Agni Purana · Chapter 98

viṣṇvādisthāpanaṃ caiva pṛyaṅmantraiḥ samācaret /AP_97.087ab/
:e ity āgneye mahāpurāṇe śivapratiṣṭhā(8) nāma saptanavatitamo
'dhyāyaḥ ||
:n
1 pṛthak pīṭhe iti kha.. , ga.. , gha.. ca
2 sthāpanamityādiḥ, kuryād vibhājite ity antaḥ pāṭho ṅa.pustake
nāsti
3 svapīṭhe snapite iti kha..
4 prabhūtepyadhiveśanamiti gha..
5 vāṇaliṅgānāmiti ja..
6 piṣṭakādi ca tatkramāditi cha.. , ja.. ca
7 mṛṣṭimantreṇetyādiḥ dīkṣaṇādividhānata ity antaḥ
pāṭho ga.. pustake nāsti
8 śivapūjā iti ka..
:p 338
% Chapter {98}
:ś athāṣṭanavatitamo 'dhyāyaḥ ||
gaurīpratiṣṭhākathanaṃ
īśvara uvāca
vakṣye gaurīpratiṣṭhāñca pūjayā sahitāṃ śṛṇu /AP_98.001ab/
maṇḍapādyaṃ puro yacca(1) saṃsthāpya cādhiropayet

śayyāyāntāṃś ca vinyasya mantrānmūrtyādikān guha /AP_98.002ab/
ātmavidyāśivāntañca(2) kuryādīśaniveśanaṃ

śaktiṃ parāṃ tato(3) nyasya hutvā(4) japtvā ca pūrvavat /AP_98.003ab/
sandhāya ca tathā piṇḍīṃ(5) kriyāśaktisvarūpiṇīṃ

sadeśavyāpikāṃ dhyātvā nyastaratnādikāṃ tathā /AP_98.004ab/
evaṃ saṃsthāpya tāṃ paścāddevīntasyānniyojayet

paraśaktisvarūpāntāṃ svāṇunā(6) śaktiyogataḥ /AP_98.005ab/
tato nyaset kriyāśaktiṃ pīṭhe jñānañca vigrahe

tatopi vyāpinīṃ śaktiṃ samāvāhya niyojayet /AP_98.006ab/
ambikāṃ śivanāmnīñca samālabhya(7) prapūjayet