सामवेद · भाग 8195

4 7 3 1001ए विश्वा यद्रूपा परियास्यृक्वभिः सप्तास्येभिरृक्वभिः .. 1590
4 7 3 1002अ प्राचीमनु प्रदिशं पाति चेकितत्सं रश्मिभिर्यतते दर्शतो रथो दैव्यो दर्शतो रथः .
4 7 3 1002च् अग्मन्नुक्थानि पौंस्येन्द्रं जैत्राय हर्षयत .
4 7 3 1002ए वज्रश्च यद्भवथो अनपच्युता समत्स्वनपच्युता .. 1591
4 7 3 1003अ त्वं ह त्यत्पणीनां विदो वसु सं मातृभिर्मर्जयसि स्व आ दम ऋतस्य धीतिभिर्दमे .
4 7 3 1003च् परावतो न साम तद्यत्रा रणन्ति धीतयः .
4 7 3 1003ए त्रिधातुभिररुषीभिर्वयो दधे रोचमानो वयो दधे . 1592
4 7 3 1101अ उत नो गोषणिं धियमश्वसां वाजसामुत .
4 7 3 1101च् नृवत्कृणुह्यूतये .. 1593
4 7 3 1201अ शशमानस्य वा नरः स्वेदस्य सत्यशवसः .
4 7 3 1201च् विदा कामस्य वेनतः .. 1594
4 7 3 1301अ उप नः सूनवो गिरः शृण्वन्त्वमृतस्य ये .
4 7 3 1301च् सुमृडीका भवन्तु नः .. 1595
4 7 3 1401अ प्र वां महि द्यवी अभ्युपस्तुतिं भरामहे .
4 7 3 1401च् शुची उप प्रशस्तये .. 1596
4 7 3 1402अ पुनाने तन्वा मिथः स्वेन दक्षेण राजथः .
4 7 3 1402च् ऊह्याथे सनादृतम् .. 1597
4 7 3 1403अ मही मित्रस्य साधथस्तरन्ती पिप्रती ऋतम् .
4 7 3 1403च् परि यज्ञं नि षेदथुः .. 1598
4 7 3 1501अ अयमु ते समतसि कपोत इव गर्भधिम् .
4 7 3 1501च् वचस्तच्चिन्न ओहसे .. 1599
4 7 3 1502अ स्तोत्रं राधानां पते गिर्वाहो वीर यस्य ते .
4 7 3 1502च् विभूतिरस्तु सूनृता .. 1600
4 7 3 1503अ ऊर्ध्वस्तिष्ठा न ऊतये ऽस्मिन्वाजे शतक्रतो .
4 7 3 1503च् समन्येषु ब्रवावहै .. 1601
4 7 3 1601अ गाव उप वदावटे महि यज्ञस्य रप्सुदा .
4 7 3 1601च् उभा कर्णा हिरण्यया .. 1602
4 7 3 1602अ अभ्यारमिदद्रयो निषिक्तं पुष्करे मधु .
4 7 3 1602च् अवटस्य विसर्जने .. 1603
4 7 3 1603अ सिञ्चन्ति नमसावटमुच्चाचक्रं परिज्मानम् .
4 7 3 1603च् नीचीनबारमक्षितम् .. 1604
4 7 3 1701अ मा भेम मा श्रमिष्मोग्रस्य सख्ये तव .
4 7 3 1701च् महत्ते वृष्णो अभिचक्ष्यं कृतं पश्येम तुर्वशं यदुम् .. 1605
4 7 3 1702अ सव्यामनु स्फिग्यं वावसे वृष्ना न दानो अस्य रोषति .
4 7 3 1702च् मध्वा संपृक्ताः सारघेण धेनवस्तूयमेहि द्रवा पिब .. 1606
4 7 3 1801अ इमा उ त्वा पुरूवसो गिरो वर्धन्तु या मम .
4 7 3 1801च् पावकवर्णाः शुचयो विपश्चितो ऽभि स्तोमैरनूषत .. 1607
4 7 3 1802अ अयं सहस्रमृषिभिः सहस्कृतः समुद्र इव पप्रथे .
4 7 3 1802च् सत्यः सो अस्य महिमा गृणे शवो यज्ञेषु विप्रराज्ये .. 1608
4 7 3 1901अ यस्यायं विश्व आर्यो दासः शेवधिपा अरिः .

4 7 3 1901च् तिरश्चिदर्ये रुशमे पवीरवि तुभ्येत्सो अज्यते रयिः .. 1609
4 7 3 1902अ तुरण्यवो मधुमन्तं घृतश्चतं विप्रासो अर्कमानृचुः .
4 7 3 1902च् अस्मे रयिः पप्रथे वृष्ण्यं शवो ऽस्मे स्वानास इन्दवः .. 1610
4 7 3 2001अ गोमन्न इन्दो अश्ववत्सुतः सुदक्ष धनिव .
4 7 3 2001च् शुचिं च वर्णमधि गोषु धार्य .. 1611
4 7 3 2002अ स नो हरीणां पत इन्दो देवप्सरस्तमः .
4 7 3 2002च् सखेव सख्ये नर्यो रुचे भव .. 1612
4 7 3 2003अ सनेमि त्वमस्मदा अदेवं कं चिदत्रिणम् .
4 7 3 2003च् साह्वां इन्दो परि बाधो अप द्वयुम् .. 1613
4 7 3 2101अ अञ्जते व्यञ्जते समञ्जते क्रतुं रिहन्ति मध्वाभ्यञ्जते .
4 7 3 2101च् सिन्धोरु ऽच्छ्वासे पतयन्तमुक्षणं हिरण्यपावाः पशुमप्सु गृभ्णते .. 1614
4 7 3 2102अ विपश्चिते पवमानाय गायत मही न धारात्यन्धो अर्षति .
4 7 3 2102च् अहिर्न जूर्णामति सर्पति त्वचमत्यो न क्रीडन्नसरद्वृषा हरिः .. 1615
4 7 3 2103अ अग्रेगो राजाप्यस्तविष्यते विमानो अह्नां भुवनेष्वर्पितः .
4 7 3 2103च् हरिर्घृतस्नुः सुदृशीको अर्णवो ज्योतीरथः पवते राय ओक्यः .. 1616
आष्टम प्रपाठकः . प्रथमो ऽर्धः
4 8 1 0101अ विश्वेभिरग्ने अग्निभिरिमं यज्ञमिदं वचः .
4 8 1 0101च् चनो घाः सहसा यहो .. 1617
4 8 1 0102अ यच्चिद्धि शश्वा तना देवंदेवं यजामहे .
4 8 1 0102च् त्वे इद्धूयते हविः .. 1618
4 8 1 0103अ प्रियो नो अस्तु विश्पतिर्होता मन्द्रो वरेण्यः .
4 8 1 0103च् प्रियाः स्वग्नयो वयम् .. 1619
4 8 1 0201अ इन्द्रं वो विश्वतस्परि हवामहे जनेभ्यः .
4 8 1 0201च् अस्माकमस्तु केवलः .. 1620
4 8 1 0202अ स नो वृषन्नमुं चरुं सत्रादावन्नपा वृधि .
4 8 1 0202च् अस्मभ्यमप्रतिष्कुतः .. 1621
4 8 1 0203अ बृषा यूथेव वंसगः कृष्टीरियर्त्योजसा .
4 8 1 0203च् ईशानो अप्रतिष्कुतः .. 1622
4 8 1 0301अ त्वं नश्चित्र ऊत्या वसो राधांसि चोदय .
4 8 1 0301च् अस्य रायस्त्वमग्ने रथीरसि विदा गाधं तुचे तु नः .. 1623
4 8 1 0302अ पर्षि तोकं तनयं पर्तृभिष्ट्वमदब्धैरप्रयुत्वभिः .
4 8 1 0302च् अग्ने हेडांसि दैव्या युयोधि नो ऽदेवानि हरांसि च .. 1624
4 8 1 0401अ किमित्ते विष्णो परिचक्षि नाम प्र यद्ववक्षे शिपिविष्टो अस्मि .
4 8 1 0401च् मा वर्पो अस्मदप गूह एतद्यदन्यरूपः समिथे बभूथ .. 1625
4 8 1 0402अ प्र तत्ते अद्य शिपिविष्ट हव्यमर्यः शंसामि वयुनानि विद्वान् .
4 8 1 0402च् तं त्वा गृणामि तवसमतव्यान्क्षयन्तमस्य रजसः पराके .. 1626
4 8 1 0403अ वषट् ते विष्णवास आ कृणोमि तन्मे जुषस्व शिपिविष्ट हव्यम् .
4 8 1 0403च् वर्धन्तु त्वा सुष्टुतयो गिरि मे यूयं पात स्वस्तभिः सदा नः .. 1627
4 8 1 0501अ वायो शुक्रो अयामि ते मध्वो अग्रं दिविष्टिषु .
4 8 1 0501च् आ याहि सोमपीतये स्पार्हो देव नियुत्वता .. 1628

4 8 1 0502अ इन्द्रश्च वायवेषां सोमानां पीतिमर्हथः .
4 8 1 0502च् युवां हि यन्तीन्दवो निम्नमापो न सध्र्यक् .. 1629
4 8 1 0503अ वायविन्द्रश्च शुष्मिणा सरथं शवसस्पती .
4 8 1 0503च् नियुत्वन्ता न ऊतय आ यातं सोमपीतये .. 1630
4 8 1 0601अ अध क्षपा परिष्कृतो वाजां अभि प्र गाहते .
4 8 1 0601च् यदी विवस्वतो धियो हरिं हिन्वन्ति यातवे .. 1631
4 8 1 0602अ तमस्य मर्जयामसि मदो य इन्द्रपातमः .
4 8 1 0602च् यं गाव आसभिर्दधुः पुरा नूनं च सूरयः .. 1632
4 8 1 0603अ तं गाथया पुराण्या पुनानमभ्यनूषत .
4 8 1 0603च् उतो कृपन्त धीतयो देवानां नाम बिभ्रतीः .. 1633
4 8 1 0701अ अश्वं न त्वा वारवन्तं वन्दध्या अग्निं नमोभिः .
4 8 1 0701च् सम्राजन्तमध्वराणाम् .. 1634
4 8 1 0702अ स घा नः सूनुः शवसा पृथुप्रगामा सुशेवः .
4 8 1 0702च् मीढ्वां अस्माकं बभूयात् .. 1635
4 8 1 0703अ स नो दूराच्चासाच्च नि मर्त्यादघायोः .
4 8 1 0703च् पाहि सदमिद्विश्वायुः .. 1636
4 8 1 0801अ त्वमिन्द्र प्रतूर्तिष्वभि विश्वा असि स्पृधः .
4 8 1 0801च् अशस्तिहा जनिता वृत्रतूरसि त्वं तूर्य तरुष्यतः .. 1637
4 8 1 0802अ अनु ते शुष्मं तुरयन्तमीयतुः क्षोणी शिशुं न मातरा .
4 8 1 0802च् विश्वास्ते स्पृधः श्नथयन्त मन्यवे वृत्रं यदिन्द्र तूर्वसि .. 1638
4 8 1 0901अ यज्ञ इन्द्रमवर्धयद्यद्भूमिं व्यवर्तयत् .
4 8 1 0901च् चक्राण ओपशं दिवि .. 1639
4 8 1 0902अ व्या3न्तरिक्षमतिरन्मदे सोमस्य रोचना .
4 8 1 0902च् इन्द्रो यदभिनद्वलम् .. 1640
4 8 1 0903अ उदगा आजदङ्गिरोभ्य आविष्कृण्वन्गुहा सतीः .
4 8 1 0903च् अर्वाञ्चं नुनुदे वलम् .. 1641
4 8 1 1001अ त्यमु वः सत्रासाहं विश्वासु गीर्ष्वायतम् .
4 8 1 1001च् आ च्यावयस्यूतये .. 1642
4 8 1 1002अ युध्मं सन्तमनर्वाणं सोमपामनपच्युतम् .
4 8 1 1002च् नरमवार्यक्रतुम् .. 1643
4 8 1 1003अ शिक्षा ण इन्द्र राय आ पुरु विद्वां ऋचीषम .
4 8 1 1003च् अवा नः पार्ये धने .. 1644
4 8 1 1101अ तव त्यदिन्द्रियं बृहत्तव दक्ष्ममुत क्रतुम् .
4 8 1 1101च् वज्रं शिशाति धिषणा वरेण्यम् .. 1645
4 8 1 1102अ तव द्यौरिन्द्र पौंस्यं पृथिवी वर्धति श्रवः .
4 8 1 1102च् त्वामापः पर्वतासश्च हिन्विरे .. 1646
4 8 1 1103अ त्वां विष्णुर्बृहन्क्षयो मित्रो गृणाति वरुणः .
4 8 1 1103च् त्वां शर्धो मदत्यनु मारुतम् .. 1647
4 8 1 1201अ नमस्ते अग्न ओजसे गृणन्ति देव कृष्टयः .
4 8 1 1201च् अमैरमित्रमर्दय .. 1648

4 8 1 1202अ कुवित्सु नो गविष्टये ऽग्ने संवेषिषो रयिम् .
4 8 1 1202च् उरुकृदुरु णस्कृधि .. 1649
4 8 1 1203अ मा नो अग्ने महाधने परा वर्ग्भारभृद्यथा .
4 8 1 1203च् संवर्गं सं रयिं जय .. 1650
4 8 1 1301अ समस्य मन्यवे विशो विश्वा नमन्त कृष्टयः .
4 8 1 1301च् समुद्रायेव सिन्धवः .. 1651
4 8 1 1302अ वि चिद्वृत्रस्य दोधतः शिरो बिभेद वृष्णिना .
4 8 1 1302च् वज्रेण शतपर्वणा .. 1652
4 8 1 1303अ ओजस्तदस्य तित्विष उभे यत्समवर्त्तयत् .
4 8 1 1303च् इन्द्रश्चर्मेव रोदसी .. 1653
4 8 1 1401अ सुमन्मा वस्वी रन्ती सूनरी .. 1654
4 8 1 1402अ सरूप वृषन्ना गहीमौ भद्रौ धुर्यावभि .
4 8 1 1402च् ताविमा उप सर्पतः .. 1655
4 8 1 1403अ नीव शीर्षाणि मृढ्वं मध्य आपस्य तिष्ठति .
4 8 1 1403च् शृङ्गेभिर्दशभिर्दिशन् .. 1656
आष्टम प्रपाठकः . द्वितीयो ऽर्धः
4 8 2 0101अ पन्यंपन्यमित्सोतार आ धावत मद्याय .
4 8 2 0101च् सोमं वीराय शूराय .. 1657
4 8 2 0102अ एह हरी ब्रह्मयुजा शग्मा वक्षतः सखायम् .
4 8 2 0102च् इन्द्रं गीर्भिर्गिर्वणसम् .. 1658
4 8 2 0103अ पाता वृत्रहा सुतमा घा गमन्नारे अस्मत् .
4 8 2 0103च् नि यमते शतमूतिः .. 1659
4 8 2 0201अ आ त्वा विशन्त्विन्दवः समुद्रमिव सिन्धवः .
4 8 2 0201च् न त्वामिन्द्राति रिच्यते .. 1660
4 8 2 0202अ विव्यक्थ महिना वृषन्भक्षं सोमस्य जागृवे .
4 8 2 0202च् य इन्द्र जठरेषु ते .. 1661
4 8 2 0203अ अरं त इन्द्र कुक्षये सोमो भवतु वृत्रहन् .
4 8 2 0203च् अरं धामभ्य इन्दवः .. 1662
4 8 2 0301अ जराबोध तद्विविड्ढि विशेविशे यज्ञियाय .
4 8 2 0301च् स्तोमं रुद्राय दृशीकम् .. 1663
4 8 2 0302अ स नो महां अनिमानो धूमकेतुः पुरुश्चन्द्रः .
4 8 2 0302च् धिये वाजाय हिन्वतु .. 1664
4 8 2 0303अ स रेवां इव विश्पतिर्दैव्यः केतुः शृणोतु नः .
4 8 2 0303च् उक्थैरग्निर्बृहद्भानुः .. 1665
4 8 2 0401अ तद्वो गाय सुते सचा पुरुहूताय सत्वने .
4 8 2 0401च् शं यद्गवे न शाकिने .. 1666
4 8 2 0402अ न घा वसुर्नि यमते दानं वाजस्य गोमतः .
4 8 2 0402च् यत्सीमुपश्रवद्गिरः .. 1667
4 8 2 0403अ कुवित्सस्य प्र हि व्रजं गोमन्तं दस्युहा गमत् .
4 8 2 0403च् शचीभिरप नो वरत् .. 1668

4 8 2 0501अ इदं विष्णुर्वि चक्रमे त्रेधा नि दधे पदम् .
4 8 2 0501च् समूढमस्य पांसुले .. 1669
4 8 2 0502अ त्रीणि पदा वि चक्रमे विष्णुर्गोपा अदाभ्यः .
4 8 2 0502च् अतो धर्माणि धारयन् .. 1670
4 8 2 0503अ विष्णोः कर्माणि पश्यत यतो व्रतानि पस्पशे .
4 8 2 0503च् इन्द्रस्य युज्यः सखा .. 1671
4 8 2 0504अ तद्विष्णोः परमं पदं सदा पश्यन्ति सूरयः .
4 8 2 0504च् दिवीव चक्षुराततम् .. 1672
4 8 2 0505अ तद्विप्रासो विपन्युवो जागृवांसः समिन्धते .
4 8 2 0505च् विष्णोर्यत्परमं पदम् .. 1673
4 8 2 0506अ अतो देवा अवन्तु नो यतो विष्णुर्विचक्रमे .
4 8 2 0506च् पृथिव्या अधि सानवि .. 1674
4 8 2 0601अ मो षु त्वा वाघतश्च नारे अस्मन्नि रीरमन् .
4 8 2 0601च् आरात्ताद्व सधमादं न आ गहीह वा सन्नुप श्रुधि .. 1675
4 8 2 0602अ इमे हि ते ब्रह्मकृतः सुते सचा मधौ न मक्ष आसते .
4 8 2 0602च् इन्द्रे कामं जरितारो वसूयवो रथे न पादमा दधुः .. 1676
4 8 2 0701अ अस्तावि मन्म पूर्व्यं ब्रह्मेन्द्राय वोचत .
4 8 2 0701च् पूर्वीरृतस्य बृहतीरनूषत स्तोतुर्मेधा असृक्षत .. 1677
4 8 2 0702अ समिन्द्रो रायो बृहतीरधूनुत सं क्षोणी समु सूर्यम् .
4 8 2 0702च् सं शुक्रासः शुचयः सं गवाशिरः सोमा इन्द्रममन्दिषुः .. 1678
4 8 2 0801अ इन्द्राय सोम पातवे वृत्रघ्ने परि षिच्यसे .
4 8 2 0802च् नरे च दक्षिणावते देवाय सदनासदे .. 1679
4 8 2 0802अ तं सखायः पुरूरुचं यूयं वयं च सूरयः .
4 8 2 0802च् अश्याम वाजगन्ध्यं सनेम वाजपस्त्यम् .. 1680
4 8 2 0803अ परि त्यं हर्यतं हरिं बभ्रुं पुनन्ति वारेण .
4 8 2 0803च् यो देवान्विश्वां इत्परि मदेन सह गच्छति .. 1681
4 8 2 0901अ कस्तमिन्द्र त्वावसो मर्त्यो दधर्षति .
4 8 2 0901च् श्रद्धा इत्तेमघवन् पार्ये दिवि वाजी वाजं सिषासति .. 1682
4 8 2 0902अ मघोनः स्म वृत्रहत्येषु चोदय ये ददति प्रिया वसु .
4 8 2 0902च् तव प्रणीती हर्यश्व सूरिभिर्विश्वा तरेम दुरिता .. 1683
4 8 2 1001अ एदु मधोर्मदिन्तरं सिञ्चाध्वर्यो अन्धसः .
4 8 2 1001च् एवा हि वीर स्तवते सदावृधः .. 1684
4 8 2 1002अ इन्द्र स्थातर्हरीणां न किष्टे पूर्व्यस्तुतिम् .
4 8 2 1002च् उदानंश शवसा न भन्दना .. 1685
4 8 2 1003अ तं वो वाजानां पतिमहूमहि श्रवस्यवः .
4 8 2 1003च् अप्रायुभिर्ज्ञेभिर्वावृधेन्यम् .. 1686
4 8 2 1101अ तं गूर्धया स्वर्णरं देवासो देवमरतिं दधन्विरे .
4 8 2 1101च् देवत्रा हव्यमूहिषे .. 1687
4 8 2 1102अ विभूतरातिं विप्र चित्रशोचिषमग्निमीडिष्व यन्तुरम् .
4 8 2 1102च् अस्य मेधस्य सोम्यस्य सोभरे प्रेमध्वराय पूर्व्यम् .. 1688

4 8 2 1201अ आ सोम सवानो अद्रिभिस्तिरो वाराण्यव्यया .
4 8 2 1201च् जनो न पुरि चम्वोर्विशद्धरिः सदो वनेषु दध्रिषे .. 1689
4 8 2 1202अ स मामृजे तिरो अण्वानि मेष्यो मीड्वान्त्सप्तिर्न वाजयुः .
4 8 2 1202च् अनुमाद्यः पवमानो मनीषिभिः सोमो विप्रेभिरृक्वभिः .. 1690
4 8 2 1301अ वयमेनमिदा ह्यो ऽपीपेमेह वज्रिणम् .
4 8 2 1301च् तस्मा उ अद्य सवने सुतं भरा नूनं भूषत श्रुते .. 1691
4 8 2 1302अ वृकश्चिदस्य वारण उरामथिरा वयुनेषु भूषति .
4 8 2 1302च् सेमं न स्तोमं जुजुषाण आ गहीन्द्र प्र चित्रया धिया .. 1692
4 8 2 1401अ इन्द्राग्नी रोचना दिवः परि वाजेषु भूषथः .
4 8 2 1401च् तद्वां चेति प्र वीर्यम् .. 1693
4 8 2 1402अ इन्द्राग्नी अपसस्परि उप प्र यन्ति धीतयः .
4 8 2 1402च् ऋतस्य पथ्या अनु .. 1694
4 8 2 1403अ इन्द्राग्नी तविषाणि वाम् सधस्थानि प्रयांसि च .
4 8 2 1403च् युवोरप्तूर्यं हितम् .. 1695
4 8 2 1501अ क ईं वेद सुते सचा पिबन्तं कद्वयो दधे .
4 8 2 1501च् अयं यः पुरो विभिनत्त्योजसा मन्दानः शिप्रयन्धसः .. 1696
4 8 2 1502अ दाना मृगो न वारणः पुरुत्रा चरथं दधे .
4 8 2 1502च् न किष्ट्वा नि यमदा सुते गमो महांश्चरस्योजसा .. 1697
4 8 2 1503अ य उग्रः सन्ननिष्टृतः स्थिरो रणाय संस्कृतः .
4 8 2 1503च् यदि स्तोतुर्मघवा शृणवद्धवं नेन्द्रो योषत्या गमत् .. 1698
4 8 2 1601अ पवमाना असृक्षत सोमाः शुक्रास इन्दवः .
4 8 2 1601च् अभि विश्वानि काव्या .. 1699
4 8 2 1602अ पवमाना दिवस्पर्यन्तरिक्षादसृक्षत .
4 8 2 1602च् पृथिव्या अधि सानवि .. 1700
4 8 2 1603अ पवमानास आशवः शुभ्रा असृग्रमिन्दवः .
4 8 2 1603च् घ्नन्तो विश्वा अप द्विषः .. 1701
4 8 2 1701अ तोशा वृत्रहणा हुवे सजित्वानापराजिता .
4 8 2 1701च् इन्द्राग्नी वाजसातमा .. 1702
4 8 2 1702अ प्र वामर्चन्त्युक्थिनो नीथाविदो जरितारः .
4 8 2 1702च् इन्द्राग्नी इष आ वृणे .. 1703
4 8 2 1703अ इन्द्राग्नी नवतिं पुरो दासपत्नीरधूनुतम् .
4 8 2 1703च् साकमेकेन कर्मणा .. 1704
4 8 2 1801अ उप त्वा रण्वसन्दृशं प्रयस्वन्तः सहस्कृत .
4 8 2 1801च् अग्ने ससृज्महे गिरः .. 1705
4 8 2 1802अ उप च्छायामिव घृणेरगन्म शर्म ते वयम् .
4 8 2 1802च् अग्ने हिरण्यसन्दृशः .. 1706
4 8 2 1803अ य उग्र इव शर्यहा तिग्मशृङ्गो न वंसगः .
4 8 2 1803च् अग्ने पुरो रुरोजिथ .. 1707
4 8 2 1901अ ऋतावानं वैश्वानरमृतस्य ज्योतिषस्पतिम् .
4 8 2 1901च् अजस्रं घर्ममीमहे .. 1708

4 8 2 1902अ य इदं प्रतिपप्रथे यज्ञस्य स्वरुत्तिरन् .
4 8 2 1902च् ऋतूनुत्सृजते वशी .. 1709
4 8 2 1903अ अग्निः प्रियेषु धामसु कामो भूतस्य भव्यस्य .
4 8 2 1903च् सभ्राडेको वि राजति .. 1710
आष्टम प्रपाठकः . तृतीयो ऽर्धः
4 8 3 0101अ अग्निः प्रत्नेन जन्मना शुम्भानस्तन्वा3ं स्वाम् .
4 8 3 0101च् कविर्विप्रेण ववृधे .. 1711
4 8 3 0102अ ऊर्ज्जो नपातमा हुवे ऽग्निं पावकशोचिषम् .
4 8 3 0102च् अस्मिन्यज्ञे स्वध्वरे .. 1712
4 8 3 0103अ स नो मित्रमहस्त्वमग्ने शुक्रेण शोचिषा .
4 8 3 0103च् देवैरा सत्सि बर्हिषि .. 1713
4 8 3 0201अ उत्ते शुष्मासो अस्थू रक्षो भिन्दन्तो अद्रिवः .
4 8 3 0201च् नुदस्व याः परिस्पृधः .. 1714
4 8 3 0202अ अया निजघ्निरोजसा रथसङ्गे धने हिते .
4 8 3 0202च् स्तवा अबिभ्युषा हृदा .. 1715
4 8 3 0203अ अस्य व्रतानि नाधृषे पवमानस्य दूढ्या .
4 8 3 0203च् रुज यस्त्वा पृतन्यति .. 1716
4 8 3 0204अ तं हिन्वन्ति मदच्युतं हरिं नदीषु वाजिनम् .
4 8 3 0204च् इन्दुमिन्द्राय मत्सरम् .. 1717
4 8 3 0301अ आ मन्द्रैरिन्द्र हरिभिर्याहि मयूररोमभिः .
4 8 3 0301च् मा त्वा के चिन्नि येमुरिन्न पाशिनो ऽति धन्वेव तां इहि .. 1718
4 8 3 0302अ वृत्रखादो वलं रुजः पुरां दर्मो अपामजः .
4 8 3 0302च् स्थाता रथस्य हर्योरभिस्वर इन्द्रो दृढा चिदारुजः .. 1719
4 8 3 0303अ गम्भीरां उदधींरिव क्रतुं पुष्यसि गा इव .
4 8 3 0303च् प्र सुगोपा यवसं धेनवो यथा ह्रदं कुल्या इवाशत .. 1720
4 8 3 0401अ यथा गौरो अपा कृतं तृष्यन्नेत्यवेरिणम् .
4 8 3 0401च् आपित्वे नः प्रपित्वे तूयमा गहि कण्वेषु सु सचा पिब .. 1721
4 8 3 0402अ मन्दन्तु त्वा मघवन्निन्द्रेन्दवो राधोदेयाय सुन्वते .
4 8 3 0402च् आमुष्या सोममपिबश्चमू सुतं ज्येष्ठं तद्दधिषे सहः .. 1722
4 8 3 0501अ त्वमङ्ग प्र शुंसिषो देवः शविष्ठ मर्त्यम् .
4 8 3 0501च् न त्वदन्यो मघवन्नस्ति मर्डितेन्द्र ब्रवीमि ते वचः .. 1723
4 8 3 0502अ मा ते राधांसि मा त ऊतयो वसो ऽस्मान्कदा चना दभन् .
4 8 3 0502च् विश्वा च न उपमिमीहि मानुष वसूनि चर्षणिभ्य आ .. 1724
4 8 3 0601अ प्रति ष्या सूनरी जनी व्युच्छन्ती परि स्वसुः .
4 8 3 0601च् दिवो अदर्शि दुहिता .. 1725
4 8 3 0602अ अश्वेव चित्रारुषी माता गवामृतावरी .
4 8 3 0602च् सखा भूदश्विनोरुषाः .. 1726
4 8 3 0603अ उत सखास्यश्विनोरुत माता गवामसि .
4 8 3 0603च् उतोषो वस्व ईशिषे .. 1727
4 8 3 0701अ एषो उषा अपूर्व्य व्युच्छति प्रिया दिवः .

4 8 3 0701च् स्तुषे वामश्विना बृहत् .. 1728
4 8 3 0702अ या दस्रा सिन्धुमातरा मनोतरा रयीणाम् .
4 8 3 0702च् धिया देवा वसुविदा .. 1729
4 8 3 0703अ वच्यन्ते वां ककुहासो जूर्णायामधि विष्टपि .
4 8 3 0703च् यद्वां रथो विभिष्पतात् .. 1730
4 8 3 0801अ उषस्तच्चित्रमा भरास्मभ्यं वाजिनीवति .
4 8 3 0801च् येन तोकं च तनयं च धामहे .. 1731
4 8 3 0802अ उषो अद्येह गोमत्यश्वावति विभावरि .
4 8 3 0802च् रेवदस्मे व्युच्छ सूनृतावति .. 1732
4 8 3 0803अ युङ्क्ष्वा हि वाजिनीवत्यश्वां अद्यारुणां उषः .
4 8 3 0803च् अथा नो विश्वा सौभगान्या वह .. 1733
4 8 3 0901अ अश्विना वर्तिरस्मदा गोमद्दस्रा हिरण्यवत् .
4 8 3 0901च् अर्वाग्रथं समनसा नि यच्छतम् .. 1734
4 8 3 0902अ एह देवा मयोभुवा दस्रा हिरण्यवर्त्तनी .
4 8 3 0902च् उषर्बुधो वहन्तु सोमपीतये .. 1735
4 8 3 0903अ यावित्था श्लोकमा दिवो ज्योतिर्जनाय चक्रथुः .
4 8 3 0903च् आ न ऊर्जं वहतमश्विना युवम् .. 1736
4 8 3 1001अ अग्निं तं मन्ये यो वसुरस्तं यं यन्ति धेनवः .
4 8 3 1001च् अस्तमर्वन्त आशवोस्तं नित्यासो वाजिन इषं स्तोतृभ्य आ भर .. 1737
4 8 3 1002अ अग्निर्हि वाजिनं विशे ददाति विश्वचर्षणिः .
4 8 3 1002च् अग्नी राये स्वाभुवं स प्रीतो याति वार्यमिषं स्तोतृभ्य आ भर .. 1738
4 8 3 1003अ सो अग्निर्यो वसुर्गृणे सं यमायन्ति धेनवः .
4 8 3 1003च् समर्वन्तो रघुद्रुवः सं सुजातासः सूरय इषं स्तोतृभ्य आ भर .. 1739
4 8 3 1101अ महे नो अद्य बोधयोषो राये दिवित्मती .
4 8 3 1101च् यथा चिन्नो अबोधयः सत्यश्रवसि वाय्ये सुजाते अश्वसूनृते .. 1740
4 8 3 1102अ या सुनीथे शौचद्रथे व्यौच्छो दुहितर्दिवः .
4 8 3 1102च् सा व्युच्छ सहीयसि सत्यश्रवसि वाय्ये सुजाते अश्वसूनृते .. 1741
4 8 3 1103अ सा नो अद्याभरद्वसुर्व्युच्छा दुहितर्दिवः .
4 8 3 1103च् यो व्यौच्छः सहीयसि सत्यश्रवसि याय्ये सुजाते अश्वसूनृते .. 1742
4 8 3 1201अ प्रति प्रियतमं रथं वृशणं वसुवाहनम् .
4 8 3 1201च् स्तोता वामश्विनावृषि स्तोमेभिर्भूषति प्रति माध्वी मम श्रुतं हवम् .. 1743
4 8 3 1202अ अत्यायातमश्विना तिरो विश्वा अहं सना .
4 8 3 1202च् दस्रा हिरण्यवर्त्तनी सुषुम्णा सिन्धुवाहसा माध्वी मम श्रुतं हवम् .. 1744
4 8 3 1203अ आ नो रत्नानि बिभ्रतावश्विना गच्छतं युवम् .
4 8 3 1203च् रुद्रा हिरण्यवर्त्तनी जुषाणा वाजिनीवसू माध्वी मम श्रुतं हवम् .. 1745
4 8 3 1301अ अबोध्यग्निः समिधा जनानां प्रति धेनुमिवायतीमुषासम् .
4 8 3 1301च् यह्वा इव प्र वयामुज्जिहानाः प्र भानवः सस्रते नाकमच्छ .. 1746
4 8 3 1302अ अबोधि होता यजथाय देवानूर्ध्वो अग्निः सुमनाः प्रातरस्थात् .
4 8 3 1302च् समिद्धस्य रुशददर्शि पाजो महान्देवस्तमसो निरमोचि .. 1747
4 8 3 1303अ यदीं गणस्य रशनामजीगः शुचिरङ्क्ते शुचिभिर्गोभिरग्निः .

4 8 3 1303च् आद्दक्षिणा युज्यते वाजयन्त्युत्तानामूर्ध्वो अधयज्जुहूभिः .. 1748
4 8 3 1401अ इदं श्रेष्ठं ज्योतिषां ज्योतिरागाच्चित्रः प्रकेतो अजनिष्ट विभ्वा .
4 8 3 1401च् यथा प्रसूता सवितुः सवायैवा रात्र्युषसे योनिमारैक् .. 1749
4 8 3 1402अ रुशाद्वत्सा रुशती श्वेत्यागादारैगु कृष्णा सदनान्यस्याः .
4 8 3 1402च् समानबन्धू अमृते अनूची द्यावा वर्णं चरत आमिनाने .. 1750
4 8 3 1403अ समानो अध्वा स्वस्रोरनन्तस्तमन्यान्या चरतो देवशिष्टे .
4 8 3 1403च् न मेथेते न तस्थतुः सुमेके नक्तोषासा समनसा विरूपे .. 1751
4 8 3 1501अ आ भात्यग्निरुषसामनीकमुद्विप्राणां देवया वाचो अस्थुः .
4 8 3 1501च् अर्वाञ्चा नूनं रथ्येह यातं पीपिवांसमश्विना घर्ममच्छ .. 1752
4 8 3 1502अ न संस्कृतं प्र मिमीतो गमिष्ठान्ति नूनमश्विनोपस्तुतेह .
4 8 3 1502च् दिवाभिपित्वेवसागमिष्ठा प्रत्यवर्त्तिं दाशुषे शम्भविष्ठा .. 1753
4 8 3 1503अ उता यातं संगवे प्रातरह्नो मध्यन्दिन उदिता सूर्यस्य .
4 8 3 1503च् दिवा नक्तमवसा शन्तमेन नेदानीं पीतिरश्विना ततान .. 1754
4 8 3 1601अ एता उ त्या उषसः केतुमक्रत पूर्वे अर्धे रजसो भानुमञ्जते .
4 8 3 1601च् निष्कृण्वाना आयुधानीव धृष्णवः प्रति गावो ऽरुषीर्यन्ति मातरः .. 1755
4 8 3 1602अ उदपप्तन्नरुणा भानवो वृथा स्वायुजो अरुषीर्गा अयुक्षत .
4 8 3 1602च् अक्रन्नुषासो वयुनानि पूर्वथा रुशन्तं भानुमरुषीरशिश्रयुः .. 1756
4 8 3 1603अ अर्चन्ति नारीरपसो न विष्टिभिः समानेन योजनेना परावतः .
4 8 3 1603च् इषं वहन्तीः सुकृते सुदानवे विश्वेदह यजमानाय सुन्वते .. 1757
4 8 3 1701अ अबोध्यग्निर्ज्म उदेति सूर्यो व्यू3षाश्चन्द्रा मह्यावो अर्चिषा .
4 8 3 1701च् आयुक्षातामश्विना यातवे रथं प्रासावीद्देवः सविता जगत्पृथक् .. 1758
4 8 3 1702अ यद्युञ्जाथे वृषणमश्विना रथं घृतेन नो मधुना क्षत्रमुक्षतम् .
4 8 3 1702च् अस्माकं ब्रह्म पृतनासु जिन्वतं वयं धना शूरसाता भजेमहि .. 1759
4 8 3 1703अ अर्वाङ्त्रिचक्रो मधुवाहनो रथो जीराश्वो अश्विनोर्यातु सुष्टुतः .
4 8 3 1703च् त्रिवन्धुरो मघवा विश्वसौभगः शं न आ वक्षद्द्विपदे चतुष्पदे .. 1760
4 8 3 1801अ प्र ते धारा असश्चतो दिवो न यन्ति वृष्टयः .
4 8 3 1801च् अच्छा वाजं सहस्रिणम् .. 1761
4 8 3 1802अ अभि प्रियाणि काव्या विश्वा चक्षाणो अर्षति .
4 8 3 1802च् हरिस्तुञ्जान आयुधा .. 1762
4 8 3 1803अ स मर्मृजान आयुभिरिभो राजेव सुव्रतः .
4 8 3 1803च् श्येनो न वंसु षीदति .. 1763
4 8 3 1804अ स नो विश्वा दिवो वसूतो पृथिव्या अधि .
4 8 3 1804च् पुनान इन्दवा भर .. 1764
नवम प्रपाठकः . प्रथमो ऽर्धः
4 9 1 0101अ प्रास्य धारा अक्षरन्वृष्णः सुतस्यौजसा .
4 9 1 0101च् देवां अनु प्रभूषतः .. 1765
4 9 1 0102अ सप्तिं मृजन्ति वेधसो गृणन्तः कारवो गिरा .
4 9 1 0102च् ज्योतिर्जज्ञानमुक्थ्यम् .. 1766
4 9 1 0103अ सुषहा सोम तानि ते पुनानाय प्रभूवसो .
4 9 1 0103च् वर्धा समुद्रमुक्थ्यम् .. 1767

4 9 1 0201अ एष ब्रह्मा य ऋत्विय इन्द्रो नाम श्रुतो गृणे .. 1768
4 9 1 0202अ त्वामिच्छवसस्पते यन्ति गिरो न संयतः .. 1769
4 9 1 0203अ वि स्रुतयो यथा पथा इन्द्र त्वद्यन्तु रातयः .. 1770
4 9 1 0301अ आ त्वा रथं यथोतये सुम्नाय वर्त्तयामसि .
4 9 1 0301च् तुविकूर्मिमृतीषहमिन्द्रं शविष्ठ सत्पतिम् .. 1771
4 9 1 0302अ तुविशुष्म तुविक्रतो शचीवो विश्वया मते .
4 9 1 0302च् आ पप्राथ महित्वना .. 1772
4 9 1 0303अ यस्य ते महिना महः परि ज्मायन्तमीयतुः .
4 9 1 0303च् हस्ता वज्रं हिरण्ययम् .. 1773
4 9 1 0401अ आ यः पुरं नार्मिणीमदीदेदत्यः कविर्नभन्यो3 नार्व .
4 9 1 0401च् सूरो न रुरुक्वाञ्छतात्मा .. 1774
4 9 1 0402अ अभि द्विजन्मा त्री रोचनानि विश्वा रजांसि शुशुचनो अस्थात् .
4 9 1 0402च् होता यजिष्ठो अपां सधस्थे .. 1775
4 9 1 0403अ अयं स होता यो द्विजन्मा विश्वा दधे वार्याणि श्रवस्या .
4 9 1 0403च् मर्तो यो अस्मै सुतुको ददाश .. 1776
4 9 1 0501अ अग्ने तमद्याष्वं न स्तोमैः क्रतुं न भद्रं हृदिस्पृषम् .
4 9 1 0501च् ऋध्यामा त ओहैः .. 1777
4 9 1 0502अ अधा ह्यग्ने क्रतोर्भद्रस्य दक्षस्य साधोः .
4 9 1 0502च् रथीरृतस्य बृहतो बभूथ .. 1778
4 9 1 0503अ एभिर्नो अर्कैर्भवा नो अर्वाङ्क्स्वा3र्ण ज्योतिः .
4 9 1 0503च् अग्ने विश्वेभिः सुमना अनीकैः .. 1779
4 9 1 0601अ अग्ने विवस्वदुषसश्चित्रं राधो अमर्त्य .
4 9 1 0601च् आ दाशुषे जातवेदो वहा त्वमद्या देवां उषर्बुधः .. 1780
4 9 1 0602अ जुष्टो हि दूतो असि हव्यवाहनो ऽग्ने रथीरध्वराणाम् .
4 9 1 0602च् सजूरश्विभ्यामुषसा सुवीर्यमस्मे धेहि श्रवो बृहत् .. 1781
4 9 1 0701अ विधुं दद्राणं समने बहूनां युवानं सन्तं पलितो जगार .
4 9 1 0701च् देवस्य पश्य काव्यं महित्वाद्या ममार स ह्यः समान .. 1782
4 9 1 0702अ शाक्मना शाको अरुणः सुपर्ण आ यो महः शूरः सनादनीडः .
4 9 1 0702च् यच्चिकेत सत्यमित्तन्न मोघं वसु स्पार्हमुत जेतोत दाता .. 1783
4 9 1 0703अ ऐभिर्ददे वृष्ण्या पौंस्यानि येभिरौक्षद्वृत्रहत्याय वज्री .
4 9 1 0703च् ये कर्मणः क्रियमाणस्य मह्न ऋतेकर्ममुदजायन्त देवाः .. 1784
4 9 1 0801अ अस्ति सोमो अयं सुतः पिबन्त्यस्य मरुतः .
4 9 1 0801च् उत स्वराजो अश्विना .. 1785
4 9 1 0802अ पिबन्ति मित्रो अर्यमा तना पूतस्य वरुणः .
4 9 1 0802च् त्रिषधस्थस्य जावतः .. 1786
4 9 1 0803अ उतो न्वस्य जोषमा इन्द्रः सुतस्य गोमतः .
4 9 1 0803च् प्रातर्होतेव मत्सति .. 1787
4 9 1 0901अ बण्महां असि सूर्य बडादित्य महां असि .
4 9 1 0901च् महस्ते सतो महिमा पनिष्तम मह्ना देव महां असि .. 1788
4 9 1 0902अ बट् सूर्य श्रवसा महां असि सत्रा देव महां असि .

4 9 1 0902च् मह्ना देवानामसुर्यः पुरोहितो विभु ज्योतिरदाभ्यम् .. 1789
4 9 1 1001अ उप नो हरिभिः सुतं याहि मदानां पते .
4 9 1 1001च् उप नो हरिभिः सुतम् .. 1790
4 9 1 1002अ द्विता यो वृत्रहन्तमो विद इन्द्रः शतक्रतुः .
4 9 1 1002च् उप नो हरिभिः सुतम् .. 1791
4 9 1 1003अ त्वं हि वृत्रहन्नेषां पाता सोमानामसि .
4 9 1 1003च् उप नो हरिभिः सुतम् .. 1792
4 9 1 1101अ प्र वो महे महेवृधे भरध्वं प्रचेतसे प्र सुमतिं कृणुध्वम् .
4 9 1 1101च् विशः पूर्वीः प्र चर चर्षणिप्राः .. 1793
4 9 1 1102अ उरुव्यचसे महिने सुवृक्तिमिन्द्राय ब्रह्म जनयन्त विप्राः .
4 9 1 1102च् तस्य व्रतानि न मिनन्ति धीराः .. 1794
4 9 1 1103अ इन्द्रं वाणीरनुत्तमन्युमेव सत्रा राजानं दधिरे सहध्यै .
4 9 1 1103च् हर्यश्वाय बर्हया समापीन् .. 1795
4 9 1 1201अ यदिन्द्र यावतस्त्वमेतावदहमीशीय .
4 9 1 1201च् स्तोतारमिद्दधिषे रदावसो न पापत्वाय रंसिषम् .. 1796
4 9 1 1202अ शिक्षेयमिन्महयते दिवेदिवे राय आ कुहचिद्विदे .
4 9 1 1202च् न हि त्वदन्यन्मघवन्न आप्यं वस्यो अस्ति पिता च न .. 1797
4 9 1 1301अ श्रुधी हवं विपिपानस्याद्रेर्बोधा विप्रस्यार्चतो मनीषाम् .
4 9 1 1301च् कृष्वा दुवांस्यन्तमा सचेमा .. 1798
4 9 1 1302अ न ते गिरो अपि मृष्ये तुरस्य न सुष्टुतिमसुर्यस्य विद्वान् .
4 9 1 1302च् सदा ते नाम स्वयशो विवक्मि .. 1799
4 9 1 1303अ भूरि हि ते सवना मानुषेषु भूरि मनीषी हवते त्वामित् .
4 9 1 1303च् मारे अस्मन्मघवञ्ज्योक्कः .. 1800
4 9 1 1401अ प्रो ष्वस्मै पुरोरथमिन्द्राय शूषमर्चत .
4 9 1 1401च् अभीके चिदु लोककृत्सङ्गे समत्सु वृत्रह .
4 9 1 1401ए अस्माकं बोधि चोदिता नभन्तामन्यकेषां ज्याका अधि धन्वसु .. 1801
4 9 1 1402अ त्वं सिन्धूंरवासृजो ऽधराचो अहन्नहिम् .
4 9 1 1402च् अशत्रुरिन्द्र जज्ञिषे विश्वं पुष्यसि वार्यम् .
4 9 1 1402ए तं त्वा परि ष्वजामहे नभन्तामन्यकेषां ज्याका अधि धन्वसु .. 1802
4 9 1 1403अ वि षु विश्वा अरातयो ऽर्यो नशन्त नो धियः .
4 9 1 1403च् अस्तासि शत्रवे वधं यो न इन्द्र जिघांसति .
4 9 1 1403ए या ते रातिर्ददिवसु नभन्तामन्यकेषां ज्याका अधि धन्वसु .. 1803
4 9 1 1501अ रेवां इद्रेवत स्तोता स्यात्त्वावतो मघोनः .
4 9 1 1501च् प्रेदु हरिवः सुतस्य .. 1804
4 9 1 1502अ उक्थं च न शस्यमानं नागो रयिरा चिकेत .
4 9 1 1502च् न गायत्रं गीयमानम् .. 1805
4 9 1 1503अ मा न इन्द्र पीयत्नवे मा शर्धते परा दाः .
4 9 1 1503च् शिक्षा शचीवः शचीभिः .. 1806
4 9 1 1601अ एन्द्र याहि हरिभिरुप कण्वस्य सुष्टुतिम् .
4 9 1 1601च् दिवो अमुष्य शासतो दिवं यय दिवावसो .. 1807

4 9 1 1602अ अत्रा वि नेमिरेषामुरां न धूनुते वृकः .
4 9 1 1602च् दिवो अमुष्य शासतो दिवं यय दिवावसो .. 1808
4 9 1 1603अ आ त्वा ग्रावा वदनीह सोमी घोषेण वक्षतु .
4 9 1 1603च् दिवो अमुष्य शासतो दिवं यय दिवावसो .. 1809
4 9 1 1701अ पवस्व सोम मन्दयन्निन्द्राय मधुमत्तमः .. 1810
4 9 1 1702अ ते सुतासो विपश्चितः शुक्रा वायुमसृक्षत .. 1811
4 9 1 1703अ असृग्रं देववीतये वाजयन्तो रथा इव .. 1812
4 9 1 1801अ अग्निं होतारं मन्ये दास्वन्तं वसोः सूनुं सहसो जातवेदसं विप्रं न जातवेदसम्
.
4 9 1 1801च् य ऊर्ध्वरो स्वध्वरो देवो देवाच्या कृपा .
4 9 1 1801ए घृतस्य विभ्राष्टिमनु शुक्रशोचिष आजुह्वानस्य सर्पिषः .. 1813
4 9 1 1802अ यजिष्ठं त्वा यजमाना हुवेम ज्येष्ठमङ्गिरसां विप्र मन्मभिर्विप्रेभिः शुक्रमन्मभिः .
4 9 1 1802च् परिज्मानमिव द्यां होतारं चर्षणीनाम् .
4 9 1 1802ए शोचिष्केशं वृषणं यमिमा विशः प्रावन्तु जूतये विशः .. 1814
4 9 1 1803अ स हि पुरू चिदोजसा विरुक्मता दीद्यानो भवति द्रुहन्तरः परशुर्न द्रुहन्तरः .
4 9 1 1803च् वीडु चिद्यस्य समृतौ श्रुवद्वनेव यत्स्थिरम् .
4 9 1 1803ए निष्षहमाणो यमते नायते धन्वासहा नायते .. 1815
नवम प्रपाठकः . द्वितीयो ऽर्धः
4 9 2 0101अ अग्ने तव श्रवो वयो महि भ्राजन्ते अर्चयो विभावसो .
4 9 2 0101च् बृहद्भानो शवसा वाजमुक्थ्य3ं दधासि दाशुषे कवे .. 1816
4 9 2 0102अ पावकवर्चाः शुक्रवर्चा अनूनवर्चा उदियर्षि भानुना .
4 9 2 0102च् पुत्रो मातरा विचरन्नुपावसि पृणक्षि रोदसी उभे .. 1817
4 9 2 0103अ ऊर्जो नपाज्जातवेदः सुशस्तिभिर्मन्दस्व धीतिभिर्हितः .
4 9 2 0103च् त्वे इषः सं दधुर्भूरिवर्पसश्चित्रोतयो वामजाताः .. 1818
4 9 2 0104अ इरज्यन्नग्ने प्रथयस्व जन्तुभिरस्मे रायो अमर्त्य .
4 9 2 0104च् स दर्शतस्य वपुषो वि राजसि पृणक्षि दर्शतं क्रतुम् .. 1819
4 9 2 0105अ इष्कर्त्तारमध्वरस्य प्रचेतसं क्षयन्तं राधसो महः .
4 9 2 0105च् रातिं वामस्य सुभगां महीमिषं दधासि सानसिं रयिम् .. 1820
4 9 2 0106अ ऋतावानं महिषं विश्वदर्शतमग्निं सुम्नाय दधिरे पुरो जनाः .
4 9 2 0106च् श्रुत्कर्णं सप्रथस्तमं त्वा गिरा दैव्यं मानुषा युगा .. 1821
4 9 2 0201अ प्र सो अग्ने तवोतिभिः सुविराभिस्तरति वाजकर्मभिः .
4 9 2 0201च् यस्य त्वं सख्यमाविथ .. 1822
4 9 2 0202अ तव द्रप्सो नीलवान्वाश ऋत्विय इन्धानः सिष्णवा ददे .
4 9 2 0202च् त्वं महीनामुषसामसि प्रियः क्षपो वस्तुषु राजसि .. 1823
4 9 2 0301अ तमोषधीर्दधिरे गर्भमृत्वियं तमापो अग्निं जनयन्त मातरः .
4 9 2 0301च् तमित्समानं वनिनश्च वीरुधो ऽन्तर्वतीश्च सुवते च विश्वहा .. 1824
4 9 2 0401अ अग्निरिन्द्राय पवते दिवि शुक्रो वि राजति .
4 9 2 0401च् महिषीव वि जायते .. 1825
4 9 2 0501अ यो जागार तमृचः कामयन्ते यो जागार तमु सामानि यन्ति .
4 9 2 0501च् यो जागार तमयं सोम आह तवाहमस्मि सख्ये न्योकाः .. 1826

4 9 2 0601अ अग्निर्जागार तमृचः कामयन्तेग्निर्जागार तमु सामानि यन्ति .
4 9 2 0601च् अग्निर्जागार तमयं सोम आह तवाहमस्मि सख्ये न्योकाः .. 1827
4 9 2 0701अ नमः सखिभ्यः पूर्वसद्भ्यो नमः साकन्निषेभ्यः .
4 9 2 0701च् युञ्जे वाचं शतपदीम् .. 1828
4 9 2 0702अ युञ्जे वाचं शतपदीं गाये सहस्रवर्त्तनि .
4 9 2 0702च् गायत्रं त्रैष्टुभं जगत् .. 1829
4 9 2 0703अ गायत्रं त्रैष्टुभं जगद्विश्वा रूपाणि सम्भृता .
4 9 2 0703च् देवा ओकांसि चक्रिरे .. 1830
4 9 2 0801अ अग्निर्ज्योतिर्ज्योतिरग्निरिन्द्रो ज्योतिर्ज्योतिरिन्द्रः .
4 9 2 0801च् सूर्यो ज्योतिर्ज्योतिः सूर्यः .. 1831
4 9 2 0802अ पुनरूर्जा नि वर्त्तस्व पुनरग्न इषायुषा .
4 9 2 0802च् पुनर्नः पाह्यंहसः .. 1832
4 9 2 0803अ सह रय्या नि वर्तस्वाग्ने पिन्वस्व धारया .
4 9 2 0803च् विश्वप्स्न्या विश्वतस्परि .. 1833
4 9 2 0901अ यदिन्द्राहं यथा त्वमीशीय वस्व एक इत् .
4 9 2 0901च् स्तोता मे गोसखा स्यात् .. 1834
4 9 2 0902अ शिक्षेयमस्मै दित्सेयं शचीपते मनीषिणे .
4 9 2 0902च् यदहं गोपतिः स्याम् .. 1835
4 9 2 0903अ धेनुष्ट इन्द्र सूनृता यजमानाय सुन्वते .
4 9 2 0903च् गामश्वं पिप्युषी दुहे .. 1836
4 9 2 1001अ आपो हि ष्ठा मयोभुवस्ता न ऊर्जे दधातन .
4 9 2 1001च् महे रणाय चक्षसे .. 1837
4 9 2 1002अ यो वः शिवतमो रसस्तस्य भाजयतेह नः .
4 9 2 1002च् उशतीरिव मातरः .. 1838
4 9 2 1003अ तस्मा अरं गमाम वो यस्य क्षयाय जिन्वथ .
4 9 2 1003च् आपो जनयथा च नः .. 1839
4 9 2 1101अ वात आ वातु बेषजं शम्भु मयोभु नो हृदे .
4 9 2 1101च् प्र न अयूंषि तारिषत् .. 1840
4 9 2 1102अ उत वात पितासि न उत भ्रातोत नः सखा .
4 9 2 1102च् स नो जीवातवे कृधि .. 1841
4 9 2 1103अ यददो वात ते गृहे3 ऽमृतं निहितं गुहा .
4 9 2 1103च् तस्यो नो देहि जीवसे .. 1842
4 9 2 1201अ अभि वाजी विश्वरूपो जनित्रं हिरण्ययं बिभ्रदत्कं सुपर्णः .
4 9 2 1201च् सूर्यस्य भानुमृतुथा वसानः परि स्वयं मेधमृज्रो जजान .. 1843
4 9 2 1202अ अप्सु रेतः शिश्रिये विश्वरूपं तेजः पृथिव्यामधि यत्सम्बभूव .
4 9 2 1202च् अन्तरिक्षे स्वं महिमानं मिमानः कनिक्रन्ति वृष्णो अश्वस्य रेतः .. 1844
4 9 2 1203अ अयं सहस्रा परि युक्ता वसानः सूर्यस्य भानुं यज्ञो दाधार .
4 9 2 1203च् सहस्रदाः शतदा भूरिदावा धर्त्ता दिवो भुवनस्य विश्पतिः .. 1845
4 9 2 1301अ नाके सुपर्णमुप यत्पतन्तं हृदा वेनन्तो अभ्यचक्षत त्वा .
4 9 2 1301च् हिरण्यपक्षं वरुणस्य दूतं यमस्य योनौ शकुनं भुरण्युम् .. 1846

4 9 2 1302अ ऊर्ध्वो गन्धर्वो अधि नाके अस्थात्प्रत्यञ्चित्रा बिभ्रदस्यायुधानि .
4 9 2 1302च् वसानो अत्कं सुरभिं दृशे कं स्व3र्ण नाम जनत प्रियाणि .. 1847
4 9 2 1303अ द्रप्सः समुद्रमभि यज्जिगाति पश्यन्गृध्रस्य चक्षसा विधर्मन् .
4 9 2 1303च् भानुः शुक्रेण शोचिषा चकानस्तृतीये चक्रे रजसि प्रियाणि .. 1848
नवम प्रपाठकः . तृतीयो ऽर्धः
4 9 3 0101अ आशुः शिशानो वृषभो न भीमो घनाघनः क्षोभणश्चर्षणीनाम् .
4 9 3 0101च् सङ्क्रन्दनो ऽनिमिष एकवीरः शतं सेना अजयत्साकमिन्द्रः .. 1849
4 9 3 0102अ सङ्क्रन्दनेनानिमिषेण जिष्णुना युत्कारेण दुश्च्यवनेन धृष्णुना .
4 9 3 0102च् तदिन्द्रेण जयत तत्सहध्वं युधो नर इषुहस्तेन वृष्णा .. 1850
4 9 3 0103अ स इषुहस्तैः स निषङ्गिभिर्वशी संस्रष्टा स युध इन्द्रो गणेन .
4 9 3 0103च् सं सृष्टजित्सोमपा बाहुशर्ध्यू3ग्रधन्वा प्रतिहिताभिरस्ता .. 1851
4 9 3 0201अ बृहस्पते परि दीया रथेन रक्षोहामित्रां अपबाधमानः .
4 9 3 0201च् प्रभञ्जन्सेनाः प्रमृणो युधा जयन्नस्माकमेध्यविता रथानाम् .. 1852
4 9 3 0202अ बलविज्ञायः स्थविरः प्रवीरः सहस्वान्वाजी सहमान उग्रः .
4 9 3 0202च् अभिवीरो अभिसत्वा सहोजा जैत्रमिन्द्र रथमा तिष्ठ गोवित् .. 1853
4 9 3 0203अ गोत्रभिदं गोविदं वज्रबाहुं जयन्तमज्म प्रमृणन्तमोजसा .
4 9 3 0203च् इमं सजाता अनु वीरयध्वमिन्द्रं सखायो अनु सं रभध्वम् .. 1854
4 9 3 0301अ अभि गोत्राणि सहसा गाहमानो ऽदयो वीरः शतमन्युरिन्द्रः .
4 9 3 0301च् दुश्च्यवनः पृतनाषाडयुध्यो3 ऽस्माकं सेना अवतु प्र युत्सु .. 1855
4 9 3 0302अ इन्द्र आसां नेता बृहस्पतिर्दक्षिणा यज्ञः पुर एतु सोमः .
4 9 3 0302च् देवसेनानामभिभञ्जतीनां जयन्तीनां मरुतो यन्त्वग्रम् .. 1856
4 9 3 0303अ इन्द्रस्य वृष्णो वरुणस्य राज्ञ आदित्यानां मरुतां शर्ध उग्रम् .
4 9 3 0303च् महामनसां भुवनच्यवानां घोषो देवानां जयतामुदस्थात् .. 1857
4 9 3 0401अ उद्धर्षय मघवन्नायुधान्युत्सत्वनां मामकानां मनांसि .
4 9 3 0401च् उद्वृत्रहन्वाजिनां वाजिनान्युद्रथानां जयतां यन्तु घोषाः .. 1858
4 9 3 0402अ अस्माकमिन्द्रः समृतेषु ध्वजेष्वस्माकं या इषवस्ता जयन्तु .
4 9 3 0402च् अस्माकं वीरा उत्तरे भवन्त्वस्मां उ देवा अवता हवेषु .. 1859
4 9 3 0403अ असौ या सेना मरुतः परेषामभ्येति न ओजसा स्पर्धमाना .
4 9 3 0403च् तां गूहत तमसापव्रतेन यथैतेषामन्यो अन्यं न जानात् .. 1860
4 9 3 0501अ अमीषां चित्तं प्रतिलोभयन्ती गृहाणाङ्गान्यप्वे परेहि .
4 9 3 0501च् अभि प्रेहि निर्दह हृत्सु शोकैरन्धेनामित्रास्तमसा सचन्ताम् .. 1861
4 9 3 0502अ प्रेता जयता नर इन्द्रो वः शर्म यच्छतु .
4 9 3 0502च् उग्रा वः सन्तु बाहवो ऽनाधृष्या यथासथ .. 1862
4 9 3 0503अ अवसृष्टा परा पत शरव्ये ब्रह्मसंशिते .
4 9 3 0503च् गच्छामित्रान्प्र पद्यस्व मामीषां कं च नोच्छिषः .. 1863
4 9 3 0601अ कङ्काः सुपर्णा अनु यन्त्वेनान्गृध्राणामन्नमसावस्तु सेना .
4 9 3 0601च् मैषां मोच्यघहारश्च नेन्द्र वयांस्येनाननुसंयन्तु सर्वान् .. 1864
4 9 3 0602अ अमित्रसेनां मघवन्नस्माञ्छत्रुयतीमभि .
4 9 3 0602च् उभौ तामिन्द्र वृत्रहन्नग्निश्च दहतं प्रति .. 1865
4 9 3 0603अ यत्र बाणाः सम्पतन्ति कुमारा विशिखा इव .

4 9 3 0603च् तत्रा नो ब्रह्मणस्पतिरदितिः शर्म यच्छतु विश्वाहा शर्म यच्छतु .. 1866
4 9 3 0701अ वि रक्षो वि मृधो जहि वि वृत्रस्य हनू रुज .
4 9 3 0701च् वि मन्युमिन्द्र वृत्रहन्नमित्रस्याभिदासतः .. 1867
4 9 3 0702अ वि न इन्द्र मृधो जहि नीचा यच्छ पृतन्यतः .
4 9 3 0702च् यो अस्मां अभिदासत्यधरं गमया तमः .. 1868
4 9 3 0703अ इन्द्रस्य बाहू स्थविरौ युवानावनाधृष्यौ सुप्रतीकावसह्यौ .
4 9 3 0703च् तौ युञ्जीत प्रथमौ योग आगते याभ्यां जितमसुराणां सहो महत् .. 1869
4 9 3 0801अ मर्माणि ते वर्मणा च्छादयामि सोमस्त्वा राजामृतेनानु वस्ताम् .
4 9 3 0801च् उरोर्वरीयो वरुणस्ते कृणोतु जयन्तं त्वानु देवा मदन्तु .. 1870
4 9 3 0802अ अन्धा अमित्रा भवताशीर्षाणो ऽहय इव .
4 9 3 0802च् तेषां वो अग्निनुन्नानामिन्द्रो हन्तु वरंवरम् .. 1871
4 9 3 0803अ यो नः स्वो ऽरणो यश्च निष्ट्यो जिघांसति .
4 9 3 0803च् देवास्तं सर्वे धूर्वन्तु ब्रह्म वर्म ममान्तरं शर्म वर्म ममान्तरम् .. 1872
4 9 3 0901अ मृगो न भीमः कुचरो गिरिष्ठाः परावत आ जगन्था परस्याः .
4 9 3 0901च् सृकं संशाय पविमिन्द्र तिग्मं वि शत्रूं ताढि वि मृधो नुदस्व .. 1873
4 9 3 0902अ भद्रं कर्णेभिः शृणुयाम देवा भद्रं पश्येमाक्षभिर्यजत्राः .
4 9 3 0902च् स्थिरैरङ्गैस्तुष्टुवां सस्तनूभिर्व्यशेमहि देवहितं यदायुः .. 1874
4 9 3 0903अ स्वस्ति न इन्द्रो वृद्धश्रवाः स्वस्ति नः पूषा विश्ववेदाः .
4 9 3 0903च् स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु ..
4 9 3 0903ए ओं स्वस्ति नो बृहस्पतिर्दधातु .. 1875
.. इत्युत्तरार्चिकः ..
.. इति सामवेदसंहिता समाप्ता..