Arthashastra · Chapter 02.17

kupya.adhyakṣo dravya.vana.pālaiḥ kupyam ānāyayet //

dravya.vana.karma.antāṃś ca prayojayet //

dravya.vanac.chidrāṃ ca deyam atyayaṃ ca sthāpayed anyatra^āpadbhyaḥ //

kupya.vargaḥ - śāka.tiniśa.dhanvana.arjuna.madhūka.tilaka.sāla.śiṃśapā.arimeda.rāja.adana.śirīṣa.khadira.sarala.tāla.sarja.aśva.karṇa.soma.valka.kuśa.āmra.priyaka.dhava.ādiḥ sāra.dāru.vargaḥ //

uṭaja.cimiya.cāpa.veṇu.vaṃśa.sātina.kaṇṭaka.bhāllūka.ādir veṇu.vargaḥ //

vetra.śīka.vallī.vāśī.śyāma.latā.nāga.latā.ādir vallī.vargaḥ //

mālatī.mūrvā.arka.śaṇa.gavedhukā.atasy.ādir valka.vargaḥ //

muñja.balbaja.ādi rajju.bhāṇḍam //

tālī.tāla.bhūrjānāṃ pattram //

kiṃśuka.kusumbha.kuṅkumānāṃ puṣpam //

kanda.mūla.phala.ādir auṣadha.vargaḥ //

kāla.kūṭa.vatsa.nābha.hālāhala.meṣa.śṛṅga.mustā.kuṣṭha.mahā.viṣa.vellitaka.gaura.ardra.bālaka.mārkaṭa.haimavata.kāliṅgaka.dāradaka.aṅkola.sāraka.uṣṭraka.ādīni viṣāṇi, sarpāḥ kīṭāś ca ta eva kumbha.gatāḥ viṣa.vargaḥ //

godhā.seraka.dvīpy.ṛkṣa.śiṃśumāra.siṃha.vyāghra.hasti.mahiṣa.camara.sṛmara.khaḍga.go.mṛga.gavayānāṃ carma.asthi.pitta.snāyv.akṣi.danta.śṛṅga.khura.pucchāni, anyeṣāṃ vā^api mṛga.paśu.pakṣi.vyālānām //

kāla.ayasa.tāmra.vṛtta.kaṃsa.sīsa.trapu.vaikṛntaka.āra.kūṭāni lohāni //

vidala.mṛttikāmayaṃ bhāṇḍam //

aṅgāra.tuṣa.bhasmāni, mṛga.paśu.pakṣi.vyāla.vāṭāḥ kāṣṭha.tṛṇa.vāṭāś ca / iti //
KAZ02.17.17ab/ bahir antaś ca karma.antā vibhaktāḥ sārvabhāṇḍikāḥ /
KAZ02.17.17cd/ ājīva.pura.rakṣā.arthāḥ kāryāḥ kupya.upajīvinā //E
(ṣuperintendent of the armoury)