અર્ધનારી નટેશ્વર · અધ્યાય 1

અર્ધનારી નટેશ્વર સ્તોત્રમ।
અર્ધનારીનટેશ્વરસ્તોત્રમ । ચાંપેયગૌરાર્ધશરીરકાયૈ કર્પૂરગૌરાર્ધશરીરકાય ।
ધમ્મિલ્લકાયૈ ચ જટાધરાય નમઃ શિવયૈ ચ નમઃ શિવાય

કસ્તૂરિકાકુઙ્કુમચર્ચિતાયૈ ચિતારજઃપુઞ્જવિચર્ચિતાય ।
કૄતસ્મરાયૈ વિકૄતસ્મરાય નમઃ શિવાયૈ ચ નમઃ શિવાય

ચલત્ક્વણત્કઙ્કણનૂપુરાયૈ પાદાબ્જરાજત્ફણિનૂપુરાય ।
હેમાઙ્ગદાયૈ ભુજગાઙ્ગાદાય નમઃ શિવાયૈ ચ નમઃ શિવાય

વિશાલનીલોત્પલલોચનાયૈ વિકાસિપઙ્કેરુહલોચનાય ।
સમેક્ષણાયૈ વિષમેક્ષણાય નમઃ શિવાયૈ ચ નમઃ શિવાય

મન્દારમાલાકલિતાલકાયૈ કપાલમાલાઙ્કિતકન્ધરાય ।
દિવ્યાંબરાયૈ ચ દિગંબરાય નમઃ શિવાયૈ ચ નમઃ શિવાય ।૫॥
અંભોધરશ્યામળકુન્તળાયૈ તડિત્પ્રભાતામ્રજટાધરાય ।
નિરીશ્વરાયૈ નિખિલેશ્વરાય નમઃ શિવાયૈ ચ નમઃ શિવાય

પ્રપઞ્ચસૃષ્ટયુન્મુખલાસ્યકાયૈ સમસ્તસંહારકતાણ્ડવાય ।
જગજ્જનન્યૈ જગદેકપિત્રે નમઃ શિવાયૈ ચ નમઃ શિવાય

પ્રદીપ્તરત્નોજ્જ્વલકુણ્ડલાયૈ સ્ફુરન્મહાપન્નગભૂષણાય ।
શિવાન્વિતાયૈ ચ શિવાન્વિતાય નમઃ શિવાયૈ ચ નમઃ શિવાય

એતત્પઠેદષ્ટકમિષ્ટદં યો ભક્ત્યા સ માન્યો ભુવિ દીર્ઘજીવી ।
પ્રાપ્નોતિ સૌભાગ્યમનન્તકાલં ભૂયાત્સદા તસ્ય સમસ્તસિદ્ધિઃ

ઇતિ શ્રીમત્પરમહંસપરિવ્રાજકાચાર્યશ્રીગોવિન્દભગવત્પૂજ્યપાદશિષ્ય શ્રીમચ્છઙ્કરભગવત્પ્રણીતમર્ધનારીનટેશ્વરસ્તોત્રં સંપૂર્ણમ ॥