विष्णुस्मृति · अध्याय 18

विभक्ताः सह जीवन्तो विभजेरन् पुनर् यदि
समस् तत्र विभागः स्याज् ज्यैष्ठ्यं तत्र न विद्यते ॥

अनुपघ्नन् पितृद्रव्यं श्रमेण यद् उपार्जयेत्
स्वयम् ईहितलब्धं तन् नाकामो दातुम् अर्हति ॥

पैतृकं तु यदा द्रव्यम् अनवाप्तं यद् आप्नुयात्
न तत् पुत्रैर् भजेत् सार्धम् अकामः स्वयम् अर्जितम् ॥

वस्त्रं पत्रम् अलंकारः कृतान्नम् उदकं स्त्रियः
योगक्षेमं प्रचारश् च न विभाज्यं च पुस्तकम् ॥