Agni Purana · Chapter 196

:e ity āgneye mahāpurāṇe vāravratāni nāma pañcavanatyadhikaśatatamo
'dhyāyaḥ ||
:n
1 anurādhetyādiḥ grahārtinudityantaḥ pāṭhaḥ jha.. pustake
nāsti
:p 227
% Chapter {196}
:ś atha ṣaṇṇavatyadhikaśatatamo 'dhyāyaḥ
nakṣatravratāni
agnir uvāca
nakṣatravratakaṃ vakṣye bhe hariḥ pūjito 'rthadaḥ(1) /AP_196.001ab/
nakṣatrapuruṣaṃ cādau caitramāse hariṃ yajet

mūle pādau yajejjaṅghe rohiṇīsvarcayeddhariṃ /AP_196.002ab/
jānunī cāśvinīyoge āṣāḍhāsūrusañjñake

meḍhraṃ pūrvottarāsveva kaṭiṃ vai kṛttikāsu ca /AP_196.003ab/
pārśve bhādrapadābhyāntu kukṣiṃ vai revatīṣu ca

stanau caivānurādhāsu dhaniṣṭhāsu ca pṛṣṭhakaṃ /AP_196.004ab/
bhujau pūjyau viśākhāsu punarvasvaṅgulīryajet

aśleṣāsu nakhān pūjya kaṇṭhaṃ jyeṣṭhāsu pūjayet /AP_196.005ab/
śrotre viṣṇoś ca śravaṇe mukhaṃ puṣye hareryajet

yajet svātiṣu dantāgramāsyaṃ vāruṇato 'rcayet /AP_196.006ab/
maghāsu nasāṃ nayane mṛgaśīrṣe lalāṭakaṃ

citrāsu cārdrāsu kacānabdānte svarṇakaṃ hariṃ /AP_196.007ab/
guḍapūrṇe ghaṭe 'bhyarcya śayyāgorthādi dakṣiṇā(2)

nakṣatrapuruṣo viṣṇuḥ pūjanīyaḥ śivātmakaḥ /AP_196.008ab/
:n
1 hariḥ sarvatra pūjita iti ga..
2 śayyāgoścādi dakṣiṇā iti kha.. , ṭa.. ca / śayyāgonnādi
dakṣiṇā iti gha.. , ña.. , ja.. ca / śayyādhenvādi sakṣikā iti ṅa..
:p 228
śāmbhavāyanīyavratakṛnmāsabhe pūjayeddhariṃ

kārttike kṛttikāyāṃ ca mṛgaśīrṣe mṛgāsyake /AP_196.009ab/
nāmabhiḥ keśavādyaistu acyutāya namo 'pi vā

kārttike kṛttikābhe 'hni māsanakṣatragaṃ hariṃ /AP_196.010ab/
śāmbhavāyanīyavratakaṃ kariṣye bhuktimuktidaṃ

keśavādi mahāmūrtimacyutaṃ sarvadāyakaṃ(1) /AP_196.011ab/
āvāhayāmyahandevamāyurārogyavṛddhidaṃ

kārttikādau sakāsāramannaṃ(2) māsacatuṣṭayaṃ(3) /AP_196.012ab/
phālgunādau ca kuśaramāṣāḍhādau ca pāyasaṃ

devāya brāhmaṇebhyaś ca naktannaivedyamāśayet(4) /AP_196.013ab/
pañcagavyajalesnātastasyaiva prāśanācchuciḥ

arvāgvisarjanād dravyaṃ naivedyaṃ sarvamucyate /AP_196.014ab/
visarjite jagannāthe nirmālyanbhavati kṣaṇāt

namo namaste 'cyuta me kṣayostu pāpasya vṛddhiṃ samupaitu puṇyaṃ /AP_196.015ab/
aiśvaryavittādi sadākṣayaṃ me(5) kṣayañca mā santatirabhyapaitu

yathācyutastvamparataḥ parastāt sa brahmabhūtaḥ parataḥ parātman /AP_196.016ab/
:n
1 sarvapāpahamiti ṅa..
2 sarvasāramannamiti kha.. , ga.. , gha.. ca
3 māsacatuṣṭakamiti kha..
4 naktaṃ naivedyamarpayediti jha..
5 aiśvaryavittādi mahodayaṃ me iti jha..
:p 229
tathācyutaṃ tvaṃ kuru vāñchitaṃ me mayā kṛtampāpaharāprameya

acyutānanda govinda prasīda yadabhīpsitaṃ /AP_196.017ab/
akṣayaṃ māmameyātman kuruṣva puruṣottama

sapta varṣāṇi sampūjya bhuktimuktimavāpunuyāt /AP_196.018ab/
anantavratamākhyāsye nakṣatravratakerthadaṃ(1)

mārgaśīrṣe mṛgaśire gomūtrāśo yajeddhariṃ /AP_196.019ab/
anantaṃ sarvakāmānāmananto bhagavān phalaṃ

dadātyanantañca punastadevānyatra janmani /AP_196.020ab/
anantapunyopacayaṅkarotyetanmahāvrataṃ

yathābhilaṣitaprāptiṃ karotyakṣayameva ca /AP_196.021ab/
pādādi pūjya nakte tu bhuñjīyāttailavarjitaṃ

ghṛtenānantamuddiśya homo māsacatuṣṭayaṃ /AP_196.022ab/
caitrādau śālinā homaḥ payasā śrāvaṇādiṣu

māndhātābhūd yuvanāśvādanantavratakāt sutaḥ