Agni Purana · Chapter 314

:e ity āgneye mahāpurāṇe tvaritājñānaṃ nāma
trayodaśādhikatriśatatamo 'dhyāyaḥ
% chapter {314}
:ś atha caturdaśādhikatriśatatamo 'dhyāyaḥ
stambhanādimantrāḥ
agnir uvāca
stambhanaṃ mohanaṃ vaśyaṃ vidveṣoccāṭanaṃ vade /AP_314.001ab/
viṣavyādhimarogañca māraṇaṃ śamanaṃ punaḥ

bhūrje kūrmaṃ samālikhya tāḍanena ṣaḍṅgulam /AP_314.002ab/
mukhapādacaturṣkeṣu tato mantraṃ nyaseddvijaḥ

catuṣpādeṣu krīṃ kāraṃ hrīṃ kāraṃ mukhamadhyataḥ /AP_314.003ab/
garbhe vidyāṃ tato likhya sādhakaṃ pṛṣṭhato likhet

:p 152
mālāmantraistu saṃveṣṭya iṣṭakopari sannyamet /AP_314.004ab/
vidhāya kūrmapṛṣṭhena karālenābhisampaṭhenat

mahākūrmaṃ pūjayitvā pādaprokṣantu nikṣipet /AP_314.005ab/
tāḍayedvāmapādena smṛtvā śatruñca saptadhā

tataḥ sañjāyate śatrostambhanaṃ mukharāgataḥ /AP_314.006ab/
kṛtvā tu bhairavaṃ rūpaṃ mālāmantraṃ samālikhet

oṃ śatrusukhastambhanī kāmarūpā ālīḍhakarī
hrīṃ pheṃ phetkāriṇī mama śatrūṇāṃ devadattānāṃ
mukhaṃ stambhaya 2 mama sarvavidveṣiṇāṃ mukhastambhanaṃ kuru 2
oṃ hūṃ pheṃ phetkāriṇi svāhā
phaṭ hetuñca samālikhya tajjapāntaṃ mahābalaṃ /AP_314.007ab/
vāmenaiva nagaṃ śūlaṃ saṃlikheddakṣiṇe kare

likhenmantramaghorasya saṃgrāme stambhayedarīn /AP_314.008ab/
oṃ namo bhagavatyai bhagamālini visphura 2 spanda 2 nityaklinne drava 2 hūṃ
saḥ krīṃ kārākṣare svāhā ||
etena rocanādyaistu tilakāmmohayejjagat

oṃ pheṃ hūṃ phaṭ phetkāriṇi hrīṃ jvala 2 trailokyaṃ mohaya 2
guhyakālike svāhā
anena tilakaṃ kṛtvā rājādīnāṃ vaśīkaraṃ /AP_314.009ab/
gardhabhasya rajo gṛhya kusumaṃ sūtakasya ca

nārīrajaḥ kṣipedrātrau śayyādau dveṣakṛdbhavet /AP_314.010ab/
gokhurañca tathā śṛṅgamaśvasya ca khuraṃ tathā

śiraḥ sarpasya saṃkṣiptaṃ hṛheṣūccāṭanaṃ bhavet /AP_314.011ab/
:p 153
karavīraśiphā pītā sasiddhārthā ca maraṇe

vyālachucchundarīraktaṃ karavīraṃ tadarthakṛt /AP_314.012ab/
saraṭaṃ ṣaṭpadañcāpi tathā karkaṭavṛścikam

cūrṇīkṛtya kṣipettaile tadabhyaṅgaś ca kuṣṭhakṛt /AP_314.013ab/
oṃ navarahāya sarvaśatrūn mama sādhaya 2 māraya 2 oṃ soṃ maṃ
vuṃ cuṃ oṃ śaṃ vāṃ keṃ oṃ svahā
anenārkaśatair arcya śmaśāne tu nidhāpayet

bhūrje vā pratimāyāṃ vā māraṇāya riporgrahāḥ /AP_314.014ab/
oṃ kuñjarī brahmāṇī / oṃ mañjarī māheśvarī / oṃ vetālī
kaumārī oṃ kālī vaiṣṇavī / oṃ aghorā vārāhi / oṃ vetālī
intrāṇī urvaśī / oṃ jayānī yakṣiṇī / navamātaro he mama
śatruṃ gṛhṇata 2
bhūrje nāma riporlikhya śmaśāne pūjite mriyet