ambāstotram - svāmī vivekānanda · Chapter 1

. ambāstotram - svāmī vivekānanda..
.. ambāstotram ..
kā tvaṃ śubhakare sukhaduḥkhahaste
āghūrṇitaṃ bhavajalaṃ prabalormibhaṅgaiḥ .
śāṃtiṃ vidhātumiha kiṃ bahudhā vibhagnām
mataḥ prayatnaparamāsi sadaiva viśve ..
saṃpādayatyavirataṃ tvavirāmavṛtā
yā vai sthitā kṛtaphalaṃ tvakṛtasya netrī .
sā me bhavatvanidinaṃ varadā bhavānī
jānāmyahaṃ dhruvamidaṃ dhṛtakarmapāśā ..
ko vā dharmaḥ kimakṛtaṃ kvaḥ kapālalekhaḥ
kiṃvādṛṣṭaṃ phalamihāsti hi yāṃ vinā bhoḥ .
icchāpāśairniyamitā niyamāḥ svataṃtraiḥ
yasyā netrī bhavati sā śaraṇaṃ mamādyā ..
santānayanti jaladhiṃ janimṛtyujālam
saṃbhāvayantyavikṛtaṃ vikṛtaṃ vibhagnam .
yasyā vibhūtaya ihāmitaśaktipālāḥ
nāśritya tāṃ vada kuta śaraṇaṃ vrajāmaḥ ..
mitre ripau tvaviṣamaṃ tava padmanetram
svasthe duḥsthe tvavitathaṃ tava hastapātaḥ .
mṛtyucchāyā tava dayā tvamṛtañca mātaḥ
mā māṃ muñcantu parame śubhadṛṣṭayaste ..
kvāṃbā sarvā kva gaṇanaṃ mama hīnabuddheḥ
dhattuṃ dorbhyāmiva matirjagadekadhātrīm .
śrīsañcintyaṃ sucaraṇamabhayapatiṣṭham
sevāsārairabhinutaṃ śaraṇaṃ prapadye ..
yā māmā janma vinayatyatiduḥkhamārgaiḥ
āsaṃsiddheḥ svakalitairllalitairvilāsaiḥ .
yā me buddhiṃ suvidadhe satataṃ dharaṇyam
sāṃbā sarvā mama gatiḥ saphale phale vā ..