वैशेषिकसूत्र · अध्याय 6.1

बुद्धिपूर्वा वाक्यकृतिर् वेदे

न चास्मद्बुद्धिभ्यो लिङ्गम् ऋषेः

तथा ब्राह्मणे संज्ञाकर्मसिद्धिर् लिङ्गम्

बुद्धिपूर्वो ददातिः

तथा प्रतिग्रहः

तयोः क्रमो यथानितरेतराङ्गभूतानाम्

आत्मगुणेष्व् आत्मान्तरगुणानाम् अकारणत्वात्

अदुष्टभोजनात् समभिव्याहारतो ऽभ्युदयः

तद् दुष्टभोजने न विद्यते

दुष्टं हिंसायाम्

समभिव्याहारतो दोषः

तद् अदुष्टे न विद्यते

विशिष्टे प्रवृत्तिः

समे हीने चाप्रवृत्तिः

एतेन हीनसमविशिष्तधार्मिकेभ्यः परादानं व्याख्यातम्

तथा विरुद्धानां त्यागः

सम आत्मत्यागः परत्यागो वा

विशिष्टे आत्मत्यागः