Arthashastra · Chapter 03.3

dvādaśa.varṣā strī prāpta.vyavahārā bhavati, ṣoḍaśa.varṣaḥ pumān //

ata ūrdhvam aśuśrūṣāyāṃ dvādaśa.paṇaḥ striyā daṇḍaḥ, puṃso dvi.guṇaḥ // iti śuśrūṣā /

bharmaṇyāyām anirdiṣṭa.kālāyāṃ grāsa.ācchādanaṃ vā^adhikaṃ yathā.puruṣa.parivāpaṃ saviśeṣaṃ dadyāt //

nirdiṣṭa.kālāyāṃ tad eva saṃkhyāya bandhaṃ ca dadyāt //

śulka.strī.dhana.ādhivedanikānām anādāne ca //

śvaśura.kula.praviṣṭāyāṃ vibhaktāyāṃ vā na^abhiyojyaḥ patiḥ // iti bharma /

"naṣṭe" "vinaṣṭe" "nyaṅge" "apitṛke" "amātṛke" ity anirdeśena vinaya.grāhaṇam //

veṇu.dala.rajju.hastānām anyatamena vā pṛṣṭhe trir āghātaḥ //

tasya^atikrame vāg.daṇḍa.pāruṣya.daṇḍābhyām ardha.daṇḍāḥ //

tad eva striyā bhartari prasiddha.doṣāyāḥ //

īrṣyayā bāhya.vihāreṣu dvāreṣv atyayo yathā.nirdiṣṭaḥ // iti pāruṣyam /

bhartāraṃ dviṣatī strī sapta.ārtavāny amaṇḍayamānā tadānīm eva sthāpya^ābharaṇaṃ nidhāya bhartāram anyayā saha śayānam anuśayīta //

bhikṣuky.anvādhi.jñāti.kulānām anyatame vā bhartā dviṣan striyam ekām anuśayīta //

dṛṣṭa.liṅge maithuna.apahāre savarṇa.apasarpa.upagame vā mithyā.vādī dvādaśa.paṇaṃ dadyāt //

amokṣyā bhartur akāmasya dviṣatī bhāryā, bhāryāyāś ca bhartā //

parasparaṃ.dveṣān mokṣaḥ //

strī.viprakārād vā puruṣaś cen mokṣam icched yathā.gṛhītam asyai dadyāt //

puruṣa.viprakārād vā strī cen mokṣam icchen na^asyai yathā.gṛhītaṃ dadyāt //

amokṣo dharma.vivāhānām // iti dveṣaḥ /

pratiṣiddhā strī darpa.madya.krīḍāyāṃ tri.paṇaṃ daṇḍaṃ dadyāt //

divā strī.prekṣā.vihāra.gamane ṣaṭ.paṇo daṇḍaḥ, puruṣa.prekṣā.vihāra.gamane dvādaśa.paṇaḥ //

rātrau dvi.guṇaḥ //

supta.matta.pravrajane bhartur adāne ca dvārasya dvādaśa.paṇaḥ //

rātrau niṣkasane dvi.guṇaḥ //

strī.puṃsayor maithuna.arthena^aṅga.viceṣṭāyāṃ raho^aślīla.sambhāṣāyāṃ vā catur.viṃśati.paṇaḥ striyā daṇḍaḥ, puṃso dvi.guṇaḥ //

keśa.nīvi.danta.nakha.ālambaneṣu pūrvaḥ sāhasa.daṇḍaḥ, puṃso dvi.guṇaḥ //

śaṅkita.sthāne sambhāṣāyāṃ ca paṇa.sthāne śiphā.daṇḍaḥ //

strīṇāṃ grāma.madhye caṇḍālaḥ pakṣa.antare pañca.śiphā dadyāt //

paṇikaṃ vā prahāraṃ mokṣayet // ity atīcāraḥ /

pratiṣiddhayoḥ strī.puṃsayor anyonya.upakāre kṣudraka.dravyāṇāṃ dvādaśa.paṇo daṇḍaḥ, sthūlaka.dravyāṇāṃ catur.viṃśati.paṇaḥ, hiraṇya.suvarṇayoś catuṣ.pañcāśat.paṇaḥ striyā daṇḍaḥ, puṃsor dvi.guṇaḥ //

ta eva^agamyayor ardha.daṇḍāḥ, tathā pratiṣiddha.puruṣa.vyavahāreṣu ca // iti pratiṣedhaḥ /
KAZ03.3.32ab/ rāja.dviṣṭa.aticārābhyām ātma.apakramaṇena ca /
KAZ03.3.32cd/ strī.dhana.ānīta.śulkānām asvāmyaṃ jāyate striyāḥ //E
(ḷeaving home^ ṅoing away (with a man)^ ṣhort absence from home^ ḷong absence from home)