ऋग्वेद · अध्याय 7.017

अग्ने भव सुषमिधा समिद्ध उत बर्हिर् उर्विया वि स्तृणीताम् ॥

उत द्वार उशतीर् वि श्रयन्ताम् उत देवाँ उशत आ वहेह ॥

अग्ने वीहि हविषा यक्षि देवान् स्वध्वरा कृणुहि जातवेदः ॥

स्वध्वरा करति जातवेदा यक्षद् देवाँ अमृतान् पिप्रयच् च ॥

वंस्व विश्वा वार्याणि प्रचेतः सत्या भवन्त्व् आशिषो नो अद्य ॥

त्वाम् उ ते दधिरे हव्यवाहं देवासो अग्न ऊर्ज आ नपातम् ॥

ते ते देवाय दाशतः स्याम महो नो रत्ना वि दध इयानः ॥