सर्वतथागततत्त्वसंग्रह · अध्याय 19

तत्रैषां हृदयानि भवन्ति ।
वज्र रागय होः ॥
वज्राङ्कु श जः ॥
मारय मारय फट् ॥
बन्ध रक्ष हं ॥
ततो वज्रगुह्यदृष्टिमुद्राज्ञानं शिक्षयेत् ।
वज्रदृष्टिस्तु संरागप्रहर्षोत्फुल्ललोचना ।
तया निरीक्षता स्त्री तु वश्या भवति शाश्वती

प्रद्रुतप्रचलच्चक्षुः पक्ष्मकर्षणलोचना ।
दीप्तकृष्टिरिति प्रोक्ता सर्वमाकर्षयेज्जगत्

प्रध्वस्तभृकुटीभङ्गक्रोधसंकुचितेक्षणं ।
क्रोधदृष्टिं समाधाय त्रैलोक्यमपि नाशयेत्

मेरुमर्दनपाषाणदृढानिमिषलोचना ।
मैत्रीदृष्टिरिति ख्याता ज्वरग्रहविषापहा ॥ इति