स्कन्द पुराण · अध्याय 7.316

॥ ईश्वर उवाच ॥ ॥
अथ देवकुलात्पूर्वे पंचगव्यूतिमात्रतः ॥
शंबरस्थान मध्ये तु क्षेमादित्येति विश्रुतः

तं दृष्ट्वा मानवो देवि भवेत्क्षेमार्थसिद्धिभाक् ॥
सप्तम्यां रविवारेण पूजितः सर्वकामदः

इति देवकुलस्थाने कथिता तीर्थसंस्थितिः

इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासक्षेत्र माहात्म्ये क्षेमादित्यमाहात्म्यवर्णनंनाम षोडशोत्तरत्रिशततमोऽध्यायः