ऋग्वेद · अध्याय 5.050

विश्वो देवस्य नेतुर् मर्तो वुरीत सख्यम् ।
विश्वो राय इषुध्यति द्युम्नं वृणीत पुष्यसे ॥

ते ते देव नेतर् ये चेमाँ अनुशसे ।
ते राया ते ह्य् आ3पृचे सचेमहि सचथ्यैः ॥

अतो न आ नॄन् अतिथीन् अतः पत्नीर् दशस्यत ।
आरे विश्वम् पथेष्ठां द्विषो युयोतु यूयुविः ॥

यत्र वह्निर् अभिहितो दुद्रवद् द्रोण्यः पशुः ।
नृमणा वीरपस्त्यो ऽर्णा धीरेव सनिता ॥

एष ते देव नेता रथस्पतिः शं रयिः ।
शं राये शं स्वस्तय इषःस्तुतो मनामहे देवस्तुतो मनामहे ॥