આલમ્બનપરીક્ષા · ભાગ 11

આલમ્બનપરીક્ષા (આપ્)
આચાર્યદિઙ્નાગકૃતા
નમઃ સર્વબુદ્ધબોધિસત્ત્વેભ્યઃ
યદ્યપીન્દ્રિયવિજ્ઞપ્તેર્ગ્રાહ્યાંશઃ(=અણવઃ) કારણં ભવેત્।
અતદાભતયા તસ્યા નાક્ષવદ્વિષયઃ સ તુ(અણવઃ) ॥ આ
યદાભાસા ન તસ્માત્ સા દ્રવ્યાભાવાત્ દ્વિચન્દ્રવત્ ।
એવં બાહ્યદ્વયઞ્ચૈવ ન યુક્તં મતિગોચરઃ ॥ આ
સાધનં સઞ્ચિતાકારમિચ્છન્તિ કિલ કેચન ।
અણ્વાકારો ન વિજ્ઞપ્તેરર્થઃ કઠિનતાદિવત્ ॥ આ
ભવેદ્ધટશરાવાદેસ્તથા સતિ સમા મતિઃ ।
આકારભેદાદ્ભેદશ્ચેત્, નાસ્તિ તુ દ્રવ્યસત્યણૌ ॥ આ
પ્રમાણભેદાભાવાત્ સઃ, અદ્રવ્યે ઽસ્તિ તતઃ સ હિ ।
અણૂનાં પરિહારે હિ તદાભજ્ઞાનવિપ્લવાત્ ॥ આ
યદન્તર્જ્ઞેયરૂપં તુ વહિર્વદવભાસતે ।
સો ઽર્થો વિજ્ઞાનરૂપત્વાત્તત્પ્રત્યયતયાપિ ચ ॥ આ
એકાંશઃ પ્રત્યયો ઽવીતાત્ શક્ત્યર્પણાત્ક્રમેણ[વા] ।
સહકારિવશાદ્યદ્ધિ શક્તિરૂપં [તત્] ઇન્દ્રિયમ્ ॥ આ
સા ચાવિરુદ્ધા વિજ્ઞપ્તેરેવં વિષયરૂપકમ્ ।
પ્રવર્તતે ઽનાદિકાલં શક્તિશ્ચાન્યોન્યહેતુકે ॥ આ
ઇત્યાચાર્યદિઙ્નાગકૃતા આલમ્બનપરીક્ષાપ્રકરણકારિકા સમાપ્તા