Agni Purana · Chapter 144

:e ity āgneye mahāpurāṇe yuddhajayārṇave kubjikākramapūjā nāma
tricatvāriṃśadadhikaśatatamo 'dhyāyaḥ ||
% Chapter {144}
:ś atha catuś catvāriṃśadadhikaśatatamo 'dhyāyaḥ
kubjikāpūjā
īśvara uvāca
śrīmatīṃ kubjikāṃ vakṣye dharmārthādijayapradāṃ /AP_144.001ab/
pūjayenmūlamantreṇa parivārayutena vā

oṃ aiṃ hrauṃ śrīṃ khaiṃ hreṃ hasakṣamalacavayambhagavati
ambike hrāṃ hrīṃ kṣrīṃ kṣauṃ kṣrūṃ krīṃ kubjike
hrāṃ oṃ ṅañanaṇame aghoramukhi vrāṃ chrāṃ
:n
1 khaṃ mṛtyau vuñcanāmākhya iti ja..
:p 97
chīṃ kili 2 kṣauṃ vicce khyoṃ śrīṃ kroṃ oṃ hroṃ aiṃ
vajrakubjini(1) strīṃ trailokyakarṣiṇi hrīṃ kāmāṅgadrāviṇi
hrīṃ strīṃ mahākṣobhakāriṇi aiṃ hrīṃ kṣrīṃ aiṃ
hroṃ śrīṃ pheṃ kṣauṃ namo bhagavati kṣrauṃ kubjike hroṃ
hroṃ kraiṃ ṅañaṇaname aghoramukhi chrāṃchāṃ vicce oṃ kili
2
kṛtvā karāṅganyāsañca sandhyāvandanamācaret /AP_144.002ab/
vāmā jyeṣṭhā tathā raudrīṃ sandhyātrayamanukramāt

kulavāgīśi vidmahe mahākālīti dhīmahi / tannaḥ kaulī
pracodayāt
mantrāḥ pañca praṇavādyāḥ pādukāṃ pūjayāmi ca /AP_144.003ab/
madhye nāma caturthyantaṃ dvinavātmakavījakāḥ

namontā vātha ṣaṣṭyā tu sarve jñeyā vadāmi tān /AP_144.004ab/
kaulīśanāthaḥ sukalā janmataḥ kubjikā tataḥ

śrīkaṇṭhanāthaḥ kauleśo gaganānandanāthakaḥ /AP_144.005ab/
caṭulā devī maitrīśī karālī tūrṇanāthakaḥ

ataladevī śrīcandrā devītyantāstatastvime /AP_144.006ab/
bhagātmapuṅgaṇadevamohanīṃ pādukāṃ yajet

atītabhuvanānandaratnāḍhyāṃ pādukāṃ yajet /AP_144.007ab/
brahmajñānātha kamalā paramā vidyayā saha

vidyādevīguruśuddhistriśuddhiṃ pravadāmi te /AP_144.008ab/
gaganaś caṭulī cātmā padmānando maṇiḥ kalā

:n
1 vahnikubjini iti kha.. , cha.. ca
:p 98
kamalo māṇikyakaṇṭho gaganaḥ kumudastataḥ /AP_144.009ab/
śrīpadmo bhairavānando devaḥ kamala ity ataḥ

śivo bhavo 'tha kṛṣṇaś ca navasiddhāś ca ṣoḍaśa /AP_144.010ab/
candrapūro 'tha gulmaś ca śubhaḥ kāmo 'timuktakaḥ(1)

kaṇṭho vīraḥ(2) prayogo 'tha kuśalo devabhogakaḥ /AP_144.011ab/
viśvadevaḥ khaḍgadevo rudro dhātāsireva ca

mudrāsphīṭī vaṃśapūro bhojaḥ ṣoḍaśa siddhakāḥ /AP_144.012ab/
samayānyastu dehastu ṣoḍhānyāsena yantritaḥ

prakṣipya maṇḍale puṣpaṃ maṇḍalānyatha pūjayet /AP_144.013ab/
anantañca mahāntañca sarvadā śivapādukāṃ

mahāvyāptiś ca śūnyañca pañcatattvātmamaṇḍalaṃ /AP_144.014ab/
śrīkaṇṭhanāthapādukāṃ śaṅkarānantakau yajet

sadāśivaḥ piṅgalaś ca bhṛgvānandaś ca nāthakaḥ /AP_144.015ab/
lāṅgūlānandasaṃvartau maṇḍalasthānake yajet

nairṛtye śrīmahakālaḥ pinākī ca mahendrakaḥ /AP_144.016ab/
khaḍgo bhujaṅgo vāṇaś ca aghāsiḥ śabdako vaśaḥ

ājñārūpo nandarūpo balindatvā kramaṃ yajet /AP_144.017ab/
hrīṃ khaṃ khaṃ hūṃ sauṃ vaṭukāya aru 2 arghaṃ puṣpaṃ
dhūpaṃ dīpaṃgandhaṃ baliṃ pūjāṃ gṛhṇa 2 namastubhyaṃ /
oṃ hrāṃ hrīṃ hrūṃ kṣeṃ kṣetrapālāya avatara 2
mahākapilajaṭābhāra bhāsvaratrinetrajvālāmukha ehyehi
ganhdapuṣpabalipūjāṃ gṛhṇa 2 khaḥ khaḥ oṃ kaḥ oṃ
laḥ oṃ mahāḍāmarādhipataye(3) svāhā
:n
1 kāmo 'tha muktaka iti ja.. , cha.. , ña.. ca
2 vaṭo vīra iti ja.. , cha.. ca
3 pramathādhipataye iti ṅa.. / mahāmāyādhipataye iti ja..
:p 99
baliśeṣe 'tha yajet hrīṃ hrūṃ hāṃ śrīṃ vai trikūṭakaṃ

vāme ca dakṣiṇe hy agre yāmye niśānāthapādukāḥ /AP_144.018ab/
dakṣe tamorināthasya hagre kālānalasya ca

uḍḍiyāṇaṃ jālandharaṃ pūrṇaṃ vai kāmarupakaṃ /AP_144.019ab/
gaganānandadevañca svargānandaṃ savargakaṃ(1)

paramānandadevañca(2) satyānandasya pādukāṃ(3) /AP_144.020ab/
nāgānandañca vargākhyamuktānte ratnapañcakaṃ

saumye śive yajet ṣaṭkaṃ suranāthasya pādukāṃ /AP_144.021ab/
śrīmatsamayakoṭīśaṃ vidyākoṭīśvaraṃ yajet

koṭīśaṃ vindukoṭīśaṃ siddhakoṭīśvarantathā /AP_144.022ab/
siddhacatuṣkamāgneyyāṃ amarīśeśvaraṃ yajet

cakrīśanāthaṃ kuruṅgeśaṃ vṛtreśañcandranāthakaṃ(4) /AP_144.023ab/
yajedgandhādibhiś caitān yāmye vimalapañcakaṃ

yajedanādivimalaṃ sarvajñavimalaṃ tataḥ /AP_144.024ab/
yajedyogīśavimalaṃ siddhākhyaṃ samayākhyakaṃ

naiṛtye caturo devān(5) jayet kandarpanāthakaṃ /AP_144.025ab/
pūrvāḥ śaktīś ca sarvāś ca(6) kubjikāpādukāṃ yajet

:n
1 svargānandañca devakamiti gha.. , ña.. ca
2 pannagānandadevañceti ña.. / pavanānandadevañceti ja..
3 martyānandasya pādukāmiti kha.. , ga.. , ṅa.. , jha.. , ja.. ca
4 bhūtośaṃ mantranāyakamiti ja.. / bhūtīśaṃ mantranāyakamiti
ña..
5 caturo vedāniti kha.. , cha.. , ja.. ca
6 pūrvān saśaktīn sarvāṃśceti ja.. , ña.. ca
:p 100
navātamkena mantreṇa pañcapraṇavakena vā /AP_144.026ab/
sahasrākṣamanavadyaṃ viṣṇuṃ śivaṃ sadā yajet(1)

pūrvācchivāntaṃ brahmādi brahmāṇī ca maheśvarī /AP_144.027ab/
kaumārī vaiṣṇavī caiva vārāhī śakraśaktikā

cāmuṇḍā ca mahālakṣmīḥ pūrvādīśāntamarcayet /AP_144.028ab/
ḍākinī rākinī pūjyā lākinī kākinī tathā

śākinī yākinī pūjyā vāyavyādugraṣaṭṣu ca /AP_144.029ab/
yajed dhyātvā tato devīṃ dvātriṃśadvarṇakātmakāṃ

pañcapraṇavakenāpi hrīṃ kāreṇāthavā yajet /AP_144.030ab/
nīlotpaladalaśyāmā ṣaḍvaktrā(2) ṣaṭprakārikā

cicchaktiktiraṣṭādaśākhyā bāhudvādaśasaṃyutā /AP_144.031ab/
siṃhāsanasukhāsīnā pretapadmoparisthitā

kulakoṭisahasrāḍhyā karkoṭo mekhalāsthitaḥ /AP_144.032ab/
takṣakeṇopariṣṭācca gale hāraś ca vāsukiḥ

kulikaḥ karṇayoryasyāḥ kūrmaḥ kuṇḍalamaṇḍalahḥ /AP_144.033ab/
bhruvoḥ padmo makāpadmo vāme nāgaḥ kapālakaḥ

akṣasūtrañca khaṭvāṅgaṃ śaṅkaṃ pustañca dakṣiṇe /AP_144.034ab/
triśūlantadarpaṇaṃ khaḍgaṃ ratnamālāṅkuśandhanuḥ(3)

śvetamūrdhvamukhandevyā ūrdhvaśvetantathāparaṃ /AP_144.035ab/
pūrvāsyaṃ pāṇḍaraṃ krodhi dakṣiṇaṃ kṛṣṇavarṇakaṃ

:n
1 sadāśivaṃ svayaṃ yajediti ṅa.. , cha.. , ja.. ca
2 ṣaḍvarṇeti ja..
3 vanamālaṅkuśaṃ dhanuriti gha.. , ṅa.. ca
:p 101
himakundendabhaṃ saumyaṃ brahmā pādatale sthitaḥ /AP_144.036ab/
viṣṇustu jaghane rudro hṛdi kaṇṭhe tatheśvaraḥ

sadāśivo lalāṭe syācchivastasyordhvataḥ sthitaḥ /AP_144.037ab/
āghūrṇitā kubjikaivandhyeyā pūjādikarmasu