ardhanārī naṭeśvara stotrama · Chapter 1

ardhanārī naṭeśvara stotrama|
ardhanārīnaṭeśvarastotrama / cāṃpeyagaurārdhaśarīrakāyai karpūragaurārdhaśarīrakāya /
dhammillakāyai ca jaṭādharāya namaḥ śivayai ca namaḥ śivāya

kastūrikākuṅkumacarcitāyai citārajaḥpuñjavicarcitāya /
kṝtasmarāyai vikṝtasmarāya namaḥ śivāyai ca namaḥ śivāya

calatkvaṇatkaṅkaṇanūpurāyai pādābjarājatphaṇinūpurāya /
hemāṅgadāyai bhujagāṅgādāya namaḥ śivāyai ca namaḥ śivāya

viśālanīlotpalalocanāyai vikāsipaṅkeruhalocanāya /
samekṣaṇāyai viṣamekṣaṇāya namaḥ śivāyai ca namaḥ śivāya

mandāramālākalitālakāyai kapālamālāṅkitakandharāya /
divyāṃbarāyai ca digaṃbarāya namaḥ śivāyai ca namaḥ śivāya /५//
aṃbhodharaśyāmaḻakuntaḻāyai taḍitprabhātāmrajaṭādharāya /
nirīśvarāyai nikhileśvarāya namaḥ śivāyai ca namaḥ śivāya

prapañcasṛṣṭayunmukhalāsyakāyai samastasaṃhārakatāṇḍavāya /
jagajjananyai jagadekapitre namaḥ śivāyai ca namaḥ śivāya

pradīptaratnojjvalakuṇḍalāyai sphuranmahāpannagabhūṣaṇāya /
śivānvitāyai ca śivānvitāya namaḥ śivāyai ca namaḥ śivāya

etatpaṭhedaṣṭakamiṣṭadaṃ yo bhaktyā sa mānyo bhuvi dīrghajīvī /
prāpnoti saubhāgyamanantakālaṃ bhūyātsadā tasya samastasiddhiḥ

iti śrīmatparamahaṃsaparivrājakācāryaśrīgovindabhagavatpūjyapādaśiṣya śrīmacchaṅkarabhagavatpraṇītamardhanārīnaṭeśvarastotraṃ saṃpūrṇama //