Ālambanaparīkṣā · Part 11

Ālambanaparīkṣā (Āp)
ācāryadiṅnāgakṛtā
namaḥ sarvabuddhabodhisattvebhyaḥ
yadyapīndriyavijñaptergrāhyāṃśaḥ(=aṇavaḥ) kāraṇaṃ bhavet|
atadābhatayā tasyā nākṣavadviṣayaḥ sa tu(aṇavaḥ) // Ā
yadābhāsā na tasmāt sā dravyābhāvāt dvicandravat /
evaṃ bāhyadvayañcaiva na yuktaṃ matigocaraḥ // Ā
sādhanaṃ sañcitākāramicchanti kila kecana /
aṇvākāro na vijñapterarthaḥ kaṭhinatādivat // Ā
bhaveddhaṭaśarāvādestathā sati samā matiḥ /
ākārabhedādbhedaścet, nāsti tu dravyasatyaṇau // Ā
pramāṇabhedābhāvāt saḥ, adravye 'sti tataḥ sa hi /
aṇūnāṃ parihāre hi tadābhajñānaviplavāt // Ā
yadantarjñeyarūpaṃ tu vahirvadavabhāsate /
so 'rtho vijñānarūpatvāttatpratyayatayāpi ca // Ā
ekāṃśaḥ pratyayo 'vītāt śaktyarpaṇātkrameṇa[vā] /
sahakārivaśādyaddhi śaktirūpaṃ [tat] indriyam // Ā
sā cāviruddhā vijñapterevaṃ viṣayarūpakam /
pravartate 'nādikālaṃ śaktiścānyonyahetuke // Ā
ityācāryadiṅnāgakṛtā ālambanaparīkṣāprakaraṇakārikā samāptā