सर्वतथागततत्त्वसंग्रह · अध्याय 71

इति ॥
तत्रैतानि हृदयानि भवन्ति ।
हुं वज्र प्रपात ॥
हूं बोधिसत्त्व प्रपात ॥
हूं वज्रधर प्रपात ॥
हूं बुद्ध प्रपात ॥
सूक्ष्मवज्रप्रयोगेण चन्द्रबिम्बं स्वमात्मना ।
भावयं स्वयमात्मानं पतेद्यत्र पतेत्स तु

चन्द्रे वज्रं स्वमात्मानं भावयं स्वयमात्मना ।
पतेद्यत्र सुसंक्रुद्धस्तत्कुलं पतति क्षणात्

वज्रपाणिं स्वमात्मानं भावयं स्वयमात्मना ।
पतेद्यत्र हि तं देशमचिराद् विप्रणंक्ष्यते

बुद्धबिम्बं स्वमात्मानं भावयं स्वयमात्मना ।
पतेद्यत्र तु तद् राज्यमचिरेणैब नश्यति