acyutāṣṭakam · Chapter 1

abhilapananisargādacyutākhye bhaje tvāṃ
harasi madaghabṛndaṃ tvadbhubukṣāvaśāt tvam /
aghahṛditi tavāmba pratyuta khyātido'haṃ
tvayi mama vada kā vā saṅgatirdainyavācām

cirātītā sāndīpanitanubhuvaḥ kālabhavana-
prapattistaṃ pitroḥ punaragamayat sannidhimiti /
yaśaḥ kṛṣṇasyedaṃ kathamahaha na tvāṃ rasanayā
yadi śrīkṛṣṇākhye bhajati sa tādanīṃ munisutaḥ

hareryaccoratvaṃ yadapi ca tathā jāracaritaṃ
tadetat sarvāṃhastatikṛte saṅkathanataḥ /
itīdaṃ māhātmyaṃ madhumathana te dīpitamidaṃ
vadantyāḥ kṛṣṇākhye tavahi vicarantyā vilasitam

sabhāyāṃ draupatyā'ṃśukasṛtibhiyā tadrasanayā
dhṛtā tasyāścelaṃ pratanu tadavasthaṃ vidadhatī /
vyatānīśśailābhaṃ vasanavisaraṃ cāmba haratā-
miyān govindākhye vada vasanarāśistava kutaḥ

adhirasanamayi tvāmacyutākhye dadhānaṃ
vanajabhavamukhānāṃ vandyamāhurmahāntaḥ /
satu vinamati mātaścāśvagośvādanādīn
bhavati nanu vicitrā paddhatistāvakānām

janani murabhidākhye jāhnavīnimnagaikā
samajani padapadmāccakriṇastvāśritānām /
pariṇamati samastāḥ pādavārghindureko
jagati nanu taṭinyo jāhnavīsahyajādyāḥ

samavahitamapaśyan sannidhau vainateyaṃ
prasabhavidhutapadmāpāṇirīśo'cyutākhye /
samavitumupanītaḥ sāgajendraṃ tvayā drāk
vada janani vinā tvāṃ kena vā kiṃ tadābhūt

yadeṣa staumi tvāṃ triyugacaraṇatrāyiṇi tato
mahimnaḥ kā hānistavatu mama sampanniravadhiḥ /
śunā līlākāmaṃ bhavati surasindhurbhagavatī
tadeṣā kimbhūtā satu sapadi santāpabharitaḥ

iti śrīśrīdharaveṅkaṭeśāryakṛtau acyutāṣṭakaṃ sampūrṇam //