विष्णुस्मृति · अध्याय 27

आ षोडशाद् ब्राह्मणस्य सावित्री नातिवर्तते
आ द्वाविंशात् क्षत्रबन्धोर् आ चतुर्विंशतेर् विशः ॥

अत ऊर्ध्वं त्रयो ऽप्य् एते यथाकालम् असंस्कृताः
सावित्रीपतिता व्रात्या भवन्त्य् आर्यविगर्हिताः ॥

यद्य् अस्य विहितं चर्म यत् सूत्रं या च मेखला
यो दण्डो यच् च वसनं तत् तद् अस्य व्रतेष्व् अपि ॥

मेखलाम् अजिनं दण्डम् उपवीतं कमण्डलुम्
अप्सु प्रास्य विनष्टानि गृह्णीतान्यानि मन्त्रवत् ॥