Agni Purana · Chapter 194

:e ity āgneye mahāpurāṇe śivarātrivrataṃ nāma trinavatyadhikaśatatamo
'dhyāyaḥ ||
:n
1 bhuktimuktipradāyakamiti jha.. , ṭa.. ca
2 svargamokṣapradāyine iti ṅa..
:p 225
% Chapter {194}
:ś atha caturnavatyadhikaśatatamo 'dhyāyaḥ
aśokapūeṇimādivrataṃ
agnir uvāca
aśokapūrṇimāṃ vakṣye bhūdharaṃ ca bhuvaṃ yajet /AP_194.001ab/
phālgunyāṃ sitapakṣāyāṃ varṣaṃ syādbhuktimuktibhāk

kārttikyāntu vṛṣotsargaṃ kṛtvā naktaṃ samācaret /AP_194.002ab/
śaivaṃ padamavāpnoti vṛṣavratamidaṃ paraṃ

pitryā yāmāvasī tasyāṃ pitṝṇāṃ dattamakṣyaṃ /AP_194.003ab/
upoṣyābdaṃ pitṝniṣṭvā niṣpāpaḥ svargamāpnuyāt

pañcadaśyāṃ ca māghasya pūjyājaṃ sarvamāpnuyāt /AP_194.004ab/
vakṣye sāvitryamāvāsyāmbhuktimuktikarīṃ śubhāṃ

pañcadaśyāṃ vratī jyaiṣṭhe vaṭamūle mahāsatīṃ /AP_194.005ab/
trirātropoṣitā nārī saptadhānyaiḥ prapūjayet

prarūḍhaiḥ kaṇṭhasūtraiś ca rajanyāṃ kuṅkumādibhiḥ /AP_194.006ab/
vaṭāvalambanaṃ kṛtvā nṛtyagītaiḥ prabhātake

namaḥ sāvitryai satyavate naivedyaṃ cārpayed dvije /AP_194.007ab/
veśma gatvā dvijān bhojya svayaṃ bhuktvā visarjayet

sāvitrī prīyatāṃ devī saubhāgyādikamāpnuyāt