Agni Purana · Chapter 153

:e ity āgneye mahāpurāṇe gṛhasthavṛttayo nāma
vripañcāśadadhikaśatatamo 'dhyāyaḥ ||
% Chapter {153}
:ś atha tripañcāśadadhikaśatatamo 'dhyāyaḥ
brahmacaryāśramadharmaḥ
puṣkara uvāca
dharmamāśramiṇāṃ vakṣye bhuktimuktipradaṃ śṛṇu /AP_153.001ab/
ṣoḍaśartuniśā strīṇāmādyastisrastu garhitāḥ

vrajedyugmāsu putrārthī karmādhānikamiṣyate /AP_153.002ab/
garbhasya spaṣṭatājñāne savanaṃ spandanāt purā

ṣaṣṭhe 'ṣṭame vā sīmantaṃ putrīyaṃ nāmabhaṃ śubhaṃ /AP_153.003ab/
acchinnanāḍyāṃ kartavyaṃ jātakarma vicakṣaṇaiḥ

aśauce tu vyatikrānte nāmakarma vidhīyate /AP_153.004ab/
śarmāntaṃ brāhmasyoktaṃ varmāntaṃ kṣatriyasya tu

guptadāsātmakaṃ nāma praśastaṃ vaiśyaśūdrayoḥ /AP_153.005ab/
:p 120
śarmāntaṃ brahmaṇasyoktaṃ varmāntaṃ kṣatriyasya ca

guptadāsātmakaṃ nāma praśastaṃ vaiśyaśūdrayoḥ /AP_153.006ab/
bālaṃ nivedayedbhartre tava putro 'yamityuta

yathākulantu cūḍākṛd brāhmaṇasyopanāyanaṃ /AP_153.007ab/
garbhāṣṭame 'ṣṭame vābde garbhādekādaśe nṛpe

garbhāttu dvādaśe vaiśye ṣoḍaśābdādito na hi /AP_153.008ab/
muñjānāṃ valkalānāntu kramānmaujjyāḥ prakīrtitāḥ

mārgavaiyādhravāstāni carmāṇi vratacāriṇāṃ /AP_153.009ab/
parṇapippalavilvānāṃ kramāddaṇḍāḥ prakīrtitāḥ

keśadeśalalāṭāsyatulyāḥ proktāḥ krameṇa tu /AP_153.010ab/
avakrāḥ satvacaḥ sarve nāvipluṣṭāstu daṇḍakāḥ

vāsopavīte kārpāsakṣaumorṇānāṃ yathākramaṃ /AP_153.011ab/
ādimadhyāvasāneṣu bhavacchabdopalakṣitaṃ

prathamaṃ tatra bhhikṣeta yatra bhikṣā dhruvaṃ bhavet /AP_153.012ab/
strīṇāmamantratastāni vivāhastu samantrakaḥ

upanīya guruḥ śiṣyaṃ sikṣayecchaucamāditaḥ /AP_153.013ab/
ācāramagnikāryaṃ ca sandhyopāsanameva ca

āyuṣyaṃ prāṅmukho bhuṅkte yaśasyaṃ dakṣiṇāmukhaḥ /AP_153.014ab/
śriyaṃ pratyaṅmukhī bhuṅkte ṛtaṃ bhuṅkte udaṅmukhaḥ

sāyaṃ prātaś ca juhuyān nāmedhyaṃ vyastahastakaṃ /AP_153.015ab/
madhu māṃsa janaiḥ sārdhaṃ gītaṃ nṛtyañca vai tyajet(1)

:n
1 nṛtyañca varjayediti kha.. , ga.. , gha.. , ṅa.. , cha.. , ña.. , ṭa.. ca / sāyaṃ
prātaścetyādiḥ, nṛtyañca vai tyajedityantaḥ pāṭhaḥ ja.. pustake
nāsti
:p 121
hiṃsāmparāpavādaṃ ca aślīlaṃ ca viśeṣataḥ /AP_153.016ab/
daṇḍādi dhārayennaṣṭamapsu kṣiptvānyadhāraṇaṃ