tāvakamekaṃ sṛjati hi rakṣati rūpaṃ tathaivamaparaṃ tu /
nāśayati jagadidaṃ sā layakariṇī tvaṃ punīhi māṃ lalite

tiṣṭhasi ca tvaṃ kupitā spaṣṭavatī suptamīśvaraṃ hi padā /
tvamabhūrapatrapiṣṇurlajjārūpe namo'stu te lalite

tiṣṭhanti devaloke rambhādyā gānanāṭyaniṣṇātāḥ /
tvāmānamanti lāsyairgītairānandayanti nanu lalite

tīvrabhavadāvarāśāvamalasudhāvaṣṭikāriṇī tvamasi //
aihikapāratrikayoḥ sukhayordātrī tvameva nanu lalite

tīvrataraduritapādapamedurasaṃsāravipinadāvāgne /
pālitasamastaloke lokeśvari te namo namo lalite

tīvrataradainyatūle vātūlātvaṃ bhavatyavaśyamiha /
lalite lalitāpāṅge tvaṃ geyā me gatirbhavatī

tīvrajvarādhvāntarave jyotiṣmati cārulocanāmbhoje /
pāyaya sukatasudhāṃ māṃ mātastubhyaṃ namo namo lalite

tīvratarāmatāmśurbhāgyāmbhodhe tvameva bhavasi nanu /
praṇatānāṃ ca śive tvaṃ bhāgyaṃ sakalaṃ pravardhayeraniśam

tulayitumalamiha na hi te karuṇāṃ yadbhaktacittakekighanā /
lalitāsi pālayitrī tvaṃ mātaste namo namo lalite

tūlāyitaṃ śarīraṃ ye ye tanvanti ghātukārohāḥ /
dambholiriva nagānāṃ bhavasi hi teṣāṃ namo'stu te lalite

tṛṇacaya iva davadāvo mṛtyudrumabṛndaparaśurasyamba /
rogabhavarogavaidyā hṛdyānādyāsi te namo lalite

tejasvini dayamāne dīne dīne jane jane lalite /
mātarmāheśvari mayi kuru karuṇāṃ te namo namo lalite

tejovaśīyamāyuḥ śrutyāśiṣamamba me śrutāmekām /
bhaktapriyakarī tvaṃ dadyā hṛdyāṃ namo namo lalite

tejassarvādhikyājjaḍarūpāgne kṣudhā mahāgrāsā /
jagadetadevamante grāsīkatvātsi te namo lalite

tailamiva dīpamenaṃ jāṭharadahanaṃ kṣudheva vardhayasi /
tattvamasi rudraśaktyā kalpe kalpe mahāśanā lalite

toṣo na te kṣudhaḥ syādante muñcerna devi parṇāni /
tenāparṇā khyātā pāyāstvaṃ māṃ budhārcite lalite

tauryatrikamarinivahe samare samare tvameva kārayasi /
yudbhavasi caṇḍikā tvaṃ caṇḍā mā bhūrmayi tvamayi lalite

tvaṃ caṇḍamamba muṇḍaṃ nyavadhīstvaṃ devi tāmasī vṛttim /
rājasatāmasarūpe nāmnā khyāte namo'stu te lalite

tandrālasyavihīne tvamasi kṣaraviśvarūpiṇī kvacana /
akṣaramasi ca brāhmaśrīlalite te namo namo lalite

dayamānākṣisaroje niyamitabhuvane tvaśāsanā devi /
prabhutāyāṃ tava lokāḥ śokavihīnā hi te namo lalite

darahāsaśobhamānā bhavasi tvaṃ viśvadhāriṇī lalitā /
surasundarīsaparyāparyāyādānamodamānāmba

damayasyamba samastaṃ samadaṃ daityānvayaṃ svayaṃ samare /
dharmārthakāmasaukhyaṃ vitarasi jagate namo namo lalite

divi bhuvi balisadane tvaṃ bhavasi hi sattvarajastamo dadhatī /
sāttvikarājasatāmasaguṇavṛtyambāstu te namo lalite

dinakara iva bhavasi tvaṃ lalite triguṇātmikā ca sattvamayī /
anunayakatanutireṣā toṣāyāmbāstu te kathañcidapi

diśasi dayāmayi nākaṃ sukṛtena tvaṃ ca yajvanā niyatam /
viśadadhiyāmapavargaṃ sukṛtaṃ jñānodayojvalānāṃ hi

dīnadayālutayā te manasi saroṣāpi bhavasi ripuvarge /
nānopādhivimuktasvānte śānte namo'stu te lalite

dīpayasi lokamātmajyotirdīpena cāndrapuṣpābhā /
rūpatrayamapi dhatvā lokatrayamamba rakṣasi tvaṃ hi

dīpayasi dhāmanivahaṃ dehe dehe praviśya cetayasi /
ojovatyasi yattvaṃ tejorūpe namo'stu te lalite

dīptidharāsi dharāśrīdīptikarī tvaṃ śriyā samujvalasi /
āptavyamasti na hi te kiñcana kāmapradāmba sā tvamasi

dīnaśaraṇye homo japa iti pūjeti kāryamakhilaṃ ca /
dhyānaṃ cāgnau vihitaṃ yajño yajñasvarūpiṇī tvamasi

dīkṣitakarma hi yajanaṃ yajanaṃ viṣṇusvarūpamevāsti /
tvaṃ bhavasi tasya bhaginī mātarlalite priyavratā tvamasi

durgā'si durgatighnī karmālabhyāsi taddurārādhyā /
svarge'pi bhogadūrā jñātārādhyā'si te namo lalite

durvārendriyapañcakavijitānāṃ tvaṃ sadā durādharṣā /
sarveṣāmapi garvaṃ carvasi hi tvaṃ namo'stu te lalite

dūrīkṛtabhavatāpe pāṭalikākusumapāṭale caṭule /
bilvamiva paśupateste pāṭalikaivāmba rocate devi

dūrīkuru mama duritaṃ dāraya dāridryadāru me daha vā /
mahatī tvamasi hi nāmnā vapuṣā mātarnamo lalite

dūraṃ nīcairupari ca bhavasi hi nīcairahīśarūpeṇa /
dhārayasi merunilayā jagatīmapyamba te namo lalite

dūre merāvacale puramamarāṇāṃ virājate tatra /
mandārabhūruhāttatpuṣpaṃ priyamamba te namo lalite

devairmānavadevaiḥ pañcaprāṇaissamarpite śaktyā /
ātmasvarūpiṇī tvaṃ vīrārādhyetigīyase lalite

devārivairiṇī tvaṃ  brahmāṇḍavyāptamūrtirevāsi /
bhāvayati kotra rūpaṃ tvaṃ bhāvātītamamba tadbhavati

devābhimāninī tvaṃ lalite sambhavasi devakāryeṣu /
devānvitaiva samaye virajā vibhrājase sadā vimalā

dehena viśvavadanā sarvadigālokilocanā bhavasi /
mohayasi viśvametanmuhyasi na tvaṃ namo'stu te lalite

daityavināśini devi tvaṃ cāntaryāminīha bhūteṣu /
prerayasi viṣayajāle cittaṃ cittaṃ hi dehināṃ lalite

daivikamārgaṃ gaganaṃ bhavatī cāpūrya tejasā mahatā /
devi tvameva jayinī bhavasi śrīdevi te namo lalite

daivikasampadupete śrutyā gīte surāṅganāgīte /
prāṇānvitarasi sā tvaṃ dehikṛte devi te namo lalite

daihikaśaktiṣu pañca prāṇāḥ prabalā hi te tvamevāsi /
sāhasikasattvarūpe rūpe rūpe tvameva nanu lalite

doratirājitakarabhe karabhorūṇāṃ karārcite mahite /
dūrīkuru hṛdayāntastimiraṃ timiraghni te namo lalite

dordaṇḍakhaṇḍitāsuracaṇḍabale vahnimaṇḍale bhuvanam /
pālayasi bālakānāṃ śaraṇaṃ mātā'si te namo lalite

daurgatyatūlavātyā satyāyaivāvatāriṇī tvamasi /
svargāpavargadātrī tvaṃ tāvaddevike namo lalite

daṇḍadharajayini rājyaṃ nihitaṃ tvayā hi sacivāsu /
śyāmalakādiṣu tasmājjayasi jagadrājyamamba te lalite

dharaṇirmānavadhātrī nīcaiḥ pātālasaptakaṃ lalite /
upari vyāhatimahitā lokāstāvattavāśraye santi

dhatse trīnapi lokān devānāṃ martyapannagānāṃ ca /
utsedhabhāja etānātanuṣe tvaṃ namo'stu te lalite

dhārayasi viśvabhāraṃ cemaṃ jaitraṃ tavāsti nanu dainyam /
rājasatāmasarūpā samarerātīn nivārayestvaṃ hi

dhikkatadānavasene dhuri cānyatrāpi vartase tvaṃ hi /
nyakkṛtavairībhaghaṭī triguṇātīte namo namo lalite

dhīmati dhuri sā nṛtyaṃ mahyaṃ bhavasi bodhadaṣṭyaiva /
tena parāpararūpā khyātāsi tvaṃ namo'stu te lalite

dhīśaktyagamyarūpe jñānānandāmatātmarūpadhare /
lokabrahmākāre jñānasuvedye namo'stu te lalite

dhurite sukhino jagati sukhajīvabrahmaṇossamaṃ ca satām /
bhūteṣu cātmanostvaṃ niyatistubhyaṃ namo namo lalite

dhūrjaṭipatni namaste dhātri stavanapriye sadānande /
ārjavamātanuṣe tvaṃ bhaktajane te namo namo lalite

dhatidhātri jīvajagatāṃ ṣoḍaśasaṅkhyāguṇānvitā bhavatī /
varṇānāṃ ca kalānāṃ ṛtavatyāste gaṇo namo lalite

dhenurasi sumānasānāṃ sā sādhvānandapradāyinī mahitā /
ānatasajjanasukhadā sādhvī tvaṃ devi te namo lalite

dhairyasthairyayutaṃ me kuru hṛdayaṃ kāmarūpiṇī satatam /
pītāsave savelāmetāṃ pāyāḥ kṣitiṃ namo lalite

dhautāmbaraparidhāne jātānande kalānidhe satatam /
kāryākāryavidaṃ māṃ kuryāstubhyaṃ namo namo lalite

naḻinākṣi vedamātaḥ tvattaḥ kāvyapriyā ca vāguditā /
kāvyakalānāṃ jñānaṃ janaya mayi tvaṃ namo'stu te lalite

navarasamayamadhurākṣarapadaracanāśāvatī prasannā ca /
bhavasi hi rasarūpā tvaṃ rasanāraṅge ramasva mama lalite

navarasanidhirasi nādānandini sarvatra vartamānemba /
bhavabhavajanimajjananā tvaṃ me śaraṇaṃ namo'stu te lalite

natagātri gotrakīrtiṃ vardhayasi tvaṃ nijāśritānāṃ ca /
śrutivacanagīyamāne puṣpāṅgī tvaṃ namo'stu te lalite

narasurakulaparipālini cārucaritre purātanī devi /
suranarakinnaradānavadhīrādhāre namo'stu te lalite

naraharisarasijasambhavaniṭilākṣānapyasūta yā devī /
sarasijavadanā pūjyā sā tvaṃ jagatāṃ namo'stu te lalite

narahṛdayabhāvavīcīravakārayasi tvameva saṅkalpam /
paramiha sāphalyaṃ te karuṇāmālambatemba he lalite

nalinadalāyatanayane sulabhadayāpāṅgabandhure lalite /
jalaruhanayanārādhye mātarmāṃ pārite namo devi

na hi raviśaśitārābhā vidyuddīptiśca sāmyatāmeti /
yasmādadhikastejorāśistvaṃ devi te namo lalite

nāyāsyati tulanāṃ te jyotiścātyeti yattviṣassarvāḥ /
yat sphurati dahanarāśerdhāmādhikamasti tattvamasi devi

nārāyaṇi narakārṇavakāriṇi paramāṇurūpiṇi śrīśe /
tāraya māṃ bhavajaladherlalite mātarnamostu te satatam

nārāyaṇamadanāntakasarasijabhavadhāma tejasātīte /
svīyena sarvamānye brahmānande namo'stu te lalite

nānāyudhahastāpi tvaṃ bhavapāśacchidaṃ kare pāśam /
mānini dhārayasīdaṃ yuktaṃ te bhāti te namo lalite

nānāpāpavidhāyakamajñānaṃ pāśamīśaripudhāryam /
dvayamapi nāśayasi tvaṃ sakṛdapi namatāṃ namo'stu te lalite

nāśayasi mantraśaktīrakhilāstvaṃ cābhicārakairvihitāḥ /
kitavānapi tān sujane kaitavakatyaṃ vitanvatāṃ lalite

nānāvatārarūpā rūpātītāpi tān guṇāneva /
trīnādāya jagatyai jayasi hi mātarnamostu te lalite

niravadyahṛdyacarite nirguṇarūpembike nirādhāre /
śaraṇāgataparipālini dīnaṃ māṃ pāhi te namo lalite

nityā tvamasi na bhuvanaṃ tadbhuktvā vāvināśipuṣpaphalā /
tapyasi devānande brahmaṇi haṃsena sārase ramase

nīrajagandhini nityaṃ munimānasahaṃsi haṃsakulamudite /
vāridabandasavarṇe hemacchāye sitāṅgi māṃ pāhi

nītipathasatyamārge brahmapadaṃ cānuvartamānā tvam /
mātarasi satyarūpā gamayasi sādhūn nijādhvanā sā tvam

nītimanusarati loko nītiṃ satyaṃ ca pālayanneva /
yāti sukhamiha paratra ca no cenmātastvameva daṇḍayase

nīlāpāṅgataraṅgai rakṣitabhuvane jagattrayījanani /
bālāruṇavaravasane rakṣa tvaṃ māṃ namo'stu te lalite

nutayo bhavanti vāco mātaste tena kenacidvidhinā /
iti matamanucintyāmūrlalite vācastava priyāssantu

nutimevārhasi nityaṃ satyaṃ sādhvītvapālanaṃ strīṇām /
iti nanu satyasi nāmnā satyadhanā mātarātmacaritena

nutiparavacanānandini śatadhatiśaktyaikaśaktirevāsi /
nutaśaktaśaktirūpe sati satyabrahmarūpiṇī tvamasi

nūtanajaladharakeśe nāśitabhuvanārtisaṃbhavakleśe /
mātarudāramanaske pātaya mayi dṛṣṭimātatāṃ kalaye

nakulaṃ devakulaṃ te santatirevāmba daityakulamevam /
sakalakulānāṃ jananī tvamasi hi tubhyaṃ namo namo lalite

neha tavaikaṃ kāryaṃ gurutaramastyamba tena bahurūpā /
bhavasi jagattrayajananī padavī gurvī hi te namo lalite

naitikapadaniratā ye te tvāmarcanti vidhivadevāmba /
jñānadhanā anyeṣāṃ hitamiha kurvanti te prabhāveṇa

nodayasi bījasāraṃ tenaivodeti pādapastu phale /
vedamayi praviśasi tvaṃ bhūtāni tvaṃ caturvidhāni cātanuṣe

naurasi bhajatāṃ satataṃ tārayituṃ jananamaraṇavārāśim /
satataṃ ramayasi tāniha cature caṇḍi tvameva māṃ pāhi

nandīśavanditāṅghre niyamāyattāṃ karoṣi jagatīṃ tu /
ājñāsi tena sarve nijanijakārye ratāssadā lalite

nandayasi nandanānāṃ hṛdayāni tvaṃ tvayā niyuktā ye /
kurvanti naijakāryaṃ pavanaḥ pavategnirujvalatyaniśam

nandayatīnduḥ pavanaḥ pavate bhānuḥ prabodhayatyakhilān /
ājñānuvartinaste śrutirevātra pramāṇamamba nanu

paramādhāre jagatāṃ jagadīśvari jananamaraṇabhītihare /
prakaṭitaviśvākāre mātastubhyaṃ namo namo lalite

paravati jagati dayā te duritahare krauryamiva tu te citram /
jagadīśvari te caritaṃ sādhuṃ kuru māṃ punīhi te tanayam

pavanān pañcāsūnapi pañcāpyavasi tvamindriyāṇyamba /
viniyojaya tānyucite kārye tvaṃ naijacetanānamba

pavanānukūlajīvāḥ kāṅkṣāpekṣoditākṣarāṇyeva /
pīṭhāni temba tasmāt pañcāśat‌pīṭharūpiṇī tvamasi

pavanādiśaktayo vā haripuraharapadmajādiśaktirvā /
tvāṃ tu niyantumaśaktā nirlepā tvaṃ virājase lalite

parvatarājakumārī tvamasi hi jagadīśvarī viviktasthā /
carvitarājasatāmasagarve śarve bhaveha mayi sadayā

pāvanagātri mumukṣormuktiṃ datsesi vīramātā tvam /
ajñānanāśinī tvaṃ rakṣasi vīrān mahītale lalite

pāvaya māmayi lalite pāvakajalavāyubhūmayaṃ bhuvanam /
pāvanamārge niyataṃ viyatastvameva bhavasi nanu

pāvitanatajanahṛdaye ḍāmbhikajanagarvacarviṇī tvamasi /
muktipradā mukundā yojaya janahṛdayapaṅkajānyamba

pāvanatarapadarūpe nirvāṇānandarūpiṇī brāhmi /
devi dayamayi girije kātaratāṃ me nivārayerlalite

pitapitapitajanamūle mūlaprakṛteśca mūlarūpā tvam /
ākārāṇāṃ maulikavigraharūpāsi tattvato lalite

pitavanacaraśivadayite bhāvānāmapyanekarūpāṇām /
bodhavati bhāvagamye bahubhāvasthe namo'stu te lalite

pīnanitambini pīnastanabhārānamracapalatanuvallī /
pītāsavāruṇākṣi kṣaramapi jagadavasi karuṇayā lalite

puṇyavati puṇyadātrī tvamasi hi bhavaroganāśinī jananī /
bhavacakracālayitrī cakreśvari cakradhāriṇī tvamasi

puṇyavivardhakavedacchandassārānvite kavīndranute /
puṇyavivardhini namatāṃ mātastubhyaṃ namo namo lalite

pūtāmnāyamatānāṃ vividhavicārān vivicya bodhayatām /
śāstrāṇāmapi sārastvaṃ tāvadbhavasi devi kalyāṇi

pṛthagavanasāradānād mantrāḥ pātraistu gopanīyāsi /
tadvasturūpiṇī tvaṃ gītācāryādibhiśca gītāsi

pelavatāṅge kārśyaṃ tava tu valagne stanadvaye jaghane /
vipulatvamatimanojñaṃ pariṇāhaste manoharā tvamasi

paitakasampadivānte sukatavatāṃ kalpavallarī tvamasi /
paramodārā bhavasi hi vṛddhimatīhāmba devi he lalite

poteṣu potavāhānamitaśrīkīrtisaukhyasampannā /
anyānapi tanvānā lalite coddāmavaibhavā jayasi

paurṇimaśaśadharavadane nānāvarṇasvarūpiṇī tvamasi /
aruṇaśyāmaladhavalaprītimatī tvaṃ virājase lalite

paṅkajaṣaṭkavihāriṇi janmajarāmaraṇataptalokānām /
viśrāntidāyinī tvaṃ śāśvatasukhadāsi vandināṃ lalite

pāṇḍityavedyarūpe śrutyantodghuṣṭatāpasā bhogye /
pāṇḍityadātri bhajatāṃ mātastubhyaṃ namo namo lalite

piṇḍīkṛtacchaṭānvitabhuvane pṛthagātmatātanudapte /
śāntimatī ca kalā tvaṃ khapraṇavādhaḥsthitāsi guhajananī

phalabhāranatalatāṅgī mātaṅgī tvaṃ madālasā nityam /
phaladalacarusumapūjā sāttvikarūpā tu rocate tubhyam

phalinīlatāphalānvitatarurullasati yathāmba tvaṃ lasasi /
alaghukapāmayi mayi te karuṇāstāṃ devi te namo lalite

phāle candrakalāpe śobhāvṛddhiṃ karoti gambhīre /
maulīndurinduśobhāṃ vardhayati tvaṃ prasīda mayi lalite

bata bata gaganāntaḥsthā gambhīrā garvitāsi sā nityam /
ahamiti sakalaṃ vetsi tvaṃ nanu sarvatra pūrṇarūpatayā

balavatyeva kalā te nādo bindustatodhikastena /
gānapriyāsi sā tvaṃ praṇavākārā hi santataṃ lalite

bālādiśaktisenāpālitabhuvane manoharadhyāne /
līlāmayi mayi karuṇāṃ satataṃ kuru devi cañcalāpāṅgī

bāḍhaṃ prakāśamāne kaitavarahitemba kalpanārahite /
gūḍhārthamayi mayi tvaṃ devi dayethāḥ sadaiva dayanīye

bāleva bhāsamānā tvaṃ kāntā pāpahāriṇī bhavasi /
līlākalpitabhuvaneśvari bhuvanamaṅgale lalite

bālārādhye tapasā yukte bālendubhāsite lalite /
līlātāṇḍavapaṇḍitadehārdhaṃ prāptavatyapi tvamasi

bādhā atītya sakalā bādhākrāntān vilokya yajamānān /
ādhivimuktān kuruṣe tvamidaṃ bhuvanaṃ ca pālayereva

bādhāvāriṇi jagatāṃ kṣemaṅkari kāraṇebhya unmukte /
sādhujanagīyamāne satataṃ māmamba pālayereva

budhavibudhavandyamāne kāmaratiprītamānase sadaye /
kanakāñcitatāṭaṅke mātarnatirastu te surairgite

bodhayasi lokayātrāṃ dākṣiṇyaṃ tyāgaśīlatāṃ sahajām /
bhītimiha kati vidurvā jāne nāhaṃ prabodha mayi lalite

bodhavihīnā bālā vayamiha bodhapradīpadānena /
asmānuddhara līlāvigrahadhāriṇi mayi prasīda śive

bodhakarūpiṇi jagatāṃ jananamatidvandvaśṛṅkhalārahite /
nāśātīte mātaḥ tvaṃ naḥ kāmaṃ pradehi he lalite

bandhūkakusumaśobhe śobhethāssvāṅgasaṃpadassatatam /
saundaryasaṃpadekā ramayati jagatīṃ tavāmba he lalite

bandhanaśatamiha bhuvane taistvamakhilānihaiva bandhayasi /
sindhau saṃsārākhye ghātayasi tvaṃ kuto na jānemba

bhajatāmanantasukhadā vājivarūthādisampadā kalitā /
bhujanihitalokabhārā rājīvākṣi tvameva nanu lalite

bhajatāmapi sukhadā tvaṃ sujanānāṃ ca prasīdasīhaiva /
vijayata eva samādhiḥ samatārūpastvayīha he devi

bhaktipriyāsi sā tvaṃ prītiste devi devatākhyātā /
yuktikatapūjanānāṃ pūjā te rocate sadā lalite

bhayasādhvasarahitānāṃ svācāreṇa nijecchayā caratām /
jayadā sukhadā na bhavasi nīcānāṃ duṣṭanāśinī tvamasi

bhavamuktimicchatāṃ tu śreyoheturhi karmavedamatam /
devarṣīpitagaṇānāṃ karuṇāmādāya bhavati manujo hi

bhavati jagattrayamevaṃ vedatrayamiṣṭakāryasiddhikṛte /
sandhyātrayamanalānāṃ trayamiti devi prasiddhamiha lalite

bhavasāgarapatitānāṃ trayamuddharaṇīyamāpadāṃ bhavati /
bhavasi trayī trivargā sarvādhārā tvameva nanu lalite

bhavasi tristhānasthā devi tvaṃ tripurapālinī cāsi /
bhavati brahma tu mūlaṃ tattvaṃ tattvaṃ tavedameva nanu

bhavasi hi nirāmayā tvaṃ bhuvanaṃ kuruṣe nirāmayaṃ satataṃ /
bhavati na kopyādhāro bhavabhavane te tvadarthamapi lalite

bhavasi bhuvanāvalambo lambodarakārtikeyajanayitrī /
bhuvanatrayaparipālini kambugrīvā tvameva me jananī

bhavasi hi ramamāṇā tvaṃ jñānānandasvarūpiṇī jñāne /
svīye svasminnevaṃ svayamiva vibhrājase śriyā lalite

bhavaśokanāśinī tvaṃ sajasi sudhāsāramādareṇāmba /
pālayasi tena bhuvanaṃ bhuvanambhari me bhaveḥ kapālambā

bhayamayajanimatijaladhau magnānāmavanapaṇḍitā tvamasi /
bhavadāvakavalitānāmārtānāṃ pālinī tvamevāmba

bhavapaṅkarāśimagnānuddhartuṃ tvaṃ hi paṇḍitā bhavasi /
bhavapathagatyā lagnānudhṛtya tvaṃ nivārayerārtīḥ

bhavapāśayantritānāṃ bhuvi bahavassanti hitakarāśca makhāḥ /
bhavabhayanāśini lalite bhavasi hi yāgapriyā tvameveha

bhavasi tvamamba lalite daivīsampatpradā ca yāgakarī /
bhavasi ca rudrāṇī tvaṃ bhaktānāṃ sakalasaukhyadānakarī

bhavasi ca yajamānā tvaṃ bhuvanānāmekanāyikā ca tvam /
yajamānajīvaśaktistvamasi hi lokapālinī ca tvam

bhavasi jagattrayamūḍhvā dharmādharmau tvameva dhārayasi /
dharmā bhavantyaneke dharmādhāre dharādharodbhūte

bhavasukharūpiṇi lalite dahanaḥ pavanopi vidhiharipramukhāḥ /
amarā dhanamicchanti tvaṃ dhanarāśeradhīśvarī bhavasi

bhavasi dhanadhānyasampad‌vṛddhikarī tvaṃ samastasukhadātrī /
bhuvanaprāṇaprāṇe prāṇādhārā śivasya bharturapi

bhavati hi jātiḥ prathamaṃ paścādvarṇā bhavanti teṣu ca te /
viprāḥ prathame lalite sā tvaṃ viprapriyā'si guhajanani

bhavasi nanu viprarūpā vipraiḥ saṃsevitā ca niyamena /
viprapriyamātiṣṭhestvaṃ tāvaddevi dharmamarmajñe

bhavabhavasambhavajantubhramaṇaṃ kārayasi māyayā badhvā /
sṛṣṭisthitilayayātāyātānāṃ tvaṃ tu heturevāsi

bhagavati viśvagrāse grāse grāse pramodavikacākṣī /
jagadīśvari śivamāye kajjalavarṇe tvamamba māṃ pāhi

bhagavati vidrumavarṇe jagadānandaprademba śubhavarṇe /
agaṇitamahimāpūrṇe nānābhūṣāpriyemba māṃ pāhi

bhagavati vaiṣṇavi kamale karadhatakamalemba sāttvikī māye /
jagadavanakovide tvāṃ vande māṃ pāhi hemasamakāye

bhagavati viśvavyāpini nagadharaviṣṇusvarūpiṇī tvamasi /
jagadāgamalīlānugatākāre namomba te lalite

bhāsāruṇasitakālākāre mūrtitrayānvite varade /
hāsadyutivikacāsye śrīle māṃ pāhi kundadati lalite

bhānusudhākaranayane jananavihīne janārdanādhīne /
mānavatīḍitarūpe janani rame pāhi māṃ dayādhīne

bhāgyānvitemba sṛṣṭermūlasthānāyite śrīyā kalite /
buddhibrahmākāre kūṭasthe te namo namo lalite

bhāgyaprademba māyāyogyaguṇākāravarṇavṛttidhare /
viśvākāre dhīre viśveśvari te namo'stu te lalite

bhāratabhāgyavidhātrī vīraparītā tvacalapatiputrī /
vīrasabhā te satataṃ mātā roceta rucirataragātri

bhāgyāyattārcā te bhaktāyattā tvamamba bhavasi nanu /
bhāgyaṃ bhaktiṃ ca vinā kathamarceyaṃ prasīda mayi janani

bhāgyapradāpi sā tvaṃ niṣkāmā sukṛtaduṣkṛtai rahitā /
jagatīti te jaganno bhavati bhavāyaiva te namo lalite

bhāve sthitāsi yā tvaṃ jantūnāṃ bhavasi bhāvabhedajñā /
sā vedaśāstragamyā gānajñe devi nāṭyatattvajñe

bhārati gānarasajñe nādākāre dvidhāsi nṛtyavidhau /
varatatamukhyairvādyairullasite devagāyakaiḥ kalite

bhārati nādamayī tvaṃ hṛdaye nādopyanāhato bhavati /
bahirāhatanādastvaṃ lalite nādasvarūpiṇī tvamasi

bhāratyanāhatākhyo nādo hṛdaye tvameva nādamayī /
cārutaranādarūpā dṛśyaśravyātmanā tvamevāsi

bhāvo dehe so'haṃ matirityajñānasambhavā tvaṃ tu /
bhautikamasthiramiti sadbhāvaṃ bodhayasi te namo lalite

bhiduraṃ vipadacalānāṃ tvamasi ca vipado jahi tvamasya mama /
śaktā draṣṭumasi tvaṃ prajñādṛṣṭyā tvamamba māṃ pāhi

bhidyadaravindagarbhe ramye yā bhāti karṇikā seva /
mūle sahasrapatre bindussohaṃ tvameva nanu lasasi

bhīṣaṇabhavadāvaghane sūkṣmasthūlākhyatattvanirmukte /
bhūṣaṇabhūṣiṇi kokilavāṇi śrīvāṇi te namo lalite

bhuvanamavatīrya jetrī bhāvādhīnā svakīyamūlamapi /
vismṛtya pātukāḥ syustattvamayi tvaṃ samuddharerasmān

bhuvanādhīśvari tattvaṃ paphabhāvārthaprabodhinī tvamasi /
jñeyaṃ brahma ca sā tvaṃ viprajñeyā tvameva nanu lalite

bhuvane vedāḥ stavanaṃ karmajñānaṃ ca gānavidyāṃ ca /
prāhustrividhāḥ sāmnāṃ gānaṃ priyamamba te satāṃ bhavati

bhuvanatrayaparipālini mātā pīyūṣarūpiṇī bhavasi /
brahmasvarūpiṇī tvaṃ ramaya mano me namo'stu te lalite

bhūteśavallabhā tvaṃ bhūtānāṃ pālane ratā satatam /
bhautikakaṣṭamaśeṣaṃ śamaya tvaṃ me kulokasañjātam

bhūtānāmasi mātā viśveśapreyasī tvamevāsi /
bhūtānuṣaṅgiṇī tvaṃ tvāmahamīḍe namo'stu te lalite

bheṣajamasi hi bhavāmayabhājāṃ saṃsārataraṇanaukā tvam /
doṣaṃ marṣaya mātarmāmakamambhojalocane lalite

bhairavi dakṣiṇamārge vāmapathe vā tvameva bhavasi nanu /
savyāpasavyamārgadvayamapyāśritya rājase satatam

bhogīśabhūṣajāye sarvāpannāśakāriṇī tvamasi /
yogīśayogagamye svasthā nityaṃ tvameva nanu bhavasi

bhogīśakeśapāśe premamayī tvaṃ sadāśrayā bhavasi /
premāmba te'stu nityaṃ mayi te nityaṃ tvameva māṃ pāhi

bhautikabhogavirakte brahmaṇi parame mudā sadāsakte /
nijabhuvanāvanāsakte mātarmāṃ pāhi devi śivaśakte

bhambharaveṇi śubhāṅgi tvaṃ bhavatāpaṃ nivārayeḥ kṛpayā /
ambhoruhadalanayane śumbhamadaghni tvamamba māṃ pāhi

bhañjaya mama hṛdayārīn rañjaya hṛdayaṃ pradehi mama śāntim /
añjalirābaddhaste mātarmāṃ pāhi te namo lalite

manasā smarāmi devīṃ janaya jñānaṃ mayi tvameva varam /
so'haṃ bhāvenāryaiḥ sevitacaraṇe namo'stu te lalite

mahitaṃ caitanyaṃ te divyārghyaṃ bhavati divyakusumaṃ ca /
nityodayānvitā tvaṃ bhavasi hi janani tvameva me śaraṇam

mārtāṇḍāruṇamūrte mūrtībhūtāśritāmitaprīte /
jātānetānavatādasmān bhavāni haradayite

mātastvamuttarāśāsevyā sādhyāsi bodhamārgeṇa /
khyātāmnāyavidhānairārādhyā ca tvameva bhavasi nanu

mānasamalamocayitā lalitāpāṅgastavāmba manujānām /
sā tvaṃ jagadākārā bhavasi brahmāsi pāhi māmenam

mitabhuvanemba bhavābdhestaraṇaṃ kaivalyameva nanu dhatse /
yadi dayase tvamanarghāṃ kuru karuṇāṃ te śivemba mayi vatse

mīnākṣi nādarūpe śrutivacanaireva modamānāmbā /
kleśabhayanāśinī tvaṃ nutilakṣyā bhavasi jagadamba

muktiprademba lalite nutisaritastvāṃ prayānti sindhumiva /
nutiparavacasārādhye mayyastāṃ te kṛpā sadā devi

mukharīkṛtakalavīṇe śrutitatisaṃstūyamānanijavibhave /
akhilāmnāyavidarcāmādadatī tvaṃ virājase lalite

mūrkhaṃ nipuṇaṃ kurute karuṇāpāṅgastavāmba he lalite /
māmapi karuṇāpāṅgairnipuṇaṃ kuru me tvameva nanu śaraṇam

mṛduhṛdayāsi sadā tvaṃ mātarudārāsi nāyikā jagatām /
vidurakhilā vibudhāstvāṃ sadayaṃ māmamba pālayessatatam

medhāvinī tvamevaṃ medhāvinamamba kuru dayādṛṣṭyā /
bodhaya bodhamamoghaṃ pālaya lalite kṛpāsudhāvṛṣṭyā

maitrādivāsanānāṃ satyaṃ sulabhaṃ bhavatyaśeṣāṇām /
maṅgalamūrte lalite śṛṇu kṛpayā me stavātmikāṃ vāṇīm

modayatu mānasaṃ te mātarjagatāṃ ca māmakīrvāṇīḥ /
sādaramākarṇaya te nutimetāṃ me tvamamba kalyāṇī

mauḍhyaṃ vāraya dārḍhyaṃ vardhaya vacaneṣu mama dayābharite /
āḍhyaṃ surasampatyā kuru māmambeṣṭasampadā kalitā

mañjulagātri savitrī viśveśā tvaṃ ca sakalajagatosya /
dhātrī bhavasi hi tanmāṃ pālaya doṣān mamāpi nirvāsya

añjalirayi te racito māṃ pāyāḥ sādhuhatsarohaṃsi

mañjulavadanasaroje brahmānandātmikemba suramānye /
saṅkalparūpiṇī tvaṃ jayasi sadā haṃsagāminī lalite

mañjulamambaramambaravyoma bhavatkeīśapāśa evāste /
mañjuvimānasthā tvaṃ jayasi surastomavanditā jagati

yakṣeśamitrajāye mādhuryaṃ nāsti me gale gātum /
dakṣo nāhaṃ stotuṃ kathamahamārādhayāmi vā bhavatīm

yamajayini yāminīśaprollasadāsye dayāsudhājaladhe /
marṣaya mama yadi doṣā mātaḥ pāyāḥ sadā tvamevemam

yāmavatīśasamānaṃ bhavadānanamamba haratu mama pāpam /
vyomacaravaravimāne sañcarasi tvaṃ hitaṃ vidhātumiha

yāthārthyamamba viśvaṃ rakṣasi yā tvaṃ tadenamapi sā tvam /
māmavasi ceti manye nama ityamba bravīmi te manasā

yāce tathāpi so'haṃ vācā manasā sadāmbikāṃ bhavatīm /
vācāmagocarā tvaṃ yadbhadraṃ me tadeva vitareti

yāgāḥ pañca ca pañca tyāgāyattā hi pañca vedoktāḥ /
pañcāgnihotramukhyāḥ pārādhyāścāpi santi nanu sukhadāḥ

yāgeṣu cāgnihotrapramukhāḥ santyeva bahuvidhā yajñāḥ /
iṣṭaviśeṣatayā te roceteyaṃ stutistu makha eva

yogādhīśvari śaṅkari rāgadveṣādibhāvanārahite /
bho gaganāmbusamīrānalapañcakamañcakaśāyinī tvamasi

yoge yāge dhyeyā brahmānandātmikā tvamevaikā /
pañcānāmasi nāthā bhūtānāṃ bhūtadhātri he lalite

yaugikavaidikapūjāvividhāssanti prakāmamupacārāḥ /
bhautikatanmātrakatāpūjā prītyai bhavettavaikāmba

yantrādhārā bhavasi tvamapi suvarṇākṣarāṅkamayameva /
yantramanekavidhaṃ te mantrāṅkaṃ devi bhavati nanu lalite

racayasi citramayaṃ tvaṃ bhuvanaṃ māyākhyakuñcamādāya /
śāśvati śāśvatasukhade māyāsāmrājñi te namo lalite

ramayasi śambhumadabhraṃ kamanīyākāravibhramairamba /
kṣamayārcitāsi mātaḥ śāmbhavi tubhyaṃ namaḥ kṣamādhāre

rajasā sajasi hi bhuvanaṃ rakṣasi bhūtāni devi sattvena /
ajaharirūpadharā tvaṃ bhavasi dharākāradhāriṇī lalite

rathamakarot tripurebhyaḥ pṛthivīṃ yaste patiḥ śivo lalitām /
kathamavasi tvamasūstvaṃ śivamāvoḍhuṃ kimamba na trātum

rājā bhūmidharāṇāṃ tejorāśiḥ sutāsi nanu tasya /
rājīvākṣi dayāmayi mātarmāṃ pāhi santataṃ lalite

rākṣasakoṭivimardini sakalaiśvaryapradāyinī tvamasi /
sākṣiṇyapi nanu jagatāṃ śrīkari mātarnamo'stu te lalite

ripudamanamātmaśaktyā nipuṇā samare vidhāya kṛtakṛtyā /
sā tvamasi devakārye dharmiṇyārye tvameva nanu lalite

rītiravedyā nanu te nipuṇairapi dharmavardhinī tvamasi /
mātarlokātīte vipadaḥ sarvā nivāraya tvaṃ me

rudrapriyakari rudre bhadramukhi tvaṃ mayi prasīda śive /
bhadraṃ kuru kalyāṇi tvaṃ vinayo me kṛto'yameva nanu

rūkṣāsi ripuṣu nityaṃ vṛddhiścāsīndumaṇḍale sujane /
pakṣīva hṛdayabhāve sākṣiṇyasi me nidhehi māṃ sujane

rekhābhirañcitāṅghre śrīkari bhadrābhirāgarāloke /
lekhāligīyamāne kākalikāḍhye namo'stu te lalite

rūpayasi ripuṣu pūrvaṃ bhrūcāpaṃ tadanu karadhataṃ cāpam /
rūpavati khalavidūre sarvātīte śamātmike pāhi

raudraṃ raudre vadanaṃ bhadraṃ bhadreṣu tāvakaṃ ruciram /
bhadramiha bhadrarūpe mayi kuru nityaṃ tvameva dhīratvam

rañjaya sujanamanāṃsi tu bhañjaya danujādhamānudāremba /
rañjakasujanakadambe bhañjaya pāpāni me sakādambe

rambhoru maṅgaḻāṅgi praṇatābhīṣṭaprademba munigīte /
sukhakari sadaye hṛdaye mātarmātaṅgi te namo lalite

lalitāravindahaste sumukhī tvaṃ bhavasi pūjayā prītā /
lalite suvāsinīnāṃ sādhvī tvaṃ bhavasi bhavamayi prītā

lāsyapriyāsi līlālāsyapriyahṛdayavallabhā tvamasi /
āśobhamānamūrtistarpaṇajalabindumātratuṣṭāsi

lāsyaṃ tanoti vadane hāsyaṃ te lāsayati ca budhahṛdayam /
bhavasi ca viśuddhahṛdayā jaya lalite śakrapūjitā sadayā

lipiśatabhāṣārūpe rūpātīte bahuvidhākāre /
madhurāmatarasavarṣiṇi mātarmāṃ pāhi sajjanādhāre

līnāsi jagati jagatīṃ kukṣau nikṣipya rakṣasi prītā /
līlāravindabhaṅgī nādānumudite'stu vandanaṃ lalite

lubhyati jagatī tubhyaṃ sabhyānibhyān karoṣi yadi dayase /
abhyudayamicchatemba tvaṃ me yacchāyatiṃ śubhaṃ sadaye

lekhārādhitapāde lāvaṇyamayī ca pūrvaje jagatām /
jananādāśritasukhadā tripurāmbā tvaṃ punīhi māṃ lalite

lokālokanaśīle daśamudrārādhite namo lalite /
śokavināśini namatāṃ vande tvāmamba kinnarairgīte

laulyamatilaṅghanīyaṃ bhavati yadā pāsi nastadā sadayā /
mānasalaulyavihīno vācāṃ nicayena toṣayāmyamba

lambodaraphaṇicakre dvādaśaśatapatravāsinī tvamasi /
daśavidhamudrārūpā yamijanavaśyā ca te namo lalite

śatapatrapatranetre karuṇāpūreṇa bandhurāpāṅgi /
daśamudrārcitapāde dhyānādhīne tvameva māṃ pāhi

śaśidharakamalajamuraharavaśagā mudrārcitā bhavedeva /
kimuta tathārcanaviduṣāṃ viṣaye māmamba pālayereva

śaśimukhi sambhavasi tvaṃ mudrāsujñānamudrikārūpā /
jñānenaiva ca gamyā jñānajñeyātmikā tvamevāsi

śāradaśaśisitahāse daśaśatadalakamalagāmipathabodhrī /
bhavasi nanu mūlamudrā mudrākhaṇḍatrayeśvarī lalite

śitikaṇṭhaśaktirūpe mṛtyordarpo'pi nāśitaḥ śaktyā /
tava devi guṇavatī tvaṃ lalite yāsi trikoṇaguṇasāmyam

śītāpāṅgi viśuddhe pūrṇacaritre śivapriye lalite /
vāñchitaphaladātrī tvaṃ kuṇḍalinī tvaṃ punīhi māṃ satatam

śuddhābhyāsastutibhirvedye dhyānena sevayā bhajatām /
ṣaḍvidhatattvāddhyānaṃ tīrtvā bindusthitāsi sā tvaṃ hi

śūlini karuṇāmūrte ṣaṭcakrāṇi tvadīyapīṭhāni /
śeṣe sahasrapatre sādhakasukhadātrī te namo lalite

śokāmayaharakaruṇāpūrṇāpāṅge śucismite lalite /
śokamaśeṣaṃ māmakamapahara māṃ pāhi te namo vihitam

ṣaṇmukhagaṇapatijananī tvaṃ sarvānavasi karuṇayā satatam /
śaravaṇabhavanutasuguṇe śarvāṇī tvaṃ sadaiva māṃ pāhi

ṣaḍjādinādamodini ṣaḍguṇasampattisaṃyute lalite /
ajñānatimiradīpā tvamasi hi jagatāṃ nassukhaṃ dehi

ṣaṭcakracāriṇī tvaṃ jñānānandapradāyinī namatām /
kuṇḍalinīti tvamasi hi nityārādhyā ca tanmukhādbhavasi

ṣāḍguṇyapūrṇacitte cakrāntarvāsinī tadādhārā /
jagatāmasi sukhadātrī jagadīśvari pāhi māṃ kapāpāṅgaiḥ

sakalajanasevyamānā sakalābhiṣṭapradā tvamevāsi /
sakalavidhārcā prītā sulabhā tvaṃ devi mānavānāṃ hi

sāttvikarājasatāmasapūjā ādāya tatsamānaphalam /
dattvā rakṣasi bālān sāttvikapūjā tava priyaiva nanu

sādhayasi kāryajātaṃ svanideśādeva śāsanaṃ ko'pi /
nollaṅghayet tvamamba śrīcakrāgāravāsinī bhavasi

sārasvatasāmrājye nādavicārādeva modamānāsi /
sārasvatavidhisulabhāṃ nutiśaktiṃ me pradehi he lalite

sārasagāmini lalite līlākṣaṇamātrapālanakhyāte /
vāhaya karuṇāsrotaḥ śvāsocchvāseṣu dehināṃ lalite

siddhiprademba sīmākāriṇi jagatāṃ ca sumukhi sūkṣmatano /
sṛṣṭikari devatānāṃ somasametā saukhyadāsva  mayi nityam

harahāraveṇi lalite hitakari sarvottameṣu sutabhāve /
hutavahasambhavamātā tvamasi hi tubhyaṃ namo'stu   he lalite

hemāṅgadāṅgaśobhātoṣitabhuvanatraye mahādevi /
śivaśaktyabhedarūpe viśvādhāremba pāhi māṃ lalite

kṣatiriha yadi nutikusumasraji soḍhvā dhāraya tvamevāmba /
kaṇṭhe śrīkaṇṭhena tvamapi ramasvāmba ramaya māṃ ca haram

jñānadhanapūjyamāne jñānānande sadā śivānande /
matikusumapālake te prītiṃ tanutāmiyaṃ kṛtirlalite