ऋग्वेद · अध्याय 5.022

प्र विश्वसामन्न् अत्रिवद् अर्चा पावकशोचिषे ।
यो अध्वरेष्व् ईड्यो होता मन्द्रतमो विशि ॥

न्य् अ1ग्निं जातवेदसं दधाता देवम् ऋत्विजम् ।
प्र यज्ञ एत्व् आनुषग् अद्या देवव्यचस्तमः ॥

चिकित्विन्मनसं त्वा देवम् मर्तास ऊतये ।
वरेण्यस्य ते ऽवस इयानासो अमन्महि ॥

अग्ने चिकिद्ध्य् अ1स्य न इदं वचः सहस्य ।
तं त्वा सुशिप्र दम्पते स्तोमैर् वर्धन्त्य् अत्रयो गीर्भिः शुम्भन्त्य् अत्रयः ॥