આર્યાસાહસ્રી · અધ્યાય 1

અતિસુખિનિ સુન્દરાઙ્ગિ શ્રિતજનમન્દારવલ્લરિ શ્યામે ।
ભારતિ કમલજજાયે વિદ્યાં બુદ્ધિં સમુજ્જ્વલાં દિશ મે

અસદશસમ્પદ્ભરિતે શુભગુરુરાજત્વકીર્તિબોધમયિ ।
શ્રીમાતરખિલમાતઃ સ્તોતારં માં પુનીહિ હે લલિતે

અખિલજનમોદહેતોર્દેવીશ્વરિ હે શિવે મહારાજ્ઞિ ।
માયાપ્રકટિતરૂપે રૂપત્રયભાવિતે નમો લલિતે

અતિગુરુમહિમાપૂર્ણે રાજ્ઞાં સામ્રાજ્યદાયિની ત્વમસિ ।
ગતિમતિદાત્રિ નમસ્તે નાદશ્રીર્નાદકોવિદે પાહિ

અમતાંશુમૌલિજાયે ! હેમાસનસુસ્થિતા મહાકલ્પા ।
સુખિનિ સુખાસ્પદધામ્નિ પ્રણમન્તં ત્વાં સદૈવ માં પાહિ

અમલકરચિત્કલાઞ્ચજ્યોતિર્મુખ્યાઙ્કુરાત્ સમુદ્ભૂતે ।
ભૂરિમહિમ્ના ભરિતે દેવિ સુરાનન્દદાત્રિ માં પાહિ

અસુરગણમખિલમનિશં હન્તું જાતાસિ દેવકાર્યાર્થમ્ ।
અહમિતિ ધીરૂપાગ્નેઃ કણ્ડાદ્બ્રહ્માણ્ડજનનિ માં પાહિ

અયુતાધિકરવિદીપ્તે પૂર્વામ્બુધિશૈલતુઙ્ગશિખરાગ્રે ।
ઉદ્યદ્ભાનુસહસ્રપ્રભયા વિભ્રાજિતે નમો લલિતે

અખિલામરજનયિત્રી સુગુણૈઃ સ્વૈરેવ શોભિતં લલિતમ્ ।
પાશં દધાસિ યા ત્વં સા ત્વં મામમ્બ પાલયેરનિશમ્

અયિ પરુષપાશહસ્તે પુણ્ડ્રાઙ્કુશરાજમાનકરકમલે ।
પુરુષાર્થદાયિપાણે ભારતિ વાગ્દેવતે નમો લલિતે

અતિસુખદરૂપમનિશં દધતી હસ્તેઙ્કુશં સદા મહસા ।
વિભ્રાજમાનમૂર્તે લલિતે મામમ્બ સન્તતં પાહિ

અમલજ્ઞાનાકારે માનસરૂપેક્ષુદણ્ડકોદણ્ડે ।
ગ્રન્થિષુ ધૃતષટ્ચક્રે લલિતે મામમ્બ સાદરં પાહિ

અભિનવચમ્પકસુમસમનાસાદણ્ડેભિરામમુખકમલે ।
શુભકરિ કરુણામૂર્તે માતર્લલિતે નમોસ્તુ તે સતતમ્

અરુણરુચિપૂરમજ્જદ્બ્રહ્માણ્ડાખણ્ડમણ્ડલોલ્લસિતે ।
કરુણામસૃણાપાઙ્ગે માતર્માં પાહિ સન્તતં લલિતે

અયિ નીલકેશપાશે ચામ્પેયાશોકલલિતપુન્નાગૈઃ ।
સૌગન્ધિકેન રચિતં માલ્યં દધતીં નમામિ દેવિ ત્વામ્

અતિરુચિરપદ્મરાગપ્રત્યુપ્તસ્વર્ણરચિતકેયૂરે ।
દરહાસભૂષિતાસ્યે  માતર્માં દેવિ સન્તતં પાહિ

અતિસુરભિમગમદાઞ્ચત્‌ફાલે કોટીરમઞ્જુલાભરણે ।
દુષ્ટસુરારિવધાય વ્યાપતનાનાવિધાયુધે શિવે પાહિ

અમલતરસુન્દરાનનમન્દિરમાઙ્ગલ્યતોરણભૃકુટિ ।
સુભ્રૂગણપરિવારે ધીરે માં પાહિ સન્તતં લલિતે

અતિદુર્ભરતરજઘને  દરલીલાસક્તમીનરુચિરાક્ષિ ।
અયિ સુન્દરાઙ્ગિ માતર્માતસ્ત્વાં ચિન્તયે સદા હદયે

અમલતરતારકાલિજ્યોતિર્ન્યક્કારિનાસિકાભરણે ।
કુમુદવનબન્ધુવદને ગુણવતિ માં પાહિ તે નમો લલિતે

અસુરકમ્બકદમ્બપ્રસવસુકર્ણાવતંસવત્‌કર્ણે ।
કમલાપતિસહજાતે જાતે પ્રીતા ભવામ્બ મયિ લલિતે

અમલતરરુચિમહોજ્વલતાઙ્કીભૂતરવિશશઙ્કયુતે ।
અમરકુલસેવિતાઙ્ઘ્રે નિત્યં માં પાહિ વત્સલે લલિતે

અમલસુધાકરલાઞ્છનસન્નિભમગનાભિપઙ્કવત્ફાલે ।
કમલજવદનનિવાસે તાવકમઙ્ઘ્રિદ્વયં મુદા વન્દે

અમલતરપદ્મરાગાદર્શતિરસ્કારકારિસુકપોલે ।
અતુલાસ્યહાસ્યલાસ્યે કમલાક્ષિ ત્રાહિ જનમિમં સરલે

અભિનવવિદ્રુમશોભાપરિભવિદન્તચ્છદેન સઙ્કલિતે ।
શુભગુણગણસંવલિતે  શ્રીપતિવન્દ્યેમ્બ પાહિ માં લલિતે ॥25।
અતિવિમલસાધુવિદ્યાપ્રાઙ્કુરરૂપદ્વિજદ્વિપઙ્કિયુતે ।
મતિમતિ વિધિહરિમાન્યે ત્વં કુરુ કારુણ્યમયિ મયીહ ભૃશમ્

અમલતરનાગવલ્લીકર્પૂરક્રમુકસૌરભાદેવ ।
આહ્લાદયન્ત્યશેષાશાંસ્ત્વં જયસિ શોભયા દેવિ

અમતસ્યન્દિવચોભિસ્ત્રપયન્તી કચ્છપીં નિજાં વીણામ્ ।
મધુરાલાપૈરપિ પિકમમ્બુજનયને ત્વમેવ માં પાહિ

અનલાક્ષમાત્મરમણં  મન્દસ્મિતપૂરલીનહદયં તમ્ ।
વિદધાસ્યજસ્રમારાદ્ ધીરા ત્વં પાહિ શૈલજે સતતમ્

અસદૃશનિજચિબુકશ્રીશોભિતકમ્બુદ્યુતિસ્ફુરત્કણ્ઠિ ।
કુસુમાયુધમદહારિણિ માતર્માં પાહિ વિજિતકલકણ્ઠિ

અમલેન્દુધરનિબદ્ધશ્રીમન્માઙ્ગલ્યસૂત્રવત્કણ્ઠિ ।
કમલાક્ષાબ્જજવન્દ્યે  પાર્વતિ માઙ્ગલ્યદાત્રિ માં પાહિ ॥31।
અનઘકનકાઙ્ગદાઢ્યે  શ્રીમદ્ભુજદણ્ડમણ્ડિતે મહિતે ।
કનકગિરિચાપધર્તુર્ભર્તર્વાચિ સ્થિતેમ્બ માં પાહિ

અનઘમણિઘટિતહેમગ્રીવાચિન્તાકમૌક્તિકાભરણે ।
વિનયનતમસ્તકં માં પાલય દીનં ચ શમય મદમોહૌ

અભિમતનિજપતિહર્ષસ્ફુરિતાનર્ઘાશ્મનિસ્તુયોરોજે ।
અભિજનપૂજિતચરણે  નતિરિયમયિ તેસ્તુ ચરણયોર્દેવિ

અવનમ્રનાભિરૂપાવાલજરોમાલિફલકકુચયુગલે ।
અવહિતભુવનત્રાણે  શમ્ભોઃ પ્રાણાધિકેમ્બ માં પાહિ

અવહિતરોમાવલ્યા સૂચિતવલ્લદ્વલગ્નશુભદેશે ।
અવિનયમમ્બ મદીયં જહિ સુરસન્તોષભાગ્યમયકોશે

અતિઘનવક્ષોરુહયોર્વહનાયાબદ્ધવલિમહાદશને ।
ગતિરસિ મતિરસિ સતતં મમ માતા ત્વમેવ માં પાહિ

અરુણારુણકૌસુમ્ભશ્રીમદ્વાસઃશ્રિયાઢ્યકટિભાગે ।
કુરુ માં તવ કરુણાયાઃ  પાત્રં ગોત્રં મનશ્ચ પાવય મે

અગણિતમણિકિઙ્કિણિકારશનાદામ્ના વિરાજતેદ્રિસુતે ।
નગવરકુલમણિદીપે  દિશ મમ કાવ્યાઙ્ગનાકપામમ્બ

અનલાક્ષપાણિપદ્મદ્વયવેદ્યા પરુષસુરભિલલિતાઙ્ગી ।
જનયિત્રી લોકાનાં મયિ કુરુ કરુણાં સ્વભાવસુરભિતનો

અનઘદ્યુતિમાણિક્યસ્ફુરિતકિરીટાભજાનુયુગ્મયુતે ।
અનુનય મયિ કુરુ વાણિ ત્વયિ તુ મયિ ત્વં દયસ્વ હે લલિતે

અહિરિપુમણિકતમન્મથતૂણીરાકારજાનુયુગલાઢ્યે ।
મહિતગુણરાજમાને મમ મનસિ ત્વં વસામ્બ હરવેદ્યે

અતિપીનગૂઢગુલ્ફે મતિમતિ મત્યાશ્રયે સતાં સતતમ્ ।
કતિનાં સમિતિષુ કુરુ માં સુમતિં સમ્ભાવિતં ચ હે લલિતે

અયિ કમઠપષ્ઠવિજયિપ્રપદદ્વયરાજમાનપદકમલે ।
નિયતિનિયામકજાયે સપદિ કપાં ધેહિ મયિ નિજે લલિતે

અરુણનખદીપ્તિમજ્જજ્જનહદયધ્વાન્તનાશસુપ્રીતે ।
કરુણામસણાપાઙ્ગે જનનિ ત્વામાશ્રયામ્યહં સતતમ્

અયિ પદયુગલજ્યોતિર્ન્યક્કૃતપાથોજવનરુચે મહસા ।
નિયમિતદીપ્તિમદે ત્વં જયસિ હિ દીપ્ત્યાસ્વ મયિ તથા મહસા

અવિરતમપિ શિઞ્જાને મણિમયપાદાઙ્ગદે દધાનેમ્બ ।
ભવભયહારિણિ તારિણિ સંસારામ્ભોનિધેઃ સદા પાહિ

અનુપમહંસવધૂટીં જિત્વા ગત્યા વિરાજમાનેમ્બ ।
અનુચરચરચરમેનં તવ શિવજાયે પુનીહિ મામમ્બ

અભિનવહેમસવર્ણે દેવિ મહારૂપશેવધે સવિધે ।
જયતિ ચ સવર્ણસિંહી ત્વં માં પાયાશ્ચ સિંહસંહનના

આભરણરાજિકાન્ત્યા નિજતનુદીપ્ત્યાવતારુણચ્છાયા ।
સૌભગપરિપૂર્ણા ત્વં સુભગં કુરુ માં દયાસુધાવષ્ટ્યા

આપાદમૌલિદેશાદનવદ્યાઙ્ગાઙ્ગબન્ધુરે સુકરે ।
શ્રીપાદશોભમાને જનનિ ત્વામેવ યામ્યહં શરણમ્

આપાદમૌલિવિલસન્નાનાભૂષાવલીપ્રભાચ્છન્ને ।
આપાદમૌલિસુષમાપિહિતે માં પાહિ સન્તતં લલિતે

આશામ્બરવામાઙ્કે વાલ્લભ્યાદેવ સાનુરાગમપિ ।
આરોપિતનિજમૂર્તે દુર્ગે દેવિ ત્વમેવ માં પાહિ ॥53।
આદદતિ યે પવિત્રે હદયે તેષાં સદા શિવા ભાસિ ।
મોદયસિ સન્તતં ત્વં તાનેવાનેકભાગ્યદા જયસિ

આધિવ્યાધિવિહીને સ્વાધીનાત્મપ્રિયે પ્રભાવેણ ।
અધિગતભુવનધ્યાને સાધીયો મે હિતં ત્વયા લલિતે

આધિનિવારિણિ નમતાં સાધુનુતે મેરુશૃઙ્ગમધ્યસ્થે ।
સાધૂપકારશીલે સાધય મત્કાર્યમુત્તમં લલિતે

આકાશાન્તઃકલયા નિહિતશ્રીનગરનાયિકે ગૌરિ ।
સાકારભાગ્યરૂપે  રૂપગુણોદ્યોગભેદવતિ જયસિ

આપાદિતસકલાશે શ્રીસખિ ચિન્તામણિપ્રિયે મહાદેવિ ।
વાસોરુચિસંવલિતે દાસે મયિ તે દયસ્વ હે લલિતે

આર્યે વિધિહરિરુદ્રેશ્વરરૂપબ્રહ્મપીઠમારૂઢે ।
નાર્યવતારિણિ ભદ્રે મારવધૂટીપ્રિયે નમો લલિતે

આપાટલસરસીરુહકાન્તારાન્તઃસ્થિતે ગુણોલ્લસિતે ।
શ્રીપાદજિતસરોજે શરણં ભવ મે ભવે ભવે લલિતે

કાર્યાકાર્યાભિજ્ઞે શૌર્યશ્રીમત્કદમ્બવનવાસે ।
આર્યાનન્દિનિ માયાકાર્યાનન્દાન્વિતેમ્બ માં પાહિ

આશ્રિતપાલનચતુરે પીયૂષામ્ભોધિમધ્યગેહસ્થે ।
આશ્રિતસુરપરિવારે દશશતપત્રાબ્જપીઠગે પાહિ

આનતભક્તાભીષ્ટં માનયિતું દાતુમસિ ચ કામાક્ષી ।
દીનાનાથશરણ્યે માનય મામમ્બ સાદરં લલિતે

આરાધયન્તિ યે ત્વાં તેષામાનન્દદાયિની નિત્યમ્ ।
નારીકિરીટશોભારાધિતચરણેમ્બ પાહિ માં લલિતે

આનતસુરમુનિબન્દૈરનવરતસ્તૂયમાનપદકમલે ।
દાનવનાશિનિ તુભ્યં નતિરિયમાસ્તાં જયામ્બ હે લલિતે

આર્યે ભણ્ડવધોદ્યતશક્તિચમૂભિસ્સમાવતે દેવિ ।
કાર્યેષુ મે સહાયા કાર્યપ્રજ્ઞાપ્રદાસ્વ મયિ લલિતે

આશ્રિતસમ્પત્કરણીશક્ત્યારૂઢેભસેવિતે સમરે ।
આશ્રિતસુરપરિવારે ધીરે મામમ્બ પાહિ હે લલિતે

આરૂઢવાજિસેનાવારિતકોટ્યશ્વસેનયા સહિતે ।
આપીતાસવમત્તે ચિત્તે તે મે નુતિસ્સદા ભવતુ

આરુહ્ય ચક્રરાજસ્યન્દનમખિલાયુધાનિ પરિગહ્ય ।
વીરાવેશકરાલે  વૈરિષુ સમરેષુ કોપને જય હે

આરુહ્ય ગેયચક્રસ્યન્દનમેકં ચ સેવ્યમાનેમ્બ ।
શ્યામલયા મન્ત્રિણ્યા સમરસસમરે નમોસ્તુ તે લલિતે

આરુહ્ય ચ કિરિચક્રસ્યન્દનમનઘં ધુરિ પ્રતિષ્ઠિતયા ।
દણ્ડાધિપવારાહ્યા શક્ત્યા સહિતે જયામ્બિકે લલિતે

આક્રમ્ય દિવ્યશક્ત્યા વહ્નિપ્રાકારમધ્યમભ્યેત્ય ।
જ્વાલામાલિન્યા ત્વં જયસિ રુચા સમરભૂતલે લલિતે

આરાકાચન્દ્રકલિકાવદ્ધિપ્રદશક્તિવદ્ધિસન્તુષ્ટે ।
ઉત્સાહવદ્ધિહેતોઃ શક્તીનાં ત્વં જયામ્બિકે લલિતે

આક્રમ્ય ભણ્ડપુત્રાનખિલાન્ હત્વા જયેન સન્તુષ્ટે ।
બાલાવિક્રમમુદિતે સમરે દુર્ગાંબ તે નમો લલિતે

આસુરવિષઙ્ગદૈત્યં મન્ત્રિણ્યમ્બાવધીદ્રણે યેન ।
શ્યામજ્યાઙ્કિતહસ્તે તુષ્ટે યુદ્ધેન તે નમો લલિતે

આર્યે ભણ્ડભ્રાતશ્યામલયાસીદ્ધતોંબ તે સમરે ।
મુદિતા ત્વમભૂર્માતઃ સુરરિપુહનત્યમ્બ તે નમો લલિતે

આસ્યાલોકનમાત્રાત્ પત્યુર્વિઘ્નેશમસજ એવ ત્વમ્ ।
માયામસુરાનપિ તાનવધીર્વિઘ્નેશ એવ કુશલતયા

આસુરમાયાવિઘ્નાન્ વિઘ્નેશોનાશયત્તદા તે હિ ।
આનન્દયદપિ ભવતીં યસ્તે પુત્રો હિ તેન તે લલિતે

આર્યે ભણ્ડવિમુક્તાન્ બાણાનખિલાન્નિજાશુગેનૈવ ।
સત્વરમખણ્ડયસ્ત્વં તસ્માત્તુભ્યં નમો નમો લલિતે

આયોધને નિયોદ્ધું સિદ્ધે ભણ્ડે કરાઙ્ગુલીભ્યસ્ત્વમ્ ।
નારાયણાવતારાનસજત્ સહસૈવ તે નમો લલિતે

આર્યા પાશુપતાગ્નિજ્વાલાભસ્મીકતાસુરે સમરે ।
મૂલાધારજ્વાલા સેયં નનુ તે નમો નમો લલિતે

આનીલકોમલાઙ્ગિ શ્રીલલિતે શ્રીનિકેતને સવને ।
સૌજન્યાદિગુણાનાં ત્વં મે સદ્બુદ્ધિમનુગહાણામ્બ

આસુરબલમવધીસ્ત્વં કામેશાસ્ત્રેણ ભણ્ડદૈત્યં તમ્ ।
ફાલાનલેન ગિરિશો મદનમિવાજેયમમ્બિકે લલિતે

આસુરભણ્ડવધાત્ ત્વામજહરિશક્રાદિદેવતા અચલાઃ ।
ભક્ત્યા શશંસુરમ્બાં વન્દે ત્વામસ્તુ તે નમો લલિતે

અદ્ભુતકલાવતારે હરનયનપ્લુષ્ટમદનજીવાતો ।
આશ્રિતજનતતિસુગમે શ્રીદેવિ ત્વં દયસ્વ મયિ દીને

ઇભવદનજનનિ લલિતે શુભકરિ પરિપૂર્ણચન્દ્રનિભવદને ।
અભયઙ્કરિ જગતાં માં દેવિ ત્રાયસ્વ સાદરં તમિમમ્

ઇનશશિપાવકનયને કણ્ઠાન્નીચૈર્નિતમ્બપર્યંતમ્ ।
આકટિતટમપિ કણ્ઠાન્મધ્યમકૂટાવતે નમો લલિતે

ઇભરાજમન્દગમને દઢશક્ત્યાધારશોભિતે મહિતે ।
અભયપ્રદકરપદ્મે પદ્માસ્યે પાહિ માં મુદા લલિતે

ઇભરાજવાહના ત્વં શુભકરમન્ત્રાત્મિકા ત્વમેવાસિ ।
અભયં દિશ મે માતઃ શુભમપિ સતતં નમોસ્તુ તે લલિતે

ઇદમમ્બ મન્ત્રરાજ્યં વિવિધં ભાગત્રયેણ તે ભાતિ ।
આકટ્યાકન્ધરમામસ્તકમિત્યાશ્રયામ્યહં તુ ત્વામ્

ઇદમજકતજગદાસીત્ કુલરૂપેણાસ્થિતા શ્રિયા જયસિ ।
હદયનિવાસિનિ નમતાં જલજાક્ષિ ત્વામહં ભજે સતતમ્

ઇહકુલપાલિનિ જગતાં સષ્ટિવ્યાપારપાલિની ત્વમસિ ।
મહિતામ્નાયનુતાં ત્વાં શિરસા વન્દે નમોસ્તુ તે લલિતે

ઇહકુલહદયનિલીના વિહિતાશેષક્રિયાકલાપાસિ ।
મહતામાશ્રયદાત્રી ત્વં મે શરણં ભવાનિશં લલિતે

ઇદમખિલમેવ વિશ્વં હદયે વહસીક્ષસે સદા દયયા ।
માયાતત્ત્વમિદં તે ગહનાદ્ગહનં નમો નમો લલિતે

ઇદમમ્બ વિશ્વતસ્તે ત્વયિ ચ ત્વં ચાત્ર પરમકુલરૂપા ।
ઇહ કુણ્ડલિનીપીઠા કૌલિન્યાખ્યે નમોસ્તુ તે લલિતે

ઇદમમ્બ વિશ્વમખિલં સંયોજ્યૈવાત્મનાહિતા ભવસિ ।
હદિ કરુણામયિ મયિ તે કરુણાપાતોસ્તુ તે નમો લલિતે

ઇહ જગતિ વર્તમાના લીલાલીનેવ વર્તસે સતતમ્ ।
મહિતાગમનુતચરણે દીનમપાયાન્નિવારયેર્લલિતે

ઇહ નનુ સમતાયુક્તા જીવબ્રહ્મદ્વયેન ચાદ્વૈતા ।
વિહિતાચારવિધારે ભાવય મામાત્મનન્દનં લલિતે

ઇહ તુ સમન્વયિતાત્મા યોગક્ષેમાય મુક્તિયત્નાય ।
મહતામાશ્રયરૂપે ભોગિમહાવેણિ તે નમો લલિતે

ઇહ ભવસિ દેવિ મૂલાધારે હિ શ્રીસ્ત્વમેવ તે પ્રભયા ।
વિહિતા ચક્રાવલિરપિ વિલસતિ યોગિપ્રિયાય જય માયે

ઇહ મૂલચક્રમધ્યે બ્રહ્મગ્રન્થિચ્છિદેવ યા ત્વમસિ ।
મહિતા સા મયિ દયતાં બ્રહ્મવધૂટીપ્રિયા સદા લલિતા

ઇહ મણિપૂરોદયિની સા ત્વં ચાનાહતાશ્રયા ભવતી ।
સહિતા પ્રણવમહિમ્ના સાત્ત્વિકરૂપે નમોસ્તુ તે લલિતે

ઇદમપ્યનાહતાબ્જં શ્રયસિ ત્વં ચોન્નતં ચ હરિચક્રમ્ ।
ભિત્વાનાહતચક્રે ચક્રેશ્વરિ તે નમો નમો લલિતે

ઇહ ષટ્ચક્રજગત્યામાજ્ઞાચક્રાબ્જવાસિની ભવસિ ।
વિદિતસમસ્તવિચારે ધીરે માતર્નમોસ્તુ તે લલિતે

ઇહ તાવદમ્બ ચક્રે ત્વં ભાસ્યાજ્ઞાભિદે કતાવાસા ।
અયિ જયસિ લોકમાતર્જંભારિપ્રાર્થિતે નમો લલિતે

ઇહ દશશતદલકમલે ગ્રન્થીન્ ભિત્વા સ્થિતોપરિષ્ટાત્ ત્વમ્ ।
અહિતાસુરમદનાશિનિ જય જય માતર્નમો નમો લલિતે

ઇભપતિગતિમતિસમરે દેવિ સુધાસારવર્ષિણીન્દુમુખિ ।
અભિયાતદૈત્યન્ત્રિ શ્રીમતિ માતર્નમોસ્તુ તે લલિતે

ઇદમિહ સહસ્રપત્રં તવ પીઠં કલ્પિતં હિ સરસિરુહમ્ ।
ઇદમારુહ્ય મનોજ્ઞં ત્વં પીયૂષં સતોભિવર્ષસિ હિ

ઇચ્છાનુરૂપકાર્યે જીવબ્રહ્મૈકતાવિધાનકરિ ।
અચ્છસ્મિતમુખિ સદયે હદયે ભવ મે નમોસ્તુ તે લલિતે

ઇહ ચક્રષટ્કમૂલં મૂલાધારં ચ તત્ર કુણ્ડલિની ।
આસ્તે કણ્ડલિતઙ્ગી સા ત્વં ભવસીતિ તે નમો લલિતે

ઇનકરવિકસિતસરસિજલલિતમણાલીયસૂત્રસૂક્ષ્મકટિ ।
દિનકરકોટિસમાને જલજમુખિ શ્રીર્નમોસ્તુ તે લલિતે

ઇહ ભવસિ શિવવધૂસ્ત્વં મદનવધૂટી ત્વમેવ જાતાસિ ।
નામ્ના પ્રપઞ્ચમાતા માતસ્ત્વામેવ ચિન્તયે સતતમ્

ઇહ ભવસિ ભાવના ત્વં હદયે હદયેપિ ભાવનાગમ્યા ।
ભાવનયાનુગતેન ધ્યાનેન ત્વં સતાં ભવેસ્સુલભા

ઇહ ભવસિ ભવવને ત્વં પરશુર્દાવાનલોથવા ત્વં હિ ।
મહિતકલાવતિ ગિરિજે ભૂયો ભૂયો નમાંસિ તે લલિતે

ઇહ સકલમઙ્ગલાનાં વિહિતા કર્ત્રીતિ કારણં ચ તથા ।
મહિતામ્નાયસ્તવને વિહિતા માઙ્ગલ્યમન્દિરે ત્વમસિ

ઇહ ભવસિ ભદ્રમૂર્તિઃ શિવજાયાસિ ત્વમેવ જગતિ શિવા ।
અહિભૂષણતનુહારિણિ ભવ ભયહારિણ્યસિ ત્વમેવ શિવે

ઇહ ભક્તભાગ્યધાત્રી ભક્તપ્રીતા ત્વમેવ ભવસિ નનુ ।
વહસિ શિવભારમખિલં ભક્તનિધે તે નમો નમો લલિતે

ઇહ ભક્તિરેવ શુદ્ધા ભવતિ કતા પ્રિયા હિ સુજનેન ।
વિહગેશવાહનેડ્યે માતસ્તુભ્યં નતિર્મયા વિહિતા

ઇષ્ટાદિકર્મગમ્યા તુષ્ટૈ તે સૈવ યદિ કતા વિમલા ।
ઇષ્ટાર્થદાત્રિ ભજતાં તુષ્ટા મય્યસ્વ સન્તતં લલિતે

ઇષ્ટેતરાણિ સકલાન્યષ્ટભુજૈસ્ત્વં નિવારયેર્નનુ તે ।
અહિતબલાનિ સદા ત્વં નૈજબલેનૈવ હન્તુમુદિતાસિ

ઇષ્ટાં સર્વેષાં નઃ સૃષ્ટિસ્થિતિનાશભયતમોહરણમ્ ।
ઇષ્ટાં પ્રદાતુમીશે મુક્તિં મે દેહિ તાં ત્વમેવામ્બ

ઇષ્ટં વિતરસ્યર્થં નવરાત્રાન્તે ત્વમેવ દેવાનામ્ ।
નાદજ્ઞાનદવાણ્યા સેવિતચરણે નમોસ્તુ તે લલિતે

ઇહ દૃશ્યમાનરૂપો ભૂમૂર્તિઃ શઙ્કરસ્તદર્ધાઙ્ગી ।
ત્વમસિ હિ મહિમાપૂર્ણા હૈમવતિ ત્રાહિ માં ત્વમેવામ્બ

ઇહ ચામુત્ર ચ સુખદે મહિતગુણાઢ્યે મુરારિસહજાતે ।
સહજારુણમુખકમલે જહિ મમ પાપાનિસઞ્ચિતાન્યમ્બ

ઇષ્ટાર્થદાનશીલે તુષ્ટા નમતાં સપર્યયા સતમ્ ।
ઇષ્ટપ્રિયાસિ સા ત્વં પુષ્ટિં તુષ્ટિં ચ વિતર મે લલિતે

ઇચ્છારાગદ્વેષાન્ અભિહત્યાત્મન્યશેષસુજનેચ્છામ્ ।
યચ્છસિ તુષ્ટ્યા ત્વં મેભીષ્ટાનર્થાન્ પ્રદેહિ હે લલિતે

ઇભવદનજનનિ સાધ્વિ શ્રીમત્સમ્પૂજિતે જિતામિત્રે ।
પ્રભવસિ ત્વં તાપાર્તં ત્રાતું જનમમ્બ નિજકૃપાપાઙ્ગૈઃ

ઇભવદનવન્દ્યમાને શારદપૂર્ણેન્દુરાજમાનાસ્યે ।
ત્રિભુવનજનનિ દયાલો કારુણ્યં તે સદાસ્તુ મયિ દાસે

ઇષ્ટપ્રદાત્રિ ધાત્રિ ત્રિનયનહદયપ્રિયે સદા લલિતે ।
તુષ્ટસ્વાન્તસરોજે ગુણમયિ માં પાહિ કિન્નરોદ્ગીતે

ઇષ્ટા હિ તેમ્બ શાન્તિઃ સ્વાન્તે શાન્તિપ્રદાસિ નનુ નમતામ્ ।
શાતોદરિ દરહાસસ્ફુરદાસ્યેન્દો નમોસ્તુ તે લલિતે

ઇહ ચ પરત્રાધારં કમપિ વિનાધારમાત્મનોભ્યેત્ય ।
ત્રિપુટીરહિતાસિ ત્વં બ્રહ્મૈવાસીતિ ભાવયામિ ત્વામ્

ઇહ ચ પરત્ર વિશુદ્ધે ચિત્તે વાચિ ક્રિયાકલાપેષુ ।
ભુવનનિરઞ્જનચિત્તે ચિત્તાગારે વસામ્બ મે લલિતે

ઇહ શતપત્રસુપત્રે પતિતં વારીવ વર્તમાના ત્વમ્ ।
વિહરસિ સત્તાસત્તાભવવિષયે ત્વં તથૈવ માં પાહિ

ઇહ પરિશુદ્ધાત્મા ત્વં સત્યજ્ઞાનાગ્નિદગ્ધતિમિરાસિ ।
અજ્ઞાનમન્ધકારં જાને તેનાસિ વિરહિતા લલિતે

ઇહ ચ પરત્ર ચ નાશો ન હિ તે નિહિતા પદે સ્થિરે સતતમ્ ।
વિહિતવિધાયકધાત્રા મિત્રામિત્રાદિભેદરહિતાસિ

ઇષ્ટાકારવિહીના બ્રહ્મસરૂપાસિ ભાવનાતીતા ।
ઇષ્ટજનતુષ્ટિદાત્રી બ્રહ્માણી ત્વં રમાપિ ભવસીહ ॥136।
ઇચ્ચારૂપોદ્વહને શક્તાપિ ત્વં ભવેનુરક્તાપિ ।
વ્યાકુલતારહિતાસિ શ્રેયસ્કરિ તે નમો નમો લલિતે

ઇષ્ટગુણત્રયરહિતે તુષ્ટ્યા લક્ષ્મ્યા ચ તેજસા કલિતે ।
અષ્ટવિધાયુધહસ્તે દુષ્ટઘ્ની ત્વં સદાંબ માં પાહિ

ઇહ જગતિ શાન્તરૂપા કાતરતારહિતમાનસા સતતમ્ ।
વહસિ વિચિત્રાકારા નાકારેણાપિ વિરહિતા ભવસિ

ઇહ ચામુત્ર ચ નિત્યા ભઙ્ગુરતા તે કદાપિ નૈવાસ્તિ ।
વિદ્યા કાલાતીતા ભઙ્ગાસિતચારુકુન્તલે પાહિ

ઇહ ચ વિકારવિહીના નિશ્ચલચિત્તાસિ કામરહિતાસિ ।
વિહસસિ કામવિકારાનહિતાનાં ત્વં મમાપિ માતાસિ

ઇહપરભેદવિરહિતા ત્વં સુધયા સિઞ્ચસ્યશેષલોકમપિ ।
દેહાનપિ તનુભાજાં મધુરાલાપે ત્વમેવ માં પાહિ

ઇચ્છોપાધિવિહીને મુક્ત્યા સત્યાત્મનાપિ સઙ્ગતે મહિતે ।
સ્વચ્છાયાઞ્ચદ્વસને ભક્ત્યાશ્લિષ્ટં કુરુષ્વ માં લલિતે

ઇચ્છાવિકારહીને સ્વચ્છાયાચ્છાદ્યમાનભુવનતલે ।
સ્વચ્છાયયાભિરામે સ્વચ્છાત્માનં વિધેહિ મામમ્બ

ઇહ ચ પરત્ર ચ ચિન્તારહિતે દ્વૈતાભિમાનહીનેંબ ।
અહિતવિનાશિનિકાન્તાક્રાન્તસ્વાન્તે નમોસ્તુ તે લલિતે

ઇષ્ટાધારવિહીને તુષ્ટાત્માધારસઙ્ગતે મહિતે ।
પુષ્ટિઃ કતનતકષ્ટિશ્રેષ્ઠે નિત્યં નમોસ્તુ તે લલિતે

ઇચ્છાર્જિતપદકમલે નિત્યવિશુદ્ધે સદાહવે સિદ્ધે ।
શિષ્યાભીષ્ટદહસ્તે નિત્યં વસ મે હદમ્બુજે શુદ્ધે

ઇચ્છારૂપિણિ માતર્નિત્યવિબુદ્ધે સ્વભાવપરિશુદ્ધે ।
ઇચ્છામિ વિશ્વમાતસ્તવ કરુણાપાઙ્ગપાતમિહ દેવિ

ઇષ્ટિપરિતુષ્ટચિત્તે દુષ્ટાવિદ્યાતમોવિનિર્મુક્તે ।
તુષ્ટા મયિ ભવ ચિત્તેભીષ્ટં મે દેહિ કરુણયા યુક્તે

ઇચ્છાનુકૂલવેષે સતતં ચોઙ્કારરૂપિણી ત્વમસિ ।
અચ્છામ્બરપરિધાને ચિન્તિતફલદાત્રિ તે નમો લલિતે

ઇદમિતિ નિશ્ચિતરૂપં તુભ્યં પ્રાદાન્ન કોપિ નનુ રૂપમ્ ।
તત્‌ત્વમપાવતરૂપા પ્રણતિસ્તુભ્યં નિરન્તરં ભવતુ

ઇહ તુ ન ભવતિ કલઙ્કસ્ત્વયિ તવ વદનેન્દુમણ્ડલે નાપિ ।
અહિતા નાસિ સતાં ત્વં ત્વં તવ રૂપેણ નિર્જિતેવાસિ

ઇહ ભવતિ નાન્તરાયો નોપાધિર્નાપિ નૈજવેષો વા ।
વિહિતાગમપરતન્ત્રા જગતી વિહિતા ત્વયા નમો લલિતે

ઇહ ભવતિ તવ નિયન્તા નૈકોપીશાનમેકમપહાય ।
શ્રેયસ્યથવા શ્રેયાનમ્બ શ્રેયો ન હિ ત્વદત્રાપિ

ઈશાન્નાશાસેહં દૈવીં સમ્પત્તિમન્વહં દધતીમ્ ।
ઐહિકમથવામુષ્મિકસૌખ્યં પ્રાપ્તું મનસ્સતર્કં મે

ઈશાનાસિ સુરાણાં વિષયાશાનાશકારિણી ત્વમસિ ।
ઈશાર્ધાઙ્ગહરા ત્વં શ્રીશાદ્યમરાલિસેવિતા જયસિ

ઈશાપિ સર્વજગતાં મદરહિતા માનિની ત્વમેવાસિ ।
ઈશાનાજ્ઞાધીના હદયસરોજાધિરૂઢકરુણાસિ

ઈશ્વરિ જગતામાશાધીશાભીષ્ટપ્રદાયિની ત્વમસિ ।
ઈશ્વરકાર્યકરી ત્વં પાશાન્મામાશુ મોચયેરેવ

ઈશ્વરનિયમિતસરણૌ ચિન્તારહિતાભિવર્ધયસ્વ શમે ।
આયુશ્ચેષ્ટાપૂર્તપ્રણયિનિ કુરુ મઙ્ગલાનિ ચ મે

ઈશ્વરસમમહિમાઢ્યે ન્યૂનાધિકસામ્યભેદવદ્ભિન્ના ।
ધીશ્વરિ વાગીશ્વરિ મે માનસરઙ્ગે રમસ્વ ધીનુન્ના

ઈશ્વરિ દારસુતાદિપ્રાપઞ્ચિકવિષયમોહરહિતાસિ ।
શાશ્વતસુખદાત્રી ત્વં શાશ્વતિ જહિ મે શુચં નમો લલિતે

ઈશપ્રિયકરિ લલિતે પુત્રકલત્રાદિમોહપાશકરી ।
શાશ્વતસુખદાત્રી ત્વં શાશ્વતસુખમેવ દેહિ મે ગિરિજે

ઈક્ષેથા ન મમત્વં ત્વં મમતારહિતમાનસા ભવસિ ।
અભિમાનહીનહૃદયે સદયા હૃદયેન ગિરિસુતે જયસિ

ઈહાભિમાનમમતાબોધનવિચ્છેદકારિણી ત્વમસિ ।
દેહાભિમાનમુક્તા મુક્તાતાટઙ્કમણ્ડિતા જયસિ

ઈક્ષણરસનાશ્રોત્રત્વઙ્નિસાગ્રાહ્યપાપનિર્મુક્તા ।
રાક્ષસબલમિવ પાપં નાશયસીહામ્બ તે નમો લલિતે

ઈશાનનયનદહનજ્વાલાદગ્ધસ્મરા સકરુણાસિ ।
પાપવિનાશકરી ત્વં પુણ્યમયી ચાસિ તે નમો લલિતે

ઈશ્વરિ કોપવિહીને શાશ્વતશાન્તિપ્રસાદસઙ્કલિતે ।
શશ્વન્નમતામિષ્ટં શાશ્વતમસકૃત્ પ્રદાતુમર્હા ત્વમ્

ઈશ્વરિ કોપદવાગ્નિપ્રશમકરી ત્વં સમસ્તજન્તૂનામ્ ।
શાશ્વતશાન્તિસુખે મે વિતર દયાપાઙ્ગભઙ્ગિ હે લલિતે

ઈશાર્ધાઙ્ગસુયોગાદન્યાશાપાશવિરહિતાભિહિતા ।
ક્લેશાપાયવિહીના ભવસિ ભવામ્ભોધિતારિણી ત્વમસિ

ઈહારહિતા ભવતી લોભવતાં લોભનાશિની ભવસિ ।
દેહિષુ દયસે સતતં ત્વમિહામુત્રાપિ ભાગ્યદા ભવસિ

ઈતિભયનાશિની ત્વં સંશયરહિતાસિ સાધુનિવહેષુ ।
ભૂતેશહદયદયિતે સંશયભૂતં જહિ ત્વમખિલેષુ

ઈશો ન દેવનામા કોપિ ન સત્યં ન ધર્મ ઇતિ નૈવ ।
દોષૈકદર્શિનાં ત્વં પ્રતિવદતાં ચાશયં નિવારયસિ

ઈશો બ્રહ્મ તથા ત્વં કથિતા જન્માદિબન્ધરહિતાસિ ।
કેસરિકિશોરિ સમરે હિમગિરિકાન્તારચારિણી ત્વમસિ

ઈશ્વરગહિણી ભૂત્વા જનનં મરણં ચ દેહિનાં કુરુષે ।
શાશ્વતસુખેચ્છુકાનાં શરણં સા ત્વં મહાત્મનાં ભવસિ

ઈશ્વરિ જગતાં હૃદયે ભ્રાન્તિવિકલ્પાદિભાવનારહિતા ।
ઐશ્વર્યદાનશીલે નમતાં પ્રાલેયશૈલજે ભવસિ

ઈશાનવલ્લભા ત્વં દોષવિહીના ચ બાધયા રહિતા ।
ક્લેશાનુપશમય ત્વં ભવભીતાનાં ભવાશ્રયં દેહિ

ઈશાર્ધદેહઘટિતા ક્લેશકરદ્વૈતભાવનારહિતા ।
દ્વેષાસૂયારહિતા ક્લેશાપાયઘ્નિ પાલય ત્વં મામ્

ઈશ્વરતત્ત્વાભિજ્ઞા  જ્ઞાતવ્યાર્થપ્રકાશિકા સદયા ।
ઈશ્વરિ વિધ્યણ્ડાનાં ભેદમતિઘ્નિ પ્રિયં સતાં દેહિ

ઈશ ઇવ નાશરહિતે શાશ્વતસુખદાત્રિ દેહિનાં ભજતાં ।
ઈશાનતોષહેતો શશ્વચ્છશ્વન્નમોસ્તુ તે લલિતે

ઈશાનવલ્લભાત્વાન્મૃત્યું સર્વાસુહારિણં જેતું ।
ઈશા ત્વમેવ નૂનં મૃત્યું જયસિ ત્વમેવ મે શરણમ્

ઈહામોહવિહીને ક્રિયયા રહિતા ચ કર્મણા જગતે ।
દેહાનિવ વહસિ ત્વં શક્તિત્રયમપ્યવશ્યમેવ નનુ

ઈરયસિ દાતુમખિલં સુજનં નાદાતુમીહસે દાનમ્ ।
કસ્માદપિ ભુવિ તસ્માત્ પરિજનરહિતેવ ભાસસે લલિતે

ઈશ્વરિ નિરુપમરૂપે નિરુપમશૌર્ય૆ઽમ્બ નિસ્તુલાભિખ્યો ।
ઈશ્વરકતચિરતપસામનુપમફલરૂપિણી ત્વમસિ

ઈક્ષણચિકુરસુનીલે નીલાકાશોપમે રમે દેવિ ।
રાક્ષસમર્દનધીરે બાલે બાલેન્દુરાજિતે પાહિ

ઈશ્વરિ નિરપાયા ત્વં દારયસીહાર્થિસમ્ભવાપાયમ્ ।
ઈશ્વરભક્તિમતાં તે ચરણં શરણં સદા સ્થિરં દેવિ

ઈશ્વરિ રૂપગુણેષુ વ્યત્યયરહિતે હિતે સતાં સતતમ્ ।
કોપિ કદાચિદપાયો ન ભવતિ કસ્માચ્ચ તેમ્બિકે લલિતે

ઈશ્વરરવિગણનાથશ્રીનાથૈસ્ત્વં હિ સેવિતા સુજનૈઃ  ।
ધીરારાધનસુલભા ભવસિ ખલાનાં તુ દુર્લભા ત્વમસિ

ઈતિમયજટિલસંસતિવિહિતવ્યવહારપાશમુચ્છિદ્ય ।
પશ્યતિ યસ્સ તુ ભવતીં તદિતરજનતાતિદુર્લભા ત્વમસિ

ઈશ્વરદુરિતનિહન્ત્રી ત્વમસિ ચ દુર્ગા ચ દુર્ગમા ભવસિ ।
દુર્ગૈકસેવકાનાં સાત્ત્વિકરૂપા નમોસ્તુ તે લલિતે

ઈતય ઇવ હૃદિ નાનાશોકાવેગા ભવન્તિ કતિનાં ચ ।
ઇહ જગતિ દેહભાજાં લોકાનાં તાન્નિવારયેસ્ત્વં હિ

ઈપ્સિતવૈદિકમપિ તત્સુખમિહ યત્પારમાર્થિકં સત્યં ।
ઈપ્સિતસેવાકર્ત્રે સા ત્વં દત્સે હિ પાહિ માં લલિતે

ઈશ્વરિ દુષ્ટારીણાં ભીષણરૂપા ત્વમેવ સમ્ભવસિ ।
દુર્લભરૂપે દુર્ગે દુર્ગમદુર્ગાદ્વિમોચયેરમ્બ

ઈશાનાસિ હિ જગતાં લોકાયતિકાદ્યધર્મમાર્ગસ્થાન્ ।
નાશયિતુમમ્બ દુર્ગે સકલદુરાચારનાશમપિ કુરુષે

ઈશ્વરિ દોષવિહીને શાશ્વતસૌભાગ્યદાત્રિ સાવિત્રિ ।
શાશ્વતિકસમ્પદં ત્વં કરુણારક્ષાં ચ દેહિ મે લલિતે

ઈશ્વરિ કરુણાપૂર્ણે સર્વજ્ઞા ત્વં ચ ચક્રરાજસ્થા ।
સૃષ્ટિસ્થિતિલયમર્મજ્ઞાત્રી ધાત્રી ચ નસ્સદા ભવસિ

ઈડ્યે સતાં ગુણાઢ્યે માતઃ કારુણ્યવારિધે ભજતામ્ ।
કરુણાપાઙ્ગપયોદૈઃ પ્લાવય દીનાન્તરઙ્ગવસુધાં ચ

ઈશ્વરિ સદશાધિકતારહિતા સહિતા ચ કરુણયા સતતમ્ ।
જગતિ ભવત્યા સદશી વ્યક્તિર્નહિ કાપિ દૃશ્યતે લલિતે

ઈશ્વર્યાદ્યા શક્તિર્જગતાં ત્વં તાવદખિલભીતિહરા ।
યુક્ત્યા શક્તિસમષ્ટ્યા જયસિ ત્વં દેવિ તેજસા રુચિરા

ઈશ્વરિ મઙ્ગલમૂર્તે કાત્યાયનિ સર્વમઙ્ગલે લલિતે ।
પાત્રં કુરુ કરુણાયાસ્તવ માં માતર્નમામિ તે ચરણમ્

ઉડુરાજસુન્દરાસ્યે સન્મતિદાત્રી પ્રણામનિરતાનમ્ ।
મડરમણિ હસિતલાસ્યસ્ફુરદાનનચન્દ્રિકે નમો લલિતે

ઉડુરાજચૂડદયિતે બ્રહ્માણ્ડગ્રામશાસને રસિકે ।
મડનાટ્યમાર્દવેડ્યે બ્રહ્માનન્દપ્રદે નમો લલિતે

ઉરગાધિપધતવસુધાદ્યખિલધરાલોકશાસને દક્ષે ।
સરસીરુહદલનયને માતસ્તુભ્યં નમો નમો લલિતે

ઉરગેશકેશપાશે સકલાલઙ્કારશોભિતે લલિતે ।
દ્વિરદારિવાહને તે ચરણં સર્વાત્મના ભજે સતતમ્

ઉપરિ તથોચ્ચૈર્જગતાં શાસકવર્ગે ત્વયા સમં મહિતા ।
શાસિતુમપરા નાસ્તિ ત્વય્યયત્તાનિ સકલભુવનાનિ

ઉપનતસકલસુતન્ત્રે વિસ્તારિણિ વિશ્વમણ્ડલસ્યાપિ ।
તપનીયભૂષણાઢ્યે સા ત્વં સર્વત્ર પાહિ માં સતતમ્

ઉન્મગ્નમગ્નચિત્તે સંસારામ્ભોનિધૌ મનસ્સુ સતામ્ ।
મુક્તિસ્થિતિમતિ સતતં માહેશ્વરિ તે નમો નમો લલિતે

ઉપમાનવિરહિતા ત્વં સકલબ્રહ્માણ્ડનાયિકા ભવસિ ।
માહેશ્વરિ મયિ કરુણાં કુરુ હે માતઙ્ગવંશજે લલિતે

મડવિજયકારિણિ ત્વં નિજવિજયાદેવ તે નમો લલિતે

ઉજ્જ્વલતેજોરાશે ન ભવત્યુપમા જગત્‌ત્રયેપિ તવ ।
પ્રજ્વલતિ કીર્તિલક્ષ્મીસ્તવ સૌન્દર્યં તથા મહાલક્ષ્મિ

ઉપવીણયિતુમલભ્યે માયાવત્તં ચ દુર્ગમં ભુવને ।
અપહતસુમનોહદયે ભૂયો ભૂયો નમોસ્તુ તે જનનિ

ઉજ્વલરૂપવતી ત્વં બ્રહ્માણ્ડવ્યાપિની મહારૂપા ।
પ્રજ્વાલયસિ ચ ધામ્ના બ્રહ્માણ્ડં તે નમો નમો લલિતે

ઉમયા રમયા વાણ્યા સહિતૈઃ સમ્પૂજિતે સુરાધીશૈઃ ।
હરિહરપરમેષ્ઠિભિરપિ નિત્યારાધ્યાસિ તે નમો લલિતે

ઉપનતપાતકનિવહં ભજમાનાનાં નિવારયેરમ્બ ।
ઉપમાતીતમપીદં ક્રૂરં પાપં મમાપિ જહિ જનનિ

ઉપવર્ણયન્તિ માયાં જ્ઞાનં કવયોપિ સત્પ્રશંસન્તિ ।
જગતીકારણમાયામાયે ચાનન્દદે નમો લલિતે

ઉર્વીધરવરજાતા ત્રિભુવનસારા પયોધિગમ્ભીરા ।
ગર્વિતસુરરિપુનાશિનિ સુભગા સા ત્વં નમોસ્તુ તે લલિતે

ઉત્તમશક્તિગરિષ્ઠે મેરોઃ પૃષ્ઠે સદા કૃતાવાસે ।
ઉત્તમગુણવતિ ગિરિશપ્રેયસિ માં પાહિ હે મહાશક્તે

ઉત્તમચરિતારાધ્યે ત્રિભુવનસંમોહનાકતે મહિતે ।
ચિત્તજરમણીકોટિપ્રતિમે માં ત્વં તુ દારકં પાહિ

ઉત્તમકમલભવાણ્ડવ્યાપિનિ સૌભાગ્યસઙ્ગતે સતતમ્ ।
નિજવરભુવનાગારે રમમાણે તે નમો નમો લલિતે

ઉજ્વલપિઙ્ગમહોભી રાજિતમૂર્તે શ્રિયા યુતે સતતમ્ ।
પ્રજ્વાલય મયિ દેવિ જ્ઞાનમહાદીપમમ્બ હે લલિતે

ઉત્તમદેહવિભાગજ્યોતિઃ સ્તોમેન દીપયસ્યખિલમ્ ।
જગદિદમમ્બુજનયને નયનેનેક્ષસ્વ મામિમં ચપલમ્

ઉન્માદ્યદિન્દ્રિયાણાં જગતાં બલમેકમર્દયેસ્ત્વં હિ ।
ત્રાતું જગતીં પ્રબલા ધર્મેણેહાસિ કોવિદા લલિતે

ઉદ્ધતદૈત્યનિષૂદિનિ નિજબલપરિવદ્ધિકારિણી ત્વમસિ ।
સિદ્ધસુરસ્તુતપાદે પાદે પ્રણતં પુનીહિ માં લલિતે

ઉત્તમબુદ્ધિમતી ત્વં સર્વજ્ઞાસિ ત્વમેવ સિદ્ધિરપિ ।
ઉત્તમફલદાત્રી ત્વં નિત્યં નમતાં નમોસ્તુ તે લલિતે

ઉત્તમબુદ્ધ્યા સિદ્ધ્યા સાધિતસંસારરક્ષણા ત્વમસિ ।
કમલમુખિ કામદાત્રિ ત્રિભુવનજનનિ ત્વમેવ માં પાહિ

ઉત્તમયોગિજનેશ્વરિ સકલામરબન્દશક્તિસંસિદ્ધે ।
હરિહરવિરિઞ્ચિરૂપે શક્તિનિયન્ત્રિ ત્વમેવ માં પાહિ

ઉજ્વલરૂપિણિ નાનામુદ્રાભિજ્ઞે સમસ્તબલમૂલે ।
કર્મક્રિયાશ્રયત્વં વહસિ ત્વં દેવિ તે નમો લલિતે

ઉપધીનખિલાનસુરૈર્વિહિતાનુન્મૂલ્ય વિજયિની ત્વમસિ ।
બીજાક્ષરવરમન્ત્રજ્ઞાનાધારે નમો નમો લલિતે

ઉદ્ધતસમસ્તવિશ્વં યન્ત્રગણં શક્તિદાનપરિપુષ્ટમ્ ।
ઉદ્ધરસિ યન્ત્રદૂરે યન્ત્રાધારેમ્બ તે નમો લલિતે

ઉપગતષોડશવર્ણૈઃ સ્વરરૂપૈરેવ ચ તે કલાઃ સકલાઃ ।
બ્રહ્માણ્ડપાલનાય ખ્યાતા જાતા હિ તે નમો લલિતે

ઉત્તમતત્ત્વજ્ઞાનપ્રદમનુવિદ્યાસ્વરૂપિણી ત્વમસિ ।
વિદ્યાકારે હદ્યે જગતામાદ્યે નમોસ્તુ તે લલિતે

ઉડુપતિમણ્ડલમમતાપૂરમયં તેન સિઞ્ચસિ ક્ષોણિમ્ ।
ભવસિ હિ ચન્દ્રાભિખ્યા વિદ્યા ત્વં તે નમો નમો લલિતે

ઉર્વ્યાદિપઞ્ચભૂતખ્યાતમહારત્નપીઠમધ્યગતે ।
બ્રહ્માણ્ડમેવ પીઠં પ્રણવસહસ્રારપઙ્કજં નનુ તે

ઉત્તમ ઓઙ્કારસ્થે પ્રેતાખ્યાતાધ્વરક્રમારાધ્યા ।
ઉત્તમફલદાસિ ત્વં વૈશ્વાનરવર્ગસેવિતા શુદ્ધા

ઉજ્જ્વલમૂર્તિં સાક્ષાદમ્બ ત્વામેવ પૂજયેત્ દેવીમ્ ।
ભૈરવ એવ શિવોપિ પ્રથમોઽભૂત્તેન તે નમો લલિતે

ઊરીકૃતનિજકાર્યારમ્ભે નાટ્યપ્રિયે મહાદેવે ।
નટતિ સતિ સાક્ષિણી ત્વં કરુણામૂર્તે નમોસ્તુ તે લલિતે

ઊહાતીતાકારે કામેશાર્ધાઙ્ગયોગવિખ્યાતે ।
ત્રિભુવનપાલિનિ જનનિ પ્રીતા ત્વં દેહિ મેમ્બ કલ્યાણમ્

ઊર્ધ્વં નીચૈર્મધ્યે લોકાસ્સન્તિ ત્રયોપિ તે વપુષિ ।
ભવનાનિ વા પુરાણિ ત્વં પુરસુન્દર્યસીહ મે જનની

ઊહેયસ્વરવર્ણૈઃ ષોડશપૂજાશ્ચતુર્ભિરિહ ગુણિતા ।
ઉપચારાશ્ચ સપર્યાસ્તા આધત્સેમ્બ ! માતકારૂપે

ઊહાપોહો નાયં ષોડશવર્ણાઃ સ્વરાઃ સ્વતન્ત્રાશ્ચ ।
નિજભેદસઙ્ગતાસ્તે ષષ્ટિકલાસ્તે ચતુષ્કલાસહિતાઃ

ઊરીકતાક્ષરાણાં યોગાદાસન્ હિ શક્તયઃ સકલાઃ ।
યોગિન્યોમૂર્નિત્યં ત્વામેવાર્ચંતિ તે નમો લલિતે

ઊનેતરદથવા સમ્પૂર્ણં ચન્દ્રસ્ય મણ્ડલં યત્ત્વમ્ ।
તન્મધ્યવાસિનીતિ જ્યોત્સ્ના ખ્યાતાસિ તે નમો લલિતે

ઊરીકતસુરસુન્દરરૂપાલઙ્કારશોભિતે લલિતે ।
દૂરીકુરુ મે દુરિતં સકલં સકલાત્મિકા ત્વમેવાસિ

ઊરીકૃતનિજકાર્યે ! સાધિતકાર્યા ચ સા ત્વમેવાસિ ।
દૂરીકૃતભવબાધા ત્રિભુવનસામ્રાજ્ઞિકાસિ સા ત્વમેવામ્બ

ઊરીકૃતામતાસ્યે ! ચારુસ્મિતચારુચન્દ્રિકોલ્લાસ્યે ।
દારક ઇતિ માં પાહિ ત્વં નનુ વિશ્વપ્રસૂતિકા જયસિ

ઊર્ધ્વમધસ્તાદ્દેહે સન્તિ હિ ચક્રાણિ યત્સહસ્રારમ્ ।
ચક્રં શિરસિ તદેતદ્ભવનં શ્રીદેવિ ત્વં ભવેર્હિ તત્રૈવ

ઊહાતીતચરિત્રે પર્વતરાજસ્ય પુત્રિ ગાયત્રિ ।
પ્રતિદેહવાસિની ત્વં ચૈતન્યં ચાસિ વિશ્વરૂપા ચ

ઊર્ધ્વમયૂખૈર્ભાસ્વાન્ હિમવતિ કમલાનિ યાનિ બોધયતિ ।
તૈરર્ચંતિ હિ મુનયસ્ત્વામનિશં દેવિ તે નમો લલિતે

ઊરુદ્વયેન રમ્ભાં જિત્વા ત્વં વિશ્વરાજ્યસર્ગેપિ ।
સા રમ્ભા નનુ નારી ત્વં તાવત્પુરુષકારસમ્પન્ના

ઊર્જસ્વિપઞ્ચપીઠાન્યનવદ્યાન્યમ્બ તે વિરાજન્તે ।
પ્રેયાંસિ તાનિ તં ચ ત્વત્પાદામ્ભોજપાવિતાન્યમ્બ

ઊર્જસ્વિ પઞ્ચકં તે વિધિહરિરુદ્રપ્રભેદસઞ્જાતમ્ ।
ત્રયમિદમપિ તવ પીઠં બ્રહ્મત્વં તાવદેકમેવં હિ

ઋતમમ્બ તે સ્વરૂપં ચિદ્વા ચૈતન્યમેકમેવં હિ ।
ચિન્મય્યસિ ચ તથા ત્વં તવ ભાસા ત્વં વિરાજસે નિતરામ્

ઋતમેવ તે પ્રિયં તત્ પદમાનન્દાય તે ત્વમેવ તથા ।
બ્રહ્માનન્દાકારે સારસગમને ત્વમેવ માં પાહિ

ઋષિમતમેવ જ્ઞાનં વિજ્ઞાનં ચાનુભૂતિસઞ્જાતમ્ ।
તદસિ હિ તદ્દ્વયરૂપા ત્વામેવં તાવદાશ્રયે લલિતે

ઋતમસિ નિત્યં ચિન્ત્યા ધ્યાનં ધ્યાતા ચ નિશ્ચિતં ધ્યેયમ્ ।
ત્રિપુટીતિ ચાસિ યા ત્વં સા ત્વં માં પાહિ તે નમો લલિતે

ઋતરૂપાસિ ઋતં તત્ જીવયસિ ત્વં તદેવ રક્ષસિ ચ ।
ધર્માધર્મવિદૂરે મદગજગમનેમ્બ પાહિ માં લલિતે

ઋતમિહ વિશ્વં જાગ્રત્ જાતં તદ્રૂપમેવ નનુ દેવિ ।
પ્રણવસ્યાદિરકારસ્ત્વં ભવસિ ત્વં ભવાનિ માં પાહિ

ઋતમમ્બ જાગ્રદિતિ યઃ કાલો જીવસ્ય કાર્યકાલો હિ ।
કાલસ્સોપિ તવામ્બ સ્ફુરતિ હિ રૂપં નમોસ્તુ તે લલિતે

ઋતવાણિ દેવિ લલિતે તૈજસરૂપે મુદૈકમરકન્દે ।
ઋતધારિવેદમાતા માતાસ્માકં ત્વમેવ નનુ લલિતે

ઋક્ષાધિપસમવદને રૂક્ષાસુરનાશકારિણી ત્વમસિ ।
સુપ્તાવસ્થારૂપે જાગૃહિ ચાગરય ચેતનાન્ સકલાન્

ઋતવાદિસેવ્યમાને પ્રણવે તાવન્મકાર એવાસિ ।
તન્મુખ્યજીવરૂપે શ્રીદેવિ ત્વામહં સદા વન્દે

ઋષિહૃદયમાત્રવેદ્યે મુક્તાવસ્થાત્રયે ત્રયીવેદ્યે ।
મગરાજવાહને ત્વાં જીવન્મુક્તિસ્વરૂપિણીં વન્દે

ઋતુરાજાર્ચિતપાદે વદનામ્બુજચારુતાકતામોદે ।
સર્વાવસ્થારહિતે લલિતે માં પાહિ સામભિર્ગીતે

ઋતમવલમ્બ્ય સદા ત્વં જગતાં સૃષ્ટિં કરોષિ રજસૈવ ।
ત્વમપિ ચતુર્મુખરૂપા રક્ષસિ ભુવનં નમોસ્તુ તે લલિતે

ઋષિભિરશેષૈરમરૈરારાધિતપાદપઙ્કજે લલિતે ।
નિર્મિતજગતીમેકાં ગોપાયસિ દેવિ તે નમસ્સતતમ્

ઋતુપતિરિવ સ ચ નૈજં જગદિદમખિલં ચ રક્ષસિ ત્વં હિ ।
તેન ચ સાત્ત્વિકરૂપા ગોવિન્દાસીર્નમો નમો લલિતે

ઋતપરિપન્થિતમો યત્ તેન યુતા ત્વં જગદ્વિનાશાય ।
પ્રભવસિ હિ રુદ્રરૂપા દીનજને ત્વં તુ વત્સલા ભવસિ

ઋતમપહાય સમસ્તં ભૂતગ્રામં તતસ્તમોરૂપે ।
સ્થાપયસિ રુદ્રરૂપા પરુષેવ ત્વં તિરોહિતં કુરુષે

ઋતગર્ભલીનમેતત્ ભુવનં તાવત્ તિરોહિતં કુરુષે ।
અણુકણકણમધ્યે ત્વં ભૂતાનીમાનિપુનરપિ સ્રષ્ટુમ્

ઋતમયવિધિહરિરુદ્રા યાવન્ન ભવન્તિ તાવદેવ ત્વમ્ ।
ભવસિ જગદીશ્વરી વા નિત્યા સકલા શિવાત્મિકા ભવસિ

ઋતમસિ હરિહરરૂપા શ્રીદેવિ ત્વં કલાત્મિકા ભવસિ ।
સા ત્વં સદાશિવા વા ભવસિ ભવાની નમોસ્તુ તે લલિતે

ઋતમવલમ્બ્ય જયેસ્ત્વં જગદિદમખિલં તથાનુગૃહ્ણાસિ ।
નતજનમપિ નિજકરુણાપાત્રં કુરુષે નમોસ્તુ તે લલિતે

ઋતબલવતિ ગિરિતનયે સૃષ્ટિવ્યાપારયોશ્ચ વિશ્વલયે ।
ઉપસંહારે નિરતા ત્વમસિ તથાનુગ્રહેપિ નિષ્ણાતા

ઋતમતમેવ હિ સતતં ભવતિ ચ વિશ્વં તદેવ પાલયસિ ।
ઉપજીવસીવ મન્યે ત્વમસિ સદા ભાનુમાલિનો મધ્યે

ઋતતપસિ વર્તમાના ભૈરવદયિતાસિ ભૈરવી ત્વં હિ ।
ઋતમિહ પાલય સા ત્વં શાશ્વતિ નિત્યં નમોસ્તુ તે લલિતે

ઋતશક્તિકામસમ્પત્સહિતા ગર્ભે જગત્‌ત્રયાકલિતા ।
ઋક્ષશતમાલિની ત્વં વિવિધાકારા ભવેર્નમો લલિતે

ઋતજગદુદયનિદાનેદાનેનૂનેવનેષુ નિષ્ણાતે ।
સૃષ્ટિલયભૂતગમના વિદ્યાવિદ્યાવિદમ્બ માં પાહિ

ઋતહેમગર્ભગર્ભે ચિચ્છક્તેસ્ત્વં ભવેર્મહાપૂર્વા ।
વાણીતિ તાસુ મૂર્તિત્રયજાયાસ્તથૈવ સઞ્જાતાઃ

ઋતશિવસુન્દરરૂપે શમિતસુરસ્તોમહદયસન્તાપે ।
કમલોદરસહજાતે ત્રિભુવનગીતેમ્બ તે નમો લલિતે

ઋતચિચ્છક્તિરભૂન્નનુ તા એવ શ્રીરુમેતિ વાણીતિ ।
લક્ષ્મીર્વિધિરિતિ રુદ્રો વાણી ગૌરી હરિતો જાતાઃ

ઋતકાર્યાણિ વિધાતું વાણીં બ્રહ્મા રમાં હરિઃ પ્રાપ ।
ત્વાં લલિતામિહ શર્વઃ સા માં પાહિ ત્વમેવ હે લલિતે

ઋતમપિ ભુવનં ભ્રાતા રક્ષતિ ભગિની ત્વમસ્ય કિં કુરુષે ।
દુર્ગાસિ દુર્ગતિં ત્વં સંહરસિ ત્વમેવ હરયોષા

ઋતમપિ જગદુદયતિ તે નયનામ્ભોજે વિકસ્વરે જાતે ।
મુકુલિતવદને તસ્મિન્મીલતિ ચક્ષુષ્ક્રિયા ત્વદાલમ્બા

ઋતમયદશશતવદના દશશતનયના ચ સા ત્વમેવાસિ ।
ઋતમિહ કિં ન તુ જાને જાનામિ ત્વાં હિ કેવલં માયામ્

ઋતમથવાનતમાસ્તામગણિતનયના ત્વમેવ નનુ ભવસિ ।
મતમભિમતમિતરેષાં કિં વા સ્યાદત્ર સા પ્રમાણં ત્વમ્

ઋતમંબ સપ્તમાદપિ લોકાન્નીચૈઃ પદં તવોલ્લસતિ ।
ત્વમસિ ચ વરશતચરણા કરુણાભરણે ત્વમંબ માં પાહિ

ઋતવિધિકીટાવધિકબ્રહ્માણ્ડૈકપ્રસૂસ્ત્વમેવાસિ ।
અતુલિતકરુણાભરણે બ્રહ્મમયિ ત્વાં ભજે સદા મનસા

ઋતવર્ણાશ્રમભેદાનકરોસ્ત્વં દેવિ લોકકુશલાય ।
હિતમવધત્તાં લોકઃ સોયં નૈજં તથા કુરુષ્વાંબ

ઋતવેદવર્ગવાણી તા અપ્યાજ્ઞાસ્તવૈવ નનુ દેવિ ।
કા તવ વાગિતરા સ્યાન્માન્યા ન સ્યાદુપેક્ષણીયા વા

ઋતપુણ્યપાપફલદા દાક્ષાયણિ સા ત્વમેવ ભવસિ નૃણામ્ ।
ઇતિ યદિ કારય પુણ્યં મા કારય પાપલેશમપ્યમ્બ

ઋતમમ્બ શ્રુતિરેષા વનિતા ખ્યાતેતિ તચ્છિરોદેશે ।
પતતિ તવ પાદપદ્મં સાસ્ત્યાજ્ઞાકારિણી તવાદેશે

ઋતવચ્છ્રુતિરમણીનાં સીમન્તેષૂલ્લસન્તિ લીલાસ્તે ।
ધૂલિકણાસ્સિન્દૂરં ધૃતમિવ તવ પાદપદ્મરજસાં ચ

ઋતસકલાગમસંહતિશુક્તિસુસમ્પુટકરાજમાના સા ।
મુક્તારૂપવતી ત્વં રમયસિ તાસ્ત્વાં ચ તાશ્ચ રમયન્તિ

ઋતજીવજીવનાર્થો મોક્ષસ્સાયુજ્યમમ્બ કે તે વા ।
વિતરસિ તત્ તદ્વા ત્વં પ્રિયશતજીવેષુ ભવસિ યદિ દેવિ

ઋતદેશસમયસુસ્થિતિભેદવશાસિ દેવિ પરિપૂર્ણા ।
સતતમપિ જગતિ સકલા સર્વત્રાપિ ત્વમમ્બ માં પાહિ

ઋતમસ્તિ મહ્યમેતદ્વિશ્વં વિશ્વંભરાસિ સુખભોક્ત્રી ।
ઇતિ નનુ ભાવયસિ ત્વં ભુંક્ષે સૌખ્યં જગચ્ચ ભોજયસિ

ઋતમવતિ ભુવનમખિલં ભુવનાર્તાનામધીશ્વરી ત્વમસિ ।
પતિતોદ્ધારિણિ હરિણીચઞ્ચલનેત્રે સદાશિવે પાહિ

ઋતલોકલોકજનની સકલબ્રહ્માણ્ડશાસિકા ત્વમસિ ।
ગતિમતિરૂપિણિ જગતાં ત્વાં તાં વન્દે ત્વમેવ મે શરણમ્

ઋતમિવ ચાધિવિહીના યાસિ ત્વં સૈવ જન્મરહિતા ત્વમ્ ।
ઇતિ સતિ કા ચ્યુતિરથવા ભવતિ તવાપ્યમ્બ પાહિ માં ચ ત્વમ્

ઋતમિદમમ્બ વિધાતા તજ્જનકસ્ત્વાં સદા નિષેવેતે ।
સકલશ્રુતિતતિવચનં સ્યાદિતિ મન્યેમ્બ પાહિ માં લલિતે

ઋતવિષયબોધદાત્રી ધાત્રી જગતોપિ વલ્લરીગાત્રી ।
મતિશક્તિવર્ધિની ત્વં પાત્રીકુરુ માં તવાર્ચનાપાત્રે

ઋતમૂલરૂપમેવ પ્રણવં શંસન્તિ પણ્ડિતાશ્ચાન્યે ।
અપિ નાદવેદરૂપા ત્વામેવાહં નમામિ તાં લલિતામ્

ઋતમસ્તિ ભાતિ ચેષ્ટં રૂપં નામેતિ પઞ્ચકે નામ્નામ્ ।
રૂપેણ વિરહિતા ત્વં બ્રહ્મણ એવાસિ રૂપમયિ ધામ્ના

ઋતહિતકર એવૈકો હ્રીઙ્કારસ્તેઽમ્બ ભવતિ બીજેષુ ।
ભવસિ ચ સા ત્વં વર્ણસ્સ ચ બીજં વા ત્વમેવ બીજેષુ

ઋભવઃ સ્તુવન્તિ હિ ત્વાં સતિ સત્પ્રીત્યાત્મિકાં વરાં દેવીં ।
હ્રીઙ્કારબીજરૂપાં રૂપેણાનન્દકારિણા સહિતામ્

ઋભુનુતદિવ્યચરિત્રે માત્રે તુભ્યં નમો નમો જગતાં ।
હ્રીમ્બીજપૂજ્યમાને માનેનામ્બાસ્તુ તે નતિસ્સતતમ્

ઋભુમનુજદનુજમૂર્તિષુ મસ્તકદેશેષુ રાજતે યદ્વા ।
શુભકરસહસ્રપત્રં તત્ર ત્વં હર્ષવર્ષિણી જયસિ

ઋભુગણકતનુતિમુદિતે હેયોપાદેયવર્જિતેઽપ્યજિતે ।
વિભુરિતિ ન હિ તે નિયતો નરસુરદૈત્યેષુ કોઽપિ હે લલિતે

ઋભુપતિનરપતિદાનવપતિગણસમ્પૂજ્યમાનપદયુગલે ।
અભિવાદનપટુહૃદયપ્રતિફલિતાકારશોભિતે નમ ઓમ્

ઋભુગણનરગણદાનવગણરાજ્યાનાં ત્વમેવ સામ્રાજ્ઞી ।
અભિહિતચરિતાસીતિ ત્રિભુવનસંસારધૂર્વહે ધીરા

ઋભુપતિદયિતારાધ્યે ઋભુવનિતાનાં ચ દેવિ તે મધ્યે ।
તાભિરપિ વિદિતહૃદયશ્શ્રીકાભિસ્ત્વાં ભજે મનોમધ્યે

ઋભુનરદાનવજઙ્ગમહદયાનાં ચાન્યજીવિહદયાનામ્ ।
અભિમતરઞ્જનકારિણિ શુભમયહદયે સદામ્બ માં પાહિ

ઋભુવનિતાહિતકારિણિ શુભમયનરયોષિદર્ચનપ્રીતે।
અભયાદીપ્સિતદાત્રી શ્રીમતિ ભજતાં કપાલિનિ ત્રાહિ

ઋભુપતિનિજપતિકમલાનાથામ્ભોજાસનાદિહૃદયાનિ ।
માનવહૃદયાન્યારાત્ રઞ્જયસિ ત્વં તથા ચ રમણી ત્વમ્

ઋક્ષપતિપક્ષભાજાં હૃદયાનન્દં યથા કલા કુરુતે ।
ઇક્ષુક્ષીરસુરાસ્તે તાઃ સ્વારસ્યં વિતન્વતે મનસિ

ઋણભયનાશિનિ નૃણાં રણરણિકાનાં ચ માનસે વિરસે ।
અણિમાદિસિદ્ધિહેતો રણદુજ્વલચારુમેખલે પાહિ

ઋભુવનિતાભિર્વલયિતા શ્રીરૂપેણ યા નન્દયતિ સર્વાન્ ।
અપિ મમ ગૃહમાનન્દય પ્રહ્વીકતનમનમત્ર હે લલિતે

ઋણભારકતમતિતાપં મનસઃ શમયસિ ત્વં દેવિ ।
યો ધ્યાયતિ ત્વાં નિત્યં તં સુખયસિ પૂર્ણેન્દુવક્ત્રભાસુરયા

ઋષિકુલમોદા ભવતી મનસા મન્ત્રૈકદર્શિની ત્વમસિ ।
રતિરૂપાસિ સવિત્રી લોકાનાં ત્વં પુનીહિ માં લલિતે

ઋષયોપિ પાશબદ્ધા દયિતાસહિતા રતિપ્રિયા ભુવને ।
વિષયાકૃષ્ટમનસ્કાઃ તેષાં બોદ્ધ્રી ત્વમેવ નનુ ભવસિ

ઋષિમાનસસરસીરુહવનહંસી ત્વં તતસ્સતાં માર્ગે ।
રક્ષાકરીહ ભૂત્વા ગમયસિ માતર્નમોસ્તુ તે લલિતે

ઋષિજનમારકરાક્ષસનાશકરી ત્વં બભૂવિથા જ્ઞાનમ્ ।
શમયિતુમાયુધહસ્તા દુર્ગે દેવી તથા દયાદુર્ગા

ઋષિજનમાનસમનિશં યસ્યાં રમતે તથૈવ દયસે ત્વમ્ ।
તન્માનસાનિ રમયસિ પરમબ્રહ્મરૂપિણી ત્વમસિ

ઋતુધર્મશાલિનીનાં વનિતાનાં ત્વં કરોષિ સુખબોધમ્ ।
ધર્મં પાતિવ્રત્યં ત્વમસિ સદા રમણલમ્પટા દેવિ

ઋષિહૃદયકામિતા ત્વં કામ્યા દેવૈશ્ચ સકલજન્તૂનામ્ ।
વિષયપરાઙ્મુખમનસાં સુલભાસુલભા સવિષયિણાં ત્વમસિ

ઋષભાદિસ્વરગેયા કામકલાબોધિની મહાદેવિ ।
વૃષવાહહૃદયવેદ્યે માતર્લલિતે નમોઽસ્તુ તે દેવિ

ઋભુપત્યુપવનસમ્ભવનીપદ્રુમકુસુમસૌરભપ્રીતે ।
અભિમતમધુમૈરેયે ધૂતાપાયે નમોઽસ્તુ તે લલિતે

ઋતમયિ માયાતીતે માયાપ્રચ્છન્નકાન્તિમત્કાયે ।
પ્રતિહતદુરિતનિકાયે કલ્યાણી ત્વં નમોઽસ્તુ તે લલિતે

ઋભવઃ પ્રભવઃ કેચિત્ જગતીકન્દં ન જાનતે તેઽપિ ।
શુભમયિ ભવતીં તસ્માત્ત્વં માં પ્રણતં પુનીહિ જગદમ્બ

ઋતમૂલવિશ્વવલ્લીકન્દસ્ત્વં ભવસિ મૂલરૂપા વા ।
કન્દસ્સોઽપિ શરીરે વસ્તિવિભાગે વિરાજસે નૃણામ્

ઋતમવસિ કુણ્ડલિન્યાં કન્દો દેહેઽસ્તિ યસ્ત્વમેવાસિ ।
ફણિનીહાસિ ચ સા ત્વં કા મે ગતિરત્ર વા વિના ભવતીમ્

ઋતમેવ તાવદેતત્ કરુણારસસાગરા ત્વમેવેતિ  ।
અત એવ દેવિ ભુવનં સ્નેહં સૌખ્યં ચ ભાવયેસ્ત્વં હિ

ઋક્ષાધીશ ઇહાસ્તે ષોડશ ધૃત્વા કલાવિકારી ચ ।
ષોડશકલાશ્ચતુર્ભિર્ગુણિતા ધૃત્વા નિરામયા ત્વમસિ

ઋતનુન્નસાધુવિદ્યાનન્દાનન્દપ્રદા કલાલાપા ॥
શ્રુતિપેયગીતિરસિકા ત્વં તાવદ્દેવિ તે નમો લલિતે

ઋક્ષપતિકોટિકાન્તા કાન્તારારામચારિણી લલિતા ।
રક્ષિતસુરનરભુવના ત્વં તાવન્માતરાશ્રિતાન્ પાહિ

ઋક્ષપતિકોટિનિર્મિતિકારણકાન્ત્યા સ્ફુરન્મહારૂપે ।
વક્ષોજભારનમ્રે કમ્રે કમ્રત્વબન્ધુરે પાહિ

ઋતપથ્યકારિણી યા સુરવનકાદમ્બસમ્ભવા મદિરા ।
સા તવ માનસસુખદા પ્રીતા ત્વં પાહિ મામિમં લલિતે

ઋતમનતમુભયમેતદ્દિનકરરજનીશશાસનીયતયા ।
વારુણ્યે ત્વં દ્વિવિધા પ્રેમ્ણા પ્રથમાં નિષેવતાં ભવતી

ઋભવોપિ સિન્ધુલબ્ધાં કપયા તે દેવિ તાં નિષેવન્તે ।
દિવ્યામેવ સુધાં તત્પ્રિયમમતં પાતુમિચ્છસિ ત્વં હિ

ઋભુષુ ચ વરુણઃ પ્રેયાનમરાણાં મનુજદાનવાનાં ચ ।
વરુણપ્રિયમમતં તદ્વિદ્યારૂપં તવ સ્વરૂપમપિ

ઋભુવરુણસેવ્યમાના નાડી નાડીશ્વરી ભવેત્તસ્યામ્ ।
જીવન્મુક્તાનન્દા ભવસિ ત્વં દેવિ તે નમો લલિતે

ઋભુષુ નરેષુ ચ દ્વિષદ્વૈરિષુ યા યા વિરાજમાનાસ્તાઃ ।
વિદ્યા અતીત્ય વિદ્યા ત્વં જગદધિકાસિ તે નમો લલિતે

ઋતબોધિવેદમાર્ગૌદ્વાવેવાદ્યો ભવાય ભવમુક્ત્યૈ ।
માર્ગો દ્વિતીય એવ ત્વં તદ્વેદ્યાસિ તે નમો લલિતે

ઋભુરિપુશુંભનિશુંભૌ હત્વા ત્રાતું ત્વમેવ વિંધ્યગિરૌ ।
નિવસસિ નવનવવેષા ખ્યાતા સર્વત્ર તે નમો લલિતે

ઋભુનરસુરરિપુલોકાન્ અભયપ્રદપાણિપલ્લવૈરેવ ।
ત્વમસિ નનુ પાલયિત્રી માતેવામ્બ સ્તુતે નમો લલિતે

ઋતવેદસોદરીણાં ઇચ્છાજ્ઞાનક્રિયાખ્યશક્તીનામ્ ।
ત્વમસિ હિ માતા ખ્યાતા કમલોદરભગિની તે નમો લલિતે

ઋતપાલિનિ હરિમાયે વૈષ્ણવશક્તે સમસ્તભરણપટુશક્તે ।
મૂલપ્રકતે માતઃ ત્વં મે જગતાં ચ તે નમો લલિતે

ઋતમાત્રવેદશક્તે સ્વેચ્છામાત્રેણ સકલકાર્યરતે ।
અતિદૈવતનિજશક્તે કૃતિનિપુણે તે  નમો નમો લલિતે

ઋતનિગમવેદ્યરૂપે ક્ષિતિજલપવનાગ્નિગગનમયરૂપે ।
ધૂતાખિલવિધપાપે માતસ્તુભ્યં નમો નમો લલિતે

ઋષિમનુનુતગુણરત્ને ક્ષિતિજલદહનાદિદેહિચરરૂપે ।
મતિમન્માનસહંસી પાહિ ત્વં માં નમો નમો લલિતે

ઋતજાતભૂતજાતજ્ઞાતનાકાનામીશ્વરાધીનમ્ ।
માતેવ જાતપોતાન્ પાલયસિ ત્વં નમોઽસ્તુ તે લલિતે

ઋતમથવાનતમાસ્તાં વદ્ધિં તનુષેનતં ક્ષયં તનુષે ।
ઇતિ જગતિ ત્વં દ્વયમપિ કુરુષે માતર્નમોસ્તુ તે લલિતે

ઋતવૈરિકાલદૈત્યં ક્ષતતનુમુક્તાસુપઞ્ચકં કર્તુમ્ ।
કાલી ત્વમભૂર્બાલં ક્ષેત્રપમવિતું નમો નમો લલિતે

ઋતમેવ વિજયિ વિજયં ક્ષતિરહિતં વિદધતી ત્વં હિ ।
ઋતવેદ્યપાદપદ્મે વિજયે માતર્નમો નમો લલિતે

ઋતધર્મપાલિની ત્વં મિતલોકાસિ ત્વમેવ સરસાસિ ।
ઋતવત્યસિ હદિ શુચિતાં વિમલે માતર્નમો નમો લલિતે

ઋતમેવ વન્દ્યમખિલૈ રજસો દૂરં ચ યત્તમોદૂરમ્ ।
અત એવ દુર્ગમા ત્વં વન્દ્યે સેવ્યે નમો નમો લલિતે

ઋતજન્મભાગ્યધાત્રી શ્રુતિવિદ્વદ્વૃંદવત્સલે સકલે ।
નુતિપરજનતાહૃદયોલ્લાસિનિ માતર્નમો નમો લલિતે

ઋતમયપદયુગયુગલાં વાચં વાચંયમત્વમપિ વેત્સિ ।
બોધય બોધાદ્ વિમલાં ઋતવાચં માં નમો નમો લલિતે

ઋતવાદિનિ ઋતશીલે નરનાથે વામકેશિ હે સુભ્રુ ।
મેનાહિમગિરિબાલે હરિવાહિનિ તે નમો નમો લલિતે

ઋતસિંધુગર્ભજાતે ઋતપાલિન્યમ્બ હે મહામાયે ।
શ્રુતિગેયચારુપાદે ઋતગેયે તે નમો નમો લલિતે

ઋતપૂર્ણદહનગર્ભે સતતં ત્વં વસસિ વિશ્વમહિગર્ભે ।
ઋતમણિશોભિતકણ્ઠી સુતનો નિત્યં નમો નમો લલિતે

ઋતમયિ સકલાપેક્ષાવ્રતતેસ્સંપૂર્ણફલરૂપે ।
ઋતભક્તકલ્પલતિકે ઋતગર્ભે તે નમો નમો લલિતે

ઋતમપિ નયસિ હિ ચિત્તં વ્રતરતિરથવા ન વર્તતે યસ્ય ।
અતિકૃપણત્વમવશ્યં તનુષે ત્વં પાસિ તે નમો લલિતે

ઋતવિમલમાનસાનાં અજ્ઞાનધ્વાન્તવિહિતદૃષ્ટીનામ્ ।
પાશવિમુક્તિં મુક્તિં કુરુષે ત્વં દેવિ તે નમો લલિતે

ઋતવેદવિમુખમાર્ગાનતિકલુષીભૂતમાનસાનધર્માન્ ।
પ્રતિપન્થિનસ્સમસ્તાન્ અવધીસ્ત્વં તે નમો નમો લલિતે

ઋતવિદિતમાત્મતત્ત્વં સ્મૃતિનિહિતં ધર્મમોક્ષયોર્માર્ગમ્ ।
ભજતાં સ્વરૂપિણી ત્વં દ્વિજમુનિવન્દ્યે નમોઽસ્તુ તે લલિતે

ઋતમતબાધાત્રયમપિ નિતરામભ્યેત્ય દગ્ધહૃદયાનામ્ ।
આનન્દકારિણી ત્વં પ્રતિજહિ પાપાનિ તે નમો લલિતે

ઋભુભવબાધાઃ કાશ્ચિન્નરકતિજાતાશ્ચ તાસ્સમાસાદ્ય ।
તપ્તાનાનન્દયસિ ત્વં તન્માં પાહિ તે નમો લલિતે

ઋતમજરમમતમાહ શ્રુતિરિતિ વદ્ધત્વવિરહિતા તરુણી ।
મતિમલહારિણિ માતસ્ત્વં મે માં પાહિ તે નમો લલિતે

ઋતવચનદાનપૂજાનિરતારાધ્યે તપસ્વિગુરુજાયે ।
નતિરતમનુજપ્રીતે માતર્માં પાહિ તે નમો લલિતે

ઋતમયસુષુમ્નિકાયે મધ્યં ચાધ્યાસ્ય શોભિતાકારે ।
તનુમધ્યેઽમ્બ સુદાયો નુતિરેષા તે નમો નમો લલિતે

ઋતલોકપૂજ્યમાને નિજતનુમહસા તમોગુણઘ્ને ત્વમ્ ।
લસદાભા વ્યતિકરિણી જ્ઞાનાન્દપ્રદે નમો લલિતે

ઋતશુદ્ધબોધરૂપે સ્વયમેવાત્મપ્રભાસમુલ્લસિતે ।
નિયમિતનિયતિકલાપે ધૃતિમતિ વરદે નમો નમો લલિતે

ઋતમિતિ તચ્ચેત્યનુભવવેદ્યબ્રહ્મસ્વરૂપિણી ત્વમસિ ।
અતિચતુરમતિસુગમ્યે ગમ્યે યમિનાં નમો નમો લલિતે

ઋતસહજદીપ્તિરૂપે શુદ્ધજ્ઞાનસ્વરૂપિણી ત્વમસિ ।
મતિમપિ દિશ મે જ્ઞાનં જ્ઞાનાનન્દે નમો નમો લલિતે

ઋતવિમુખાનાં તેષાં સુરનરગન્ધર્વમુખ્યભેદાનાં ।
આનન્દાધિકમેકં વહસિ હિ હર્ષં નમો નમો લલિતે

ઋતમહિતાપાનન્દાદાકાશેઽન્તર્ગતા વિશુદ્ધસત્ત્વમયી ।
સૈવ પરાપરકલિતા શિવસોપાનં ત્વમેવ નનુ લલિતે

ઋતમત્યગમ્યરૂપા પ્રકૃતેશ્ચિદ્રૂપશોભિતા માતા ।
ઇતિ ભવસિ દેવિ જગતાં પાહિ ત્વં માં નમો નમો લલિતે

ઋતમયિ પશ્યન્તી ત્વં નામ્ના શબ્દાર્થભાવનારૂપા ।
યોગવિશારદવેદ્યા ધ્યેયા તેષાં નમો નમો લલિતે

ઋતગુણમયદૃગ્દૃશ્યા સુકૃતફલિતેઽથ સાધકારાધ્યા ।
ભવસિ પરદેવતા ત્વં ભૂયો ભૂયો નમોઽસ્તુ તે લલિતે

ઋતમેવ વૈખરીતિ ત્વાં નાદજ્ઞાનિનો વદન્ત્યમ્બ ।
નાદબ્રહ્મ બ્રહ્મજ્ઞાનાનન્દે નમો નમો લલિતે

ઋતવેદગોચરા ત્વં તન્માત્રાદ્ગેયમધ્યમારાવા ।
સાકારાસિ તથા ત્વં મધ્યમરૂપે નમોઽસ્તુ તે લલિતે

ઋત ઇવ જગતિ ચ ભક્તસ્વાન્તસરોવારિમધ્યચરહંસિ ।
ઋતપથચરહૃદ્ગમ્યે દેવિ ત્વં પાહિ તે નમો લલિતે

ઋતશિવહરિવિધિપઞ્ચપ્રાણાખ્યનાડિકા ત્વમેવાસિ ।
તેન હિ તે બલિનસ્તે કાર્યે સિદ્ધા નમો નમો લલિતે

ઋતમર્મવેદિની ત્વં કતમિહે કાર્યં નભિસ્તુ જાનાસિ ।
નુતિમપિ નમતાં વિહિતાં તામેકાન્તે નમો નમો લલિતે

ઋતમિહ ભજતાં માર્ગે પ્રેયસિ ચરતાં મનોજ્ઞકૃતપૂજામ્ ।
પૂર્ણામાદાય ત્વં વિતરસિ ફલમમ્બ તે નમો લલિતે

ઋતપથગામિનિ સતતં શૃઙ્ગારામ્ભોધિસારસમ્પૂર્ણે ।
ચંચત્કલાસ્વરૂપે શૃઙ્ગારાખ્યે નમોઽસ્તુ તે લલિતે

ઋતમિવ વિજયિનિ સતતં નતજનહૃદયારવિન્દમધ્યસ્થે ।
પ્રથિતપ્રહરણહસ્તે માતસ્તુભ્યં નમો નમો લલિતે

ઋતજાલન્ધરમુદ્રાવર્તિનિ સઙ્ઘાતપીઠમારૂઢે ।
મતિમન્માનસહંસી ત્વં જય માતર્નમો નમો લલિતે

ઋતમૂલપ્રણવઙ્કિતમોડ્યાણાખ્યં વિરાજતે પીઠમ્ ।
તવ તાવદાસ્થિતા તત્પીઠં મહિતં નમોઽસ્તુ તે લલિતે

ઋતમયિ પરાખ્યશક્ત્યા મૂલાધારસ્થકુણ્ડલિન્યા ચ ।
દેવિ ત્વમેવ તેજોબિન્દુશ્રીપીઠવર્તિની જયસિ

ઋતમેવ ગાર્હપત્યં દક્ષિણનામા ક્રમાત્ત્રિચક્રેષુ ।
આહવનીયો ગૂઢો યાગસ્ત્રિયુતેન સેવિતા ત્વમસિ

ઋતમિહ ચાન્તર્યાગસ્ત્રિષુ ચક્રેષુ ત્રિધા સ્થિતેષ્વેવ ।
આદાય ગાર્હપત્યે પશ્ચાત્તેનામ્બ ભવતિ તે ધ્યાનમ્

ઋતમૂલગાર્હપત્યે દક્ષિણનામ્નીહ પાવકેષ્વેવ ।
આહવનીયે નિહિતવ્યાપારા દેવિ તર્પણં નનુ તે

ઋભુગણકામિતફલદે ધ્યાનાભ્યાસપ્રિયપ્રસાદકરિ ।
બન્ધત્રયવિદ એવ ન બન્ધનભીતિસ્તવ પ્રસાદેન

ઋભ્વાદિજીવગર્ભં બ્રહ્માણ્ડં તસ્ય સાક્ષિણી ત્વમસિ ।
ત્વયિ સાક્ષિણ્યાં સત્યં કા ક્ષતિરસ્યાસ્તિ દેવિ તે લલિતે

ઋભ્ય્વાદિસાક્ષિણી ત્વં દેવિ પરં નાસ્તિ કોપિ તવ સાક્ષી ।
વ્યાપારમમ્બ ગૂઢં પશ્શ્યેન્નૈવાત્ર કોપિ ભુવનેષુ

ઋતધર્મકીર્તિતેજોવૈરાગ્યજ્ઞાનષડ્ગુણૈઃ પૂર્ણે ।
વેદાઙ્ગદેવતાભિઃ સહિતે તુભ્યં નમો નમો લલિતે

ઋતષાડ્ગુણ્યવતી ત્વં પુણ્યવતીનાં જગત્સુ પુણ્યવતી ।
તવ સમ્પદોઽપ્યગણ્યાઃ કસ્ત્વાં સ્તોતું ક્ષમેત હે લલિતે

ઋતમયિ કરુણાભરિતે સતતમપાઙ્ગાબ્ધિગલિતસુધયા ત્વમ્ ।
જીવયસિ જીવલોકં જીવાતું ત્વામહં ભજે લલિતે

ઋતમપિ ભવતી સા સા ભવતી નાસ્ત્યેવ નો સમા તેઽસ્તિ ।
અત એવ નાયિકા ત્વં જગતાં જગતાં ચ નાયકસ્યાપિ

ઋતમેતદેવ મે સ્યાત્ વપુરનપાયીતિ ભાવમપનીય ।
વિતરતુ વિદેહમુક્તિં મુક્તાપાયં વિધાય મે ભવતી

ઋતમિવ નાશવિરહિતસ્વરષોડશિકાકતે તથા તેષામ્ ।
સંખ્યાનુરૂપપુઞ્જા તુષ્ટાભીષ્ટાર્થદાયિની ત્વમસિ

ઋક્ષપતિમણ્ડલસ્થાઃ પઞ્ચદશત્વં ચ ષોડશાહત્ય ।
અવિનાશિન્યો જાતા જાતાનેતાનનારતં ત્રાતુમ્

ઋતમિવ ચ જગદશેષં ત્રાતું હાલાહલં શ્રિયં કણ્ઠે ।
દધતસ્તપસાર્ધાં હત્વા ધત્સેઽમ્બ તે નમો લલિતે

ઋક્ષમણિહારભૂતે શ્રયદણિમાદ્યઙ્ગસિદ્ધિસઙ્કલિતે ।
યક્ષપતિમિત્રદયિતે માતસ્તુભ્યં નમો નમો લલિતે

ઋક્ષેશદહનદિનકરતેજોરાશિં વિધાતુમિવ ધત્સે ।
દ્યુતિમયરૂપમરૂપા સત્યપિ તુભ્યં નમો નમો લલિતે

ઋતમિવ ચાહં હદિ હદિ સિદ્ધા તિષ્ઠામિ ભાવના ચેતિ ।
શ્રીદેવી ત્વં વિદિતા જીવિભિરખિલૈર્નમોઽસ્તુ તે લલિતે

ઋક્ષેશમુખિ સખી ત્વં લક્ષ્મીવાણીપુલોમજાદીનામ્ ।
યક્ષેશયોષિદીડ્યે માતસ્તુભ્યં નમો નમો લલિતે

ઋતસત્યાદિગુણાનાં સૃષ્ટેઃ કાર્યં યદા ન કિઞ્ચિદપિ ।
શક્તિસ્તદાવિરાસીઃ ત્વં પ્રકૃતિર્નમોઽસ્તુ તે લલિતે

ઋતવત્યગોચરા ત્વં મૂલપ્રકૃતિરિતિ ભવસિ યત્સા ત્વમ્ ।
ઋતમવ જગતિ સમસ્તે માતસ્તુભ્યં નમો નમો લલિતે

ઋતમખિલદર્શિ નિત્યં ત્વમપિ તથા તદ્વિવર્ધયસ્યેવ ।
કૃતવસતિરસિ હિ માતઃ પાયાસ્ત્વં નસ્સદા નમો લલિતે

એણાક્ષિ વિવિધરૂપે રૂપે રૂપે સ્થિતાવહિત્થા ત્વમ્ ।
ભૂરુહવહ્નિરિવાસિ હિ જાગ્રત્યવ માં નમોઽસ્તુ તે લલિતે

એકં જ્ઞાનમતં તદ્ભિન્નં ત્વજ્ઞાનમેવ ચૈવં ત્વમ્ ।
દ્વેધા પરાપરેતિ પ્રકટિતભાવાસિ તે નમો લલિતે

એણાઙ્કમિહિરપાવકનયનો યશ્શઙ્કરસ્સદા તસ્ય ।
નયનાનન્દકરેન્દુજ્યોત્સ્નારૂપાસિ તે નમો લલિતે

એકાત્મતાત્મભક્તસ્વાન્તલસદ્‌ધ્વાન્તભાસ્કરાકારે ।
તેજસ્વિનિ તે કરુણા પાયાદસ્માન્ નમોઽસ્તુ તે ધીરે

એકાકિની યદા ત્વં હિમવત્યાસીર્નિશુમ્ભશુમ્ભકતે ।
શિવમેવ દૂતમકરોસ્ત્વં શિવદૂતી નમોઽસ્તુ તે લલિતે

એધિત એવ હિ મહિમા તાવક ઈશાન ઇન્દુલોચનસ્તે સ્વામી ।
બ્રહ્માત્મનાત્મનિ ત્વં સ્થિત્વારાધ્યાસિ તસ્ય જગતાં ચ

એકં બ્રહ્મ તથૈકઃ પરમાત્માયં હિતેન સા ત્વમસિ ।
શિવમૂર્તિરેવ રમણી સૌભાગ્યં દેહિ મે નમો લલિતે

એધેત તે કપા ચેદઙ્કોઽપ્યાયુક્તસમ્પદેવેહ ।
કીર્ત્યારોગ્યબલશ્રીજીવિતકાલૈશ્ચ તે નમો લલિતે

એકૈશ્વર્યવતી ત્વં લોકેશશ્રીશશઙ્કરાભ્યધિકા ।
શાઙ્કર્યસિ ભવભીરોર્ભયનાશિન્યમ્બ તે નમો લલિતે

એકીભૂતશરીરા વપુષા નાથસ્ય શઙ્કરસ્યાસિ ।
પ્રીણયસિ તં ત્વમેવં પ્રીણયતિ ત્વાં સ તે નમો લલિતે

એકમતેત્ર રસાનામાચારજ્ઞાનસમ્પદાં મહતામ્ ।
નિત્યં પ્રિયાસિ સા ત્વં પાલય મામમ્બ તે નમો લલિતે

એકાસનયમનિયમજ્ઞાનાલમ્બૈશ્ચ પૂજિતે વિધિના ।
સાત્ત્વિકકર્મઠહદયે નિયતાવાસે નમોઽસ્તુ તે લલિતે

એકાન્તવાસશીલે સ્વાન્તે સ્વાન્તે સ્થિતાપ્રમેયા ત્વમ્ ।
લોકાનતિશેષેઽમ્બ ત્વામહમીડે નમોઽસ્તુ તે લલિતે

એકત્વદીપ્તિકોશાન્ એકેભ્યો દીપ્તિદાયિની ત્વમસિ ।
લોકાન્તરઙ્ગનિલયે માતસ્તુભ્યં નમો નમો લલિતે

એધસ્સુ દહન ઇવ તે કાયે ચૈતન્યદીપ્તદીપ્તિરસિ ।
નિત્યં સમેધમાના દીપયતીદં જગત્‌ત્રયં લલિતે

એણાઙ્કચારુવદને સદને માઙ્ગલ્યદેવતાનાં ચ ।
ભૂયાન્નતિરિહ તુભ્યં વાચાં મનસામગોચરે લલિતે

એકં બ્રહ્મ ચ નિત્યં જગદિતિ સા ત્વં ચ ચેતનારૂપા ।
લોકં રમયસિ લોકો રમયતુ ચરિતેન સન્તતં ભવતીમ્

એકં તમો ગુહાઢ્યં ચૈતન્યવિરહિતં સતતમ્ ।
શક્તિસ્વરૂપિણી ત્વં તમસો મહતોઽપિ તે નમો લલિતે

એકાકૃતિરસિ ન ત્વં જડચેતનયોસ્તદુભયરૂપસ્ય ।
રૂપત્રયં દધાસિ હિ જડરૂપાયૈ નમોઽસ્તુ તે લલિતે

એકૈકવર્ણયોગાદ્વિંશતિસહિતાનિ સન્તિ ચત્વારિ ।
બીજાક્ષરાણિ મન્ત્રે ગાયત્રીતિ પ્રતીતરૂપાસિ

એકૈકવર્ણયોગાદ્ વ્યાહતયસ્સપ્ત લોકસામૈવ ।
શક્ત્યવતારાસ્તવ તાઃ પઞ્ચાશદ્રૂપિણી ત્વમેવાસિ

એકા હિ રાજશક્તિઃ ફણિનીશક્તિઃ ત્રિકાલજા શુદ્ધા ।
શક્તિરિતિ સાન્ધ્યશક્તિઃ તાસુ ત્વં ભાસસે નમો લલિતે

એતિ યમિહોપનયનં દ્વિજપદમભ્યેત્યથાત્મસંસ્કૃત્યા ।
તૈરેવ પૂજનીયા વિપ્રૈસ્સંસ્કારવદ્ભિરસ્યમ્બ

એકીભૂતૈરખિલૈસ્તત્ત્વૈસ્તત્ત્વં મહદ્ભવેદેકમ્ ।
પીઠમથ તવ સ્યાદ્બોધકમિષ્ટસ્ય તેજસો દેવિ

એકં તદેવ સત્ત્વં બ્રહ્મ ચ ગાયત્ર્યપીતિ લલિતેતિ ।
શ્રીકણ્ઠકણ્ઠહારાધારિતકણ્ઠી ત્વમમ્બ માં પાહિ

એકાસનાસિ પત્યા શ્રીકણ્ઠેનાપિ નિજવિહારેષુ ।
લોકાવનેષુ સમરે નાનાપીઠાયુધાકૃતિર્ભવસિ

એકબ્રહ્મવ્યાહૃતિવિષયીભૂતા ત્વમેવ ભવસીતિ ।
લોકત્રયં નમેત્ ત્વામાર્યામાર્યાભિમાનિનીં દેવીમ્

એકૈકસ્યાં તન્વાં કોશાઃ પઞ્ચાપિ દેવિ રાજન્તે ।
બ્રહ્માવાસગૃહાણિ હિ ભવદાવાસાશ્ચ તે નમો લલિતે

એકેનૈવ ન શક્યં વર્ણયિતું ત્વામહીશ્વરેણાપિ ।
લોકાતીતમહિમ્ના જયસિ હિ સતતં ત્વમિષ્ટકાદમ્બા

એકાવસ્થા સુલભા ભવતિ નરસ્યાપિ યૌવનાવસ્થા ।
નિત્યા હિ તવ તુ સા ત્વં જયસિ તયા દેવિ નિશ્ચિતાવસ્થા

એકૈશ્વૈર્યવતસ્ત્વં લોકાધીશસ્ય માનિની ભૂત્વા ।
મદમાનશાલિની સ્યાઃ કામં તુભ્યં નમો નમો લલિતે

એણીવિલોલનયને મદઘૂર્ણિતપાટલાક્ષિ દૈત્યવધમ્ ।
કૃત્વાઽસવમપિ પીત્વા પ્રોન્મત્તે તે નમો નમો લલિતે

એધિતમધુપાનમદા પાટલગણ્ડસ્થલી ત્વમેવામ્બ ।
સાધયસિ સકલકાર્યં સાધય મમ કાર્યમીપ્સિતં લલિતે

એતિ હિ ચન્દનગન્ધદ્રવમુખ્યાનેકચર્ચિતાં દેવી ।
ભૌતિકમૂર્તિસ્તવ તદ્ભવતિ હિ ભૂતાઙ્ગસુરભિચાર્ચિક્યમ્

એતિ પ્રિયતા હૃદયં તવ નવચામ્પેયકુસુમવહનાચ્ચ ।
વાણીપ્રિયં હિ સા ગીર્ભવતિ ત્વદ્ધામવાસિની લલિતે

એતાવાન્મહિમા તે નિયતો નૈવેતિ ભાસિ કુશલાનિ ।
સષ્ટિસ્થિતિલયકતિષુ ત્વં યત્કાર્યેષુ દક્ષિણા ભવસિ

એનાંસિ હન્તુમર્હા સા ત્વં શ્રીદેવિ કોમલાકારા ।
નાનાવિધજનહદયે મદ્વઙ્ગી ત્વં વિરાજસે નિતરામ્

એકાતિમહદહઙ્કતિસુદૃઢપ્રાકારચેષ્ટિતે જગતીમ્ ।
એકાત્મનાત્મજઠરે વહસિ ત્વં દેવિ તે નમો લલિતે

એકો હિ તે પ્રપઞ્ચસ્તસ્ય ત્વં નાયિકાસિ માતાપિ ।
માતુરિવ માસ્ત્વનાસ્થા ગર્ભસ્થેસ્મિન્નિતીરયેત્કો વા

એકાત્મનાત્મભૂમિં ધત્સે ત્વં દેવિ ભોગિની ભૂત્વા ।
દેહાનપિ શતરૂપાન્ ભુવનાધારે નમોઽસ્તુ તે લલિતે

ઐહિકસુખમિચ્છન્તઃ સેવન્તે ત્વાં તથૈવ કૈવલ્યમ્ ।
ઇચ્છન્તોઽપિ ચ માર્ગો ભિન્નસ્તેષાં ફલં તથા દિશસિ

ઐહિકબાધાહર્તુર્ગણનાથસ્યાપિ કાર્તિકેયસ્ય ।
માતાસિ દેવતાસ્ત્વાં સેવન્તે ચેતિ તે નમો લલિતે

ઐશ્વરભાગ્યમવાપ્ય શ્રેયો દાતું જગત્‌ત્રયસ્યાપિ ।
સિદ્ધાસિ સાધકાનાં મર્ત્યા રોચન્ત એવ તે તેષુ

ઐહિકમર્થં મહતાં સાધયિતું પારમાર્થિકં ચ તથા ।
યતમાનાનાં સતતં ફલમિહ ધત્સે સમાનમેવામ્બ

ઐન્દ્રિયપુષ્ટિમતી ત્વં જન્તૂનાં પુષ્ટિદાયિની ભવસિ ।
ઈશ્વરહરિવિધિકાર્યાણ્યાદાય ત્વં તુ જાગરૂકાસિ

ઐન્દ્રિયમદસંહારિણિ મતિરૂપે સન્મતિપ્રદાત્રી ત્વમ્ ।
અધિગતશુદ્ધવિવેકા ત્વમસિ હિ દદ્યા વિવેકમેકં મે

ઐશ્વર્યમિવ દદાસિ ત્વં શાન્તિં શાન્તિકાન્તરૂપાસિ ।
શાન્તિં સ્વાન્તે મહ્યં દદ્ય્યાસ્ત્વં મે નમો નમો લલિતે

ઐશ્વર્યમતુલમાસ્તાં તવ કૃપયા ત્વં જનેષુ સકલેષુ ।
સ્વસ્તિમતિ દેહિ મહ્યં સ્વસ્તિ સ્વસ્તિપ્રદા ત્વમેવાસિ

ઐશ્વરતેજોધારિણિ તેજોરૂપે જગત્ત્રયાધારે ।
દારય ભવભયમખિલં તારય જલધિં નમોઽસ્તુ તે લલિતે

ઐહિકકષ્ટનિવારિણિ પારત્રિકસૌખ્યદાત્રિ સાવિત્રી ।
દૈહિકહાર્દિકસૌખ્યં જનય ચ સખ્યં જને જને જનનિ

ઐશ્વરમૌલિવિભૂષા નન્દાગારોદ્ભવા ચ સા દુર્ગા ।
આનન્દરૂપિણી ત્વં કલ્યાણી કામધેનુરપિ ભવસિ

ઐહિકપારત્રિકયોઃ સુખયોર્વિઘ્નાન્નિવારયસ્યેવ  ।
દેહાત્માત્મત્વધિયાં દેવિ ત્વં દેહિ દેહિ સુવિવેકમ્

ઐશ્વર્યવત્યસિ ત્વં રવિશશિપવમાનમિત્રનેત્રાસિ ।
નાડીત્રયત્રિમાર્ગા દેવિ ત્વં પાહિ તે નમો લલિતે

ઐન્દ્રિયનિવહે નયનં પ્રથમં નારી સ્મરાભદેહાનામ્ ।
તદ્દ્વયજયિની સા ત્વં લોલાક્ષી કામરૂપિણી જયસિ

ઐશમહિમ્ના તુષ્ટે શિષ્ટાભીષ્ટાર્થદાનસન્તુષ્ટે ।
અક્ષરમાલાશક્તે માલિનિમાતર્નમોસ્તુ તે લલિતે

ઐતિહ્યાધિકસત્ત્વં પઞ્ચાશદ્વર્ણમાલિકારત્નમ્ ।
વર્ણહંસી સોઽહં સા ત્વં દ્વયીહ નમોઽસ્તુ તે લલિતે

ઓંકારમૂલપીઠે વ્યાહૃતિસમસપ્તમાતૃકારૂપે ।
સ્વરવર્ણમાતૃકા ત્વં માતસ્તુભ્યં નમો નમો લલિતે

ઓઘસમાકુલસંસતિસાગરગર્ભે નિમજ્જતાં દેહાન્ ।
ધારયસિ જીવયસિ સા ત્વં મલયાદ્રિસ્થાસિ તે નમો લલિતે

ઓઘાવર્તે સા ત્વં ભ્રામયસિ સ્વાર્થમપ્યનાલોચ્ય ।
કુણ્ડલિની ત્વં તુ તથા બદ્ધાસીહામ્બ તે નમો લલિતે

ઓષધિનિધિમત્તનયે સુમુખી ગામ્ભીર્યશાલિની ત્વમસિ ।
ધીશાલિની ચકમ્પે સમરે સુરવૈરિબલમવેક્ષ્ય ત્વામ્

ઓજસ્વિની ચ ફણિની મૂલાધારસ્થિતા સહસ્રારે ।
કુરુતે કપાટબન્ધં ત્વમપિ તથૈવામ્બ ભવસિ ગણનીયા

ઓઢુમશેષં ભુવનં સુભ્રુ ત્વં ભવસિ જગતિ કુણ્ડલિની ।
મૂઢાનોઢ્રી સા ત્વં પ્રાજ્ઞાનેતાન્ કુરુષ્વ હે જનનિ

ઔદાર્યધૈર્યસુભગે માતુર્વિશ્વમ્ભરે સ્થિરે રુચિરે ।
ત્વં શોભનાસિ નિત્યં માતસ્તુભ્યં નમો નમો લલિતે

ઔપયિકકાર્યકરિણી કરિણીગમ્ભીરગામિની ત્વમસિ ।
સુરનાયિકાસિ સા ત્વં દીનાનસ્માન્ સદા મુદા પાહિ

ઔદાર્યપૂર્ણચિત્તે ચિત્તે ચિત્તે સદા નૄણાં વસસિ ।
કલકણ્ઠમધુરકણ્ઠી કણ્ઠીરવવાહના ત્વમેવાસિ

ઔદાર્યમાત્મનીવ ત્વયિ કાન્તિઃ કામમસ્તિ દુર્વારા ।
વારયસિ તેન ચ તયા બાહ્યાન્તર્ધ્વાન્તસન્તતિં હિ નૄણામ્

ઔદાર્યં કિયદિતિ તે કો વા શંસેત્ પ્રવિશ્ય તવ હૃદયમ્ ।
યત્ત્વં સૃષ્ટિવિધાને પ્રેરયસીશં તમેવ નિજરમણમ્

ઔદાર્યવત્યપિ ત્વં દશ્યા નૈવાસ્યણોરણુત્વેન ।
મૂલાધારગફણિની યશસિ ત્વં દેવિ તે નમો લલિતે

ઔષધસઞ્જીવનમિવ વજ્રમણિં દીપ્તિશક્તિસંયુક્તમ્ ।
ભાસયસિ સકલવસ્તુ દ્યોતયસિ ત્વં તદેવ નનુ લલિતે

ઔષધિપનાડિકાયાં ત્વં દેહે ભવસિ વામભાગસ્થા ।
દિનકરનાડ્યાં દયિતસ્તવ ભવતીતીશ્વરી ત્વમેવાસિ

ઔષધમિવ તવ કરુણા સુરભિરિવાકાશચારિણી ભવતિ ।
તમસિ વયોવિહિતાં તાં ત્રિવિધાવસ્થાં વિના સ્થિતા ભવસિ

ઔદાર્યહાર્દકરુણાપાલિતભુવને સમસ્તગુણસહિતે ।
સિદ્ધેશ્વરિ પરિશુદ્ધે ચિત્તે કાયે વચસ્સુ માં પાહિ

ઔપાધિકોપધીનાં નાથા નાથાશ્રિતા હિ કુણ્ડલિની ।
જીવન્મુક્તાવસ્થાં દાતું યમિનાં સદા સ્થિતા ભવસિ

ઔદાર્યશીલદેયા અણિમાદ્યા સિદ્ધયો મહાદેવિ ।
વિદ્યાસિદ્ધિસુરૂપે ત્વામુપજીવન્તિ સન્તતં લલિતે

ઔદાર્યશાલિની ત્વં સા કુણ્ડલિની દ્વયીતિ યુવયોસ્તુ ।
દેવીહ મુક્તિમાર્ગે જીવન્મુક્તાદ્ધ્વદીપિકે સ્યાતામ્

ઔષધિપતિધરદયિતે માતર્લલિતે યશસ્સુધાવિચલે ।
ઓજો ધેહિ મયિ ત્વં મતિમતિ શુદ્ધાં ચ તે નમો લલિતે

ઔદાર્યદાત્રિ નમતાં નૃણાં ચક્રે વિશુદ્ધનામ્નિ ત્વં ।
નિવસસિ કતનિજનિલયા ચક્રારાધ્યે નિધેહિ મયિ સત્ત્વમ્

ઔરસપુત્રા નનુ તે સર્વે સર્વેશ્વરી ત્વમેવાસિ ।
આરક્તવર્ણયુક્તા કાલે કાલે સ્થિતે નમો લલિતે

ઔડુપદિનકરતારારૂપાક્ષિત્રયસમન્વિતા ગગને ।
તેજોમયિ મયિ કરુણાં કુર્વીથાસ્ત્વં નમોઽસ્તુ તે લલિતે

ઔપાધિકભયનાશિનિખડ્વાઙ્ગાદ્યાયુધોજ્વલાકારે ।
નિહતસુરવૈરિવર્ગે ત્રાહિ ત્રાહિ ત્વમેવ માં લલિતે

ઔડુકપથ ઇહ ગગને જગતીદં સ્યાત્કૃતં ધરાવરણં ।
તસ્માત્તદેકમાસ્તે વદનામ્ભોજં નમોઽસ્તુ તે લલિતે

ઔષધમિવ મધુરસવન્મધુરં પરમાન્નમમ્બ તે પ્રીત્યૈ ।
ભવતિ હિ વિહિતં સતતં પ્રીતા તેનાર્જિતેન મનસા સ્યાઃ

અંહસ્તમસાં હન્ત્રી ત્વં તાવદ્દેવિ દેહિનાં ભવસિ ।
ભવસિંધુતારયિત્રી ગાત્રે ગાત્રે ત્વમિન્દ્રિયાધીશા

અંહોમયપશુપાલનનિરતા તદ્ભીતિહારિણી ત્વમસિ ।
રંહસ્તવામ્બ ગત્યાઃ સમરે સમરે સહેત કો વામ્બ

અમ્બુજમેકં દશશતપત્રં વર્ણાઃ સ્વરા ઇહ સ્વૈરાઃ ।
સન્તિ હિ સન્તતમસ્મિન્ કૃતવસતિસ્ત્વં વિરાજસે લલિતે

અમ્બુજમનાહતાખ્યં પીઠં તવ ચક્રનામકં વિહિતમ્ ।
સ્વરમધ્રુવં દધાના તત્ત્વં ત્વં વૈષ્ણવી ચ જય લલિતે

અમ્બરમિવ ઘનસહિતં શ્યામા ત્વં ચાસિ વૈષ્ણવીનામ્ની ।
અમ્બુજનાભસખી ત્વં ભવસિ હિ સતતં નમોઽસ્તુ તે લલિતે

અમ્ભોગતિરપિ કુટિલા ગમનં તે તેન ડાકિની ત્વમસિ ।
સિંહાસનમધિરૂઢા જીવનદાત્રીહ દેહિનાં લલિતે

અમ્બુજમધિવસસિ ત્વં તન્નામ્નાનાહતં નભસ્તત્ત્વમ્ ।
વદનદ્વયસમ્પન્ના તેન ત્વં રાજસે નમો લલિતે

અંશુચ્છુરિતદ્વિરદભ્રાજિતવદનાભ્રવૃન્દનીલાઙ્ગી ।
શિંશુપસુમલલિતોષ્ઠે નિત્યં દંષ્ટ્રોજ્વલે લલિતે

અંહઃસ્તોમક્ષયકરજપમણિમાલાભિરામશુભકણ્ઠી ।
સોઽહં નાહઙ્કારી ત્વચ્ચરણામ્ભોજભમ્ભરો લલિતે

અઙ્ગેષુ રુધિરપૂરે સ્વામિનિરુધિરાસવેન સોન્મત્તે ।
અંશવ ઇવ તે દિનકચ્છશિતારાકારિણો હિ તે લલિતે

અઙ્કુશમુખ્યપ્રહરણભીકરરૂપાભિરાવતાસિ ત્વમ્ ।
શક્તિભિરુલ્લસિતાસિ દ્વાદશભિસ્તે નમો નમો લલિતે

અંશુમતિ માતરગજે કિંશુકરક્તામ્બરે શુભાકારે ।
ત્વં શુભમિહ કુરુ મયિ હે શઙ્કરિ તુભ્યં નમો નમો લલિતે

અંહાંસિ મે ક્ષમસ્વ ત્વં તાવલ્લોકલોચના ભવસિ ।
સ્નિગ્ધાન્નમોદમાના માતર્માં પાહિ તે નમો લલિતે

અંશાવતારભાજાં  વીરાણાં શૌર્યસાહ સન્તુભ્યમ્ ।
રોચેત રોચમાને  ધામ્ના નિત્યં નમોઽસ્તુ તે લલિતે

અંશુમદનાહતાબ્જે કાકિનીખ્યાસિ સા ત્વમેવૈકા ।
પાલનમોક્ષસુખસ્ય ત્વં દાત્રી તે નમો નમો લલિતે

અઙ્ગેઽસ્તિ નાભિદેશે મણિપૂરકચક્રમમ્બુજાકારમ્ ।
ભવતિ તદેવ હિ નિલયં તવ તત્તુભ્યં નમો નમો લલિતે

અમ્બુજમિવ મણિપૂરં વ્યોમાનલવાયુતત્ત્વવલ્લલિતમ્ ।
તદ્ગુણવત્ત્રિવિધાસ્યં ભવતિ ચ તત્ર સ્થિતાસિ હે લલિતે

અઙ્કુશવજ્રાદ્યાયુધધારિણિ સંસારજલનિધેસ્તરણે ।
રણમેદિનીષુ ધીરે ધીરાકારે નમોઽસ્તુ તે લલિતે

અમ્બુજ ઇવ મણિપૂરે દશદલદશવર્ણશોભિતે લલિતે ।
દશભિર્ડામર્યાદિભિરુલ્લસિતે તે નમો નમો લલિતે

અંશુકભૂષણભીષણનાનાયુધયોગચિત્રિતાકારે ।
આપાટલાઙ્ગવલ્લિ ત્રિભુવનજનનિ ત્વમેવ મે શરણમ્

અઙ્ગામિષાભિમાને મઙ્ગળમૂર્તે જિતારિકુલકીર્તે ।
માઙ્ગલ્યદાનશીલે ભગવતિ માતર્નમોઽસ્તુ તે લલિતે

કલ્યાણિ કલ્પવલ્લિ પ્રણતાનાં કર્મસાક્ષિણી ત્વમસિ ।
ગુડમધુરાન્નપ્રીતે નમદિષ્ટાર્થપ્રદે નમો લલિતે

કમલે મણિપૂરે ચ સ્થિતિમતિ ચાશેષભક્તસુખદાત્રી ।
જાઠર ઇવ દહનોઽઙ્ગે ત્વમસિ હિ નિત્યં નમોઽસ્તુ તે લલિતે

કનકાચલતટવાસે સકલસુખાનાં ચ દાત્રિ મૃદુગાત્રિ ।
લાકિન્યમ્બારૂપે સર્વાવિદ્યાવિનાશિનિ ત્રાહિ

કટિતટવર્તિનિ દેહે સ્વાધિષ્ઠાનેઽમ્બુભૂમિતત્ત્વમયે ।
નિવસસિ સકલસુખાય શ્રીલલિતે તે નમોઽસ્તુ તત્ત્વમયિ

કલ્યાણિ ચક્રમધ્યે સ્વાધિષ્ઠાને નભોઽમ્બુવાયુદહનાશ્ચ ।
તત્ત્વાત્મના સ્યુરસ્મિન્ સા ત્વં વસસીતિ તે નમો લલિતે

કરવાલશૂલચક્રાદ્યાયુધવિભ્રાજમાનકરજાલે ।
શરભિન્નદૈત્યનિવહે માતસ્તુભ્યં નમો નમો લલિતે

કમલદલકેસરાભે હેમાભે સૂક્ષ્મમધ્યમે રામે ।
વિમલતરહસિતવદને માતસ્તુભ્યં નમો નમો લલિતે

કલુષવિરહિતં ચક્રં સ્વાધિષ્ઠાનં સમસ્તનાડીનામ્ ।
સ્થાનં ફણિનીશક્ત્યા દર્પાય સ્યાન્નમો નમો લલિતે

કાયગરમેદસિ ત્વં દેવી તત્ર સ્થિતાસિ સા નિત્યમ્ ।
ભાયયસિ ધૂર્તનિવહં સુજનાનુદ્ધરસિ તે નમો લલિતે

કાદમ્બરીપ્રિયા ત્વં મધુપાનાસક્તમાનસા ભવસિ ।
કાદમ્બમન્દગમને માતસ્તુભ્યં નમો નમો લલિતે

કામચરવરવિમાને દધ્યન્નાસક્તમાનસે સતતમ્ ।
સીમાતિશાયિકરુણે માતસ્તુભ્યં નમો નમો લલિતે

કાકિન્યમ્બારૂપે શોકવ્યામોહસાધ્વસૈ રહિતે ।
લોકવિનોદનશીલે માતસ્તુભ્યં નમો લલિતે

કાન્તારવિન્દમૂલાધારારૂઢેઽ હિચક્રમારૂઢે ।
શાન્તાતિકોમલાઙ્ગી માતસ્તુભ્યં નમો નમો લલિતે

કાન્તે સ્વાધિષ્ઠાને ષડ્દલવત્પદ્મમણ્ડિતે મહતિ ।
બન્ધિન્યાદિસમષ્ટ્યા શક્ત્યા યુક્તે નમોઽસ્તુ તે લલિતે

કાન્તસુષડ્દલપદ્મં બભમયરલવર્ણસંયુતં લલિતમ્ ।
કાન્તક્ષિતિતત્ત્વાર્થં તત્તે સ્થાનં ભવેદ્ધિ તે લલિતે

કાન્તે મૂલાધારે ગગનમરુદ્વહ્નિજલધરૈઃ તત્ત્વૈઃ ।
પઞ્ચાનનાસિ શક્તિઃ કુણ્ડલિની ત્વં નમોઽસ્તુ તે લલિતે

કીકસસઙ્ઘસ્વામિન્યસિ ભૂતત્વેન સુસઙ્ગતા ત્વં હિ ।
લોકાભ્યુદયવિધાત્રી માતસ્તુભ્યં નમો નમો લલિતે ॥531।
કોમલગાત્ર્યપિ હસ્તૈરઙ્કુશપાશાધિધારિણી ભવસિ ।
કામચરાસુરદમની ત્વમસિ હિ માતર્નમોઽસ્તુ તે લલિતે

કામચરિ કમલનયને ચતસૃભિરભિમાનદેવતાભિશ્ચ ।
વરદાદિભિરાકલિતે માતસ્તુભ્યં નમો નમો લલિતે

કામિતમુદ્ગદલાન્ને કામિતફલદે સમસ્તભક્તાનામ્ ।
સોમસુધામદુહાસે માતસ્તુભ્યં નમો નમો લલિતે

કાલી કુણ્ડલિની યા શાકિન્યાભ્યાં સમન્વિતૈવ તયા ।
નિયતેવ ભાસિ સા ત્વં ભાસિ તયા દેવિ તે નમો લલિતે

કોમલમાજ્ઞાચક્રં ભ્રૂમધ્યે બૈન્દવાગ્નિસાન્નિધ્યે ।
અસ્તિ નનુ માતકાયા ઋષભાખ્યં ધામ તેઽપિ સલ્લલિતે

કાન્તિષ્વિવ રવિકાન્તિર્વર્ણે શુક્લઃ પ્રધાન ઇતિ સા ત્વમ્ ।
શુક્લાસિ દેહકાન્ત્યા જ્યોત્સ્નીવેન્દોર્નમોઽસ્તુ તે લલિતે

કીર્તિત આજ્ઞાવિદ્ભિઃ લલિતાજ્ઞાચક્ર એવ સા ત્વમસિ ।
તાવચ્છડાનના ત્વં તસ્યૈ તુભ્યં નમો નમો લલિતે

કોમલમજ્જાસંસ્થે ધાત્રભિમાનિન્યપીહ સા ત્વમસિ ।
કરુણારુણિતાપાઙ્ગે જય જય માતર્નમોઽસ્તુ તે લલિતે

કાન્તિમતિ હંસવત્યા શક્ત્યાસિ ત્વં ક્ષમાવતીનામ્ના ।
દક્ષદ્વ્યક્ષરયુક્તે માતસ્તુભ્યં  નમો નમો લલિતે

કામિતશાલ્યન્નાદે કામિતફલદાનશીલતામાન્યે ।
સામજવદનસરોજાલોકનમુદિતે નમોઽસ્તુ તે લલિતે

કોમલહાકિન્યાખ્યા કાચન શક્તિર્વિરાજતે ચક્રે ।
ચક્રેશપૂજિતાઙ્ઘ્રે વિજ્ઞાનસ્થે નમોઽસ્તુ તે લલિતે

કોમલસહસ્રપત્રે કમલે કમલોદ્ભવાર્ચિતે લલિતે ।
નિવસસિ સા ત્વમજસ્રં માતસ્તુભ્યં નમો નમો દેવિ

કાન્તાસિ સર્વવર્ણૈસ્તચ્છક્ત્યાલંકતાસિ માતઙ્ગિ ।
કાન્તાર્પિતાર્ધદેહે દેહે દેહેસિ શક્તિરેવામ્બ ॥544।
કામાયુધાનિ ધૃત્વા કામિતરૂપાખિલાનિ નિશિતાનિ ।
રામાસેનાસહિતા જયસિ હિ માતર્નમોઽસ્તુ તે લલિતે

કાર્યેષુ વીર્યરૂપા બ્રહ્મપદેવાસિ બીજરૂપા વા ।
માયાધારવતી ત્વં જયસિ હિ માતર્નમોસ્તુ તે લલિતે

કમલારમણ ઇવ ત્વં ભવસિ હિ વિષ્વગ્વિલાસિમુખપદ્મા ।
સુમુખિ પ્રસીદ માતર્દીનેધીને ત્વયીહ મયિ દેવી

કામયસે ત્વમશેષાણ્યન્નાનિ શ્રેષ્ઠભક્તદત્તાનિ ।
આસ્વાદય તદબ્રહ્મ હિ સર્વં ચાન્નં ત્વમેવ નનુ લલિતે

કલ્યાણગુણવતી ત્વં યાકિન્યમ્બાસ્વરૂપિણી ભવસિ ।
પર્યાયેણ ચ ષટ્સુ ત્વં ચક્રાબ્જેષુ સઞ્ચરસ્યેવ

કલ્યાણતારકેષુ જ્વલતો વૈશ્વાનરસ્ય દયિતાસુ ।
સ્વાહાનામ્ની બ્રહ્મજ્યોતિશ્ચાસિ ત્વમેવ નનુ લલિતે

કામિતફલાદા લોકે પિતદેવાનાં સ્વધાભિધાના ત્વમ્ ।
ધૂમશિખસ્ય ચ વહ્નેર્જાયારૂપાસિ તે નમો લલિતે

કામાન્તકાઙ્ગતરઙ્ગે રમમાણા ત્વં જડાનભિજ્ઞા ચ ।
ભવસિ કદાચિદિવ ત્વં ભવસિ ચ મુક્તિસ્થિતા નમો લલિતે

કારુણ્યામતવષ્ટિં કુરુતેપાઙ્ગદ્વયં નિજેષુ સદા ।
મેધા નૃણાં મનસ્સુ ત્વં નનુ લોકે નમોઽસ્તુ તે લલિતે

કર્ણાકર્ણિકયા તે શ્રુતિરિવ વદનાંશુનિસ્સૃતા વાણી ।
આજ્ઞાકરી વરાજ્ઞા ભવતિ હિ સા ત્વં નમોઽસ્તુ તે લલિતે

કીર્તિતવેદાદેશં સ્મરતિ ચયાર્થં ચ સંહિતારૂપા ।
ધર્મસ્ય સા સ્મૃતિસ્ત્વં શબ્દાર્થજ્ઞાનબોધિની લલિતે

કા વાસ્ત્યજાણ્ડગર્ભે ત્વત્સદશી કો નુ કિં તુલાં યાતિ ।
તવ દેવિ સકલહત્સુ ત્વમસિ હિ તદ્ભદ્રમાસુવ ત્વં મે

કાસાદિસર્વરોગાન્ કાયે શ્લેષ્માદિદોષસમ્ભાવ્યાન્ ।
નાશયસિ વૈદ્યરાજ્ઞી ત્વમસિ હિ માતર્નમોઽસ્તુ તે લલિતે

કીર્તિરસિ પુણ્યરૂપા લભ્યા પુણ્યેન કીર્તનશ્રવણૈઃ ।
પુણ્યૈર્નંદસિ ચ ત્વં માતસ્તુભ્યં નમો નમો લલિતે

કામારિહાર્દમૂર્તે સુરવનિતાભિઃ પુલોમસુતયાપિ ।
દેવ્યાર્ચિતાસિ બન્ધાન્મોચયસિ ત્વં નમોઽસ્તુ તે લલિતે

કાદમ્બિનીવ ભઙ્ગી નીલેવ ચ નીલકાન્તિકાન્તસ્તે ।
ચિકુરો વિભાતિ ધામ્ના માતર્નીરાજિતાસિ તે લલિતે

કાર્યાકાર્યવિચારે નિત્યા નિત્યાદિવસ્તુતત્ત્વે વા ।
વિદધાતિ યા વિચારં સા વિદ્યા ત્વં નમોઽસ્તુ તે લલિતે

ખમપિ ચ નાદં બિન્દું વ્યાપ્ય ચ યા ભાતિ તાં કલાં લલિતાં ।
આક્રમ્ય વિશ્વસૃષ્ટિં કુર્વાણા ત્વં વિરાજસે લલિતે

ખાનિલદહનામ્બુધરાઃ પઞ્ચ હિ ભૂતાનિ દૈવકર્માણિ ।
જનિમતિહેતવ એતે સર્વાપત્તીર્નિવારયેર્મૃત્યોઃ

ગણનીયાગ્રે મહતામમરાણાં ત્વં શિવેખિલાનાં ચ ।
ભવસિ હિ નિત્યમચિંત્યા કલિકલ્મષનાશિનિ ત્વમેવાસિ

ગણ્યાખિલામરાણાં તેજસ્તોમસ્તવ સ્વરૂપં હિ ।
પુણ્યાનિ તવ કૃપાયાઃ ફલરૂપાણ્યમ્બ તે નમો લલિતે

ગાયન્તિ ગાનરસિકાસ્સેવન્તેન્યે હિતાર્થિનો ભવતીમ્ ।
નાશયસિ કાલભીતિં ભીતાનાં તે નમો નમો લલિતે

ગારુડમણિનીલાઙ્ગીં ગુરુરપિ વિષ્ણુર્નિષેવતે ભગવાન્ ।
નિજકાર્યસાધિકેતિ ત્વાં તેનાસીત્ સ વિષ્ણુરેવામ્બ

ગિરિરાજપુત્રિ લલિતે તામ્બૂલાદાનસેવનોલ્લસિતે ।
યદ્‌દ્વાદશગુણયુક્તં તામ્બૂલં તે પ્રિયં હિ તે લલિતે

ગિરિવનચરમગનયને નયનાનન્દપ્રદે સતાં સુરાણાં ચ ।
હરિહરકાર્યકરી ત્વં રક્ષાં કુરુ મે નમોઽસ્તુ તે લલિતે

ગિરિશમનોહરિ દાડિમકુસુમરુચે દેવિ દેવતાજનનિ ।
ચારુતરવસનશોભાભરિતે લલિતે નમોઽસ્તુ તે લલિતે

ગિરિમહિબદ્ધં કત્વા ક્ષીરપયોધિં ચ મથિતમથ કૃત્વા ।
અમતમવાપુરર્મર્ત્યાઃ ત્વમભૂસ્તેભ્યો હિ મોહિની લલિતે

ગીતાખિલગુણભૂષે સકલૈર્વિશ્વાતિશાયિની ત્વમસિ ।
ગીતાગુરુસહજાતે માતર્માં પાહિ સર્વથા સતતમ્

ગુરુતરસુખમાનન્દં દદ્યાસ્ત્વં દેવિ યોગિનાં સમતામ્ ।
ગુરુતરમપહર મામકપાપં પાપઘ્નિ તે નમો લલિતે ॥573
ગુરુરમ્બ તેઽસ્તિ જગતઃ તવ ભર્તા શઙ્કરો હિ સૌખ્યમિહ ।
સ દદાતિ ચ સા ત્વં ચ શ્રેયસ્કરિ તે નમો નમો લલિતે

ગૂડાર્થબોધિની ત્વં સહદયરૂપાસિ રવિરપીહાસિ ।
સા ત્વમસિ નિત્યતપ્તા માતસ્સર્વત્ર પાહિ માં પૂર્ણમ્

ગૂઢો ભક્તનિધિર્વા મયિ નૈવાસ્તિ પ્રકાશ્યમાનો વા ।
નાહં ભક્ત ઇહ સ્યાં ભક્તનિધિં તે કુરુષ્વ મામમ્બ

ગૂહિતભુવનનિયન્ત્રી સ્વસ્મિન્નસ્મિન્નિગૂઢમજ્ઞાનમ્ ।
મોહયતિ યત્તુ ચિત્તં તદપિ ત્વં પ્રાગ્વિનાશયેરમ્બ

ગૃહમિવ નિજમતિરમ્યં સ્વામી ત્વં વિશ્વમન્દિરં ચ નિજમ્ ।
રક્ષસિ હિ તેન સા ત્વં બ્રહ્માણ્ડસ્યાસિ નાયિકા લલિતે

ગેહિષુ મૈત્રીકરુણાસન્તોષાદ્યાસ્તુ સદ્ગુણા યત્ર ।
તેષુ પ્રસીદસિ ત્વં કરણવિશુદ્ધઃ પ્રિયાય તે લલિતે

ગેયચરિત્રે પાત્રે કરુણાવષ્ટિપ્રદે સુધામોદે ।
અન્તે ત્રિમૂર્તિકાર્યે શાન્તે ત્વં વિશ્વસાક્ષિણી ભવસિ

ગૈરિકરાગવદધરે વચસા મધુરે ગલત્કપાસારે ।
શક્તિષુ ચાદ્યા ત્વમસિ બ્રાહ્મીશક્તિશ્ચ તે નમો લલિતે

ગોત્રોદિતપ્રભાવે બ્રહ્માસક્તે નિરઞ્જને સતતમ્ ।
પાત્રીકુરુ કરુણાયા મામપિ તવ દેવિ મે નતિર્લલિતે

ગૌરવકારકમદિરામાપીયાપીય ચાલસેવાસિ ।
બ્રહ્માનન્દપયોધૌ મગ્નોન્મગ્ને નમોઽસ્તુ તે લલિતે

ગન્ધાદિગુણવિદૂરે શુદ્ધજ્ઞાનાત્મિકે ચ તે લલિતે ।
શ્રુત્યાધારવચોભિર્ગમ્યે રમ્યે નમોઽસ્તુ તે લલિતે

ગઙ્ગાગ્રજે દ્વિજેડ્યે બ્રાહ્મી માહેશ્વરીતિ કૌમારી ।
વૈષ્ણવ્યથ વારાહીંદ્રાણી ચામુંડિકા ત્વમેવાસિ

ગમ્ભીરે શ્રીલલિતે વર્ણાવલિવર્ણમાતકારૂપે ।
વર્ણેષુ ધવલવર્ણે બ્રહ્માનન્દપ્રદે નમો લલિતે

ગઙ્ગેવ મૂર્ધ્નિ શમ્ભોસ્તવ ગૃહમુદ્યોતતે મહાકૂટે ।
બ્રહ્મણિ લીનં ચ કલાતીતં દેહે સહસ્રપત્રગતમ્

ઘનકરજઘનસ્તનયોર્ભારાદાનમ્રકાયકલ્પલતે ।
બિસમદુલદોસ્સુશાખારુચિરે તુભ્યં નમો નમો લલિતે

ઘનપથચરસુરવન્દૈઃ સેવિતચરણામ્બુજેમ્બ મહનીયે ।
નાથાદધિકોદારે પાત્રી ધાત્રી ભવ ત્વમેવ મયિ

ઘાતુકદાનવનિવહં સકલં સંહત્ય સજ્જનેષુ દયામ્ ।
દધતી દયાર્દ્રમૂર્તિસ્ત્વમસિ હિ માતર્નમો નમો લલિતે

ઘીઙ્કૃતિમદ્ગજરાજં સમરે સમરેઽધિરુહ્ય વૈરિબલમ્ ।
નાશયસિ નાશરહિતે નાશય મત્પાપમમ્બ હે લલિતે

ઘુષ્ટં સમસ્તમુનિભિર્બ્રહ્મૈકં સત્યશુદ્ધમેવેતિ ।
ત્વમસિ હિ તથાત્મવિદ્યાહૃદ્યાનાદ્યા નમોઽસ્તુ તે લલિતે

ઘોષયસિ તાં હિ વિદ્યાં બ્રહ્માનન્દપ્રદાયિની ત્વમસિ ।
મહતી વિદ્યા સા ત્વં સારસ્વતસારરૂપિણી ભવતી

ઘણ્ટાનિનાદમુખ્યૈર્દશભિર્નાદૈર્વિરાજતે લલિતે ।
સકલમહિમાભિરામે શ્રીવિદ્યે તે નમો નમો દેવિ

ચપલાક્ષિ ચારુશીલે વિદ્યાવિદ્યાસુ સઙ્ગતા ભવસિ ।
કોટ્યધિકશક્તિયુક્તા નાનારૂપા વિરાજસે લલિતે

ચય એવ હિ વર્ણાનાં પદમપિ કમલં તવાપિ મઞ્જુતમમ્ ।
શક્તય એવ પદાનાં દાસીભૂતા ભવન્તિ તે લલિતે

ચતુરામ્નાયારાધ્યે સ્વરવર્ગીયાશ્ચ યોગવાહાશ્ચ ।
નાડીત્રયમપિ કોટિત્રયમિતિ લલિતે તવૈવ રૂપાણિ

ચતુરે તવ મનુગ્રમધ્યે ષોડશવર્ણા ભવન્તિ બીજાનિ ।
પઞ્ચદશાક્ષરવત્યપિ મન્ત્રે શ્રીબીજસઙ્ગતા ભવતી

ચતુરાસિ દેવબૃન્દે કામો ભવસિ સ્વરૈરશેષૈસ્તુ ।
તત્કોટિસેવિતા ત્વં તત્સદશી ચાસિ તે નમો લલિતે

ચારુતરવર્ણયોગાત્પવનાદ્યાઃ સમ્ભવન્તિ વેદાશ્ચ ।
પદવર્ણકોટિશક્તિપ્રકટિતરૂપા ત્વમેવ નનુ લલિતા

ચારુસ્મિતસિતવદને દશશતદલસહિતકમલમુલ્લસતિ ।
નરવપુષિ શિરસિ જલજે ત્વં તસ્મિન્ વસસિ સાદરં લલિતે

ચારુતરચન્દ્રવર્ણે રત્નશ્રીમદ્વિભૂષણૈઃ કર્ણે ।
ભૂષિતવત્યસિ લલિતે સા ત્વં માં પાહિ તે નમો દેવિ

ચિત્રતરતિલકસુન્દરફાલે રાકેન્દુચારુતરવદને ।
ભ્રૂમધ્યવર્તિચક્રં વપુષિ નરસ્યાપિ ભવતિ તવ પીઠમ્

ચિત્રતરમમ્બરસ્થં શક્રતનુર્ભાતિ તત્સમાનં તે ।
ચિત્રતરમમ્બરં યદ્ધારયસિ ત્વં નમોસ્તુ તે લલિતે

ચીનામ્બરપરિધાને હૃદયે ચક્રેષ્વનાહતે વસસિ ।
તચ્છાસનમિહ નૂનં શાશ્વતમેવાસ્ત્યનાહતં લલિતે

ચેતનબોધાત્તાવકભાસ્વાનુલ્લસતિ ખે યથા કિરણૈઃ ।
કત્વોચ્ચૈસ્તાન્વિલસસિ દેવિ ત્વં ચાપ્યનાહતે ચક્રે

ચૈતન્યશાલિ ચક્રં મૂલાધારં ત્રિકોણવલ્લલિતં ।
ધ્યાને બલવતિ ચિત્તે માતર્ગગને રવિર્યથોલ્લસસિ

ચોરનિશાચરવીરાન્નાશયસિ ત્વં હિ યા શરીરે સા ।
અજ્ઞાનરૂપભાજસ્તેષાં શક્તિં વિનાશયેર્લલિતે

ચઞ્ચદ્બ્રહ્માંડમિવ પ્રતિપદમભિમાન એક એવાસ્તે ।
મોક્ષવિરોધે દક્ષં તદ્યજ્ઞધ્વંસિની ત્વમેવાસિ

ચઞ્ચલમનસાં ભીતિં નાશયિતું ત્વં પરિપ્લવાપાઙ્ગી ।
વિકસિતનયના ભવસિ ચ કુણ્ડલિની ત્વં નમોઽસ્તુ તે લલિતે

છવિપૂરપૂરિતાઙ્ગી દરહાસોદ્ભાસિતાનને લલિતે ।
ભવતુ તવાનનકાન્તિઃ સ્વાન્તે શાન્તિપ્રદેવ મે સતતમ્

ઉન્નામય હૃત્કમલં બોધય બોધં ત્વમેવ મે લલિતે

છાયેવ ચણ્ડભાનોર્મોક્ષપ્રાપ્ત્યૈ સ્થિતા હિ કુણ્ડલિની ।
મૂલાધારે ખનિરિવ મહસાં સા ત્વં નમોઽસ્તુ તે લલિતે

છિન્નાસુરશતદેહે માતા ત્વં લોકનાદદેહાનામ્ ।
અમતસ્ય ચ કુણ્ડલિની નામ્નાં નિત્યં નમોઽસ્તુ તે લલિતે

જનમનસિ દૈત્યરૂપં સિદ્ધમશુદ્ધં નિકામમજ્ઞાનમ્ ।
તારકબલમિવ હન્તું સ્વાન્તે ગુહજન્મભૂરભૂર્લલિતે

જાગ્રચ્ચિત્તસરોજે મુદ્રાયોગેન યોગિનામેવ ।
આજ્ઞાચક્રગતાસ્સધ્યાનં દેવાઽસ્તુ પાહિ માં લલિતે

જિતદૈત્યરાજચક્રે માર્ગે સિદ્ધાસિ નિગ્રહસ્ય ત્વં ।
નિગ્રહમાર્ગસ્સોયં ધ્યાનાભ્યાસો હિ યોગિનાં લલિતે

જીવિસુખપ્રદશીલે શુદ્ધકલારૂપધારિણીન્દુમુખિ ।
દહરાકાશાધારે માતસ્તુભ્યં નમો નમો લલિતે

જેત્રી જગતાં ચ ત્વં પ્રતિપદમારભ્ય પૌર્ણમાસ્યન્તમ્ ।
પઞ્ચદશાહોભિસ્ત્વં પૂજાર્હા ભવસિ તે નમો લલિતે

જૈત્રશરચાપહસ્તે શુદ્ધજ્ઞાનાત્મિકે કલારૂપે ।
અહમિતિ મતિરપિ વિમલા મૂર્ધનિ ભાત્યમ્બ તે નમો લલિતે

જૈત્રસમાધિરતાનામહમિતિ વિમલા મતિર્યદા સકલા ।
દેવિ કલાકારા ત્વં કારાકારે ભવેઽપિ માં પાહિ

જોષમિદમમ્બ હૃદયં તિષ્ઠતિ નૈવ ક્વચિત્ પરિભ્રમિતિ ।
કાવ્યકલાદિવિનોદૈઃ સ્થાપય તદ્રૂપિણી મમાપિ તલ્લલિતે

જઙ્ગમબોધિનિ કમલાવાણી સેવ્યે પ્રકીર્ણકૈરમ્બ ।
મઙ્ગલમાતનુ હિ ત્વં નમતે ભજતે ચ મે સદા લલિતે

જાતાનુરાગહૃદયા હૃદયે હૃદયે રમસ્વ દેહવતી

ઝષશિશુતિમિમયજલધિઃ સંસારોયં હિ પાલિની ત્વમસિ ।
દ્રષ્ટુમમેયા દશ્યાદશ્યા મે સ્યાઃ કદા શુભમ્યોર્મે

ઝરકોટિકોટિસિન્ધોરન્તઃ સ્યાદેવ સંસતેર્નૈવ ।
જીવાત્મિકાસ્તિ ભવતી ચૈતન્યં ધન્યમુભયસામ્યેન

ઝટિતિ ચ જટિલે ચ ઘટયસિ જનની ત્વં જીવરાશિમિહ લલિતે ।
પરમાસિ પાવનાત્મા સંપદિદં તેમ્બ વિશ્વગાર્હસ્થમ્

ટઙ્કતિજીવમયે ત્વં કોશે સઞ્ચરસિ પાલયન્તીવ ।
પ્રાણાનમ્બ શરીરે જીવાનાં સદ્મરૂપિણી ત્વમસિ

ટીકાતીતાં ભવતીં શંસેદ્વક્તાપિ કસ્સમગ્રતયા ।
પાવનરૂપે લલિતે પાવય સપરિગ્રહં ચ મામમ્બ

ડયનાટકરતમનસિ સ્થૈર્યં ત્વં ધેહિ મે બધાન ત્વં ।
ઔદુમ્બરફલસદશબ્રહ્માણ્ડાન્યમ્બ સન્તિ તે વપુષિ

ડાકિન્યાદિચમૂસ્તે સવિધે જાગર્ત્યનારતં ભવતિ ।
જગતાં કારણમમ્બ ત્વચ્છક્તિસ્સાહિ કેવલા ભવતિ

ભાનુશતકોટિધામ્નિ દ્યોતયસિ દ્યોતસે ત્વિષા લલિતે

ડિમ્બાડમ્બરમુદિતે ડમ્બરમમરારિજં ન મર્ષયસિ ।
ગુહ્યાસ્યવેદ્યરૂપા મનસા તુભ્યં નમો નમો લલિતે

ડિમ્બાનસુરાણાં ત્વં માતત્વાદમ્બ પાલયસ્યેવ ।
કૈવલ્યદાનવિષયે પશ્યસિ પાત્રં નમોસ્તુ તે લલિતે

ડોલારોહણશીલે સમયે સઞ્ચારમખિલમાશ્રયસિ ।
ત્રિપુરા ત્રેતા ચાસિ ત્રિત્વવિશેષાભિમાનિની લલિતે

ઢક્કાદ્યાયુધહસ્તે દિવ્યશરીરે સ્મિતૈકશક્તે ત્વં ।
જનયસિ જગતિ હિ જન્તૂનન્તકવૈરિપ્રિયે નમો લલિતે

ઢૌકન્તે યે યે તે ત્વયિ વૃદ્ધિં યાન્તિ ભક્તિયોગેન ।
પાતાલભૂમિલોકસ્વર્ગજનારાધ્યમાનપદપદ્મે

તનુગાત્રિ દેવિ સૃષ્ટિસ્થિતિલયકાર્યાર્થમેવ જાતાસિ ।
વાણી બ્રહ્મા લક્ષ્મીર્વિષ્ણુર્ગૌરી શિવશ્ચ શિવરૂપે

તનુષુ દશાસ્તિસ્રઃ સ્યુઃ મર્ત્યાનાં પૂર્વદેવાનાં ।
ત્રિદશાધીશાસિ ત્વં ત્રિદશારહિતાપિ તે નમો લલિતે

તનિમાનમુપનય ત્વં દુરિતં મે ત્રિવિધવર્ણમયિ ।
બીજાક્ષરેષુ વાસે પ્રણવત્વેનાસ્તુ તે નમો લલિતે

તનુમન્માનસગેહે નિવસન્તી ત્વં સુરપ્રિયૈર્ગન્ધૈઃ ।
નામાક્ષરત્રયેક્ષે ષડપિ ભવન્ત્યમ્બ બીજવર્ણાસ્તે

તવ લલિતતિલકદેશે સીમન્તે ચાસિ મઙ્ગલાયતને ।
સિન્દૂરમમ્બ તેન ત્વં માઙ્ગલ્યપ્રદાયિની ભવસિ

તવ નામેતિ વર્ણદ્વય એવાસ્તે હરી રમા ચેતિ ।
તદ્દ્વયરૂપાસિ ત્વં પ્રણવાકારાપિ તે નમો લલિતે

તરણિસમધામપૂર્ણે પૂર્ણેન્દૂદ્યોતમાનમુખચન્દ્રે ।
ચન્દ્રાર્ધચૂડજાયે જાયેતાત્રાપિ કિં કપામયિ તે

તન્વા શ્યામલવર્ણે વિષ્ણોર્ભગિની યદા ત્વમેવ ભવેઃ ।
પ્રાલેયશૈલજાતા જાતા ગૌરી નમોઽસ્તુ તે લલિતે

તવ ગુરુરાસીદ્દક્ષો ન્યક્કારાત્પત્યુરીશ્વરસ્યાપિ ।
તેન કૃતાદ્ગિરિપુત્રી પત્યે શર્વાય સા ત્વમેવાસીઃ

તપસિ ચ ચતુરાસિ ત્વં ગાને ગન્ધર્વસેવિતા ભવસિ ।
દેવાદિવિશ્વગર્ભા દેવિ ત્વં સ્થૂલસૂક્ષ્મરૂપાપિ

તપનીયચારુગર્ભા સવિતુસ્તેજઃસ્વરૂપિણી લલિતા ।
ઈશ્વરહિરણ્યગર્ભાકારા કારુણ્યવારિધે પાહિ

કરુણાભરણાસિ ત્વં તરુણી દૈત્યાધમાન્નિહન્તુમિહ ।
ત્રિપુરાનસુરાન્ હન્તું દાનવનિવહં તદન્યદપિ ભવસિ

તનુમદ્વચનચતુષ્કં ભેદાન્નાદસ્ય પરિમિતં ભવતિ ।
વાગ્વાદિનાં ચ નાથં ત્વં તેષાં તે નમો નમો લલિતે

તપસિ રતાનાં ધ્યાનૈર્ગમ્યા ત્વં ધ્યાનયોગિનામેવ ।
માનવમાનસસુગમા ભવ ભવજાયે નમોઽસ્તુ તે લલિતે

તનુધરગણનાતીતે દેશકલાકાલમાનદુર્બોધામ્ ।
જાનાતુ કથમયં ત્વાં લોકશ્શોકઘ્નિ તે નમો લલિતે

તનુષે બ્રહ્મજ્ઞાનં બોધયસિ ત્વં ભવામયં હન્તુમ્ ।
માતા કેવલમસિ ન હિ ગુરુરપિ માતર્નમોઽસ્તુ તે લલિતે

તનુધારિ સૌખ્યકારિ જ્ઞાનં પ્રાપઞ્ચિકં ભવેન્નૈવ ।
બ્રહ્મજ્ઞાનં કિન્તુ જ્ઞાનં નેચ્છન્તિ તસ્કરા લલિતા

તથ્યં બ્રહ્મજ્ઞાનં જન્મજરામરણરોગભૈષજ્યમ્ ।
વેદાન્તશાન્તિગીતં વેદ્યા તેનાસિ તે નમો લલિતે

ત્વદ્ધ્યાનં હાવર્ણે ષટ્પદગણનીલચિકુરેમ્બ ।
કાલત્રયપરિબાધારહિતે તુભ્યં નમો નમો લલિતે

તરુણી ચ રાજપુત્રી નપભોગાનન્દવર્ધિતા લલિતા ।
લોપામુદ્રાનર્ચ ત્વામમ્બાગસ્ત્યવલ્લભા સુભગા

તનુષે વિચિત્રમેતદ્વિશ્વં વિશ્વંભરાનુજે લલિતે ।
લીલાકતમિદમખિલં માયારચિતં વિભાતિ તવ લલિતે

તનુગતચર્મદશા ત્વં દ્રષ્ટુમશક્યાસિ દશ્યરહિતેતિ ।
ત્વાં કીર્તયન્ત્યશેષાઃ શેષાભરણપ્રિયાઙ્ગને પાહિ

તવ નાસ્ત્યદશ્યવસ્તુ ક્વાપિ ત્વં સર્વમીક્ષસે કોપિ ।
પશ્યેન્નમેન્ન ચ ત્વાં રવ્યાકારે નમોઽસ્તુ તે લલિતે

તત્ત્વમિદં તવ કિં વા બોધઃ સ્યાદિન્દ્રિયૈર્યદેતદિતિ ।
વિજ્ઞાનમાહુરેકે સાક્ષાત્ ત્રિવિધાસિ તત્ર હે લલિતે

તવ નાસ્ત્યવેદ્યવિષયો યદખિલવિષયં ત્વમેવ જાનાસિ ।
જીવો બ્રહ્મવિલોકે બ્રહ્મૈવ સ્યાદવશ્યમયિ લલિતે

તત્ત્વવિદાં મતમેવં યોગો જીવાત્મનોર્દ્વયોર્મિલનમ્ ।
એતત્કાર્યાકારા ત્વમસિ હિ માતર્નમોઽસ્તુ તે લલિતે

તપસિ રતાનામધ્વા ધ્યાનાભ્યાસાત્મકો ભવેદેવ ।
સોપ્યષ્ટાઙ્ગસમેતસ્તદ્ગુરુરૂપા ત્વમેવ નનુ લલિતે

તપયિતિ સાધનમેકં યોગો મૂલં હિ તસ્ય યોગસ્ય ।
અર્હસિ તદ્દ્વયમમ્બ ત્વં યોગ્યા તસ્ય ભવસિ હે લલિતે

તત્વાત્મિકેમ્બ લલિતે યોગાજ્જીવાત્મનોર્જિતારાતે ।
આનન્દદાત્રિ જગતો માતસ્તુભ્યં નમો નમો લલિતે

તત્ત્વમયદેહવર્તિનિ જીવે લીને મુદેવ સમ્ભવસિ ।
જીવપ્રાણધુરં ત્વં વહસિ ત્રેતાદિયુગયુગં લલિતે

તત્ત્વજ્ઞાનમદીડ્યે કાઙ્ક્ષાજ્ઞાનક્રિયાત્મિકે સત્ત્વે ।
દેવિ ત્વમેવ યાસિ ત્વં તચ્છક્તિત્રયં ભવેર્લલિતે

તત્ત્વપ્રધાનમેવં બ્રહ્માણ્ડં ત્વં શિવે તદાધારા ।
તવ ચરણશરણમેતદ્વિશ્વં શશ્વન્નમોસ્તુ તે લલિતે

તનુષે હિ કાર્યમખિલં પ્રાપઞ્ચિકમમ્બ ન પ્રતિષ્ઠા ત્વમ્ ।
તનયેષુ સુપ્રસન્ના બોધય બોધં નમોઽસ્તુ તે લલિતે

તમ ઇવ શાસત્ તમસા રજસા સૃષ્ટેર્ભવેઃ સ્વયં તચ્ચ ।
ભેદવિરહિતાપિ ત્વં ધત્સે કાર્યાય તે નમો લલિતે

તથ્યાદન્યદ્વિશ્વં મલિનપ્રકતેસ્તથા ત્વમેવાસિ ।
ભૂતાન્યષ્ટાઙ્ગયુતા માતસ્ત્વં ચાષ્ટમૂર્તિરેવાસિ

તવ ગુણવર્ગે રજસસ્તમસા પ્રકૃતિસ્તદેવ મિલિતાસિ ।
મલિના હિ સા તુ શુદ્ધા સાત્ત્વિકમાયા ત્વમેવ ભવસીહ

તપસાપ્યગમ્યરૂપે તાપસસેવ્યે તિરોહિતાકારે ।
કારયસિ લોકયાત્રાં સાષ્ટાઙ્ગી ત્વં દ્વિતીયયા લલિતે

તમસો મહસોપ્યપરા ભવસિ ત્વં તાવદેકિકા લલિતા ।
સૃષ્ટિં માનયસિ ત્વં લયકારિણ્યા ત્વયા જગત્સુખિતમ્

તત્ત્વાદિકાધિકારે તત્ત્વાદેવાસ્થિતોત્તમા નિજયા ।
આકૃત્યૈવ હિ કાર્યં કુરુષે માલિન્યપૂર્ણયા લલિતે

તવ ભવતિ રૂપમેકં બ્રહ્માનન્દપ્રદા ચ ભવતિ તથા ।
કવિજનનુતચરણે ત્વં નિર્લિપ્તાસીહ તે નમો લલિતે

તનુલીલાત્માનાત્મજ્ઞાનં જગતીહ કોટિભેધેન ।
જીવસ્ત્વબેધ આત્મા દ્વૈતાતીતાનિ તે નમો લલિતે

તનુમન્નમવતિ ચાન્નાત્પુરુષઃ શ્રુતિરપ્યેવં હિ સા સમાચષ્ટે ।
ન ભવતિ યદન્નદાનાદન્યત્વં ધત્સ એવ ન હિ તસ્મૈ

તનુષે ત્વમાલયાન્ સા પશ્ચાજ્જીવાન્ પ્રવેશયેસ્તત્ર ।
તનુષે રક્ષણમમ્બા ભૂત્વા તેષાં નમોઽસ્તુ તે લલિતે

તવ જીવિતસ્ય ચાદિર્નાન્તસ્તેનાસિ કેવલં નિત્યા ।
ત્વમનાદિરખિલસમ્પદ્ભરિતાનન્દાત્મિકાસિ હે લલિતે

તનુષુ પ્રાણા અભવન્ ભૂતાનાં જીવિતં તદાશા ચ ।
બ્રહ્મ ચ સાક્ષી જીવઃ બ્રહ્મૈક્યં ત્વં કરોષિ હે લલિતે

તવ ભવતિ રૂપમેકં બૃહદસ્માન્નાધિકં ભવેદેવ ।
બૃહતી ત્વમેવ માદ્યારાધ્યાસ્યેકાસિ તે નમો લલિતે

તપસિ રતાનપિ યમિનો યોજયસિ બ્રહ્મણિ સ્વયં જીવાન્ ।
બ્રહ્મણ ઇતિ સ હિ ભવતિ બ્રહ્માણં ભાસિ તે નમો લલિતે

તથ્યપ્રિયા ત્વમેવ બ્રાહ્મી માતા નમોઽસ્તુ તે લલિતે

તથ્યં તપ ઇતિ યુગલં પાલયસીતિ ત્વમેવ વન્દ્યાસિ ।
બ્રહ્માનન્દા ભૂત્વા દદ્યાસ્ત્વં મે નમોઽસ્તુ તે લલિતે

તવ ભવતિ સત્યશુદ્ધો બલિરુપહારો યથા સતામેવમ્ ।
સાત્ત્વિકબલમુદિતા ત્વં તાત્ત્વિકદૃષ્ટિં જને જને ધેહિ

તવ ભવતિ ભાષિતાનાં રૂપં તાવચ્ચતુર્વિધં ભુવને ।
ભાષાસુ નાદસારો નિહિતો ભાષાત્મિકે નમો લલિતે

તવ દેવિ કાર્યજાતં બ્રહ્માણ્ડસૈવ રક્ષણં ભવતિ ।
અગણિતસેનાસહિતા ભવસિ ત્વં નમો નમો લલિતે

તવ ભવતિ નાપિ ભાવો નાભાવો દ્વન્દ્વવર્જિતા ત્વમસિ ।
ભાવયતિ યે યથા ત્વાં ભવસિ તથા તસ્ય ભાવનાકાયે

તવ કરણીયા પૂજા સુલભા સુમુખી તયા ભવસ્યેવ ।
જ્ઞાનં વિતરસિ સા ત્વં સાત્ત્વિકપૂજાપ્રસાદિતા લલિતે

તવ ચરણસેવકાનાં ભવતિ ન ક્વાપિ દુર્ગતિર્દુર્ગે ।
શુભકરિ શોભનરૂપે માતર્માં પાહિ પાહિ માં લલિતે

તરુણતમાલશ્યામે શ્યામે મોક્ષપ્રદે તમોહન્ત્રિ ।
સુલભે ભજતાં સતતં મઙ્ગલમાર્ગાવલમ્બને પાહિ

તરુણેન્દુચારુમૌલેરીશિતુરાસ્યામતાત્મિકા ભવસિ ।
શરણાર્થિતાપહન્ત્રી ત્વં તાવદ્દેવિ તે નમો લલિતે

તવ દેવિ ભૂમિરાજ્યં સુરરાજ્યં ચ ત્રિમૂર્તિવરરાજ્મ્ ।
રાજ્યં બ્રહ્મપદાખ્યં વિતરસિ નમતાં ચતુર્વિધં લલિતે

તવ નીચૈરપિ રાજ્યં સપ્તવિધં ભવતિ ચોપરિષ્ટાશ્ચ ।
એવં ચતુર્દશાનાં રાજ્ઞી ત્વં ભવસિ સર્વરાજ્યાનામ્

તવ મન એવ હિ કરુણાપરિવતમમ્બાસ્તિ સન્તતં તેન ।
સતતં પ્રકાશસે ત્વં માતસ્તુભ્યં નમો નમો લલિતે

તવ ચરણકિઙ્કરાણાં હેતોર્ધત્સેમ્બ પારમેષ્ઠિત્વમ્ ।
ભવતિ ન તવ કરુણાયાઃ સીમા તુભ્યં નમો નમો લલિતે

તથ્યં ધનમથ ધાન્યં વિદ્યાનીતિર્વિધેયતા ખ્યાતા ।
આવશ્યકા હિ તૈસ્ત્વં ભવસિ હિ લક્ષ્મીષુ રાજ્યલક્ષ્મીસ્ત્વમ્

તરુણિમકરુણાપૂર્ણે લલિતે માતર્મનોજ્ઞચાપધરે ।
સકલશ્રીપરિપૂર્ણઃ કોશસ્તવ વર્ધતે શ્રિયા સાકમ્

તરુણતરતુરગનાગા પાદાતં ચેતિ તે રથાશ્ચેતિ ।
ચતુરઙ્ગબલમજસ્રં સિદ્ધં તન્નાયિકા ત્વમેકાસિ

તવ પાદસેવકાનાં સામ્રાજ્યં દાસ્યસિ પ્રસન્ના ત્વં ।
કો વા ત્વયા સમાનો દાતા જાતો પ્રસૂરપારદો લલિતે

તથ્યાતથ્યવિચિત્રો લોકસ્તથ્યે સદા કરોષિ રતિમ્ ।
ત્વં ભવસિ તથ્યનિષ્ઠા સત્યે સર્વં પ્રતિષ્ઠિતં ભવતિ

તવ ભવતિ સિન્ધુવેલાકાઞ્ચીધામ્ના ક્ષિતિસ્તવૈવામ્બ ।
ભૂમાતાપ્યસિ તેન ત્વં તે ચરણં સદાઽસ્તુ મે શરણમ્

તવ દેવિ યોગદીક્ષાપેક્ષા ત્વધિકાસિ દીક્ષિતા તેન ।
જલનિધિમધિવસસિ ત્વં તુભ્યં નિત્યં નમો નમો લલિતે

તવ રૂપમેવ ગૂઢં ત્વં ગુહમાતાસિ તત્તમોહન્ત્રી ।
ગૂઢાત્મરૂપિણી ત્વં તસ્માદેવાસિ તે નમો લલિતે

તવ રૂપમાશ્રિતાનાં બ્રાહ્મીરૂપા ત્વમેવ વા ગુહ્યા ।
બ્રહ્મતયાસ્યતિગુહ્યા પ્રણવાકારા નમોઽસ્તુ તે લલિતે

તવ વર્ણમન્ત્રમધ્યે બ્રાહ્મી ખ્યાતાઽસિ સા વિનિર્મુક્તા ।
નાનોપાધિમુખેભ્યઃ સા બ્રહ્માણી ત્વમેવ નનુ લલિતે

તથ્યાત્મિકા ચ વિદ્યા બ્રાહ્મી તાવત્ સતી શિવા જાતા ।
બ્રહ્માત્મિકાઽપિ તસ્માત્ તાવદ્રૂપે મહઃપ્રરોહ ઇતિ

તથ્યાન્વિતાસિ સર્વે સ્વાચારે સન્તિ સજ્જના નિત્યં ।
સત્સમ્પ્રદાયરૂપે માતા ત્વં જયસિ તે નમો લલિતે

તથ્યાત્મિકાસિ વિદ્યા વિનયસ્તુષ્ટિશ્ચ જગતિ સૌજન્યમ્ ।
વિદ્યાલક્ષણમેતદ્દદ્યાદ્વિદ્યા તદમ્બ તે કરુણા

તવ નામ્નિ યે તુ વર્ણાઃ શુદ્ધાસ્સન્તિ સ્વરાશ્ચતુર્થસ્તુ ।
બોધયતિ મુક્તિમાર્ગં તદ્‌દ્રૂપા ત્વં નમોઽસ્તુ તે લલિતે

તવ રૂપમેવ બોધો નારાયણ એવ બોધકો ભવતિ ।
ગુરુમણ્ડલમધ્યસ્થા ત્વં હિ ગુરૂણાં શિવાસિ ગુરુરૂપા

તત્ત્વાત્મકં હિ રૂપં તવ સા ત્વં ચાસિ પાલયિત્રીહ ।
સંસારમાર્ગિણસ્તાન્ ગુરુરૂપા તત્પદેન મુદિતાસિ

તપસા રવિણા શક્ત્યા સેવ્યાઽસિ ત્વં ત્રિભિસ્તદન્યૈશ્ચ ।
બીજાક્ષરેણ ચ ત્વાં વન્દે સોઽહં પુનઃ પુનશ્ચૈવમ્

તરણિરિવ તિમિરમમ્બા સ્યાદજ્ઞાનં પરસ્ય હરસિ ત્વમ્ ।
તદ્દ્રૂપા ત્વં રવિણા લક્ષ્મ્યા લલિતેર્ચિતાઽસિ નનુ શક્ત્યા

તથ્યા વિશુદ્ધરૂપા માયા જ્ઞાનપ્રદા કલા વા યા ।
સા ત્વં મધુમત્યસિ તે બ્રહ્માનન્દપ્રદે નમો લલિતે

તનુવરવિલગ્નલગ્નદ્યુતિમત્કાઞ્ચીનિબદ્ધકૌશેયા ।
ભૂમ્યાકારે માતર્મામવ તુભ્યં નમો નમો લલિતે

તનુરેવ જીવગેહં તવ ગુણગણના ત્વયાપિ નો શક્યા ।
તેષાં માતા ત્વેકા સા ભવસિ ત્વં નમોઽસ્તુ તે લલિતે

તનુષુ મતિહૃદયભાવા નિધયસ્સ્યુર્ભુવિ ચ વસતાં હિ ।
નિહિતાસ્તથૈવ રહસિ ત્વં નિત્યં ભવસિ ગુહ્યરૂપાદ્યા

તનુરસિ શિરીષમૃદુલા ભૂરૂપાયાસ્તવામ્બ કારુણ્યમ્ ।
તેન ત્વયિ જાગર્તિ હિ માતસ્તુભ્યં નમો નમો લલિતે

તત્ત્વાભિમાનિની ત્વં ભૂરૂપા તે ગુરુત્વમપિ ભવતિ ।
તત્ત્વં પ્રિયં ગુરુત્વં માતસ્તુભ્યં નમો નમો લલિતે

તવ દેવિ વિજયતે હિ સ્વાતન્ત્ર્યં બ્રહ્મરૂપિણી યદસિ ।
તનુષે ત્વં નિજરક્તાં લલિતે તુભ્યં નમસ્સ્વતન્ત્રાયૈ

તનુકરિ ભૂમાતા ત્વં લોકાન્વહસિ ત્વમેવ તાન્ પાહિ ।
ત્વયિ સત્યામિતિ લલિતે નિત્યં વન્દેમ્બ સર્વતન્ત્રાં ચ

તાપસનિવહે મહિતાસ્તથ્યં બોદ્ધું યયાચિરે હિ હરં ।
ગુરુરભવદથ સ મુનયઃ શિષ્યાસ્તે ભવતિ દક્ષિણામૂર્તિઃ

તાપસપૂજિતપાદે સનકાદ્યારાધ્યમાનપદકમલે ।
શ્રીપતિસાયુજ્યમપિ ત્વં દત્સે દેવિ તે નમો લલિતે

તાપત્રયપરિચારિણિ શૈવજ્ઞાનપ્રદે શુભાકારે ।
બ્રહ્મજ્ઞાનાનન્દં સા ત્વં દત્સે નમોઽસ્તુ તે લલિતે

તારયસિ સાગરાત્ત્વં નૌકાસ્યેકા ત્વમેવ નનુ લલિતે ।
જ્ઞાનકલે અસિ સા ત્વં તાપત્રયમમ્બ જહિ મદીયમિદમ્

તાપઘ્નાનન્દકલા ભવસિ ત્વં કામિતાર્થદાત્રી ચ ।
બ્રહ્માનન્દસમાનો નાનન્દસ્તં ત્વમેવ મે દેહિ

તાપસવીરસ્સ શિવો ગુરુરપિ જગતાં વટદ્રુમાલમ્બી ।
વપુષા સ દક્ષિણાશાવદનસ્તદ્રૂપિણી ત્વમેવામ્બ

તાપપ્રશમકરી સા મૂર્તિસ્તે સૈવ દક્ષિણા ભવતિ ।
હિતયોર્યુવયોરેકા સાપિ પ્રેમાત્મિકામ્બ પાયાન્મામ્

તાપસદાક્ષિણમૂર્તિસ્તવ ભવતિ પ્રેમરૂપિણી લલિતે ।
ભવસિ પ્રિયકરણી ત્વં નમતાં ભજતામનારતં મનસા

તાપસહૃદયનિવાસિનિ લલિતે લલિતેક્ષણે સદા નામ્ના ।
પઠનશ્રવણધ્યાનૈરાનન્દસિ ભક્તભક્તિવશ્યા ત્વમ્

તાનયુતગાનવિદ્યામાનિનિ સા ત્વં સદસિ તે નન્દી ।
ગાયતિ નૃત્યતિ ચારાચ્ચારાનન્દિનિ સદા તવ પ્રીત્યૈ

તાનૈર્ગાનૈર્નટતિ હિ નટરાજસ્ત્વં શિવાર્ધદેહગતા ।
નટરાજરાજરમણી ત્વં મે શરણં નમોઽસ્તુ તે લલિતે

તામ્યદ્વિશ્વક્ષેમંકરિ કરિણીમન્થરે ધરાધારે ।
મિથ્યાજગદાધારે મિથ્યામિથ્યાદ્વયપ્રિયા ત્વમસિ

તાવકભુવને તાવન્મિથ્યાતથ્યે સદા ભવેતાં હિ ।
માયેતિ કાર્યતુલ્યં મિથ્યાજગદસ્થિરં હિ તે લલિતે

તાવકકરુણામુક્તિં વિતરસિ ભજતે જનાય સા ત્વમસિ ।
સાક્ષાદ્ધિ મુક્તિરૂપા સા ત્વં માં પાહિ તે નમો લલિતે

તાવકલાસ્યાદ્વિશ્વં રમતે પ્રિયા હિ તે લાસ્યમ્ ।
લીલાતાણ્ડવપણ્ડિતદયિતે માં પાહિ તે નમો લલિતે

તાવકમેકં સૃજતિ હિ રક્ષતિ રૂપં તથૈવમપરં તુ ।
નાશયતિ જગદિદં સા લયકરિણી ત્વં પુનીહિ માં લલિતે

તિષ્ઠસિ ચ ત્વં કુપિતા સ્પષ્ટવતી સુપ્તમીશ્વરં હિ પદા ।
ત્વમભૂરપત્રપિષ્ણુર્લજ્જારૂપે નમોઽસ્તુ તે લલિતે

તિષ્ઠન્તિ દેવલોકે રમ્ભાદ્યા ગાનનાટ્યનિષ્ણાતાઃ ।
ત્વામાનમન્તિ લાસ્યૈર્ગીતૈરાનન્દયન્તિ નનુ લલિતે

તીવ્રભવદાવરાશાવમલસુધાવષ્ટિકારિણી ત્વમસિ ॥
ઐહિકપારત્રિકયોઃ સુખયોર્દાત્રી ત્વમેવ નનુ લલિતે

તીવ્રતરદુરિતપાદપમેદુરસંસારવિપિનદાવાગ્ને ।
પાલિતસમસ્તલોકે લોકેશ્વરિ તે નમો નમો લલિતે

તીવ્રતરદૈન્યતૂલે વાતૂલાત્વં ભવત્યવશ્યમિહ ।
લલિતે લલિતાપાઙ્ગે ત્વં ગેયા મે ગતિર્ભવતી

તીવ્રજ્વરાધ્વાન્તરવે જ્યોતિષ્મતિ ચારુલોચનામ્ભોજે ।
પાયય સુકતસુધાં માં માતસ્તુભ્યં નમો નમો લલિતે

તીવ્રતરામતામ્શુર્ભાગ્યામ્ભોધે ત્વમેવ ભવસિ નનુ ।
પ્રણતાનાં ચ શિવે ત્વં ભાગ્યં સકલં પ્રવર્ધયેરનિશમ્

તુલયિતુમલમિહ ન હિ તે કરુણાં યદ્ભક્તચિત્તકેકિઘના ।
લલિતાસિ પાલયિત્રી ત્વં માતસ્તે નમો નમો લલિતે

તૂલાયિતં શરીરં યે યે તન્વન્તિ ઘાતુકારોહાઃ ।
દમ્ભોલિરિવ નગાનાં ભવસિ હિ તેષાં નમોઽસ્તુ તે લલિતે

તૃણચય ઇવ દવદાવો મૃત્યુદ્રુમબૃન્દપરશુરસ્યમ્બ ।
રોગભવરોગવૈદ્યા હૃદ્યાનાદ્યાસિ તે નમો લલિતે

તેજસ્વિનિ દયમાને દીને દીને જને જને લલિતે ।
માતર્માહેશ્વરિ મયિ કુરુ કરુણાં તે નમો નમો લલિતે

તેજોવશીયમાયુઃ શ્રુત્યાશિષમમ્બ મે શ્રુતામેકામ્ ।
ભક્તપ્રિયકરી ત્વં દદ્યા હૃદ્યાં નમો નમો લલિતે

તેજસ્સર્વાધિક્યાજ્જડરૂપાગ્ને ક્ષુધા મહાગ્રાસા ।
જગદેતદેવમન્તે ગ્રાસીકત્વાત્સિ તે નમો લલિતે

તૈલમિવ દીપમેનં જાઠરદહનં ક્ષુધેવ વર્ધયસિ ।
તત્ત્વમસિ રુદ્રશક્ત્યા કલ્પે કલ્પે મહાશના લલિતે

તોષો ન તે ક્ષુધઃ સ્યાદન્તે મુઞ્ચેર્ન દેવિ પર્ણાનિ ।
તેનાપર્ણા ખ્યાતા પાયાસ્ત્વં માં બુધાર્ચિતે લલિતે

તૌર્યત્રિકમરિનિવહે સમરે સમરે ત્વમેવ કારયસિ ।
યુદ્ભવસિ ચણ્ડિકા ત્વં ચણ્ડા મા ભૂર્મયિ ત્વમયિ લલિતે

ત્વં ચણ્ડમમ્બ મુણ્ડં ન્યવધીસ્ત્વં દેવિ તામસી વૃત્તિમ્ ।
રાજસતામસરૂપે નામ્ના ખ્યાતે નમોઽસ્તુ તે લલિતે

તન્દ્રાલસ્યવિહીને ત્વમસિ ક્ષરવિશ્વરૂપિણી ક્વચન ।
અક્ષરમસિ ચ બ્રાહ્મશ્રીલલિતે તે નમો નમો લલિતે

દયમાનાક્ષિસરોજે નિયમિતભુવને ત્વશાસના દેવિ ।
પ્રભુતાયાં તવ લોકાઃ શોકવિહીના હિ તે નમો લલિતે

દરહાસશોભમાના ભવસિ ત્વં વિશ્વધારિણી લલિતા ।
સુરસુન્દરીસપર્યાપર્યાયાદાનમોદમાનામ્બ

દમયસ્યમ્બ સમસ્તં સમદં દૈત્યાન્વયં સ્વયં સમરે ।
ધર્માર્થકામસૌખ્યં વિતરસિ જગતે નમો નમો લલિતે

દિવિ ભુવિ બલિસદને ત્વં ભવસિ હિ સત્ત્વરજસ્તમો દધતી ।
સાત્ત્વિકરાજસતામસગુણવૃત્યમ્બાસ્તુ તે નમો લલિતે

દિનકર ઇવ ભવસિ ત્વં લલિતે ત્રિગુણાત્મિકા ચ સત્ત્વમયી ।
અનુનયકતનુતિરેષા તોષાયામ્બાસ્તુ તે કથઞ્ચિદપિ

દિશસિ દયામયિ નાકં સુકૃતેન ત્વં ચ યજ્વના નિયતમ્ ।
વિશદધિયામપવર્ગં સુકૃતં જ્ઞાનોદયોજ્વલાનાં હિ

દીનદયાલુતયા તે મનસિ સરોષાપિ ભવસિ રિપુવર્ગે ।
નાનોપાધિવિમુક્તસ્વાન્તે શાન્તે નમોઽસ્તુ તે લલિતે

દીપયસિ લોકમાત્મજ્યોતિર્દીપેન ચાન્દ્રપુષ્પાભા ।
રૂપત્રયમપિ ધત્વા લોકત્રયમમ્બ રક્ષસિ ત્વં હિ

દીપયસિ ધામનિવહં દેહે દેહે પ્રવિશ્ય ચેતયસિ ।
ઓજોવત્યસિ યત્ત્વં તેજોરૂપે નમોઽસ્તુ તે લલિતે

દીપ્તિધરાસિ ધરાશ્રીદીપ્તિકરી ત્વં શ્રિયા સમુજ્વલસિ ।
આપ્તવ્યમસ્તિ ન હિ તે કિઞ્ચન કામપ્રદામ્બ સા ત્વમસિ

દીનશરણ્યે હોમો જપ ઇતિ પૂજેતિ કાર્યમખિલં ચ ।
ધ્યાનં ચાગ્નૌ વિહિતં યજ્ઞો યજ્ઞસ્વરૂપિણી ત્વમસિ

દીક્ષિતકર્મ હિ યજનં યજનં વિષ્ણુસ્વરૂપમેવાસ્તિ ।
ત્વં ભવસિ તસ્ય ભગિની માતર્લલિતે પ્રિયવ્રતા ત્વમસિ

દુર્ગાઽસિ દુર્ગતિઘ્ની કર્માલભ્યાસિ તદ્દુરારાધ્યા ।
સ્વર્ગેઽપિ ભોગદૂરા જ્ઞાતારાધ્યાઽસિ તે નમો લલિતે

દુર્વારેન્દ્રિયપઞ્ચકવિજિતાનાં ત્વં સદા દુરાધર્ષા ।
સર્વેષામપિ ગર્વં ચર્વસિ હિ ત્વં નમોઽસ્તુ તે લલિતે

દૂરીકૃતભવતાપે પાટલિકાકુસુમપાટલે ચટુલે ।
બિલ્વમિવ પશુપતેસ્તે પાટલિકૈવામ્બ રોચતે દેવિ

દૂરીકુરુ મમ દુરિતં દારય દારિદ્ર્યદારુ મે દહ વા ।
મહતી ત્વમસિ હિ નામ્ના વપુષા માતર્નમો લલિતે

દૂરં નીચૈરુપરિ ચ ભવસિ હિ નીચૈરહીશરૂપેણ ।
ધારયસિ મેરુનિલયા જગતીમપ્યમ્બ તે નમો લલિતે

દૂરે મેરાવચલે પુરમમરાણાં વિરાજતે તત્ર ।
મન્દારભૂરુહાત્તત્પુષ્પં પ્રિયમમ્બ તે નમો લલિતે

દેવૈર્માનવદેવૈઃ પઞ્ચપ્રાણૈસ્સમર્પિતે શક્ત્યા ।
આત્મસ્વરૂપિણી ત્વં વીરારાધ્યેતિગીયસે લલિતે

દેવારિવૈરિણી ત્વં  બ્રહ્માણ્ડવ્યાપ્તમૂર્તિરેવાસિ ।
ભાવયતિ કોત્ર રૂપં ત્વં ભાવાતીતમમ્બ તદ્ભવતિ

દેવાભિમાનિની ત્વં લલિતે સમ્ભવસિ દેવકાર્યેષુ ।
દેવાન્વિતૈવ સમયે વિરજા વિભ્રાજસે સદા વિમલા

દેહેન વિશ્વવદના સર્વદિગાલોકિલોચના ભવસિ ।
મોહયસિ વિશ્વમેતન્મુહ્યસિ ન ત્વં નમોઽસ્તુ તે લલિતે

દૈત્યવિનાશિનિ દેવિ ત્વં ચાન્તર્યામિનીહ ભૂતેષુ ।
પ્રેરયસિ વિષયજાલે ચિત્તં ચિત્તં હિ દેહિનાં લલિતે

દૈવિકમાર્ગં ગગનં ભવતી ચાપૂર્ય તેજસા મહતા ।
દેવિ ત્વમેવ જયિની ભવસિ શ્રીદેવિ તે નમો લલિતે

દૈવિકસમ્પદુપેતે શ્રુત્યા ગીતે સુરાઙ્ગનાગીતે ।
પ્રાણાન્વિતરસિ સા ત્વં દેહિકૃતે દેવિ તે નમો લલિતે

દૈહિકશક્તિષુ પઞ્ચ પ્રાણાઃ પ્રબલા હિ તે ત્વમેવાસિ ।
સાહસિકસત્ત્વરૂપે રૂપે રૂપે ત્વમેવ નનુ લલિતે

દોરતિરાજિતકરભે કરભોરૂણાં કરાર્ચિતે મહિતે ।
દૂરીકુરુ હૃદયાન્તસ્તિમિરં તિમિરઘ્નિ તે નમો લલિતે

દોર્દણ્ડખણ્ડિતાસુરચણ્ડબલે વહ્નિમણ્ડલે ભુવનમ્ ।
પાલયસિ બાલકાનાં શરણં માતાઽસિ તે નમો લલિતે

દૌર્ગત્યતૂલવાત્યા સત્યાયૈવાવતારિણી ત્વમસિ ।
સ્વર્ગાપવર્ગદાત્રી ત્વં તાવદ્દેવિકે નમો લલિતે

દણ્ડધરજયિનિ રાજ્યં નિહિતં ત્વયા હિ સચિવાસુ ।
શ્યામલકાદિષુ તસ્માજ્જયસિ જગદ્રાજ્યમમ્બ તે લલિતે

ધરણિર્માનવધાત્રી નીચૈઃ પાતાલસપ્તકં લલિતે ।
ઉપરિ વ્યાહતિમહિતા લોકાસ્તાવત્તવાશ્રયે સન્તિ

ધત્સે ત્રીનપિ લોકાન્ દેવાનાં મર્ત્યપન્નગાનાં ચ ।
ઉત્સેધભાજ એતાનાતનુષે ત્વં નમોઽસ્તુ તે લલિતે

ધારયસિ વિશ્વભારં ચેમં જૈત્રં તવાસ્તિ નનુ દૈન્યમ્ ।
રાજસતામસરૂપા સમરેરાતીન્ નિવારયેસ્ત્વં હિ

ધિક્કતદાનવસેને ધુરિ ચાન્યત્રાપિ વર્તસે ત્વં હિ ।
ન્યક્કૃતવૈરીભઘટી ત્રિગુણાતીતે નમો નમો લલિતે

ધીમતિ ધુરિ સા નૃત્યં મહ્યં ભવસિ બોધદષ્ટ્યૈવ ।
તેન પરાપરરૂપા ખ્યાતાસિ ત્વં નમોઽસ્તુ તે લલિતે

ધીશક્ત્યગમ્યરૂપે જ્ઞાનાનન્દામતાત્મરૂપધરે ।
લોકબ્રહ્માકારે જ્ઞાનસુવેદ્યે નમોઽસ્તુ તે લલિતે

ધુરિતે સુખિનો જગતિ સુખજીવબ્રહ્મણોસ્સમં ચ સતામ્ ।
ભૂતેષુ ચાત્મનોસ્ત્વં નિયતિસ્તુભ્યં નમો નમો લલિતે

ધૂર્જટિપત્નિ નમસ્તે ધાત્રિ સ્તવનપ્રિયે સદાનન્દે ।
આર્જવમાતનુષે ત્વં ભક્તજને તે નમો નમો લલિતે

ધતિધાત્રિ જીવજગતાં ષોડશસઙ્ખ્યાગુણાન્વિતા ભવતી ।
વર્ણાનાં ચ કલાનાં ઋતવત્યાસ્તે ગણો નમો લલિતે

ધેનુરસિ સુમાનસાનાં સા સાધ્વાનન્દપ્રદાયિની મહિતા ।
આનતસજ્જનસુખદા સાધ્વી ત્વં દેવિ તે નમો લલિતે

ધૈર્યસ્થૈર્યયુતં મે કુરુ હૃદયં કામરૂપિણી સતતમ્ ।
પીતાસવે સવેલામેતાં પાયાઃ ક્ષિતિં નમો લલિતે

ધૌતામ્બરપરિધાને જાતાનન્દે કલાનિધે સતતમ્ ।
કાર્યાકાર્યવિદં માં કુર્યાસ્તુભ્યં નમો નમો લલિતે

નળિનાક્ષિ વેદમાતઃ ત્વત્તઃ કાવ્યપ્રિયા ચ વાગુદિતા ।
કાવ્યકલાનાં જ્ઞાનં જનય મયિ ત્વં નમોઽસ્તુ તે લલિતે

નવરસમયમધુરાક્ષરપદરચનાશાવતી પ્રસન્ના ચ ।
ભવસિ હિ રસરૂપા ત્વં રસનારઙ્ગે રમસ્વ મમ લલિતે

નવરસનિધિરસિ નાદાનન્દિનિ સર્વત્ર વર્તમાનેમ્બ ।
ભવભવજનિમજ્જનના ત્વં મે શરણં નમોઽસ્તુ તે લલિતે

નતગાત્રિ ગોત્રકીર્તિં વર્ધયસિ ત્વં નિજાશ્રિતાનાં ચ ।
શ્રુતિવચનગીયમાને પુષ્પાઙ્ગી ત્વં નમોઽસ્તુ તે લલિતે

નરસુરકુલપરિપાલિનિ ચારુચરિત્રે પુરાતની દેવિ ।
સુરનરકિન્નરદાનવધીરાધારે નમોઽસ્તુ તે લલિતે

નરહરિસરસિજસમ્ભવનિટિલાક્ષાનપ્યસૂત યા દેવી ।
સરસિજવદના પૂજ્યા સા ત્વં જગતાં નમોઽસ્તુ તે લલિતે

નરહૃદયભાવવીચીરવકારયસિ ત્વમેવ સઙ્કલ્પમ્ ।
પરમિહ સાફલ્યં તે કરુણામાલમ્બતેમ્બ હે લલિતે

નલિનદલાયતનયને સુલભદયાપાઙ્ગબન્ધુરે લલિતે ।
જલરુહનયનારાધ્યે માતર્માં પારિતે નમો દેવિ

ન હિ રવિશશિતારાભા વિદ્યુદ્દીપ્તિશ્ચ સામ્યતામેતિ ।
યસ્માદધિકસ્તેજોરાશિસ્ત્વં દેવિ તે નમો લલિતે

નાયાસ્યતિ તુલનાં તે જ્યોતિશ્ચાત્યેતિ યત્ત્વિષસ્સર્વાઃ ।
યત્ સ્ફુરતિ દહનરાશેર્ધામાધિકમસ્તિ તત્ત્વમસિ દેવિ

નારાયણિ નરકાર્ણવકારિણિ પરમાણુરૂપિણિ શ્રીશે ।
તારય માં ભવજલધેર્લલિતે માતર્નમોસ્તુ તે સતતમ્

નારાયણમદનાન્તકસરસિજભવધામ તેજસાતીતે ।
સ્વીયેન સર્વમાન્યે બ્રહ્માનન્દે નમોઽસ્તુ તે લલિતે

નાનાયુધહસ્તાપિ ત્વં ભવપાશચ્છિદં કરે પાશમ્ ।
માનિનિ ધારયસીદં યુક્તં તે ભાતિ તે નમો લલિતે

નાનાપાપવિધાયકમજ્ઞાનં પાશમીશરિપુધાર્યમ્ ।
દ્વયમપિ નાશયસિ ત્વં સકૃદપિ નમતાં નમોઽસ્તુ તે લલિતે

નાશયસિ મન્ત્રશક્તીરખિલાસ્ત્વં ચાભિચારકૈર્વિહિતાઃ ।
કિતવાનપિ તાન્ સુજને કૈતવકત્યં વિતન્વતાં લલિતે

નાનાવતારરૂપા રૂપાતીતાપિ તાન્ ગુણાનેવ ।
ત્રીનાદાય જગત્યૈ જયસિ હિ માતર્નમોસ્તુ તે લલિતે

નિરવદ્યહૃદ્યચરિતે નિર્ગુણરૂપેમ્બિકે નિરાધારે ।
શરણાગતપરિપાલિનિ દીનં માં પાહિ તે નમો લલિતે

નિત્યા ત્વમસિ ન ભુવનં તદ્ભુક્ત્વા વાવિનાશિપુષ્પફલા ।
તપ્યસિ દેવાનન્દે બ્રહ્મણિ હંસેન સારસે રમસે

નીરજગન્ધિનિ નિત્યં મુનિમાનસહંસિ હંસકુલમુદિતે ।
વારિદબન્દસવર્ણે હેમચ્છાયે સિતાઙ્ગિ માં પાહિ

નીતિપથસત્યમાર્ગે બ્રહ્મપદં ચાનુવર્તમાના ત્વમ્ ।
માતરસિ સત્યરૂપા ગમયસિ સાધૂન્ નિજાધ્વના સા ત્વમ્

નીતિમનુસરતિ લોકો નીતિં સત્યં ચ પાલયન્નેવ ।
યાતિ સુખમિહ પરત્ર ચ નો ચેન્માતસ્ત્વમેવ દણ્ડયસે

નીલાપાઙ્ગતરઙ્ગૈ રક્ષિતભુવને જગત્ત્રયીજનનિ ।
બાલારુણવરવસને રક્ષ ત્વં માં નમોઽસ્તુ તે લલિતે

નુતયો ભવન્તિ વાચો માતસ્તે તેન કેનચિદ્વિધિના ।
ઇતિ મતમનુચિન્ત્યામૂર્લલિતે વાચસ્તવ પ્રિયાસ્સન્તુ

નુતિમેવાર્હસિ નિત્યં સત્યં સાધ્વીત્વપાલનં સ્ત્રીણામ્ ।
ઇતિ નનુ સત્યસિ નામ્ના સત્યધના માતરાત્મચરિતેન

નુતિપરવચનાનન્દિનિ શતધતિશક્ત્યૈકશક્તિરેવાસિ ।
નુતશક્તશક્તિરૂપે સતિ સત્યબ્રહ્મરૂપિણી ત્વમસિ

નૂતનજલધરકેશે નાશિતભુવનાર્તિસંભવક્લેશે ।
માતરુદારમનસ્કે પાતય મયિ દૃષ્ટિમાતતાં કલયે

નકુલં દેવકુલં તે સન્તતિરેવામ્બ દૈત્યકુલમેવમ્ ।
સકલકુલાનાં જનની ત્વમસિ હિ તુભ્યં નમો નમો લલિતે

નેહ તવૈકં કાર્યં ગુરુતરમસ્ત્યમ્બ તેન બહુરૂપા ।
ભવસિ જગત્ત્રયજનની પદવી ગુર્વી હિ તે નમો લલિતે

નૈતિકપદનિરતા યે તે ત્વામર્ચન્તિ વિધિવદેવામ્બ ।
જ્ઞાનધના અન્યેષાં હિતમિહ કુર્વન્તિ તે પ્રભાવેણ

નોદયસિ બીજસારં તેનૈવોદેતિ પાદપસ્તુ ફલે ।
વેદમયિ પ્રવિશસિ ત્વં ભૂતાનિ ત્વં ચતુર્વિધાનિ ચાતનુષે

નૌરસિ ભજતાં સતતં તારયિતું જનનમરણવારાશિમ્ ।
સતતં રમયસિ તાનિહ ચતુરે ચણ્ડિ ત્વમેવ માં પાહિ

નન્દીશવન્દિતાઙ્ઘ્રે નિયમાયત્તાં કરોષિ જગતીં તુ ।
આજ્ઞાસિ તેન સર્વે નિજનિજકાર્યે રતાસ્સદા લલિતે

નન્દયસિ નન્દનાનાં હૃદયાનિ ત્વં ત્વયા નિયુક્તા યે ।
કુર્વન્તિ નૈજકાર્યં પવનઃ પવતેગ્નિરુજ્વલત્યનિશમ્

નન્દયતીન્દુઃ પવનઃ પવતે ભાનુઃ પ્રબોધયત્યખિલાન્ ।
આજ્ઞાનુવર્તિનસ્તે શ્રુતિરેવાત્ર પ્રમાણમમ્બ નનુ

પરમાધારે જગતાં જગદીશ્વરિ જનનમરણભીતિહરે ।
પ્રકટિતવિશ્વાકારે માતસ્તુભ્યં નમો નમો લલિતે

પરવતિ જગતિ દયા તે દુરિતહરે ક્રૌર્યમિવ તુ તે ચિત્રમ્ ।
જગદીશ્વરિ તે ચરિતં સાધું કુરુ માં પુનીહિ તે તનયમ્

પવનાન્ પઞ્ચાસૂનપિ પઞ્ચાપ્યવસિ ત્વમિન્દ્રિયાણ્યમ્બ ।
વિનિયોજય તાન્યુચિતે કાર્યે ત્વં નૈજચેતનાનમ્બ

પવનાનુકૂલજીવાઃ કાઙ્ક્ષાપેક્ષોદિતાક્ષરાણ્યેવ ।
પીઠાનિ તેમ્બ તસ્માત્ પઞ્ચાશત્‌પીઠરૂપિણી ત્વમસિ

પવનાદિશક્તયો વા હરિપુરહરપદ્મજાદિશક્તિર્વા ।
ત્વાં તુ નિયન્તુમશક્તા નિર્લેપા ત્વં વિરાજસે લલિતે

પર્વતરાજકુમારી ત્વમસિ હિ જગદીશ્વરી વિવિક્તસ્થા ।
ચર્વિતરાજસતામસગર્વે શર્વે ભવેહ મયિ સદયા

પાવનગાત્રિ મુમુક્ષોર્મુક્તિં દત્સેસિ વીરમાતા ત્વમ્ ।
અજ્ઞાનનાશિની ત્વં રક્ષસિ વીરાન્ મહીતલે લલિતે

પાવય મામયિ લલિતે પાવકજલવાયુભૂમયં ભુવનમ્ ।
પાવનમાર્ગે નિયતં વિયતસ્ત્વમેવ ભવસિ નનુ

પાવિતનતજનહૃદયે ડામ્ભિકજનગર્વચર્વિણી ત્વમસિ ।
મુક્તિપ્રદા મુકુન્દા યોજય જનહૃદયપઙ્કજાન્યમ્બ

પાવનતરપદરૂપે નિર્વાણાનન્દરૂપિણી બ્રાહ્મિ ।
દેવિ દયમયિ ગિરિજે કાતરતાં મે નિવારયેર્લલિતે

પિતપિતપિતજનમૂલે મૂલપ્રકૃતેશ્ચ મૂલરૂપા ત્વમ્ ।
આકારાણાં મૌલિકવિગ્રહરૂપાસિ તત્ત્વતો લલિતે

પિતવનચરશિવદયિતે ભાવાનામપ્યનેકરૂપાણામ્ ।
બોધવતિ ભાવગમ્યે બહુભાવસ્થે નમોઽસ્તુ તે લલિતે

પીનનિતમ્બિનિ પીનસ્તનભારાનમ્રચપલતનુવલ્લી ।
પીતાસવારુણાક્ષિ ક્ષરમપિ જગદવસિ કરુણયા લલિતે

પુણ્યવતિ પુણ્યદાત્રી ત્વમસિ હિ ભવરોગનાશિની જનની ।
ભવચક્રચાલયિત્રી ચક્રેશ્વરિ ચક્રધારિણી ત્વમસિ

પુણ્યવિવર્ધકવેદચ્છન્દસ્સારાન્વિતે કવીન્દ્રનુતે ।
પુણ્યવિવર્ધિનિ નમતાં માતસ્તુભ્યં નમો નમો લલિતે

પૂતામ્નાયમતાનાં વિવિધવિચારાન્ વિવિચ્ય બોધયતામ્ ।
શાસ્ત્રાણામપિ સારસ્ત્વં તાવદ્ભવસિ દેવિ કલ્યાણિ

પૃથગવનસારદાનાદ્ મન્ત્રાઃ પાત્રૈસ્તુ ગોપનીયાસિ ।
તદ્વસ્તુરૂપિણી ત્વં ગીતાચાર્યાદિભિશ્ચ ગીતાસિ

પેલવતાઙ્ગે કાર્શ્યં તવ તુ વલગ્ને સ્તનદ્વયે જઘને ।
વિપુલત્વમતિમનોજ્ઞં પરિણાહસ્તે મનોહરા ત્વમસિ

પૈતકસમ્પદિવાન્તે સુકતવતાં કલ્પવલ્લરી ત્વમસિ ।
પરમોદારા ભવસિ હિ વૃદ્ધિમતીહામ્બ દેવિ હે લલિતે

પોતેષુ પોતવાહાનમિતશ્રીકીર્તિસૌખ્યસમ્પન્ના ।
અન્યાનપિ તન્વાના લલિતે ચોદ્દામવૈભવા જયસિ

પૌર્ણિમશશધરવદને નાનાવર્ણસ્વરૂપિણી ત્વમસિ ।
અરુણશ્યામલધવલપ્રીતિમતી ત્વં વિરાજસે લલિતે

પઙ્કજષટ્કવિહારિણિ જન્મજરામરણતપ્તલોકાનામ્ ।
વિશ્રાન્તિદાયિની ત્વં શાશ્વતસુખદાસિ વન્દિનાં લલિતે

પાણ્ડિત્યવેદ્યરૂપે શ્રુત્યન્તોદ્ઘુષ્ટતાપસા ભોગ્યે ।
પાણ્ડિત્યદાત્રિ ભજતાં માતસ્તુભ્યં નમો નમો લલિતે

પિણ્ડીકૃતચ્છટાન્વિતભુવને પૃથગાત્મતાતનુદપ્તે ।
શાન્તિમતી ચ કલા ત્વં ખપ્રણવાધઃસ્થિતાસિ ગુહજનની

ફલભારનતલતાઙ્ગી માતઙ્ગી ત્વં મદાલસા નિત્યમ્ ।
ફલદલચરુસુમપૂજા સાત્ત્વિકરૂપા તુ રોચતે તુભ્યમ્

ફલિનીલતાફલાન્વિતતરુરુલ્લસતિ યથામ્બ ત્વં લસસિ ।
અલઘુકપામયિ મયિ તે કરુણાસ્તાં દેવિ તે નમો લલિતે

ફાલે ચન્દ્રકલાપે શોભાવૃદ્ધિં કરોતિ ગમ્ભીરે ।
મૌલીન્દુરિન્દુશોભાં વર્ધયતિ ત્વં પ્રસીદ મયિ લલિતે

બત બત ગગનાન્તઃસ્થા ગમ્ભીરા ગર્વિતાસિ સા નિત્યમ્ ।
અહમિતિ સકલં વેત્સિ ત્વં નનુ સર્વત્ર પૂર્ણરૂપતયા

બલવત્યેવ કલા તે નાદો બિન્દુસ્તતોધિકસ્તેન ।
ગાનપ્રિયાસિ સા ત્વં પ્રણવાકારા હિ સન્તતં લલિતે

બાલાદિશક્તિસેનાપાલિતભુવને મનોહરધ્યાને ।
લીલામયિ મયિ કરુણાં સતતં કુરુ દેવિ ચઞ્ચલાપાઙ્ગી

બાઢં પ્રકાશમાને કૈતવરહિતેમ્બ કલ્પનારહિતે ।
ગૂઢાર્થમયિ મયિ ત્વં દેવિ દયેથાઃ સદૈવ દયનીયે

બાલેવ ભાસમાના ત્વં કાન્તા પાપહારિણી ભવસિ ।
લીલાકલ્પિતભુવનેશ્વરિ ભુવનમઙ્ગલે લલિતે

બાલારાધ્યે તપસા યુક્તે બાલેન્દુભાસિતે લલિતે ।
લીલાતાણ્ડવપણ્ડિતદેહાર્ધં પ્રાપ્તવત્યપિ ત્વમસિ

બાધા અતીત્ય સકલા બાધાક્રાન્તાન્ વિલોક્ય યજમાનાન્ ।
આધિવિમુક્તાન્ કુરુષે ત્વમિદં ભુવનં ચ પાલયેરેવ

બાધાવારિણિ જગતાં ક્ષેમઙ્કરિ કારણેભ્ય ઉન્મુક્તે ।
સાધુજનગીયમાને સતતં મામમ્બ પાલયેરેવ

બુધવિબુધવન્દ્યમાને કામરતિપ્રીતમાનસે સદયે ।
કનકાઞ્ચિતતાટઙ્કે માતર્નતિરસ્તુ તે સુરૈર્ગિતે

બોધયસિ લોકયાત્રાં દાક્ષિણ્યં ત્યાગશીલતાં સહજામ્ ।
ભીતિમિહ કતિ વિદુર્વા જાને નાહં પ્રબોધ મયિ લલિતે

બોધવિહીના બાલા વયમિહ બોધપ્રદીપદાનેન ।
અસ્માનુદ્ધર લીલાવિગ્રહધારિણિ મયિ પ્રસીદ શિવે

બોધકરૂપિણિ જગતાં જનનમતિદ્વન્દ્વશૃઙ્ખલારહિતે ।
નાશાતીતે માતઃ ત્વં નઃ કામં પ્રદેહિ હે લલિતે

બન્ધૂકકુસુમશોભે શોભેથાસ્સ્વાઙ્ગસંપદસ્સતતમ્ ।
સૌન્દર્યસંપદેકા રમયતિ જગતીં તવામ્બ હે લલિતે

બન્ધનશતમિહ ભુવને તૈસ્ત્વમખિલાનિહૈવ બન્ધયસિ ।
સિન્ધૌ સંસારાખ્યે ઘાતયસિ ત્વં કુતો ન જાનેમ્બ

ભજતામનન્તસુખદા વાજિવરૂથાદિસમ્પદા કલિતા ।
ભુજનિહિતલોકભારા રાજીવાક્ષિ ત્વમેવ નનુ લલિતે

ભજતામપિ સુખદા ત્વં સુજનાનાં ચ પ્રસીદસીહૈવ ।
વિજયત એવ સમાધિઃ સમતારૂપસ્ત્વયીહ હે દેવિ

ભક્તિપ્રિયાસિ સા ત્વં પ્રીતિસ્તે દેવિ દેવતાખ્યાતા ।
યુક્તિકતપૂજનાનાં પૂજા તે રોચતે સદા લલિતે

ભયસાધ્વસરહિતાનાં સ્વાચારેણ નિજેચ્છયા ચરતામ્ ।
જયદા સુખદા ન ભવસિ નીચાનાં દુષ્ટનાશિની ત્વમસિ

ભવમુક્તિમિચ્છતાં તુ શ્રેયોહેતુર્હિ કર્મવેદમતમ્ ।
દેવર્ષીપિતગણાનાં કરુણામાદાય ભવતિ મનુજો હિ

ભવતિ જગત્ત્રયમેવં વેદત્રયમિષ્ટકાર્યસિદ્ધિકૃતે ।
સન્ધ્યાત્રયમનલાનાં ત્રયમિતિ દેવિ પ્રસિદ્ધમિહ લલિતે

ભવસાગરપતિતાનાં ત્રયમુદ્ધરણીયમાપદાં ભવતિ ।
ભવસિ ત્રયી ત્રિવર્ગા સર્વાધારા ત્વમેવ નનુ લલિતે

ભવસિ ત્રિસ્થાનસ્થા દેવિ ત્વં ત્રિપુરપાલિની ચાસિ ।
ભવતિ બ્રહ્મ તુ મૂલં તત્ત્વં તત્ત્વં તવેદમેવ નનુ

ભવસિ હિ નિરામયા ત્વં ભુવનં કુરુષે નિરામયં સતતં ।
ભવતિ ન કોપ્યાધારો ભવભવને તે ત્વદર્થમપિ લલિતે

ભવસિ ભુવનાવલમ્બો લમ્બોદરકાર્તિકેયજનયિત્રી ।
ભુવનત્રયપરિપાલિનિ કમ્બુગ્રીવા ત્વમેવ મે જનની

ભવસિ હિ રમમાણા ત્વં જ્ઞાનાનન્દસ્વરૂપિણી જ્ઞાને ।
સ્વીયે સ્વસ્મિન્નેવં સ્વયમિવ વિભ્રાજસે શ્રિયા લલિતે

ભવશોકનાશિની ત્વં સજસિ સુધાસારમાદરેણામ્બ ।
પાલયસિ તેન ભુવનં ભુવનમ્ભરિ મે ભવેઃ કપાલમ્બા

ભયમયજનિમતિજલધૌ મગ્નાનામવનપણ્ડિતા ત્વમસિ ।
ભવદાવકવલિતાનામાર્તાનાં પાલિની ત્વમેવામ્બ

ભવપઙ્કરાશિમગ્નાનુદ્ધર્તું ત્વં હિ પણ્ડિતા ભવસિ ।
ભવપથગત્યા લગ્નાનુધૃત્ય ત્વં નિવારયેરાર્તીઃ

ભવપાશયન્ત્રિતાનાં ભુવિ બહવસ્સન્તિ હિતકરાશ્ચ મખાઃ ।
ભવભયનાશિનિ લલિતે ભવસિ હિ યાગપ્રિયા ત્વમેવેહ

ભવસિ ત્વમમ્બ લલિતે દૈવીસમ્પત્પ્રદા ચ યાગકરી ।
ભવસિ ચ રુદ્રાણી ત્વં ભક્તાનાં સકલસૌખ્યદાનકરી

ભવસિ ચ યજમાના ત્વં ભુવનાનામેકનાયિકા ચ ત્વમ્ ।
યજમાનજીવશક્તિસ્ત્વમસિ હિ લોકપાલિની ચ ત્વમ્

ભવસિ જગત્ત્રયમૂઢ્વા ધર્માધર્મૌ ત્વમેવ ધારયસિ ।
ધર્મા ભવન્ત્યનેકે ધર્માધારે ધરાધરોદ્ભૂતે

ભવસુખરૂપિણિ લલિતે દહનઃ પવનોપિ વિધિહરિપ્રમુખાઃ ।
અમરા ધનમિચ્છન્તિ ત્વં ધનરાશેરધીશ્વરી ભવસિ

ભવસિ ધનધાન્યસમ્પદ્‌વૃદ્ધિકરી ત્વં સમસ્તસુખદાત્રી ।
ભુવનપ્રાણપ્રાણે પ્રાણાધારા શિવસ્ય ભર્તુરપિ

ભવતિ હિ જાતિઃ પ્રથમં પશ્ચાદ્વર્ણા ભવન્તિ તેષુ ચ તે ।
વિપ્રાઃ પ્રથમે લલિતે સા ત્વં વિપ્રપ્રિયાઽસિ ગુહજનનિ

ભવસિ નનુ વિપ્રરૂપા વિપ્રૈઃ સંસેવિતા ચ નિયમેન ।
વિપ્રપ્રિયમાતિષ્ઠેસ્ત્વં તાવદ્દેવિ ધર્મમર્મજ્ઞે

ભવભવસમ્ભવજન્તુભ્રમણં કારયસિ માયયા બધ્વા ।
સૃષ્ટિસ્થિતિલયયાતાયાતાનાં ત્વં તુ હેતુરેવાસિ

ભગવતિ વિશ્વગ્રાસે ગ્રાસે ગ્રાસે પ્રમોદવિકચાક્ષી ।
જગદીશ્વરિ શિવમાયે કજ્જલવર્ણે ત્વમમ્બ માં પાહિ

ભગવતિ વિદ્રુમવર્ણે જગદાનન્દપ્રદેમ્બ શુભવર્ણે ।
અગણિતમહિમાપૂર્ણે નાનાભૂષાપ્રિયેમ્બ માં પાહિ

ભગવતિ વૈષ્ણવિ કમલે કરધતકમલેમ્બ સાત્ત્વિકી માયે ।
જગદવનકોવિદે ત્વાં વન્દે માં પાહિ હેમસમકાયે

ભગવતિ વિશ્વવ્યાપિનિ નગધરવિષ્ણુસ્વરૂપિણી ત્વમસિ ।
જગદાગમલીલાનુગતાકારે નમોમ્બ તે લલિતે

ભાસારુણસિતકાલાકારે મૂર્તિત્રયાન્વિતે વરદે ।
હાસદ્યુતિવિકચાસ્યે શ્રીલે માં પાહિ કુન્દદતિ લલિતે

ભાનુસુધાકરનયને જનનવિહીને જનાર્દનાધીને ।
માનવતીડિતરૂપે જનનિ રમે પાહિ માં દયાધીને

ભાગ્યાન્વિતેમ્બ સૃષ્ટેર્મૂલસ્થાનાયિતે શ્રીયા કલિતે ।
બુદ્ધિબ્રહ્માકારે કૂટસ્થે તે નમો નમો લલિતે

ભાગ્યપ્રદેમ્બ માયાયોગ્યગુણાકારવર્ણવૃત્તિધરે ।
વિશ્વાકારે ધીરે વિશ્વેશ્વરિ તે નમોઽસ્તુ તે લલિતે

ભારતભાગ્યવિધાત્રી વીરપરીતા ત્વચલપતિપુત્રી ।
વીરસભા તે સતતં માતા રોચેત રુચિરતરગાત્રિ

ભાગ્યાયત્તાર્ચા તે ભક્તાયત્તા ત્વમમ્બ ભવસિ નનુ ।
ભાગ્યં ભક્તિં ચ વિના કથમર્ચેયં પ્રસીદ મયિ જનનિ

ભાગ્યપ્રદાપિ સા ત્વં નિષ્કામા સુકૃતદુષ્કૃતૈ રહિતા ।
જગતીતિ તે જગન્નો ભવતિ ભવાયૈવ તે નમો લલિતે

ભાવે સ્થિતાસિ યા ત્વં જન્તૂનાં ભવસિ ભાવભેદજ્ઞા ।
સા વેદશાસ્ત્રગમ્યા ગાનજ્ઞે દેવિ નાટ્યતત્ત્વજ્ઞે

ભારતિ ગાનરસજ્ઞે નાદાકારે દ્વિધાસિ નૃત્યવિધૌ ।
વરતતમુખ્યૈર્વાદ્યૈરુલ્લસિતે દેવગાયકૈઃ કલિતે

ભારતિ નાદમયી ત્વં હૃદયે નાદોપ્યનાહતો ભવતિ ।
બહિરાહતનાદસ્ત્વં લલિતે નાદસ્વરૂપિણી ત્વમસિ

ભારત્યનાહતાખ્યો નાદો હૃદયે ત્વમેવ નાદમયી ।
ચારુતરનાદરૂપા દૃશ્યશ્રવ્યાત્મના ત્વમેવાસિ

ભાવો દેહે સોઽહં મતિરિત્યજ્ઞાનસમ્ભવા ત્વં તુ ।
ભૌતિકમસ્થિરમિતિ સદ્ભાવં બોધયસિ તે નમો લલિતે

ભિદુરં વિપદચલાનાં ત્વમસિ ચ વિપદો જહિ ત્વમસ્ય મમ ।
શક્તા દ્રષ્ટુમસિ ત્વં પ્રજ્ઞાદૃષ્ટ્યા ત્વમમ્બ માં પાહિ

ભિદ્યદરવિન્દગર્ભે રમ્યે યા ભાતિ કર્ણિકા સેવ ।
મૂલે સહસ્રપત્રે બિન્દુસ્સોહં ત્વમેવ નનુ લસસિ

ભીષણભવદાવઘને સૂક્ષ્મસ્થૂલાખ્યતત્ત્વનિર્મુક્તે ।
ભૂષણભૂષિણિ કોકિલવાણિ શ્રીવાણિ તે નમો લલિતે

ભુવનમવતીર્ય જેત્રી ભાવાધીના સ્વકીયમૂલમપિ ।
વિસ્મૃત્ય પાતુકાઃ સ્યુસ્તત્ત્વમયિ ત્વં સમુદ્ધરેરસ્માન્

ભુવનાધીશ્વરિ તત્ત્વં પફભાવાર્થપ્રબોધિની ત્વમસિ ।
જ્ઞેયં બ્રહ્મ ચ સા ત્વં વિપ્રજ્ઞેયા ત્વમેવ નનુ લલિતે

ભુવને વેદાઃ સ્તવનં કર્મજ્ઞાનં ચ ગાનવિદ્યાં ચ ।
પ્રાહુસ્ત્રિવિધાઃ સામ્નાં ગાનં પ્રિયમમ્બ તે સતાં ભવતિ

ભુવનત્રયપરિપાલિનિ માતા પીયૂષરૂપિણી ભવસિ ।
બ્રહ્મસ્વરૂપિણી ત્વં રમય મનો મે નમોઽસ્તુ તે લલિતે

ભૂતેશવલ્લભા ત્વં ભૂતાનાં પાલને રતા સતતમ્ ।
ભૌતિકકષ્ટમશેષં શમય ત્વં મે કુલોકસઞ્જાતમ્

ભૂતાનામસિ માતા વિશ્વેશપ્રેયસી ત્વમેવાસિ ।
ભૂતાનુષઙ્ગિણી ત્વં ત્વામહમીડે નમોઽસ્તુ તે લલિતે

ભેષજમસિ હિ ભવામયભાજાં સંસારતરણનૌકા ત્વમ્ ।
દોષં મર્ષય માતર્મામકમમ્ભોજલોચને લલિતે

ભૈરવિ દક્ષિણમાર્ગે વામપથે વા ત્વમેવ ભવસિ નનુ ।
સવ્યાપસવ્યમાર્ગદ્વયમપ્યાશ્રિત્ય રાજસે સતતમ્

ભોગીશભૂષજાયે સર્વાપન્નાશકારિણી ત્વમસિ ।
યોગીશયોગગમ્યે સ્વસ્થા નિત્યં ત્વમેવ નનુ ભવસિ

ભોગીશકેશપાશે પ્રેમમયી ત્વં સદાશ્રયા ભવસિ ।
પ્રેમામ્બ તેઽસ્તુ નિત્યં મયિ તે નિત્યં ત્વમેવ માં પાહિ

ભૌતિકભોગવિરક્તે બ્રહ્મણિ પરમે મુદા સદાસક્તે ।
નિજભુવનાવનાસક્તે માતર્માં પાહિ દેવિ શિવશક્તે

ભમ્ભરવેણિ શુભાઙ્ગિ ત્વં ભવતાપં નિવારયેઃ કૃપયા ।
અમ્ભોરુહદલનયને શુમ્ભમદઘ્નિ ત્વમમ્બ માં પાહિ

ભઞ્જય મમ હૃદયારીન્ રઞ્જય હૃદયં પ્રદેહિ મમ શાન્તિમ્ ।
અઞ્જલિરાબદ્ધસ્તે માતર્માં પાહિ તે નમો લલિતે

મનસા સ્મરામિ દેવીં જનય જ્ઞાનં મયિ ત્વમેવ વરમ્ ।
સોઽહં ભાવેનાર્યૈઃ સેવિતચરણે નમોઽસ્તુ તે લલિતે

મહિતં ચૈતન્યં તે દિવ્યાર્ઘ્યં ભવતિ દિવ્યકુસુમં ચ ।
નિત્યોદયાન્વિતા ત્વં ભવસિ હિ જનનિ ત્વમેવ મે શરણમ્

માર્તાણ્ડારુણમૂર્તે મૂર્તીભૂતાશ્રિતામિતપ્રીતે ।
જાતાનેતાનવતાદસ્માન્ ભવાનિ હરદયિતે

માતસ્ત્વમુત્તરાશાસેવ્યા સાધ્યાસિ બોધમાર્ગેણ ।
ખ્યાતામ્નાયવિધાનૈરારાધ્યા ચ ત્વમેવ ભવસિ નનુ

માનસમલમોચયિતા લલિતાપાઙ્ગસ્તવામ્બ મનુજાનામ્ ।
સા ત્વં જગદાકારા ભવસિ બ્રહ્માસિ પાહિ મામેનમ્

મિતભુવનેમ્બ ભવાબ્ધેસ્તરણં કૈવલ્યમેવ નનુ ધત્સે ।
યદિ દયસે ત્વમનર્ઘાં કુરુ કરુણાં તે શિવેમ્બ મયિ વત્સે

મીનાક્ષિ નાદરૂપે શ્રુતિવચનૈરેવ મોદમાનામ્બા ।
ક્લેશભયનાશિની ત્વં નુતિલક્ષ્યા ભવસિ જગદમ્બ

મુક્તિપ્રદેમ્બ લલિતે નુતિસરિતસ્ત્વાં પ્રયાન્તિ સિન્ધુમિવ ।
નુતિપરવચસારાધ્યે મય્યસ્તાં તે કૃપા સદા દેવિ

મુખરીકૃતકલવીણે શ્રુતિતતિસંસ્તૂયમાનનિજવિભવે ।
અખિલામ્નાયવિદર્ચામાદદતી ત્વં વિરાજસે લલિતે

મૂર્ખં નિપુણં કુરુતે કરુણાપાઙ્ગસ્તવામ્બ હે લલિતે ।
મામપિ કરુણાપાઙ્ગૈર્નિપુણં કુરુ મે ત્વમેવ નનુ શરણમ્

મૃદુહૃદયાસિ સદા ત્વં માતરુદારાસિ નાયિકા જગતામ્ ।
વિદુરખિલા વિબુધાસ્ત્વાં સદયં મામમ્બ પાલયેસ્સતતમ્

મેધાવિની ત્વમેવં મેધાવિનમમ્બ કુરુ દયાદૃષ્ટ્યા ।
બોધય બોધમમોઘં પાલય લલિતે કૃપાસુધાવૃષ્ટ્યા

મૈત્રાદિવાસનાનાં સત્યં સુલભં ભવત્યશેષાણામ્ ।
મઙ્ગલમૂર્તે લલિતે શૃણુ કૃપયા મે સ્તવાત્મિકાં વાણીમ્

મોદયતુ માનસં તે માતર્જગતાં ચ મામકીર્વાણીઃ ।
સાદરમાકર્ણય તે નુતિમેતાં મે ત્વમમ્બ કલ્યાણી

મૌઢ્યં વારય દાર્ઢ્યં વર્ધય વચનેષુ મમ દયાભરિતે ।
આઢ્યં સુરસમ્પત્યા કુરુ મામમ્બેષ્ટસમ્પદા કલિતા

મઞ્જુલગાત્રિ સવિત્રી વિશ્વેશા ત્વં ચ સકલજગતોસ્ય ।
ધાત્રી ભવસિ હિ તન્માં પાલય દોષાન્ મમાપિ નિર્વાસ્ય

અઞ્જલિરયિ તે રચિતો માં પાયાઃ સાધુહત્સરોહંસિ

મઞ્જુલવદનસરોજે બ્રહ્માનન્દાત્મિકેમ્બ સુરમાન્યે ।
સઙ્કલ્પરૂપિણી ત્વં જયસિ સદા હંસગામિની લલિતે

મઞ્જુલમમ્બરમમ્બરવ્યોમ ભવત્કેઈશપાશ એવાસ્તે ।
મઞ્જુવિમાનસ્થા ત્વં જયસિ સુરસ્તોમવન્દિતા જગતિ

યક્ષેશમિત્રજાયે માધુર્યં નાસ્તિ મે ગલે ગાતુમ્ ।
દક્ષો નાહં સ્તોતું કથમહમારાધયામિ વા ભવતીમ્

યમજયિનિ યામિનીશપ્રોલ્લસદાસ્યે દયાસુધાજલધે ।
મર્ષય મમ યદિ દોષા માતઃ પાયાઃ સદા ત્વમેવેમમ્

યામવતીશસમાનં ભવદાનનમમ્બ હરતુ મમ પાપમ્ ।
વ્યોમચરવરવિમાને સઞ્ચરસિ ત્વં હિતં વિધાતુમિહ

યાથાર્થ્યમમ્બ વિશ્વં રક્ષસિ યા ત્વં તદેનમપિ સા ત્વમ્ ।
મામવસિ ચેતિ મન્યે નમ ઇત્યમ્બ બ્રવીમિ તે મનસા

યાચે તથાપિ સોઽહં વાચા મનસા સદામ્બિકાં ભવતીમ્ ।
વાચામગોચરા ત્વં યદ્ભદ્રં મે તદેવ વિતરેતિ

યાગાઃ પઞ્ચ ચ પઞ્ચ ત્યાગાયત્તા હિ પઞ્ચ વેદોક્તાઃ ।
પઞ્ચાગ્નિહોત્રમુખ્યાઃ પારાધ્યાશ્ચાપિ સન્તિ નનુ સુખદાઃ

યાગેષુ ચાગ્નિહોત્રપ્રમુખાઃ સન્ત્યેવ બહુવિધા યજ્ઞાઃ ।
ઇષ્ટવિશેષતયા તે રોચેતેયં સ્તુતિસ્તુ મખ એવ

યોગાધીશ્વરિ શઙ્કરિ રાગદ્વેષાદિભાવનારહિતે ।
ભો ગગનામ્બુસમીરાનલપઞ્ચકમઞ્ચકશાયિની ત્વમસિ

યોગે યાગે ધ્યેયા બ્રહ્માનન્દાત્મિકા ત્વમેવૈકા ।
પઞ્ચાનામસિ નાથા ભૂતાનાં ભૂતધાત્રિ હે લલિતે

યૌગિકવૈદિકપૂજાવિવિધાસ્સન્તિ પ્રકામમુપચારાઃ ।
ભૌતિકતન્માત્રકતાપૂજા પ્રીત્યૈ ભવેત્તવૈકામ્બ

યન્ત્રાધારા ભવસિ ત્વમપિ સુવર્ણાક્ષરાઙ્કમયમેવ ।
યન્ત્રમનેકવિધં તે મન્ત્રાઙ્કં દેવિ ભવતિ નનુ લલિતે

રચયસિ ચિત્રમયં ત્વં ભુવનં માયાખ્યકુઞ્ચમાદાય ।
શાશ્વતિ શાશ્વતસુખદે માયાસામ્રાજ્ઞિ તે નમો લલિતે

રમયસિ શમ્ભુમદભ્રં કમનીયાકારવિભ્રમૈરમ્બ ।
ક્ષમયાર્ચિતાસિ માતઃ શામ્ભવિ તુભ્યં નમઃ ક્ષમાધારે

રજસા સજસિ હિ ભુવનં રક્ષસિ ભૂતાનિ દેવિ સત્ત્વેન ।
અજહરિરૂપધરા ત્વં ભવસિ ધરાકારધારિણી લલિતે

રથમકરોત્ ત્રિપુરેભ્યઃ પૃથિવીં યસ્તે પતિઃ શિવો લલિતામ્ ।
કથમવસિ ત્વમસૂસ્ત્વં શિવમાવોઢું કિમમ્બ ન ત્રાતુમ્

રાજા ભૂમિધરાણાં તેજોરાશિઃ સુતાસિ નનુ તસ્ય ।
રાજીવાક્ષિ દયામયિ માતર્માં પાહિ સન્તતં લલિતે

રાક્ષસકોટિવિમર્દિનિ સકલૈશ્વર્યપ્રદાયિની ત્વમસિ ।
સાક્ષિણ્યપિ નનુ જગતાં શ્રીકરિ માતર્નમોઽસ્તુ તે લલિતે

રિપુદમનમાત્મશક્ત્યા નિપુણા સમરે વિધાય કૃતકૃત્યા ।
સા ત્વમસિ દેવકાર્યે ધર્મિણ્યાર્યે ત્વમેવ નનુ લલિતે

રીતિરવેદ્યા નનુ તે નિપુણૈરપિ ધર્મવર્ધિની ત્વમસિ ।
માતર્લોકાતીતે વિપદઃ સર્વા નિવારય ત્વં મે

રુદ્રપ્રિયકરિ રુદ્રે ભદ્રમુખિ ત્વં મયિ પ્રસીદ શિવે ।
ભદ્રં કુરુ કલ્યાણિ ત્વં વિનયો મે કૃતોઽયમેવ નનુ

રૂક્ષાસિ રિપુષુ નિત્યં વૃદ્ધિશ્ચાસીન્દુમણ્ડલે સુજને ।
પક્ષીવ હૃદયભાવે સાક્ષિણ્યસિ મે નિધેહિ માં સુજને

રેખાભિરઞ્ચિતાઙ્ઘ્રે શ્રીકરિ ભદ્રાભિરાગરાલોકે ।
લેખાલિગીયમાને કાકલિકાઢ્યે નમોઽસ્તુ તે લલિતે

રૂપયસિ રિપુષુ પૂર્વં ભ્રૂચાપં તદનુ કરધતં ચાપમ્ ।
રૂપવતિ ખલવિદૂરે સર્વાતીતે શમાત્મિકે પાહિ

રૌદ્રં રૌદ્રે વદનં ભદ્રં ભદ્રેષુ તાવકં રુચિરમ્ ।
ભદ્રમિહ ભદ્રરૂપે મયિ કુરુ નિત્યં ત્વમેવ ધીરત્વમ્

રઞ્જય સુજનમનાંસિ તુ ભઞ્જય દનુજાધમાનુદારેમ્બ ।
રઞ્જકસુજનકદમ્બે ભઞ્જય પાપાનિ મે સકાદમ્બે

રમ્ભોરુ મઙ્ગળાઙ્ગિ પ્રણતાભીષ્ટપ્રદેમ્બ મુનિગીતે ।
સુખકરિ સદયે હૃદયે માતર્માતઙ્ગિ તે નમો લલિતે

લલિતારવિન્દહસ્તે સુમુખી ત્વં ભવસિ પૂજયા પ્રીતા ।
લલિતે સુવાસિનીનાં સાધ્વી ત્વં ભવસિ ભવમયિ પ્રીતા

લાસ્યપ્રિયાસિ લીલાલાસ્યપ્રિયહૃદયવલ્લભા ત્વમસિ ।
આશોભમાનમૂર્તિસ્તર્પણજલબિન્દુમાત્રતુષ્ટાસિ

લાસ્યં તનોતિ વદને હાસ્યં તે લાસયતિ ચ બુધહૃદયમ્ ।
ભવસિ ચ વિશુદ્ધહૃદયા જય લલિતે શક્રપૂજિતા સદયા

લિપિશતભાષારૂપે રૂપાતીતે બહુવિધાકારે ।
મધુરામતરસવર્ષિણિ માતર્માં પાહિ સજ્જનાધારે

લીનાસિ જગતિ જગતીં કુક્ષૌ નિક્ષિપ્ય રક્ષસિ પ્રીતા ।
લીલારવિન્દભઙ્ગી નાદાનુમુદિતેઽસ્તુ વન્દનં લલિતે

લુભ્યતિ જગતી તુભ્યં સભ્યાનિભ્યાન્ કરોષિ યદિ દયસે ।
અભ્યુદયમિચ્છતેમ્બ ત્વં મે યચ્છાયતિં શુભં સદયે

લેખારાધિતપાદે લાવણ્યમયી ચ પૂર્વજે જગતામ્ ।
જનનાદાશ્રિતસુખદા ત્રિપુરામ્બા ત્વં પુનીહિ માં લલિતે

લોકાલોકનશીલે દશમુદ્રારાધિતે નમો લલિતે ।
શોકવિનાશિનિ નમતાં વન્દે ત્વામમ્બ કિન્નરૈર્ગીતે

લૌલ્યમતિલઙ્ઘનીયં ભવતિ યદા પાસિ નસ્તદા સદયા ।
માનસલૌલ્યવિહીનો વાચાં નિચયેન તોષયામ્યમ્બ

લમ્બોદરફણિચક્રે દ્વાદશશતપત્રવાસિની ત્વમસિ ।
દશવિધમુદ્રારૂપા યમિજનવશ્યા ચ તે નમો લલિતે

શતપત્રપત્રનેત્રે કરુણાપૂરેણ બન્ધુરાપાઙ્ગિ ।
દશમુદ્રાર્ચિતપાદે ધ્યાનાધીને ત્વમેવ માં પાહિ

શશિધરકમલજમુરહરવશગા મુદ્રાર્ચિતા ભવેદેવ ।
કિમુત તથાર્ચનવિદુષાં વિષયે મામમ્બ પાલયેરેવ

શશિમુખિ સમ્ભવસિ ત્વં મુદ્રાસુજ્ઞાનમુદ્રિકારૂપા ।
જ્ઞાનેનૈવ ચ ગમ્યા જ્ઞાનજ્ઞેયાત્મિકા ત્વમેવાસિ

શારદશશિસિતહાસે દશશતદલકમલગામિપથબોધ્રી ।
ભવસિ નનુ મૂલમુદ્રા મુદ્રાખણ્ડત્રયેશ્વરી લલિતે

શિતિકણ્ઠશક્તિરૂપે મૃત્યોર્દર્પોઽપિ નાશિતઃ શક્ત્યા ।
તવ દેવિ ગુણવતી ત્વં લલિતે યાસિ ત્રિકોણગુણસામ્યમ્

શીતાપાઙ્ગિ વિશુદ્ધે પૂર્ણચરિત્રે શિવપ્રિયે લલિતે ।
વાઞ્છિતફલદાત્રી ત્વં કુણ્ડલિની ત્વં પુનીહિ માં સતતમ્

શુદ્ધાભ્યાસસ્તુતિભિર્વેદ્યે ધ્યાનેન સેવયા ભજતામ્ ।
ષડ્વિધતત્ત્વાદ્ધ્યાનં તીર્ત્વા બિન્દુસ્થિતાસિ સા ત્વં હિ

શૂલિનિ કરુણામૂર્તે ષટ્ચક્રાણિ ત્વદીયપીઠાનિ ।
શેષે સહસ્રપત્રે સાધકસુખદાત્રી તે નમો લલિતે

શોકામયહરકરુણાપૂર્ણાપાઙ્ગે શુચિસ્મિતે લલિતે ।
શોકમશેષં મામકમપહર માં પાહિ તે નમો વિહિતમ્

ષણ્મુખગણપતિજનની ત્વં સર્વાનવસિ કરુણયા સતતમ્ ।
શરવણભવનુતસુગુણે શર્વાણી ત્વં સદૈવ માં પાહિ

ષડ્જાદિનાદમોદિનિ ષડ્ગુણસમ્પત્તિસંયુતે લલિતે ।
અજ્ઞાનતિમિરદીપા ત્વમસિ હિ જગતાં નસ્સુખં દેહિ

ષટ્ચક્રચારિણી ત્વં જ્ઞાનાનન્દપ્રદાયિની નમતામ્ ।
કુણ્ડલિનીતિ ત્વમસિ હિ નિત્યારાધ્યા ચ તન્મુખાદ્ભવસિ

ષાડ્ગુણ્યપૂર્ણચિત્તે ચક્રાન્તર્વાસિની તદાધારા ।
જગતામસિ સુખદાત્રી જગદીશ્વરિ પાહિ માં કપાપાઙ્ગૈઃ

સકલજનસેવ્યમાના સકલાભિષ્ટપ્રદા ત્વમેવાસિ ।
સકલવિધાર્ચા પ્રીતા સુલભા ત્વં દેવિ માનવાનાં હિ

સાત્ત્વિકરાજસતામસપૂજા આદાય તત્સમાનફલમ્ ।
દત્ત્વા રક્ષસિ બાલાન્ સાત્ત્વિકપૂજા તવ પ્રિયૈવ નનુ

સાધયસિ કાર્યજાતં સ્વનિદેશાદેવ શાસનં કોઽપિ ।
નોલ્લઙ્ઘયેત્ ત્વમમ્બ શ્રીચક્રાગારવાસિની ભવસિ

સારસ્વતસામ્રાજ્યે નાદવિચારાદેવ મોદમાનાસિ ।
સારસ્વતવિધિસુલભાં નુતિશક્તિં મે પ્રદેહિ હે લલિતે

સારસગામિનિ લલિતે લીલાક્ષણમાત્રપાલનખ્યાતે ।
વાહય કરુણાસ્રોતઃ શ્વાસોચ્છ્વાસેષુ દેહિનાં લલિતે

સિદ્ધિપ્રદેમ્બ સીમાકારિણિ જગતાં ચ સુમુખિ સૂક્ષ્મતનો ।
સૃષ્ટિકરિ દેવતાનાં સોમસમેતા સૌખ્યદાસ્વ  મયિ નિત્યમ્

હરહારવેણિ લલિતે હિતકરિ સર્વોત્તમેષુ સુતભાવે ।
હુતવહસમ્ભવમાતા ત્વમસિ હિ તુભ્યં નમોઽસ્તુ   હે લલિતે

હેમાઙ્ગદાઙ્ગશોભાતોષિતભુવનત્રયે મહાદેવિ ।
શિવશક્ત્યભેદરૂપે વિશ્વાધારેમ્બ પાહિ માં લલિતે

ક્ષતિરિહ યદિ નુતિકુસુમસ્રજિ સોઢ્વા ધારય ત્વમેવામ્બ ।
કણ્ઠે શ્રીકણ્ઠેન ત્વમપિ રમસ્વામ્બ રમય માં ચ હરમ્

જ્ઞાનધનપૂજ્યમાને જ્ઞાનાનન્દે સદા શિવાનન્દે ।
મતિકુસુમપાલકે તે પ્રીતિં તનુતામિયં કૃતિર્લલિતે