ऋग्वेद · अध्याय 6.042

प्रत्य् अस्मै पिपीषते विश्वानि विदुषे भर ।
अरंगमाय जग्मये ऽपश्चाद्दघ्वने नरे ॥

एम् एनम् प्रत्येतन सोमेभिः सोमपातमम् ।
अमत्रेभिर् ऋजीषिणम् इन्द्रं सुतेभिर् इन्दुभिः ॥

यदी सुतेभिर् इन्दुभिः सोमेभिः प्रतिभूषथ ।
वेदा विश्वस्य मेधिरो धृषत् तं-तम् इद् एषते ॥

अस्मा-अस्मा इद् अन्धसो ऽध्वर्यो प्र भरा सुतम् ।
कुवित् समस्य जेन्यस्य शर्धतो ऽभिशस्तेर् अवस्परत् ॥