स्कन्द पुराण · अध्याय 7.315

॥ ईश्वर उवाच ॥ ॥
ततो गच्छेन्महादेवि मरुदार्यां महाप्रभाम् ॥
तस्मात्पश्चिमदिग्भागे क्रोशार्द्धेन व्यवस्थिताम्

मरुद्भिः पूजितां देवीं सर्वकामफलप्रदाम् ॥
महानवम्यां यत्नेन सप्तम्यां पूजयेन्नरः ॥
गंधपुष्पादिविधिना सर्वकामप्रसिद्धये

इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासक्षेत्रमाहात्म्ये मरुदार्यादेवीमाहात्म्यवर्णनंनाम पंचदशोत्तरत्रिशततमोऽध्यायः