Agni Purana · Chapter 100

:e ity āgneye mahāpurāṇe sūryapratiṣṭhā nāmaikonaśatatamo
'dhyāyaḥ ||
:n
1 snānādikaṃ ca sampūjya iti kha.. , cha.. , ca
2 vinyasya padapañcakamiti cha.. / vinyasya ratnapañcakamiti ja..
3 ātmaneti cha..
4 śaktyarthamiti ṅa..
5 sūryamantrāśceti cha..
6 sthāpanepi veti ja..
:p 341
% Chapter {100}
:ś atha śatatamo 'dhyāyaḥ
dvārapratiṣṭhākathanaṃ
īśvara uvāca
dvārāśritapratiṣṭhāyā vakṣyāmi vidhimapyatha /AP_100.001ab/
dvārāṅgāni kaṣāyādyaiḥ saṃskṛtya śayane nyaset

mūlamadhyāgrabhāgeṣu trayamātmādiseśvaraṃ /AP_100.002ab/
vinyasya sanniveśyātha(1) hutvā japtvātra rūpataḥ(2)

dvārādatho yajedvāstuntatraivānantamantritaḥ /AP_100.003ab/
ratnādipañcakaṃ nyasya śāntihomaṃ vidhāya ca

yavasiddhārthakākrāntā ṛddhivṛddhimahātilāḥ /AP_100.004ab/
gomṛtsarṣaparāgendramohanīlakṣaṇāmṛtāḥ

rocanā rug vaco dūrvā prāsādadhaś ca poṭalīṃ /AP_100.005ab/
prakṛtyodumbare baddhvā rakṣārthaṃ praṇavena tu

dvāramuttarataḥ kiñcidāśritaṃ sanniveśayet /AP_100.006ab/
ātmatattvamadho nyasya vidyātattvañca śākhayoḥ

śivamakāśadeśe ca vyāpakaṃ sarvamaṅgale(3) /AP_100.007ab/
tato maheśanāthaṃ ca vinyasenmūlamantrataḥ

:n
1 vinyasya ca niveśayātha iti kha.. / vinyasya sannibodhyātheti ja..
2 ajaptvānurūpata iti ga..
3 sarvapuṣkalamiti kha.. , gha.. ca
:p 342
dvārāśritāṃś ca talpādīn(1) kṛtayuktaiḥ(2) svanāmabhiḥ /AP_100.008ab/
juhuyācchatamardhaṃ vā dviguṇaṃ śaktitothavā(3)

nyūnādidoṣamoṣārthaṃ hetito juhuyāccchataṃ(4) /AP_100.009ab/
digbalimpūrvavaddhutvā(5) pradadyāddakṣiṇādikaṃ