અચ્યુતાષ્ટકમ્ · અધ્યાય 1

અભિલપનનિસર્ગાદચ્યુતાખ્યે ભજે ત્વાં
હરસિ મદઘબૃન્દં ત્વદ્ભુબુક્ષાવશાત્ ત્વમ્ ।
અઘહૃદિતિ તવામ્બ પ્રત્યુત ખ્યાતિદોઽહં
ત્વયિ મમ વદ કા વા સઙ્ગતિર્દૈન્યવાચામ્

ચિરાતીતા સાન્દીપનિતનુભુવઃ કાલભવન-
પ્રપત્તિસ્તં પિત્રોઃ પુનરગમયત્ સન્નિધિમિતિ ।
યશઃ કૃષ્ણસ્યેદં કથમહહ ન ત્વાં રસનયા
યદિ શ્રીકૃષ્ણાખ્યે ભજતિ સ તાદનીં મુનિસુતઃ

હરેર્યચ્ચોરત્વં યદપિ ચ તથા જારચરિતં
તદેતત્ સર્વાંહસ્તતિકૃતે સઙ્કથનતઃ ।
ઇતીદં માહાત્મ્યં મધુમથન તે દીપિતમિદં
વદન્ત્યાઃ કૃષ્ણાખ્યે તવહિ વિચરન્ત્યા વિલસિતમ્

સભાયાં દ્રૌપત્યાઽંશુકસૃતિભિયા તદ્રસનયા
ધૃતા તસ્યાશ્ચેલં પ્રતનુ તદવસ્થં વિદધતી ।
વ્યતાનીશ્શૈલાભં વસનવિસરં ચામ્બ હરતા-
મિયાન્ ગોવિન્દાખ્યે વદ વસનરાશિસ્તવ કુતઃ

અધિરસનમયિ ત્વામચ્યુતાખ્યે દધાનં
વનજભવમુખાનાં વન્દ્યમાહુર્મહાન્તઃ ।
સતુ વિનમતિ માતશ્ચાશ્વગોશ્વાદનાદીન્
ભવતિ નનુ વિચિત્રા પદ્ધતિસ્તાવકાનામ્

જનનિ મુરભિદાખ્યે જાહ્નવીનિમ્નગૈકા
સમજનિ પદપદ્માચ્ચક્રિણસ્ત્વાશ્રિતાનામ્ ।
પરિણમતિ સમસ્તાઃ પાદવાર્ઘિન્દુરેકો
જગતિ નનુ તટિન્યો જાહ્નવીસહ્યજાદ્યાઃ

સમવહિતમપશ્યન્ સન્નિધૌ વૈનતેયં
પ્રસભવિધુતપદ્માપાણિરીશોઽચ્યુતાખ્યે ।
સમવિતુમુપનીતઃ સાગજેન્દ્રં ત્વયા દ્રાક્
વદ જનનિ વિના ત્વાં કેન વા કિં તદાભૂત્

યદેષ સ્તૌમિ ત્વાં ત્રિયુગચરણત્રાયિણિ તતો
મહિમ્નઃ કા હાનિસ્તવતુ મમ સમ્પન્નિરવધિઃ ।
શુના લીલાકામં ભવતિ સુરસિન્ધુર્ભગવતી
તદેષા કિમ્ભૂતા સતુ સપદિ સન્તાપભરિતઃ

ઇતિ શ્રીશ્રીધરવેઙ્કટેશાર્યકૃતૌ અચ્યુતાષ્ટકં સમ્પૂર્ણમ્ ॥