सामवेद · भाग 120

रेfएरेन्चे स्य्स्तेम्:
आर्चिक । प्रपाठक । अर्ध । दशति । वेर्से । लिने
1 1 1 01 01 अ
सामवेद संहिता
कौथुम शाखा
पूर्वार्चिकः
छन्द आर्चिकः
आग्नेयं काण्डम्
प्रथमः प्रपाठकः . प्रथमो ऽर्धः
1 1 1 0101अ अग्न आ याहि वीतये गृणानो हव्यदातये .
1 1 1 0101च् नि होता सत्सि बर्हिषि .. 1
1 1 1 0101अ त्वमग्ने यज्ञानां होता विश्वेषां हितः .
1 1 1 0102च् देवेभिर्मानुषे जने .. 2
1 1 1 0103अ अग्निं दूतं वृणीमहे होतारं विश्ववेदसम् .
1 1 1 0103च् अस्य यज्ञस्य सुक्रतुम् .. 3
1 1 1 0104अ अग्निर्वृत्राणि जङ्घनद्द्रविणस्युर्विपन्यया .
1 1 1 0104च् समिद्धः शुक्र आहुतः .. 4
1 1 1 0105अ प्रेष्ठं वो अतिथिं स्तुषे मित्रमिव प्रियम् .
1 1 1 0105च् अग्ने रथं न वेद्यम् .. 5
1 1 1 0106अ त्वं नो अग्ने महोभिः पाहि विश्वस्या अरातेः .
1 1 1 0106च् उत द्विषो मर्त्यस्य .. 6
1 1 1 0107अ एह्यू षु ब्रवाणि ते ऽग्न इत्थेतरा गिरः .
1 1 1 0107च् एभिर्वर्धास इन्दुभिः .. 7
1 1 1 0108अ आ ते वत्सो मनो यमत्परमाच्चित्सधस्थात् .
1 1 1 0108च् अग्ने त्वां कामये गिरा .. 8
1 1 1 0109अ त्वामग्ने पुष्करादध्यथर्वा निरमन्थत .
1 1 1 0109च् मूर्ध्नो विश्वस्य वाघतः .. 9
1 1 1 0110अ अग्ने विवस्वदा भरास्मभ्यमूतये महे .
1 1 1 0110च् देवो ह्यसि नो दृशे .. 10
1 1 1 0201अ नमस्ते अग्न ओजसे गृणन्ति देव कृष्टयः .
1 1 1 0201च् अमैरमित्रमर्दय .. 11
1 1 1 0202अ दूतं वो विश्ववेदसं हव्यवाहममर्त्यम् .
1 1 1 0202च् यजिष्ठमृञ्जसे गिरा .. 12
1 1 1 0203अ उप त्वा जामयो गिरो देदिशतीर्हविष्कृतः .
1 1 1 0203च् वायोरनीके अस्थिरन् .. 13
1 1 1 0204अ उप त्वाग्ने दिवेदिवे दोषावस्तर्धिया वयम् .
1 1 1 0204च् नमो भरन्त एमसि .. 14
1 1 1 0205अ जराबोध तद्विविड्ढि विशेविशे यज्ञियाय .
1 1 1 0205च् स्तोमं रुद्राय दृशीकम् .. 15
1 1 1 0206अ प्रति त्यं चारुमध्वरं गोपीथाय प्र हूयसे .

1 1 1 0206च् मरुद्भिरग्न आ गहि .. 16
1 1 1 0207अ अश्वं न त्वा वारवन्तं वन्दध्या अग्निं नमोभिः .
1 1 1 0207च् सम्राजन्तमध्वराणाम् .. 17
1 1 1 0208अ और्वभृगुवच्छुचिमप्नवानवदा हुवे .
1 1 1 0208च् अग्निं समुद्रवाससम् .. 18
1 1 1 0209अ अग्निमिन्धानो मनसा धियं सचेत मर्त्यः .
1 1 1 0209च् अग्निमिन्धे विवस्वभिः .. 19
1 1 1 0210अ आदित्प्रत्नस्य रेतसो ज्योतिः पश्यन्ति वासरम् .
1 1 1 0210च् परो यदिध्यते दिवि .. 20
1 1 1 0301अ अग्निं वो वृधन्तमध्वराणां पुरूतमम् .
1 1 1 0301च् अच्छा नप्त्रे सहस्वते .. 21
1 1 1 0302अ अग्निस्तिग्मेन शोचिषा यंसद्विश्वं न्या3त्रिणम् .
1 1 1 0302च् अग्निर्नो वंसते रयिम् .. 22
1 1 1 0303अ अग्ने मृड महां अस्यय आ देवयुं जनम् .
1 1 1 0303च् इयेथ बर्हिरासदम् .. 23
1 1 1 0304अ अग्ने रक्षा णो अंहसः प्रति स्म देव रीषतः .
1 1 1 0304च् तपिष्ठैरजरो दह .. 24
1 1 1 0305अ अग्ने युङ्क्ष्वा हि ये तवाश्वासो देव साधवः .
1 1 1 0305च् अरं वहन्त्याशवः .. 25
1 1 1 0306अ नि त्वा नक्ष्य विश्पते द्युमन्तं धीमहे वयम् .
1 1 1 0306च् सुवीरमग्न आहुत .. 26
1 1 1 0307अ अग्निर्मूर्धा दिवः ककुत्पतिः पृथिव्या अयम् .
1 1 1 0307च् अपां रेतांसि जिन्वति .. 27
1 1 1 0308अ इममू षु त्वमस्माकं सनिं गायत्रं नव्यांसम् .
1 1 1 0308च् अग्ने देवेषु प्र वोचः .. 28
1 1 1 0309अ तं त्वा गोपवनो गिरा जनिष्ठदग्ने अङ्गरः .
1 1 1 0309च् स पावक श्रुधी हवम् .. 29
1 1 1 0310अ परि वाजपतिः कविरग्निर्हव्यान्यक्रमीत् .
1 1 1 0310च् दधद्रत्नानि दाशुषे .. 30
1 1 1 0311अ उदु त्यं जातवेदसं देवं वहन्ति केतवः .
1 1 1 0311च् दृशे विश्वाय सूर्यम् .. 31
1 1 1 0312अ कविमग्निमुप स्तुहि सत्यधर्माणमध्वरे .
1 1 1 0312च् देवममीवचातनम् .. 32
1 1 1 0313अ शं नो देवीरभिष्टये शं नो भवन्तु पीतये .
1 1 1 0313च् शं योरभि स्रवन्तु नः .. 33
1 1 1 0314अ कस्य नूनं परीणसि धियो जिन्वसि सत्पते .
1 1 1 0314च् जोषाता यस्य ते गिरः .. 34
1 1 1 0401अ यज्ञायज्ञा वो अग्नये गिरागिरा च दक्षसे .
1 1 1 0401च् प्रप्र वयममृतं जातवेदसं प्रियं मित्रं न शंसिषम् .. 35
1 1 1 0402अ पाहि नो अग्न एकया पाह्यू3त द्वितीयया .

1 1 1 0402च् पाहि गीर्भिस्तिसृभिरूर्जां पते पाहि चतसृभिर्वसो .. 36
1 1 1 0403अ बृहद्भिरग्ने अर्चिभिः शुक्रेण देव शोचिषा .
1 1 1 0403च् भरद्वाजे समिधानो यविष्ठ्य रेवत्पावक दीदिहि .. 37
1 1 1 0404अ त्वे अग्ने स्वाहुत प्रियासः सन्तु सूरयः .
1 1 1 0404च् यन्तारो ये मघवानो जनानामूर्वं दयन्त गोनाम् .. 38
1 1 1 0405अ अग्ने जरितर्विश्पतिस्तपानो देव रक्षसः .
1 1 1 0405च् अप्रोषिवान्गृहपते महां असि दिवस्पायुर्दुरोणयुः .. 39
1 1 1 0406अ अग्ने विवस्वदुषसश्चित्रं राधो अमर्त्य .
1 1 1 0406च् आ दाशुषे जातवेदो वहा त्वमद्या देवां उषर्बुधः .. 40
1 1 1 0407अ त्वं नश्चित्र ऊत्या वसो राधांसि चोदय .
1 1 1 0407च् अस्य रायस्त्वमग्ने रथीरसि विदा गाधं तुचे तु नः .. 41
1 1 1 0408अ त्वमित्सप्रथा अस्यग्ने त्रातरृतः कविः .
1 1 1 0408च् त्वां विप्रासः समिधान दीदिव आ विवासन्ति वेधसः .. 42
1 1 1 0409अ आ नो अग्ने वयोवृधं रयिं पावक शंस्यम् .
1 1 1 0409च् रास्वा च न उपमाते पुरुस्पृहं सुनीती सुयशस्तरम् .. 43
1 1 1 0410अ यो विश्वा दयते वसु होता मन्द्रो जनानाम् .
1 1 1 0410च् मधोर्न पात्रा प्रथमान्यस्मै प्र स्तोमा यन्त्वग्नये .. 44
1 1 1 0501अ एना वो अग्निं नमसोर्जो नपातमा हुवे .
1 1 1 0501च् प्रियं चेतिष्ठमरतिं स्वाध्वरं विश्वस्य दूतममृतम् .. 45
1 1 1 0502अ शेषे वनेषु मातृषु सं त्वा मर्तास इन्धते .
1 1 1 0502च् अतन्द्रो हव्यं वहसि हविष्कृत आदिद्देवेषु राजसि .. 46
1 1 1 0503अ अदर्शि गातुवित्तमो यस्मिन्व्रतान्यादधुः .
1 1 1 0503च् उपो षु जातमार्यस्य वर्धनमग्निं नक्षन्तु नो गिरः .. 47
1 1 1 0504अ अग्निरुक्थे पुरोहितो ग्रावाणो बर्हिरध्वरे .
1 1 1 0504च् ऋचा यामि मरुतो ब्रह्मणस्पते देवा अवो वरेण्यम् .. 48
1 1 1 0505अ अग्निमीडिष्वावसे गाथाभिः शीरशोचिषम् .
1 1 1 0505च् अग्निं राये पुरुमीढ श्रुतं नरो ऽग्निः सुदीतये छर्दिः .. 49
1 1 1 0506अ श्रुधि श्रुत्कर्ण वह्निभिर्देवैरग्ने सयावभिः .
1 1 1 0506च् आ सीदतु बर्हिषि मित्रो अर्यमा प्रातर्यावभिरध्वरे .. 50
1 1 1 0507अ प्र दैवोदासो अग्निर्देव इन्द्रो न मज्मना .
1 1 1 0507च् अनु मातरं पृथिवीं वि वावृते तस्थौ नाकस्य शर्मणि .. 51
1 1 1 0508अ अध ज्मो अध वा दिवो बृहतो रोचनादधि .
1 1 1 0508च् अया वर्धस्व तन्वा गिरा ममा जाता सुक्रतो पृण .. 52
1 1 1 0509अ कायमानो वना त्वं यन्मात्र्^ईरजगन्नपः .
1 1 1 0509च् न तत्ते अग्ने प्रमृषे निवर्तनं यद्दूरे सन्निहाभुवः .. 53
1 1 1 0510अ नि त्वामग्ने मनुर्दधे ज्योतिर्जनाय शश्वते .
1 1 1 0510च् दीदेथ कण्व ऋतजात उक्षितो यं नमस्यन्ति कृष्टयः .. 54
प्रथम प्रपाठकः . द्वितीयो ऽर्धः
1 1 2 0601अ देवो वो द्रविणोदाः पूर्णां विवष्ट्वासिचम् .
1 1 2 0601च् उद्वा सिञ्जध्वमुप वा पृणध्वमादिद्वो देव ओहते .. 55

1 1 2 0602अ प्रैतु ब्रह्मणस्पतिः प्र देव्येतु सूनृता .
1 1 2 0602च् अच्छा वीरं नर्यं पङ्क्तिराधसं देवा यज्ञं नयन्तु नः .. 56
1 1 2 0603अ ऊर्ध्व ऊ षु ण ऊतये तिष्ठा देवो न सविता .
1 1 2 0603च् ऊर्ध्वो वाजस्य सनिता यदञ्जिभिर्वाघद्भिर्विह्वयामहे .. 57
1 1 2 0604अ प्र यो राये निनीषति मर्तो यस्ते वसो दाशत् .
1 1 2 0604च् स वीरं धत्ते अग्न उक्थशंसिनं त्मना सहस्रपोषिणम् .. 58
1 1 2 0605अ प्र वो यह्वं पुरूणां विशां देवयतीनाम् .
1 1 2 0605च् अग्निं सूक्तेभिर्वचोभिर्वृणीमहे यंसमिदन्य इन्धते .. 59
1 1 2 0606अ अयमग्निः सुवीर्यस्येशे हि सौभगस्य .
1 1 2 0606च् राय ईशे स्वपत्यस्य गोमत ईशे वृत्रहथानाम् .. 60
1 1 2 0607अ त्वमग्ने गृहपतिस्त्वं होता नो अध्वरे .
1 1 2 0607च् त्वं पोता विश्ववार प्रचेता ताक्षि यासि च वार्यम् .. 61
1 1 2 0608अ सखायस्त्वा ववृमहे देवं मर्तास ऊतये .
1 1 2 0608च् अपां नपातं सुभगं सुदंससं सुप्रतूर्तिमनेहसम् .. 62
1 1 2 0701अ आ जुहोता हविषा मर्जयध्वं नि होतारं गृहपतिं दधिध्वम् .
1 1 2 0701च् इडस्पदे नमसा रातहव्यं सपर्यता यजतं पस्त्यानाम् .. 63
1 1 2 0702अ चित्र इच्छिशोस्तरुणस्य वक्षथो न यो मातरावन्वेति धातवे .
1 1 2 0702च् अनूधा यदजीजनदधा चिदा ववक्षत्सद्यो महि दूत्या3ं चरन् .. 64
1 1 2 0703अ इदं त एकं पर ऊ त एकं तृतीयेन ज्योतिषा सं विशस्व .
1 1 2 0703च् संवेशनस्तन्वे3 चारुरेधि प्रियो देवानां परमे जनित्रे .. 65
1 1 2 0704अ इमं स्तोममर्हते जातवेदसे रथमिव सं महेमा मनीषया .
1 1 2 0704च् भद्रा हि नः प्रमतिरस्य संसद्यग्ने सख्ये मा रिषामा वयं तव .. 66
1 1 2 0705अ मूर्धानं दिवो अरतिं पृथिव्या वैश्वानरमृत आ जातमग्निम् .
1 1 2 0705च् कविं सम्राजमतिथिं जनानामासन्नाः पात्रं जनयन्त देवाः .. 67
1 1 2 0706अ वि त्वदापो न पर्वतस्य पृष्ठादुक्थेभिरग्ने जनयन्त देवाः .
1 1 2 0706च् तं त्वा गिरः सुष्टुतयो वाजयन्त्याजिं न गिर्ववाहो जिग्युरश्वाः .. 68
1 1 2 0707अ आ वो राजानमध्वरस्य रुद्रं होतारं सत्ययजं रोदस्योः .
1 1 2 0707च् अग्निं पुरा तनयित्नोरचित्ताद्धिरण्यरूपमवसे कृणुध्वम् .. 69
1 1 2 0708अ इन्धे राजा समर्यो नमोभिर्यस्य प्रतीकमाहुतं घृतेन .
1 1 2 0708च् नरो हव्येभिरीडते सबाध आग्निरग्रमुषसामशोचि .. 70
1 1 2 0709अ प्र केतुना बृहता यात्यग्निरा रोदसी वृषभो रोरवीति .
1 1 2 0709च् दिवश्चिदन्तादुपमामुदानडपामुपस्थे महिषो ववर्ध .. 71
1 1 2 0710अ अग्निं नरो दीधितिभिरण्योर्हस्तच्युतं जनयत प्रशस्तम् .
1 1 2 0710च् दूरेदृशं गृहपतिमथव्युम् .. 72
1 1 2 0801अ अबोध्यग्निः समिधा जनानां प्रति धेनुमिवायतीमुषासम् .
1 1 2 0801च् यह्वा इव प्र वयामुज्जिहानाः प्र भानवः सस्रते नाकमच्छ .. 73
1 1 2 0802अ प्र भूर्जयन्तं महां विपोधां मूरैरमूरं पुरां दर्माणम् .
1 1 2 0802च् नयन्तं गीर्भिर्वना धियं धा हरिश्मश्रुं न वार्मणा धनर्चिम् .. 74
1 1 2 0803अ शुक्रं ते अन्यद्यजतं ते अन्यद्विषुरूपे अहनी द्यौरिवासि .
1 1 2 0803च् विश्वा हि माया अवसि स्वधावन्भद्रा ते पूषन्निह रातिरस्तु.. 75

1 1 2 0804अ इडामग्ने पुरुदंसं सनिं गोः शश्वत्तमं हवमानाय साध .
1 1 2 0804च् स्यान्नः सूनुस्तनयो विजावाग्ने सा ते सुमतिर्भूत्वस्मे .. 76
1 1 2 0805अ प्र होता जातो महान्नभोविन्नृषद्मा सीददपां विवर्ते .
1 1 2 0805च् दधद्यो धायी सुते वयांसि यन्ता वसूनि विधते तनूपाः .. 77
1 1 2 0806अ प्र सम्राजमसुरस्य प्रश्स्तं पुंसः कृष्टीनामनुमाद्यस्य .
1 1 2 0806च् इन्द्रस्येव प्र तवसस्कृतानि वन्दद्वारा वन्दमाना विवष्टु .. 78
1 1 2 0807अ अरण्योर्निहितो जातवेदा गर्भ इवेत्सुभृतो गर्भिणीभिः .
1 1 2 0807च् दिवेदिव ईड्यो जागृवद्भिर्हविष्मद्भिर्मनुष्येभिरग्निः .. 79
1 1 2 0808अ सनादग्ने मृणसि यातुधानान्न त्वा रक्षांसि पृतनासु जिग्युः .
1 1 2 0808च् अनु दह सहमूरान्कयादो मा ते हेत्या मुक्षत दैव्यायाः .. 80
1 1 2 0901अ अग्न ओजिष्ठमा भर द्युम्नमस्मभ्यमध्रिगो .
1 1 2 0901च् प्र नो राये पनीयसे रत्सि वाजाय पन्थाम् .. 81
1 1 2 0902अ यदि वीरो अनु ष्यादग्निमिन्धीत मर्त्यः .
1 1 2 0902च् आजुह्वद्धव्यमानुषक्शर्म भक्षीत दैव्यम् .. 82
1 1 2 0903अ त्वेषस्ते धूम ऋण्वति दिवि सं च्छुक्र आततः .
1 1 2 0903च् सूरो न हि द्युता त्वं कृपा पावक रोचसे .. 83
1 1 2 0904अ त्वं हि क्षैतवद्यशो ऽग्ने मित्रो न पत्यसे .
1 1 2 0904च् त्वं विचर्षणे श्रवो वसो पुष्टिं न पुष्यसि .. 84
1 1 2 0905अ प्रातरग्निः पुरुप्रियो विष स्तवेतातिथिः .
1 1 2 0905च् विश्वे यस्मिन्नमर्त्ये हव्यं मर्तास इन्धते .. 85
1 1 2 0906अ यद्वाहिष्ठं तदग्नये बृहदर्च विभावसो .
1 1 2 0906च् महिषीव त्वद्रयिस्त्वद्वाजा उदीरते .. 86
1 1 2 0907अ विशोविशो वो अतिथिं वाजयन्तः पुरुप्रियम् .
1 1 2 0907च् अग्निं वो दुर्यं वचः स्तुषे शूषस्य मन्मभिः .. 87
1 1 2 0908अ बृहद्वयो हि भानवे ऽर्चा देवायाग्नये .
1 1 2 0908च् यं मित्रं न प्रशस्तये मर्तासो दधिरे पुरः .. 88
1 1 2 0909अ अगन्म वृत्रहन्तमं ज्येष्ठमग्निमानवम् .
1 1 2 0909च् य स्म श्रुतर्वन्नार्क्षे बृहदनीक इध्यते .. 89
1 1 2 0910अ जातः परेण धर्मणा यत्सवृद्भिः सहाभुवः .
1 1 2 0910च् पिता यत्कश्यपस्याग्निः श्रद्धा माता मनुः कविः .. 90
1 1 2 1001अ सोमं राजानं वरुणमग्निमन्वारभामहे .
1 1 2 1001च् आदित्यं विष्णुं सूर्यं ब्रह्मानं च बृहस्पतिम् .. 91
1 1 2 1002अ इत एत उदारुहन्दिवः पृष्ठान्या रुहन् .
1 1 2 1002च् प्र भूर्जयो यथा पथोद्यामङ्गिरसो ययुः .. 92
1 1 2 1003अ राये अग्ने महे त्वा दानाय समिधीमहि .
1 1 2 1003च् ईडिष्वा हि महे वृषं द्यावा होत्राय पृथिवी .. 93
1 1 2 1004अ दधन्वे वा यदीमनु वोचद्ब्रह्मेति वेरु तत् .
1 1 2 1004च् परि विश्वानि काव्या नेमिश्चक्रमिवाभुवत् .. 94
1 1 2 1005अ प्रत्यग्ने हरसा हरः शृणाहि विश्वतस्परि .
1 1 2 1005च् यातुधानस्य रक्षसो बलं न्युब्जवीर्यम् .. 95

1 1 2 1006अ त्वमग्ने वसूंरिह रुद्रां आदित्यां उत .
1 1 2 1006च् यजा स्वध्वरं जनं मनुजातं घृतप्रुषम् .. 96
द्वितीय प्रपाठकः . प्रथमो ऽर्धः
1 2 1 0101अ पुरु त्वा दाशिवां वोचे ऽरिरग्ने तव स्विदा .
1 2 1 0101च् तोदस्येव शरण आ महस्य .. 97
1 2 1 0102अ प्र होत्रे पूर्व्यं वचो ऽग्नये भरता बृहत् .
1 2 1 0102च् विपां ज्योतींषि बिभ्रते न वेधसे .. 98
1 2 1 0103अ अग्ने वाजस्य गोमत ईशानः सहसो यहो .
1 2 1 0103च् अस्मे धेहि जातवेदो महि श्रवः .. 99
1 2 1 0104अ अग्ने यजिष्ठो अध्वरे देवां देवयते यज .
1 2 1 0104च् होता मन्द्रो वि राजस्यति स्रिधः .. 100
1 2 1 0105अ जज्ञानः सप्त मातृभिर्मेधामाशासत श्रिये .
1 2 1 0105च् अयं ध्रुवो रयीणां चिकेतदा .. 101
1 2 1 0106अ उत स्या नो दिवा मतिरदितिरूत्यागमत् .
1 2 1 0106च् सा शन्ताता मयस्करदप स्रिधः .. 102
1 2 1 0107अ ईडिष्वा हि प्रतीव्या3ं यजस्व जातवेदसम् .
1 2 1 0107च् चरिष्णुधूममगृभीतशोचिषम् .. 103
1 2 1 0108अ न तस्य मायया च न रिपुरीशीत मर्त्यः .
1 2 1 0108च् यो अग्नये ददाश हव्यदातये .. 104
1 2 1 0109अ अप त्यं वृजिनं रिपुं स्तेनमग्ने दुराध्यम् .
1 2 1 0109च् दविष्ठमस्य सत्पते कृधी सुगम् .. 105
1 2 1 0110अ श्रुष्ट्यग्ने नवस्य मे स्तोमस्य वीर विश्पते .
1 2 1 0110च् नि मायिनस्तपसा रक्षसो दह .. 106
1 2 1 0201अ प्र मंहिष्ठाय गायत ऋताव्ने बृहते शुक्रशोचिषे .
1 2 1 0201च् उपस्तुतासो अग्नये .. 107
1 2 1 0202अ प्र सो अग्ने तवोतिभिः सुवीराभिस्तरति वाजकर्मभिः .
1 2 1 0202च् यस्य त्वं सख्यमाविथ .. 108
1 2 1 0203अ तं गूर्धया स्वर्णरं देवासो देवमरतिं दधन्विरे .
1 2 1 0203च् देवत्रा हव्यमूहिषे .. 109
1 2 1 0204अ मा नो हृणीथा अतिथिं वसुरग्निः पुरुप्रशस्त एशः .
1 2 1 0204च् यः सुहोता स्वध्वरः .. 110
1 2 1 0205अ भद्रो नो अग्निराहुतो भद्रा रातिः सुभग भद्रो अध्वरः .
1 2 1 0205च् भद्रा उत प्रशस्तयः .. 111
1 2 1 0206अ यजिष्ठं त्वा ववृमहे देवं देवत्रा होतारममर्त्यम् .
1 2 1 0206च् अस्य यज्ञस्य सुक्रतुम् .. 112
1 2 1 0207अ तदग्ने द्युम्नमा भर यत्सासाहा सदने कं चिदत्रिणम् .
1 2 1 0207च् मन्युं जनस्य दूढ्यम् .. 113
1 2 1 0208अ यद्वा उ विश्पतिः शितः सुप्रीतो मनुषो विशे .
1 2 1 0208च् विश्वेदग्निः प्रति रक्षांसि सेधति .. 114
.. इत्याग्नेय पर्वं काण्डम् ..

ऐन्द्र काण्डम्
1 2 1 0301अ तद्वो गाय सुते सचा पुरुहूताय सत्वने .
1 2 1 0301च् शं यद्गवे न शाकिने .. 115
1 2 1 0302अ यस्ते नूनं शतक्रतविन्द्र द्युम्नितमो मदः .
1 2 1 0302च् तेन नूनं मदे मदेः .. 116
1 2 1 0303अ गाव उप वदावटे महि यज्ञस्य रप्सुदा .
1 2 1 0303च् उभा कर्णा हिरण्यया .. 117
1 2 1 0304अ अरमश्वाय गायत श्रुतकक्षारं गवे .
1 2 1 0304च् अरमिन्द्रस्य धाम्ने .. 118
1 2 1 0305अ तमिन्द्रं वाजयामसि महे वृत्राय हन्तवे .
1 2 1 0305च् स वृषा वृषभो भुवत् .. 119
1 2 1 0306अ त्वमिन्द्र बलादधि सहसो जात ओजसः .
1 2 1 0306च् त्वं सन्वृषन्वृषेदसि .. 120
1 2 1 0307अ यज्ञ इन्द्रमवर्धयद्यद्भूमिं व्यवर्तयत् .
1 2 1 0307च् चक्राण ओपशं दिवि .. 121
1 2 1 0308अ यदिन्द्राहं तथा त्वमीशीय वस्व एक इत् .
1 2 1 0308च् स्तोता मे गोसखा स्यात् .. 122
1 2 1 0309अ पन्यंपन्यमित्सोतार आ धावत मद्याय .
1 2 1 0309च् सोमं वीराय शूराय .. 123
1 2 1 0310अ इदं वसो सुतमन्धः पिबा सुपूर्णमुदरम् .
1 2 1 0310च् अनाभयिन्ररिमा ते .. 124
1 2 1 0401अ उद्धेदभि श्रुतामघं वृषभं नर्यापसम् .
1 2 1 0401च् अस्तारमेषि सूर्य .. 125
1 2 1 0402अ यदद्य कच्च वृत्रहन्नुदगा अभि सूर्य .
1 2 1 0402च् सर्वं तदिन्द्र ते वशे .. 126
1 2 1 0403अ य आनयत्परावतः सुनीती तुर्वशं यदुम् .
1 2 1 0403च् इन्द्रः स नो युवा सखा .. 127
1 2 1 0404अ मा न इन्द्राभ्या ऽ ऽ3 दिशः सूरो अक्तुष्वा यमत .
1 2 1 0404च् त्वा युजा वनेम तत् .. 128
1 2 1 0405अ एन्द्र सानसिं रयिं सजित्वानं सदासहम् .
1 2 1 0405च् वर्षिष्ठमूतये भर .. 129
1 2 1 0406अ इन्द्रं वयं महाधन इन्द्रमर्भे हवामहे .
1 2 1 0406च् युजं वृत्रेषु वज्रिणम् .. 130
1 2 1 0407अ अपिबत्कद्रुवः सुतमिन्द्रः सहस्रबाह्वे .
1 2 1 0407च् तत्राददिष्ट पौंस्यम् .. 131
1 2 1 0408अ वयमिन्द्र त्वायवो ऽभि प्र नोनुमो वृषन् .
1 2 1 0408च् विद्धी त्वा3स्य नो वसो .. 132
1 2 1 0409अ आ घा ये अग्निमिन्धते स्तृणन्ति बर्हिरानुषक् .
1 2 1 0409च् येषामिन्द्रो युवा सखा .. 133
1 2 1 0410अ भिन्धि विश्वा अप द्विषः परि बाधो जही मृधः .

1 2 1 0410च् वसु स्पार्हं तदा भर .. 134
1 2 1 0501अ इहेव शृण्व एषां कशा हस्तेषु यद्वदान् .
1 2 1 0501च् नि यामं चित्रमृञ्जते .. 135
1 2 1 0502अ इम उ त्वा वि चक्षते सखाय इन्द्र सोमिनः .
1 2 1 0502च् पुष्टावन्तो यथा पशुम् .. 136
1 2 1 0503अ समस्य मन्यवे विशो विश्वा नमन्त कृष्टयः .
1 2 1 0503च् समुद्रायेव सिन्धवः .. 137
1 2 1 0504अ देवानामिदवो महत्तदा वृणीमहे वयम् .
1 2 1 0504च् वृष्णामस्मभ्यमूतये .. 138
1 2 1 0505अ सोमानां स्वरणं कृणुहि ब्रह्मणस्पते .
1 2 1 0505च् कक्षीवन्तं य औशिजः .. 139
1 2 1 0506अ बोधन्मना इदस्तु नो वृत्रहा भूर्यासुतिः .
1 2 1 0506च् शृणोतु शक्र आशिषम् .. 140
1 2 1 0507अ अद्य नो देव सवितः प्रजावत्सावीः सौभगम् .
1 2 1 0507च् परा दुःष्वप्न्यं सुव .. 141
1 2 1 0508अ क्वा3स्य वृषभो युवा तुविग्रीवो अनानतः .
1 2 1 0508च् ब्रह्मा कस्तं सपर्यति .. 142
1 2 1 0509अ उपह्वरे गिरीणां सङ्गमे च नदीनाम् .
1 2 1 0509च् धिया विप्रो अजायत .. 143
1 2 1 0510अ प्र सम्राजं चर्षणीनामिन्द्रं स्तोता नव्यं गीर्भिः .
1 2 1 0510च् नरं नृषाहं मंहिष्ठम् .. 144
द्वितीय प्रपाठकः . द्वितीयो ऽर्धः
1 2 2 0601अ अपादु शिप्रयन्धसः सुदक्षस्य प्रहोषिणः .
1 2 2 0601च् इन्द्रोरिन्द्रो यवाशिरः .. 145
1 2 2 0602अ इमा उ त्वा पुरुवसो ऽभि प्र नोनवुर्गिरः .
1 2 2 0602च् गावो वत्सं न धेनवः .. 146
1 2 2 0603अ अत्राह गोरमन्वत नाम त्वष्टुरपीच्यम् .
1 2 2 0603च् इत्था चन्द्रमसो गृहे .. 147
1 2 2 0604अ यदिन्द्रो अनयद्रितो महीरपो वृषन्तमः .
1 2 2 0604च् तत्र पूषाभुवत्सचा .. 148
1 2 2 0605अ गौर्धयति मरुतां श्रवस्युर्माता मघोनाम्
1 2 2 0605च् युक्ता वह्नी रथानाम् .. 149
1 2 2 0606अ उप नो हरिभिः सुतं याहि मदानां पते .
1 2 2 0606च् उप नो हरिभिः सुतम् .. 150
1 2 2 0607अ इष्टा होत्रा असृक्षतेन्द्रं वृधन्तो अध्वरे .
1 2 2 0607च् अच्छावभृथमोजसा .. 151
1 2 2 0608अ अहमिद्धि पितुष्परि मेधामृतस्य जग्रह .
1 2 2 0608च् अहं सूर्य इवाजनि .. 152
1 2 2 0609अ रेवतीर्नः सधमाद इन्द्रे सन्तु तुविवाजाः .
1 2 2 0609च् क्षुमन्तो याभिर्मदेम .. 153

1 2 2 0610अ सोमः पूषा च चेततुर्विश्वासां सुक्षितीनाम् .
1 2 2 0610च् देवत्रा रथ्योर्हिता .. 154
1 2 2 0701अ पान्तमा वो अन्धस इन्द्रमभि प्र गायत .
1 2 2 0701च् विश्वासाहं शतक्रतुं मंहिष्ठं चर्षणीनाम् .. 155
1 2 2 0702अ प्र व इन्द्राय मादनं हर्यश्वाय गायत .
1 2 2 0702च् सखायः सोमपाव्ने .. 156
1 2 2 0703अ वयमु त्वा तदिदर्था इन्द्र त्वायन्तः सखायः .
1 2 2 0703च् कण्वा उक्थेभिर्जरन्ते .. 157
1 2 2 0704अ इन्द्राय मद्वने सुतं परि ष्टोभन्तु नो गिरः .
1 2 2 0704च् अर्कमर्चन्तु कारवः .. 158
1 2 2 0705अ अयं त इन्द्र सोमो निपूतो अधि बर्हिषि .
1 2 2 0705च् एहीमस्य द्रवा पिब .. 159
1 2 2 0706अ सुरूपकृत्नुमूतये सुदुघामिव गोदुहे .
1 2 2 0706च् जुहूमसि द्यविद्यवि .. 160
1 2 2 0707अ अभि त्वा वृषभा सुते सुतं सृजामि पीतये .
1 2 2 0707च् तृम्पा व्यश्नुही मदम् .. 161
1 2 2 0708अ य इन्द्र चमसेष्वा सोमश्चमूषु ते सुतः .
1 2 2 0708च् पिबेदस्य त्वमीशिषे .. 162
1 2 2 0709अ योगेयोगे तवस्तरं वाजेवाजे हवामहे .
1 2 2 0709च् सखाय इन्द्रमूतये .. 163
1 2 2 0710अ आ त्वेता नि षीदतेन्द्रमभि प्र गायत .
1 2 2 0710च् सखायः स्तोमवाहसः .. 164
1 2 2 0801अ इदं ह्यन्वोजसा सुतं राधानां पते .
1 2 2 0801च् पिबा त्वा3स्य गिर्वणः .. 165
1 2 2 0802अ महां इन्द्रः पुरश्च नो महित्वमस्तु वज्रिणे .
1 2 2 0802च् द्यौर्न प्रथिना शवः .. 166
1 2 2 0803अ आ तू न इन्द्र क्षुमन्तं चित्रं ग्राभं सं गृभाय .
1 2 2 0803च् महाहस्ती दक्षिणेन .. 167
1 2 2 0804अ अभि प्र गोपतिं गिरेन्द्रमर्च यथा विदे .
1 2 2 0804च् सूनुं सत्यस्य सत्पतिम् .. 168
1 2 2 0805अ कया नश्चित्र आ भुवदूती सदावृधः सखा .
1 2 2 0805च् कया शचिष्ठया वृता .. 169
1 2 2 0806अ त्यमु वः सत्रासाहं विश्वासु गीर्ष्वायतम् .
1 2 2 0806च् आ च्यावयस्यूतये .. 170
1 2 2 0807अ सदसस्पतिमद्भुतं प्रियमिन्द्रस्य काम्यम् .
1 2 2 0807च् सनिं मेधामयासिषम् .. 171
1 2 2 0808अ ये ते पन्था अधो दिवो येभिर्व्यश्वमैरयः .
1 2 2 0808च् उत श्रोषन्तु नो भुवः .. 172
1 2 2 0809अ भद्रंभद्रं न आ भरेषमूर्जं शतक्रतो .
1 2 2 0809च् यदिन्द्र मृडयासि नः .. 173

1 2 2 0810अ अस्ति सोमो अयं सुतः पिबन्त्यस्य मरुतः .
1 2 2 0810च् उत स्वराजो अश्विना .. 174
1 2 2 0901अ ईङ्खयन्तीरपस्युव इन्द्रं जातमुपासते .
1 2 2 0901च् वन्वानासः सुवीर्यम् .. 175
1 2 2 0902अ न कि देवा इनीमसि न क्या योपयामसि .
1 2 2 0902च् मन्त्रश्रुत्यं चरामसि .. 176
1 2 2 0903अ दोषो आगाद्बृहद्गाय द्युमद्गामन्नाथर्वण .
1 2 2 0903च् स्तुहि देवं सवितारम् .. 177
1 2 2 0904अ एषो उषा अपूर्व्या व्युच्छति प्रिया दिवः .
1 2 2 0904च् स्तुषे वामश्विना बृहत् .. 178
1 2 2 0905अ इन्द्रो दधीचो अस्थभिर्वृत्राण्यप्रतिष्कुतः .
1 2 2 0905च् जघान नवतीर्नव .. 179
1 2 2 0906अ इन्द्रेहि मत्स्यन्धसो विश्वेभिः सोमपर्वभिः .
1 2 2 0906च् महां अभिष्टिरोजसा .. 180
1 2 2 0907अ आ तू न इन्द्र वृत्रहन्नस्माकमर्धमा गहि .
1 2 2 0907च् महान्महीभिरूतिभिः .. 181
1 2 2 0908अ ओजस्तदस्य तित्विष उभे यत्समवर्तयत् .
1 2 2 0908च् इन्द्रश्चर्मेव रोदसी .. 182
1 2 2 0909अ अयमु ते समतसि कपोत इव गर्भधिम् .
1 2 2 0909च् वचस्तच्चिन्न ओहसे .. 183
1 2 2 0910अ वात आ वातु बेषजं शम्भु मयोभु नो हृदे .
1 2 2 0910च् प्र न अयूंषि तारिषत् .. 184
1 2 2 1001अ यं रक्षन्ति प्रचेतसो वरुणो मित्रो अर्यमा .
1 2 2 1001च् न किः स दभ्यते जनः .. 185
1 2 2 1002अ गव्यो षु णो यथा पुराश्वयोत रथया .
1 2 2 1002च् वरिवस्या महोनाम् .. 186
1 2 2 1003अ इमास्त इन्द्र पृश्नयो घृतं दुहत आशिरम् .
1 2 2 1003च् एनामृतस्य पिप्युषीः .. 187
1 2 2 1004अ अया धिया च गव्यया पुरुणामन्पुरुष्टुत .
1 2 2 1004च् यत्सोमेसोम आभुवः .. 188
1 2 2 1005अ पावका नः सरस्वती वाजेभिर्वाजिनीवती .
1 2 2 1005च् यज्ञं वष्टु धियावसुः .. 189
1 2 2 1006अ क इमं नाहुषीष्वा इन्द्रं सोमस्य तर्पयात् .
1 2 2 1006च् स नो वसून्या भरात् .. 190
1 2 2 1007अ आ याहि सुषुमा हि त इन्द्र सोमं पिबा इमम् .
1 2 2 1007च् एदं बर्हिः सदो मम .. 191
1 2 2 1008अ महि त्रीणामवरस्तु द्युक्षं मित्रस्यार्यम्णः .
1 2 2 1008च् दुराधर्षं वरुणस्य .. 192
1 2 2 1009अ त्वावतः पुरूवसो वयमिन्द्र प्रणेतः .
1 2 2 1009च् स्मसि स्थातर्हरीणाम् .. 193

तृतीय प्रपाठकः . प्रथमो ऽर्धः
1 3 1 0101अ उत्त्वा मन्दन्तु सोमाः कृणुष्व राधो अद्रिवः .
1 3 1 0101च् अव ब्रह्मद्विषो जहि .. 194
1 3 1 0102अ गिर्वणः पाहि नः सुतं मधोर्धाराभिरज्यसे .
1 3 1 0102च् इन्द्र त्वादातमिद्यशः .. 195
1 3 1 0103अ सदा व इन्द्रश्चर्कृषदा उपो नु स सपर्यन् .
1 3 1 0103च् न देवो वृतः शूर इन्द्रः .. 196
1 3 1 0104अ आ त्वा विशन्त्विन्दवः समुद्रमिव सिन्धवः .
1 3 1 0104च् न त्वामिन्द्राति रिच्यते .. 197
1 3 1 0105अ इन्द्रमिद्गाथिनो बृहदिन्द्रमर्केभिरर्किणः .
1 3 1 0105च् इन्द्रं वाणीरनूषत .. 198
1 3 1 0106अ इन्द्र इषे ददातु न ऋभुक्षणमृभुं रयिम् .
1 3 1 0106च् वाजी ददातु वाजिनम् .. 199
1 3 1 0107अ इन्द्रो अङ्ग महद्भयमभी षदप चुच्यवत् .
1 3 1 0107च् स हि स्थिरो विचर्षणिः .. 200
1 3 1 0108च् इमा उ त्वा सुतेसुते नक्षन्ते गिर्वणो गिरः .
1 3 1 0108अ गावो वत्सं न धेनवः .. 201
1 3 1 0109अ इन्द्रा नु पूषणा वयं सख्याय स्वस्तये .
1 3 1 0109च् हुवेम वाजसातये .. 202
1 3 1 0110अ न कि इन्द्र त्वदुत्तरं न ज्यायो अस्ति वृत्रहन् .
1 3 1 0110च् न क्येवं यथा त्वम् .. 203
1 3 1 0201अ तरणिं वो जनानां त्रदं वाजस्य गोमतः .
1 3 1 0201च् समानमु प्र शंसिषम् .. 204
1 3 1 0202अ असृग्रमिन्द्र ते गिरः प्रति त्वामुदहासत .
1 3 1 0202च् सजोषा वृषभं पतिम् .. 205
1 3 1 0203अ सुनीथो घा स मर्त्यो यं मरुतो यमर्यमा .
1 3 1 0203च् मित्रास्पान्त्यद्रुहः .. 206
1 3 1 0204अ यद्वीडाविन्द्र यत्स्थिरे यत्पर्शाने पराभृतम् .
1 3 1 0204च् वसु स्पार्हं तदा भर .. 207
1 3 1 0205अ श्रुतं वो वृत्रहन्तमं प्र शर्धं चर्षणीनाम् .
1 3 1 0205च् आशिषे राधसे महे .. 208
1 3 1 0206अ अरं त इन्द्र श्रवसे गमेम शूर त्वावतः .
1 3 1 0206च् अरं शक्र परेमणि .. 209
1 3 1 0207अ धानावन्तं करम्भिणमपूपवन्तमुक्थिनम् .
1 3 1 0207च् इन्द्र प्रातर्जुषस्व नः .. 210
1 3 1 0208अ अपां फेनेन नमुचेः शिर इन्द्रोदवर्तयः .
1 3 1 0208च् विश्वा यदजय स्पृधः .. 211
1 3 1 0209अ इमे त इन्द्र सोमाः सुतासो ये च सोत्वाः .
1 3 1 0209च् तेषां मत्स्व प्रभूवसो .. 212
1 3 1 0210अ तुभ्यं सुतासः सोमाः स्तीर्णं बर्हिर्विभावसो .

1 3 1 0210च् स्तोतृभ्य इन्द्र मृडय .. 213
1 3 1 0301अ आ व इन्द्र कृविं यथा वाजयन्तः शतक्रतुम् .
1 3 1 0301च् मंहिष्ठं सिञ्च इन्दुभिः .. 214
1 3 1 0302अ अतश्चिदिन्द्र न उपा याहि शतवाजया .
1 3 1 0302च् इषा सहस्रवाजया .. 215
1 3 1 0303अ आ बुन्दं वृत्रहा ददे जातः पृच्छद्वि मातरम् .
1 3 1 0303च् क उग्राः के ह शृण्विरे .. 216
1 3 1 0304अ बृबदुक्थं हवामहे सृप्रकरस्नमूतये .
1 3 1 0304च् साधः कृण्वन्तमवसे .. 217
1 3 1 0305अ ऋजुनीती नो वरुणो मित्रो नयति विद्वान् .
1 3 1 0305च् अर्यमा देवैः सजोषाः .. 218
1 3 1 0306अ दूरादिहेव यत्सतो ऽरुणप्सुरशिश्वितत् .
1 3 1 0306च् वि भानुं विश्वथातनत् .. 219
1 3 1 0307अ आ नो मित्रावरुणा घृतैर्गव्यूतिमुक्षतम् .
1 3 1 0307च् मध्वा रजांसि सुक्रतू .. 220
1 3 1 0308अ उदु त्ये सूनवो गिरः काष्ठा यज्ञेष्वत्नत .
1 3 1 0308च् वाश्रा अभिज्ञु यातवे .. 221
1 3 1 0309अ इदं विष्णुर्वि चक्रमे त्रेधा नि दधे पदम् .
1 3 1 0309च् समूढमस्य पांसुले .. 222
1 3 1 0401अ अतीहि मन्युषाविणं सुषुवांसमुपेरय .
1 3 1 0401च् अस्य रातौ सुतं पिब .. 223
1 3 1 0402अ कदु प्रचेतसे महे वचो देवाय शस्यते .
1 3 1 0402च् तदिध्यस्य वर्धनम् .. 224
1 3 1 0403अ उक्थं च न शस्यमानं नागो रयिरा चिकेत .
1 3 1 0403च् न गायत्रं गीयमानम् .. 225
1 3 1 0404अ इन्द्र उक्थेभिर्मन्दिष्ठो वाजानां च वाजपतिः .
1 3 1 0404च् हरिवान्त्सुतानां सखा .. 226
1 3 1 0405अ आ याह्युप नः सुतं वाजेभिर्मा हृणीयथाः .
1 3 1 0405च् महां इव युवजानिः .. 227
1 3 1 0406अ कदा वसो स्तोत्रं हर्यत आ अव श्मशा रुधद्वाः .
1 3 1 0406च् दीर्घं सुतम् वाताप्याय .. 228
1 3 1 0407अ ब्राह्मणादिन्द्र राधसः पिबा सोममृतूं रनु .
1 3 1 0407च् तवेदं सख्यमस्तृतम् .. 229
1 3 1 0408अ वयं घा ते अपि स्मसि स्तोतार इन्द्र गिर्वणः .
1 3 1 0408च् त्वं नो जिन्व सोमपाः .. 230
1 3 1 0409अ एन्द्र पृक्षु कासु चिन्नृम्णं तनूषु धेहि नः .
1 3 1 0409च् सत्राजिदुग्र पौंस्यम् .. 231
1 3 1 0410अ एवा ह्यसि वीरयुरेवा शूर उत स्थिरः .
1 3 1 0410च् एवा ते राध्यं मनः .. 232
1 3 1 0501अ अभि त्वा शूर नोनुमो ऽदुग्धा इव धेनवः .

1 3 1 0501च् ईशानमस्य जगतः स्वर्दृशमीशानमिन्द्र तस्थुषः .. 233
1 3 1 0502अ त्वामिद्धि हवामहे सातौ वाजस्य कार्वः .
1 3 1 0502च् त्वां वृत्रेष्विन्द्र सत्पतिं नरस्त्वां काष्ठास्वर्वतः .. 234
1 3 1 0503अ अभि प्र वः सुराधसमिन्द्रमर्च यथा विदे .
1 3 1 0503च् यो जरितृभ्यो मघवा पुरूवसुः सहस्रेणेव शिक्षति .. 235
1 3 1 0504अ तं वो दस्ममृतीषहं वसोर्मन्दानमन्धसः .
1 3 1 0504च् अभि वत्सं न स्वसरेषु धेनव इन्द्रं गीर्भिर्नवामहे .. 236
1 3 1 0505अ तरोभिर्वो विदद्वसुमिन्द्रं सबाध ऊतये .
1 3 1 0505च् बृहद्गायन्तः सुतसोमे अध्वरे हुवे भरं न कारिणम् .. 237
1 3 1 0506अ तरणिरित्सिषासति वाजं पुरन्ध्या युजा .
1 3 1 0506च् आ व इन्द्रं पुरुहूतं नमे गिरा नेमिं तष्टेव सुद्रुवम् .. 238
1 3 1 0507अ पिबा सुतस्य रसिनो मत्स्वा न इन्द्र गोमतः .
1 3 1 0507च् आपिर्नो बोधि सधमाद्ये वृधे3 ऽस्मां अवन्तु ते धियः .. 239
1 3 1 0508अ त्वं ह्येहि चेरवे विदा भगं वसुत्तये .
1 3 1 0508च् उद्वावृषस्व मघवन्गविष्टय उदिन्द्राश्वमिष्टये .. 240
1 3 1 0509अ न हि वश्चरमं च न वसिष्ठः परिमंस्ते .
1 3 1 0509च् अस्माकमद्य मरुतः सुते सचा विश्वे पिबन्तु कामिनः .. 241
1 3 1 0510अ मा चिदन्यद्वि शंसत सखायो मा रिषण्यत .
1 3 1 0510च् इन्द्रमित्स्तोता वृषणं सचा सुते मुहुरुक्था च शंसत .. 242
तृतीय प्रपाठकः . द्वितीयो ऽर्धः
1 3 1 0601अ न किष्टं कर्मणा नशद्यश्चकार सदावृधम् .
1 3 1 0601च् इन्द्रं न यज्ञैर्विश्वगूर्तमृभ्वसमधृष्टं धृष्णुमोजसा .. 243
1 3 2 0602अ य ऋते चिदभिश्रिषः पुरा जत्रुभ्य आतृदः .
1 3 2 0602च् सन्धाता सन्धिं मघवा पुरूवसुर्निष्कर्ता विह्रुतं पुनः .. 244
1 3 2 0603अ आ त्वा सहस्रमा शतं युक्ता रथे हिरण्यये .
1 3 2 0603च् ब्रह्मयुजो हरय इन्द्र केशिनो वहन्तु सोमपीतये .. 245
1 3 2 0604अ आ मन्द्रैरिन्द्र हरिभिर्याहि मयूररोमभिः .
1 3 2 0604च् मा त्वा के चिन्नि येमुरिन्न पाशिनो ऽति धन्वेव तां इहि .. 246
1 3 2 0605अ त्वमङ्ग प्र शंसिषो देवः शविष्ठ मर्त्यम् .
1 3 2 0605च् न त्वदन्यो मघवन्नस्ति मर्डितेन्द्र ब्रवीमि ते वचः .. 247
1 3 2 0606अ त्वमिन्द्र यशा अस्यृजीषी शवसस्पतिः .
1 3 2 0606च् त्वं वृत्राणि हंस्यप्रतीन्येक इत्पुर्वनुत्तश्चर्षणीधृतिः .. 248
1 3 2 0607अ इन्द्रमिद्देवतातय इन्द्रं प्रयत्यध्वरे .
1 3 2 0607च् इन्द्रं समीके वनिनो हवामह इन्द्रं धनस्य सातये .. 249
1 3 2 0608अ इमा उ त्वा पुरूवसो गिरो वर्धन्तु या मम .
1 3 2 0608च् पावकवर्णाः शुचयो विपश्चितो ऽभि स्तोमैरनूषत .. 250
1 3 2 0609अ उदु त्ये मधुमत्तमा गिर स्तोमास ईरते .
1 3 2 0609च् सत्राजितो धनसा अक्षितोतयो वाजयन्तो रथा इव .. 251
1 3 2 0610अ यथा गौरो अपा कृतं तृष्यन्नेत्यवेरिणम् .
1 3 2 0610च् आपित्वे नः प्रपित्वे तूयमा गहि कण्वेषु सु सचा पिब .. 252

1 3 2 0701अ शग्ध्यू3षु शचीपत इन्द्र विश्वाभिरूतिभिः .
1 3 2 0701च् भगं न हि त्वा यशसं वसुविदमनु शूर चरामसि .. 253
1 3 2 0702अ या इन्द्र भुज आभरः स्वर्वां असुरेभ्यः .
1 3 2 0702च् स्तोतारमिन्मघवन्नस्य वर्धय ये च त्वे वृक्तबर्हिषः .. 254
1 3 2 0703अ प्र मित्राय प्रार्यम्णे सचथ्यमृतावसो .
1 3 2 0703च् वरूथ्ये3 वरुणे छन्द्यं वचः स्तोत्रं राजसु गायत .. 255
1 3 2 0704अ अभि त्वा पूर्वपीतय इन्द्र स्तोमेभिरायवः .
1 3 2 0704च् समीचीनास ऋभवः समस्वरन्रुद्रा गृणन्त पूर्व्यम् .. 256
1 3 2 0705अ प्र व इन्द्राय बृहते मरुतो ब्रह्मार्चत .
1 3 2 0705च् वृत्रं हनति वृत्रहा शतक्रतुर्वज्रेण शतपर्वणा .. 257
1 3 2 0706अ बृहदिन्द्राय गायत मरुतो वृत्रहन्तमम् .
1 3 2 0706च् येन ज्योतिरजनयन्नृतावृधो देवं देवाय जागृवि .. 258
1 3 2 0707अ इन्द्र क्रतुं न आ भर पिता पुत्रेभ्यो यथा .
1 3 2 0707च् शिक्षा णो अस्मिन्पुरुहूत यामनि जीवा ज्योतिरशीमहि .. 259
1 3 2 0708अ मा न इन्द्र परा वृणग्भवा नः सधमाद्ये .
1 3 2 0708च् त्वं न ऊती त्वमिन्न आप्यम् मा न इन्द्र परा वृणक् .. 260
1 3 2 0709अ वयं घ त्वा सुतावन्त आपो न वृक्तबर्हिषः .
1 3 2 0709च् पवित्रस्य प्रस्रवणेषु वृत्रहन्परि स्तोतार आसते .. 261
1 3 2 0710अ यदिन्द्र नाहुषीष्वा ओजो नृम्णं च कृष्टिषु .
1 3 2 0710च् यद्वा पञ्च क्षितीनां द्युम्नमा भर सत्रा विश्वानि पौंस्या .. 262
1 3 2 0801अ सत्यमित्था वृषेदसि वृषजूतिर्नो ऽविता .
1 3 2 0801च् वृषा ह्युग्र शृण्विषे परावति वृषो अर्वावति श्रुतः .. 263
1 3 2 0802अ यच्छक्रासि परावति यदर्वावति वृत्रहन् .
1 3 2 0802च् अतस्त्वा गीर्भिर्द्युगदिन्द्र केशिभिः सुतावां आ विवासति .. 264
1 3 2 0803अ अभि वो वीरमन्धसो मदेषु गाय गिरा महा विचेतसम् .
1 3 2 0803च् इन्द्रं नाम श्रुत्यं शाकिनं वचो यथा .. 265
1 3 2 0804अ इन्द्र त्रिधातु शरणं त्रिवरूथं स्वस्तये .
1 3 2 0804च् छर्दिर्यच्छ मघवद्भ्यश्च मह्यं च यावया दिद्युमेभ्यः .. 266
1 3 2 0805अ श्रायन्त इव सूर्यं विश्वेदिन्द्रस्य भक्षत .
1 3 2 0805च् वसूनि जातो जनिमान्योजसा प्रति भागं न दीधिमः .. 267
1 3 2 0806अ न सीमदेव आप तदिषं दीर्घायो मर्त्यः .
1 3 2 0806च् एतग्वा चिद्या एतशो युयोजत इन्द्रो हरी युयोजते .. 268
1 3 2 0807अ आ नो विश्वासु हव्यमिन्द्रं समत्सु भूषत .
1 3 2 0807च् उप ब्रह्माणि सवनानि वृत्रहन्परमज्या ऋचीषम .. 269
1 3 2 0808अ तवेदिन्द्रावमं वसु त्वं पुष्यसि मध्यमम् .
1 3 2 0808च् सत्रा विश्वस्य परमस्य राजसि न किष्ट्वा गोषु वृण्वते .. 270
1 3 2 0809अ क्वेयथ क्वेदसि पुरुत्रा चिद्धि ते मनः .
1 3 2 0809च् अलर्षि युध्म खजकृत्पुरन्दर प्र गायत्रा अगासिषुः .. 271
1 3 2 0810अ वयमेनमिदा ह्योपीपेमेह वज्रिणम् .
1 3 2 0810च् तस्मा उ अद्य सवने सुतं भरा नूनं भूषत श्रुते .. 272

1 3 2 0901अ यो राजा चर्षणीनां याता रथेभिरध्रिगुः .
1 3 2 0901च् विश्वासां तरुता पृतनानां ज्येष्ठं यो वृत्रहा गृणे .. 273
1 3 2 0902अ यत इन्द्र भयामहे ततो नो अभयं कृधि .
1 3 2 0902च् मघवञ्छग्धि तव तन्न ऊतये वि द्विषो वि मृधो जहि .. 274
1 3 2 0903अ वास्तोष्पते ध्रुवा स्थूणां सत्रं सोम्यानाम् .
1 3 2 0903च् द्रप्सः पुरां भेत्ता शश्वतीनामिन्द्रो मुनीनां सखा .. 275
1 3 2 0904अ बण्महां असि सूर्य बडादित्य महां असि .
1 3 2 0904च् महस्ते सतो महिमा पनिष्टम मह्ना देव महां असि .. 276
1 3 2 0905अ अश्वी रथी सुरूप इद्गोमां यदिन्द्र ते सखा .
1 3 2 0905च् श्वात्रभाजा वयसा सचते सदा चन्द्रैर्याति सभामुप .. 277
1 3 2 0906अ यद्द्याव इन्द्र ते शतं शतं भूमीरुत स्युः .
1 3 2 0906च् न त्वा वज्रिन्त्सहस्रं सूर्या अनु न जातमष्ट रोदसी .. 278
1 3 2 0907अ यदिन्द्र प्रागपागुदग्न्यग्वा हूयसे नृभिः .
1 3 2 0907च् सिमा पुरू नृषूतो अस्यानवे ऽसि प्रशर्ध तुर्वशे .. 279
1 3 2 0908अ कस्तमिन्द्र त्वा वसवा मर्त्यो दधर्षति .
1 3 2 0908च् श्रद्धा हि ते मघवन्पार्ये दिवि वाजी वाजं सिषासति .. 280
1 3 2 0909अ इन्द्राग्नी अपादियं पूर्वागात्पद्वतीभ्यः .
1 3 2 0909च् हित्वा शिरो जिह्वया रारपच्चरत्त्रिंशत्पदा न्यक्रमीत् .. 281
1 3 2 0910अ इन्द्र नेदीय एदिहि मितमेधाभिरूतिभिः .
1 3 2 0910च् आ शं तम शं तमाभिरभिष्टिभिरा स्वापे स्वापिभिः .. 282
1 3 2 1001अ इत ऊती वो अजरं प्रहेतारमप्रहितम् .
1 3 2 1001च् आशुं जेतारं हेतारं रथीतममतूर्तं तुग्रियावृधम् .. 283
1 3 2 1002अ मो षु त्वा वाघतश्च नारे अस्मन्नि रीरमन् .
1 3 2 1002च् आरात्ताद्वा सधमादं न आ गहीह वा सन्नुप श्रुधि .. 284
1 3 2 1003अ सुनोत सोमपाव्ने सोममिन्द्राय वज्रिणे .
1 3 2 1003च् पचता पक्तीरवसे कृणुध्वमित्पृणन्नित्पृणते मयः .. 285
1 3 2 1004अ यः सत्राहा विचर्षणिरिन्द्रं तं हूमहे वयम् .
1 3 2 1004च् सहस्रमन्यो तुविनृम्ण सत्पते भवा समत्सु नो वृधे .. 286
1 3 2 1005अ शचीभिर्नः शचीवसू दिवानक्तं दिशस्यतम् .
1 3 2 1005च् मा वां रातिरुप दसत्कदा च नास्मद्रातिः कदा च न .. 287
1 3 2 1006अ यदा कदा च मीढुषे स्तोता जरेत मर्त्यः .
1 3 2 1006च् आदिद्वन्देत वरुणं विपा गिरा धर्त्तारं विव्रतानाम् .. 288
1 3 2 1007अ पाहि गा अन्धसो मद इन्द्राय मेध्यातिथे .
1 3 2 1007च् यः सम्मिश्लो हर्योर्यो हिरण्यय इन्द्रो वज्री हिरण्ययः .. 289
1 3 2 1008अ उभयं शृणवच्च न इन्द्रो अर्वागिदं वचः .
1 3 2 1008च् सत्राच्या मघवान्त्सोमपीतये धिया शविष्ठ आ गमत् .. 290
1 3 2 1009अ महे च न त्वाद्रिवः परा शुल्काय दीयसे .
1 3 2 1009च् न सहस्राय नायुताये वज्रिवो न शताय शतामघ .. 291
1 3 2 1010अ वस्यां इन्द्रासि मे पितुरुत भ्रातुरभुञ्जतः .
1 3 2 1010च् माता च मे छदयथः समा वसो वसुत्वनाय राधसे .. 292

चतुर्थ प्रपाठकः . प्रथमो ऽर्धः
1 4 1 0101अ इम इन्द्राय सुन्विरे सोमासो दध्याशिरः .
1 4 1 0101च् तां आ मदाय वज्रहस्त पीतये हरिभ्यां याह्योक आ .. 293
1 4 1 0102अ इम इन्द्र मदाय ते सोमाश्चिकित्र उकिथनः .
1 4 1 0102च् मधोः पपान उप नो गिरः शृणु रास्व स्तोत्राय गिर्वणः .. 294
1 4 1 0103अ आ त्वा3द्य सबर्दुघां हुवे गायत्रवेपसम् .
1 4 1 0103च् इन्द्रं धेनुं सुदुघामन्यामिषमुरुधारामरङ्कृतम् .. 295
1 4 1 0104अ न त्वा बृहन्तो अद्रयो वरन्त इन्द्र वीडवः .
1 4 1 0104च् यच्छिक्षसि स्तुवते मावते वसु न किष्टदा मिनाति ते .. 296
1 4 1 0105अ क ईं वेद सुते सचा पिबन्तं कद्वयो दधे .
1 4 1 0105च् अयं यः पुरो विभिनत्योजसा मन्दानः शिप्र्यन्धसः .. 297
1 4 1 0106अ यदिन्द्र शासो अव्रतं च्यावया सदसस्परि .
1 4 1 0106च् अस्माकमंशुं मघवन्पुरुस्पृहं वसव्ये अधि बर्हय .. 298
1 4 1 0107अ त्वष्टा नो दैव्यं वचः पर्जन्यो ब्रह्मणस्पतिः .
1 4 1 0107च् पुत्रैर्भ्रातृभिरदितिर्नु पातु नो दुष्टरं त्रामणं वचः .. 299
1 4 1 0108अ कदा च न स्तरीरसि नेन्द्र सश्चसि दाशुषे .
1 4 1 0108च् उपोपेन्नु मघवन्भूय इन्नु ते दानं देवस्य पृच्यते .. 300
1 4 1 0109अ युङ्क्ष्वा हि वृत्रहन्तम हरी इन्द्र परावतः .
1 4 1 0109च् अर्वाचीनो मघवन्त्सोमपीतय उग्र ऋष्वेभिरा गहि .. 301
1 4 1 0110अ त्वामिदा ह्यो नरो ऽपीप्यन्वज्रिन्भूर्णयः .
1 4 1 0110च् स इन्द्र स्तोमवाहस इह श्रुध्युप स्वसरमा गहि .. 302
1 4 1 0201अ प्रत्यु अदर्श्यायत्यू3च्छन्ती दुहिता दिवः .
1 4 1 0201च् अपो मही वृणुते चक्षुषा तमो ज्योतिष्कृणोति सूनरि .. 303
1 4 1 0202अ इमा उ वां दिविष्टय उस्रा हवन्ते अश्विना .
1 4 1 0202च् अयं वामह्वे ऽवसे शचीवसू विशंविशं हि गच्छथः .. 304
1 4 1 0203अ कु ष्ठः को वामश्विना तपानो देवा मर्त्यः .
1 4 1 0203च् घ्नता वामश्मया क्षपमाणोंशुनेत्थमु आदुन्यथा .. 305
1 4 1 0204अ अयं वां मधुमत्तमः सुतः सोमो दिविष्टिषु .
1 4 1 0204च् तमश्विना पिबतं तिरो अह्न्यं धत्तं रत्नानि दाशुषे .. 306
1 4 1 0205अ आ त्वा सोमस्य गल्दया सदा याचन्नहं ज्या .
1 4 1 0205च् भूर्णिं मृगं न सवनेषु चुक्रुधं क ईशानं न याचिषत् .. 307
1 4 1 0206अ अध्वर्यो द्रावया त्वं सोममिन्द्रः पिपासति .
1 4 1 0206च् उपो नूनं युयुजे वृष्णा हरी आ च जगाम वृत्रहा .. 308
1 4 1 0207अ अभी षतस्तदा भरेन्द्र ज्यायः कनीयसः .
1 4 1 0207च् पुरूवसुर्हि मघवन्बभूविथ भरेभरे च हव्यः .. 309
1 4 1 0208अ यदिन्द्र यावतस्त्वमेतावदहमीशीय .
1 4 1 0208च् स्तोतारमिद्दधिषे रदावसो न पापत्वाय रंसिषम् .. 310
1 4 1 0209अ त्वमिन्द्र प्रतूर्तिष्वभि विश्वा असि स्पृधः .
1 4 1 0209च् अशस्तिहा जनिता वृत्रतूरसि त्वं तूर्य तरुष्यतः .. 311
1 4 1 0210अ प्र यो रिरिक्ष ओजसा दिवः सदोभ्यस्परि .

1 4 1 0210च् न त्वा विव्याच रज इन्द्र पार्थिवमति विश्वं ववक्षिथ .. 312
1 4 1 0301अ असावि देवं गोऋजीकमन्धो न्यस्मिन्निन्द्रो जनुषेमुवोच .
1 4 1 0301च् बोधामसि त्वा हर्यश्व यज्ञैर्बोधा न स्तोममन्धसो मदेषु .. 313
1 4 1 0302अ योनिष्ट इन्द्र सदने अकारि तमा नृभिः पुरूहूत प्र याहि .
1 4 1 0302च् असो यथा नो ऽविता वृधश्चिद्ददो वसूनि ममदश्च सोमैः .. 314
1 4 1 0303अ अदर्दरुत्समसृजो वि खानि त्वमर्णवान्बद्बधानां अरम्णाः .
1 4 1 0303च् महान्तमिन्द्र पर्वतं वि यद्वः सृजद्धारा अव यद्दानवान्हन् .. 315
1 4 1 0304अ सुष्वाणास इन्द्र स्तुमसि त्वा सनिष्यन्तश्चित्तुविनृम्ण वाजम् .
1 4 1 0304च् आ नो भर सुवितं यस्य कोना तना त्मना सह्यामा त्वोताः .. 316
1 4 1 0305अ जगृह्मा ते दक्षिणमिन्द्र हस्तं वसूयवो वसुपते वसूनाम् .
1 4 1 0305च् विद्मा हि त्वा गोपतिं शूर गोनामस्मभ्यं चित्रं वृषणं रयिन्दाः .. 317
1 4 1 0306अ इन्द्रं नरो नेमधिता हवन्ति यत्पार्या युनजते धियस्ताः .
1 4 1 0306च् शूरो नृषाता श्रवसश्च काम आ गोमति व्रजे भजा त्वं नः .. 318
1 4 1 0307अ वयः सुपर्णा उप सेदुरिन्द्रं प्रियमेधा ऋषयो नाधमानाः .
1 4 1 0307च् अप ध्वान्तमूर्णुहि पूर्धि चक्षुर्मुमुग्ध्या3स्मान्निधयेव बद्धान् .. 319
1 4 1 0308अ नाके सुपर्णमुप यत्पतन्तं हृदा वेनन्तो अभ्यचक्षत त्वा .
1 4 1 0308च् हिरण्यपक्षं वरुणस्य दूतं यमस्य योनौ शकुनं भुरण्युम् .. 320
1 4 1 0309अ ब्रह्म जज्ञानं प्रथमं पुरस्ताद्वि सीमतः सुरुचो वेन आवः .
1 4 1 0309च् स बुध्न्या उपमा अस्य विष्ठाः सतश्च योनिमसतश्च विवः .. 321
1 4 1 0310अ अपूर्व्या पुरुतमान्यस्मै महे वीराय तवसे तुराय .
1 4 1 0310च् विरप्शिने वज्रिणे शन्तमानि वचांस्यास्मै स्थविराय तक्षुः .. 322
1 4 1 0401अ अव द्रप्सो अंशुमतीमतिष्ठदीयानः कृष्णो दशभिः सहस्रैः .
1 4 1 0401च् आवत्तमिन्द्रः शच्या धमन्तमप स्नीहितिं नृमणा अधद्राः .. 323
1 4 1 0402अ वृत्रस्य त्वा श्वसथादीषमाणा विश्वे देवा अजहुर्ये सखायः .
1 4 1 0402च् मरुद्भिरिन्द्र सख्यं ते अस्त्वथेमा विश्वाः पृतना जयासि .. 324
1 4 1 0403अ विधुं दद्राणं समने बहूनां युवानं सन्तं पलितो जगार .
1 4 1 0403च् देवस्य पश्य काव्यं महित्वाद्या ममार स ह्यः समान .. 325
1 4 1 0404अ त्वं ह त्यत्सप्तभ्यो जायमानो ऽशत्रुभ्यो अभवः शत्रुरिन्द्र .
1 4 1 0404च् गूढे द्यावापृथिवी अन्वविन्दो विभुमद्भ्यो भुवनेभ्यो रणं धाः .. 326
1 4 1 0405अ मेडिं न त्वा वज्रिणं भृष्टिमन्तं पुरुधस्मानं वृषभं स्थिरप्स्नुम् .
1 4 1 0405च् करोष्यर्यस्तरुषीर्दुवस्युरिन्द्र द्युक्षं वृत्रहणं गृणीषे .. 327
1 4 1 0406अ प्र वो महे महेवृधे भरध्वं प्रचेतसे प्र सुमतिं कृणुध्वम् .
1 4 1 0406अ विशः पूर्वीः प्र चर चर्षणिप्राः .. 328
1 4 1 0407अ शुनं हुवेम मघवानमिन्द्रमस्मिन्भरे नृतमं वाजसातौ .
1 4 1 0407च् शृण्वन्तमुग्रमूतये समत्सु ध्नन्तं वृत्राणि सञ्जितं धनानि .. 329
1 4 1 0408अ उदु ब्रह्माण्यैरत श्रवस्येन्द्रं समर्ये महया वसिष्ठ .
1 4 1 0408च् आ यो विश्वानि श्रवसा ततानोपश्रोता म ईवतो वचांसि .. 330
1 4 1 0409अ चक्रं यदस्याप्स्वा निषत्तमुतो तदस्मै मध्विच्चच्छद्यात् .
1 4 1 0409च् पृथिव्यामतिषितं यदूधः पयो गोष्वदधा ओषधीषु .. 331
1 4 1 0501अ त्यमू षु वाजिनं देवजूतं सहोवानं तरुतारं रथानाम् .

1 4 1 0501च् अरिष्टनेमिं पृतनाजमाशुं स्वस्तये तार्क्ष्यमिहा हुवेम .. 332
1 4 1 0502अ त्रातारमिन्द्रमवितारमिन्द्रं हवेहवे सुहवं शूरमिन्द्रम् .
1 4 1 0502च् हुवे नु शक्रं पुरुहूतमिन्द्रमिदं हविर्मघवा वेत्विन्द्रः .. 333
1 4 1 0503अ यजामह इन्द्रं वज्रदक्षिणं हरीणां रथ्य3ं विव्रतानाम् .
1 4 1 0503च् प्र श्मश्रुभिर्दोधुवदूर्ध्वधा भुवद्वि सेनाभिर्भयमानो वि राधसा .. 334
1 4 1 0504अ सत्राहणं दाधृषिं तुम्रमिन्द्रं महामपारं वृशभं सुवज्रम् .
1 4 1 0504च् हन्ता यो वृत्रं सनितोत वाजं दाता मघानि मघवा सुराधाः .. 335
1 4 1 0505अ यो नो वनुष्यन्नभिदाति मर्त उगणा वा मन्यमानस्तुरो वा .
1 4 1 0505च् क्षिधी युधा शवसा वा तमिन्द्राभी ष्याम वृषमणस्त्वोताः .. 336
1 4 1 0506अ यं वृत्रेषु क्षितय स्पर्धमाना यं युक्तेषु तुरयन्तो हवन्ते .
1 4 1 0506च् यं शूरसातौ यमपामुपज्मन्यं विप्रासो वाजयन्ते स इन्द्रः .. 337
1 4 1 0507अ इन्द्रापर्वता बृहता रथेन वामीरिष आ वहतं सुवीराः .
1 4 1 0507च् वीतं हव्यान्यध्वरेषु देवा वर्धेथां गीर्भीरिडया मदन्ता .. 338
1 4 1 0508अ इन्द्राय गिरो अनिशितसर्गा अपः प्रैरयत्सगरस्य बुध्नात् .
1 4 1 0508च् यो अक्षेणेव चक्रियौ शचीभिर्विष्वक्तस्तम्भ पृथिवीमुत द्याम् .. 339
1 4 1 0509अ आ त्वा सखायः सख्या ववृत्युस्तिरः पुरू चिदर्णवां जगम्याः .
1 4 1 0509च् पितुर्नपातमा दधित वेधा अस्मिन्क्षये प्रतरां दीद्यानः .. 340
1 4 1 0510अ को अद्य युङ्क्ते धुरि गा ऋतस्य शिमीवतो भामिनो दुर्हृणायून् .
1 4 1 0510च् आसन्नेषामप्सुवाहो मयोभून्य एषां भृत्यामृणधत्स जीवात् .. 341
चतुर्थ प्रपाठकः . द्वितीयो ऽर्धः
1 4 2 0601अ गायन्ति त्वा गायत्रिणो ऽर्चन्त्यर्कमर्किणः .
1 4 2 0601च् ब्रह्माणस्त्वा शतक्रत उद्वंशमिव येमिरे .. 342
1 4 2 0602अ इन्द्रं विश्वा अवीवृधन्त्समुद्रव्यचसं गिरः .
1 4 2 0602च् रथीतमं रथीनां वाजानां सत्पतिं पतिम् .. 343
1 4 2 0603अ इममिन्द्र सुतं पिब ज्येष्ठममर्त्यं मदम् .
1 4 2 0603च् शुक्रस्य त्वाभ्यक्षरन्धारा ऋतस्य सादने .. 344
1 4 2 0604अ यदिन्द्र चित्र म इह नास्ति त्वादातमद्रिवः .
1 4 2 0604च् राधस्तन्नो विदद्वस उभयाहस्त्या भर .. 345
1 4 2 0605अ श्रुदी हवं तिरश्च्या इन्द्र यस्त्वा सपर्यति .
1 4 2 0605च् सुवीर्यस्य गोमतो रायस्पूर्धि महां असि .. 346
1 4 2 0606अ असावि सोम इन्द्र ते शविष्ठ धृष्णवा गहि .
1 4 2 0606च् आ त्वा पृणक्त्विन्द्रियं रजः सूर्यो न रश्मिभिः .. 347
1 4 2 0607अ एन्द्र याहि हरिभिरुप कण्वस्य सुष्टुतिम् .
1 4 2 0607च् दिवो अमुष्य शासतो दिवं यय दिवावसो .. 348
1 4 2 0608अ आ त्वा गिरो रथीरिवास्थुः सुतेषु गिर्वणः .
1 4 2 0608च् अभि त्वा समनूषत गावो वत्सं न धेनवः .. 349
1 4 2 0609अ एतो न्विन्द्रं स्तवाम शुद्धं शुद्धेन साम्ना .
1 4 2 0609च् शुद्धैरुक्थैर्वावृध्वांसं शुद्धैराशीर्वान्ममत्तु .. 350
1 4 2 0610अ यो रयिं वो रयिन्तमो यो द्युम्नैर्द्युम्नवत्तमः .
1 4 2 0610च् सोमः सुतः स इन्द्र ते ऽस्ति स्वधापते मदः .. 351

1 4 2 0701अ प्रत्यस्मै पिपीषते विश्वानि विदुषे भर .
1 4 2 0701च् अरङ्गमाय जग्मये ऽपश्चादध्वने नरः .. 352
1 4 2 0702अ आ नो वयोवयःशयं महान्तं गह्वरेष्ठां महान्तं पूर्विनेष्ठाम् .
1 4 2 0702च् उग्रं वचो अपावधीः .. 353
1 4 2 0703अ आ त्वा रथं यथोतये सुम्नाय वर्तयामसि .
1 4 2 0703च् तुविकूर्मिमृतीषहमिन्द्रं शविष्ठ सत्पतिम् .. 354
1 4 2 0704अ स पूर्व्यो महोनां वेनः क्रतुभिरानजे .
1 4 2 0704च् यस्य द्वारा मनुः पिता देवेषु धिय आनजे .. 355
1 4 2 0705अ यदी वहन्त्याशवो भ्राजमाना रथेष्वा .
1 4 2 0705च् पिबन्तो मदिरं मधु तत्र श्रवांसि कृण्वते .. 356
1 4 2 0706अ त्यमु वो अप्रहणं गृणीषे शवसस्पतिम् .
1 4 2 0706च् इन्द्रं विश्वासाहं नरं शचिष्ठं विश्ववेदसम् .. 357
1 4 2 0707अ दधिक्राव्णो अकारिषं जिष्णोरश्वस्य वाजिनः .
1 4 2 0707च् सुरभि नो मुखा करत्प्र न आयूंषि तारिषत् .. 358
1 4 2 0708अ पुरां भिन्दुर्युवा कविरमितौजा अजायत .
1 4 2 0708च् इन्द्रो विश्वस्य कर्मणो धर्त्ता वज्री पुरुष्टुतः .. 359
1 4 2 0801अ प्रप्र वस्त्रिष्टुभमिषं वन्दद्वीरायेन्दवे .
1 4 2 0801च् धिया वो मेधसातये पुरन्ध्या विवासति .. 360
1 4 2 0802अ कश्यपस्य स्वर्विदो यावाहुः सयुजाविति .
1 4 2 0802च् ययोर्विश्वमपि व्रतं यज्ञं धीरा निचाय्य .. 361
1 4 2 0803अ अर्चत प्रार्चता नरः प्रियमेधासो अर्चत .
1 4 2 0803च् अर्चन्तु पुत्रका उत पुरमिद्धृष्ण्वर्चत .. 362
1 4 2 0804अ उक्थमिन्द्राय शंस्यं वर्धनं पुरुनिःषिधे .
1 4 2 0804च् शक्रो यथा सुतेषु नो रारणत्सख्येषु च .. 363
1 4 2 0805अ विश्वानरस्य वस्पतिमनानतस्य शवसः .
1 4 2 0805च् एवैश्च चर्षणीनामूती हुवे रथानाम् .. 364
1 4 2 0806अ स घा यस्ते दिवो नरो धिया मर्तस्य शमतः .
1 4 2 0806च् ऊती स बृहतो दिवो द्विषो अंहो न तरति .. 365
1 4 2 0807अ विभोष्ट इन्द्र राधसो विभ्वी रातिः शतक्रतो .
1 4 2 0807च् अथा नो विश्वचर्षणे द्युम्नं सुदत्र मंहय .. 366
1 4 2 0808अ वयश्चित्ते पतत्रिणो द्विपाच्चतुष्पादर्जुनि .
1 4 2 0808च् उषः प्रारन्नृतूंरनु दिवो अन्तेभ्यस्परि .. 367
1 4 2 0809अ अमी ये देवा स्थन मध्य आ रोचने दिवः .
1 4 2 0809च् कद्व ऋतं कदमृतं का प्रत्ना व आहुतिः .. 368
1 4 2 0810अ ऋचं साम यजामहे याभ्यां कर्माणि कृण्वते .
1 4 2 0810च् वि ते सदसि राजतो यज्ञं देवेषु वक्षतः .. 369
1 4 2 0901अ विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे .
1 4 2 0901च् क्रत्वे वरे स्थेमन्यामुरीमुतोग्रमोजिष्ठं तरसं तरस्विनम् .. 370
1 4 2 0902अ श्रत्ते दधामि प्रथमाय मन्यवे ऽहन्यद्दस्युं नर्यं विवेरपः .
1 4 2 0902च् उभे यत्वा रोदसी धावतामनु भ्यसात्ते शुष्मात्पृथिवी चिदद्रिवः .. 371

1 4 2 0903अ समेत विश्वा ओजसा पतिं दिवो य एक इद्भूरतिथिर्जनानाम्
1 4 2 0903च् स पूर्व्यो नूतनमाजिगीषं तं वर्त्तनीरनु वावृत एक इत् .. 372
1 4 2 0904अ इमे त इन्द्र ते वयं पुरुष्टुत ये त्वारभ्य चरामसि प्रभूवसो .
1 4 2 0904च् न हि त्वदन्यो गिर्वणो गिरः सघत्क्षोणीरिव प्रति तद्धर्य नो वचः .. 373
1 4 2 0905अ चर्षणीधृतं मघवानमुक्थ्या3मिन्द्रं गिरो बृहतीरभ्यनूषत .
1 4 2 0905च् वावृधानं पुरुहूतं सुवृक्तिभिरमर्त्यं जरमाणं दिवेदिवे .. 374
1 4 2 0906अ अच्छा व इन्द्रं मतयः स्वर्युवः सध्रीचीर्विश्वा उशतीरनूषत .
1 4 2 0906च् परि ष्वजन्त जनयो यथा पतिं मर्यं न शुन्ध्युं मघवानमूतये .. 375
1 4 2 0907अ अभि त्यं मेषं पुरुहूतमृग्मियमिन्द्रं गीर्भिर्मदता वस्वो अर्णवम् .
1 4 2 0907च् यस्य द्यावो न विचरन्ति मानुषं भुजे मंहिष्ठमभि विप्रमर्चत .. 376
1 4 2 0908अ त्यं सु मेषं महया स्वर्विदं शतं यस्य सुभुवः साकमीरते .
1 4 2 0908च् अत्यं न वाजं हवनस्यदं रथमेन्द्रं ववृत्यामवसे सुवृक्तिभिः .. 377
1 4 2 0909अ घृतवती भुवनानामभिश्रियोर्वी पृथ्वी मधुदुघे सुपेशसा .
1 4 2 0909च् द्यावापृथिवी वरुणस्य धर्मणा विष्कभिते अजरे भूरिरेतसा .. 378
1 4 2 0910अ उभे यदिन्द्र रोदसी आपप्राथोषा इव .
1 4 2 0910च् महान्तं त्वा महीनां सम्राजं चर्षणीनाम् .
1 4 2 0910ए देवी जनित्र्यजीजनद्भद्रा जनित्र्यजीजनत् .. 379
1 4 2 0911अ प्र मन्दिने पितुमदर्चता वचो यः कृष्णगर्भा निरहन्नृजिश्वना .
1 4 2 0911च् अवस्यवो वृषणं वज्रदक्षिणं मरुत्वन्तं सख्याय हुवेमहि .. 380
1 4 2 1001अ इन्द्र सुतेषु सोमेषु क्रतुं पुनीष उक्थ्यम् .
1 4 2 1001च् विदे वृधस्य दक्षस्य महां हि षः .. 381
1 4 2 1002अ तमु अभि प्र गायत पुरुहूतं पुरुष्टुतम् .
1 4 2 1002च् इन्द्रं गीर्भिस्तविषमा विवासत .. 382
1 4 2 1003अ तं ते मदं गृणीमसि वृषणं पृक्षु सासहिम् .
1 4 2 1003च् उ लोककृत्नुमद्रिवो हरिश्रियम् .. 383
1 4 2 1004अ यत्सोममिन्द्र विष्णवि यद्वा घ त्रित आप्त्ये .
1 4 2 1004च् यद्वा मरुत्सु मन्दसे समिन्दुभिः .. 384
1 4 2 1005अ एदु मधोर्मदिन्तरं सिञ्चाध्वर्यो अन्धसः .
1 4 2 1005च् एवा हि वीरस्तवते सदावृधः .. 385
1 4 2 1006अ एन्दुमिन्द्राय सिञ्चत पिबाति सोम्यं मधु .
1 4 2 1006च् प्र राधांसि चोदयते महित्वना .. 386
1 4 2 1007अ एतो न्विन्द्रं स्तवाम सखायः स्तोम्यं नरम् .
1 4 2 1007च् कृष्टीर्यो विश्वा अभ्यस्त्येक इत् .. 387
1 4 2 1008अ इन्द्राय साम गायत विप्राय बृहते बृहत् .
1 4 2 1008च् ब्रह्मकृते विपश्चिते पनस्यवे .. 388
1 4 2 1009अ य एक इद्विदयते वसु मर्ताय दाशुषे .
1 4 2 1009च् ईशानो अप्रतिष्कुत इन्द्रो अङ्ग .. 389
1 4 2 1010अ सखाय आ शिषामहे ब्रह्मेन्द्राय वज्रिणे .
1 4 2 1010च् स्तुष ऊ षु वो नृतमाय धृष्णवे .. 390
पञ्चम प्रपाठकः . प्रथमो ऽर्धः