agastyāṣṭakam · Chapter 1

adya me saphalaṃ janma cādya me saphalaṃ tapaḥ /
adya me saphalaṃ jñānaṃ śambho tvatpādadarśanāt

kṛtārtho'haṃ kṛtārtho'haṃ kṛtārtho'haṃ maheśvara /
adya te pādapadmasya darśanātbhaktavatsala

śivaśśambhuḥ śivaśśambhuḥ śivaśśambhuḥ śivaśśivaḥ /
iti vyāharato nityaṃ dinānyāyāntu yāntu me

śive bhaktiśśive bhaktiśśive bhaktirbhavebhave /
sadā bhūyāt sadā bhūyātsadā bhūyātsuniścalā

ājanma maraṇaṃ yasya mahādevānyadaivatam /
mājaniṣyata madvaṃśe jāto vā drāgvipadyatām

jātasya jāyamānasya garbhasthasyā'pi dehinaḥ /
mābhūnmama kule janma yasya śambhurna-daivatam

vayaṃ dhanyā vayaṃ dhanyā vayaṃ dhanyā jagattraye /
ādidevo mahādevo yadasmatkuladaivatam

hara śambho mahādeva viśveśāmaravallabha /
śivaśaṅkara sarvātmannīlakaṇṭha namo'stu te

agastyāṣṭakametattu yaḥ paṭhecchivasannidhau /
śivalokamavāpnoti śivena saha modate