ऋग्वेदसंहिता, पदपाठ · अध्याय 3.16

॥15॥.
-र्व्_3:1।16-
(र्व्_3,16)
अयम् । अग्निः । सु-वीर्यस्य । ईशे । महः । सौभगस्य । रायः । ईशे । सु-अअपत्यस्य । गो--मतः । ईशे । वृत्र-हथानाम्

इमम् । नरः । मरुतः । सश्चत । वृधम् । यस्मिन् । रायः । शे--वृधासः । अभि । ये । सन्ति । पृतनासु । दुः-ध्यः । विश्वाहा । शत्रुम् । आदभुः

सः । त्वम् । नः । रायः । शिशीहि । मीढवः । अग्ने । सु-वीर्यस्य । तुवि-द्युम्न । वर्षिष्ठस्य । प्रजावतः । अनमीवस्य । शुष्मिणः

चक्रिः । यः । विश्वा । भुवना । अभि । ससहिः । चक्रिः । देवेषु । आ । दुवः । आ । देवेषु । यतते । आ । सु-वीर्ये । आ । शंसे । उत । नृणाम्

मा । नः । अग्ने । अमतये । मा । अवीरतायै । रीरधः । मा । अगोतायै । सहसः । पुत्र । मा । निदे । अप । द्वेषांसि । आ । कृधि

शग्धि । वाजस्य । सु-भग । प्रजावतः । अग्ने । बृहतः । अध्वरे । सम् । राया । भूयसा । सृज । मयः-भुना । तुवि-द्युम्न । यशस्वता