amṛtabindūpaniṣad · Chapter 1

amṛtabindūpaniṣad
ॐ bhadraṃ karṇebhiḥ śṛṇuyāma devāḥ bhadraṃ paśyemākṣabhiryajatrāḥ /
sthirairaṅgaistuṣṭuvāṃsastanūbhirvyaśema devahitaṃ yadāyuḥ /
svasti na indro vṛddhaśravāḥ svasti naḥ pūṣā viśvavedāḥ /
svasti nastārkṣyo'riṣṭanemiḥ svasti no bṛhaspatirdadhātu /
ॐ śāntiḥ śāntiḥ śāntiḥ /
hariḥ ॐ //
mano hi dvividhaṃ proktaṃ śuddhaṃ cāśuddhameva ca /
aśuddhaṃ kāmasaṃkalpaṃ śuddhaṃ kāmavivarjitam

mana eva manuṣyāṇāṃ kāraṇaṃ bandhamokṣayoḥ /
bandhāya piṣyāsaktaṃ muktaṃye nirviṣayaṃ smṛtam

yato nirviṣyasyāsya manaso muktiriṣyate /
ato nirviṣayaṃ nityaṃ manaḥ kāryaṃ mumukṣuṇā

nirastaniṣayāsaṅgaṃ saṃniruddhaṃ mano hṛdi /
yadā''yātyātmano bhāvaṃ tadā tatparamaṃ padam

tāvadeva niroddhavyaṃ yāvaddhṛti gataṃ kṣayam /
etajjñānaṃ ca dhyānaṃ ca śeṣo nyāyaśca vistaraḥ

naiva cintyaṃ na cācintyaṃ na cintyaṃ cintyameva ca /
pakṣapātavinirmuktaṃ brahma saṃpadyate tadā

svareṇa saṃdhayedyogamasvaraṃ bhāvayetparam /
asvareṇānubhāvena nābhāvo bhāva iṣyate

tadeva niṣkalaṃ brahma nirvikalpaṃ nirañjanam /
tadabrahmāmiti jñātvā brahma saṃpadyate dhruvam

nirvikalpamanantaṃ ca hetudyāṣṭāntavarjitam /
aprameyamanādiṃ ca yajñātvā mucyate budhaḥ

na nirodho na cotpattirna baddho na ca sādhakaḥ /
na mumukṣurna vai mukta ityeṣā paramārthatā

eka evā''tmā manthavyo jāgratsvapnasuṣuptiṣu /
sthānatrayavyatītasya punarjanma na vidyate

eka eva hi bhūtātmā bhūte bhūte vyavasthitaḥ /
ekadhā bahudhā caiva dṛṣyate jalacandravat

ghaṭasaṃvṛtamākāśaṃ nīyamāno ghaṭe yathā /
ghaṭo nīyeta nā'kāśaḥ taddhājjīvo nabhopamaḥ

ghaṭavadvividhākāraṃ bhidyamānaṃ punaḥ punaḥ /
tadbhede na ca jānāti sa jānāti ca nityaśaḥ

śabdamāyāvṛto naiva tamasā yāti puṣkare /
bhinno tamasi caikatvameka evānupaśyati

śabdākṣaraṃ paraṃ brahma tasminkṣīṇe yadakṣaram /
tadvidvānakṣaraṃ dhyāyecdyadīcchechāntimātmanaḥ

dve vidye veditavye tu śabdabrahma paraṃ ca yat /
śabdabrahmāṇi niṣṇātaḥ paraṃ brahmādhigacchati

granthamabhyasya medhāvī jñānavījñānatatparaḥ /
palālamiva dhānyāryī tyajedgranthamaśeṣataḥ

gavāmanekavarṇānāṃ kṣīrasyāpyekavarṇatā /
kṣīravatpaṣyate jñānaṃ liṅginastu gavāṃ yathā

dhṛtamiva payasi nigūḍhaṃ bhūte bhūte ca vasati vijñānam /
satataṃ manasi manthayitavyaṃ manu manthānabhūtena

jñānanetraṃ samādhāya coddharedvahgivatparam /
niṣkalaṃ niścalaṃ śāntaṃ tadbrahmāhamiti smṛtam

sarvabhūtādhivāsaṃ yadbhūteṣu ca vasatyapi /
sarvānugrāhakatvena tadsmyahaṃ vāsudevaḥ

ॐ bhadraṃ karṇebhiḥ śṛṇuyāma devāḥ bhadraṃ paśyemākṣabhiryajatrāḥ /
sthirairaṅgaistuṣṭuvāṃsastanūbhirvyaśema devahitaṃ yadāyuḥ /
svasti na indro vṛddhaśravāḥ svasti naḥ pūṣā viśvavedāḥ /
svasti nastārkṣyo'riṣṭanemiḥ svasti no bṛhaspatirdadhātu /
ॐ śāntiḥ śāntiḥ śāntiḥ /
// ityatharvavede'mṛtbindūpaniṣatsamāptā //