ऋग्वेदसंहिता, पदपाठ · अध्याय 3.37

॥20॥.
-र्व्_3:2।21-
(र्व्_3,37)
वार्त्र-हत्याय । शवसे । पृतनासह्याय । च । इन्द्र । त्वा । वरयामसि

अर्वाचीनम् । सु । ते । मनः । उत । चक्षुः । शतक्रतो इतिशत-क्रतो । इन्द्र । कृण्वन्तु । वाघतः

नामानि । ते । शतक्रतो इतिशत-क्रतो । विश्वाभिः । गीः-भिः । ईमहे । इन्द्र । अभिमाति-सह्ये

पुरु-स्तुतस्य । धाम-भिः । शतेन । महयामसि । इन्द्रस्य । चर्षणि-धृतः

इन्द्रम् । वृत्राय । हन्तवे । पुरु-हूतम् । उप । ब्रुवे । भरेषु । वाज-सातये

॥21॥.
-र्व्_3:2।22-
वाजेषु । ससहिः । भव । त्वाम् । ईमहे । शतक्रतो इतिशत-क्रतो । इन्द्र । वृत्राय । हन्तवे

द्युम्नेषु । पृतनाज्ये । पृत्सुतूर्षु । श्रवः-सु । च । इन्द्र । साक्ष्व । अभि-मातिषु

शुष्मिन्-तमम् । न । ऊतये । द्युम्निनम् । पाहि । जागृविम् । इन्द्र । सोमम् । शतक्रतो इतिशत-क्रतो

इन्द्रियाणि । शतक्रतो इतिशत-क्रतो । या । ते । जनेषु । पञ्च-सु । इन्द्र । तानि । ते । आ । वृणे

अगन् । इन्द्र । श्रवः । बृहत् । द्युम्नम् । दधिष्व । दुस्तरम् । उत् । ते । शुष्मम् । तिरामसि

अर्वावतः । नः । आ । गहि । अथो इति । शक्र । परावतः । ओं इति । लोकः । यः । ते । अद्रि-वः । इन्द्र । इह । ततः । आ । गहि